鳥山名

营业中

休息中

今日公眾假期, 去左荃灣行下街。Lunch time見到呢間日本野有人排隊, 原來是在等14:15 的下午茶, 就決定試呢間!因為身體問題, 只可以食到蟹柳烏冬。如果唔係, 下次再黎會食魚生刺身飯/牛肉鳥冬  個蟹柳烏冬都幾TRY架講真, 無乜特別可言。不過都有茶碗蒸蛋同埋沙律小吃。 朋友嗌左海七飯, (北海甜蝦, 三文魚, 真鯛, 油甘魚, 鮮帶子, 拖羅茸,馬糞海膽) 佢話好好食, 會再ENCORE~最後, 我地叫多個燒魷魚鬚串食。 呢碟有d驚喜, 雖然送到黎既時候已經凍凍地 (唔知點解 lol), 但係仍然好有味道 好香口燒得!  就我而言, 我覺得呢間正正常常 無咩特別出色之作。不過可能是次我只能食蟹柳烏冬, 不能作準。下次有機會再來 + 身體好返時, 一定會食其他餸!

老婆生日，一年一度，不過今年屋企有啲小維修工程要搞，所以，套番舊年咁，睇場早場（神探伽利略），再食餐晏晝飯，之後，都仲要返屋企繼續啲維修嘢。俾佢揀食乜，佢都喺揀番「鳥山名」，因為佢話呢度嘅銀鱈魚喺最抵食。咁又喺，求先睇完戲，經過「如心二期」都有間日本菜「鮨樂」，同樣有銀鱈魚定食，價錢平幾十，但就得一嚿銀鱈魚，性價比相對無咁高。 環境就唔多講，因為之前嘅食評都講過好幾次，但假期關係，門口有人等入座，裡面又坐滿客，都幾多人幫襯。而入座時已講明用餐限時一個鐘，所以，流轉快，等位唔會耐，咁食個午餐，一個鐘都OK嘅。 枱上放有簡單嘅調味料，送上入口舒服嘅玄米茶。點菜用二維碼自行落單，如果唔熟悉操作嘅客人，亦可以直接搵店員幫手。小弟就叫咗假日午餐定食，定價相宜少少，又有餐飲送，老婆一心一意點嘅銀鱈魚定食就要向主餐牌埋手，所以，相對會貴啲。 壽司定食配手打烏冬 $134 之前試過佢啲刺身丼、吉列豬扒定食，出咗新一輪消費券今回就食貴少少要個壽司定食，一客有8件，仲配一大碗手打烏冬，並伴有沙律、前菜、茶碗蒸、甜品及餐飲，所以，份量肯定好足。先講講啲沙律、前菜、茶碗蒸、甜品，沙律喺簡單嘅沙律菜伴柚子醋，前

今日嚟荃灣愉景新城同朋友食飯，呢間位於地下嘅餐廳「鳥山名」，餐牌選擇豐富，環境舒適，有吧枱位同梳化位，裝修佈置結合日式居酒屋及現代風格。🦪北海道仙鳳趾真蠔 $88/隻🤩第一次見到手掌咁大隻蠔，好有光澤又飽滿，海水味濃郁，蠔味濃郁，完全唔腥，口感肥美creamy，配上日式醬油同檸檬汁帶出蠔嘅鮮味，必食推介👍🏻海鰻壽司 $38海鰻燒得好香，口感細緻冇咩骨，醬汁濃厚但又唔會太鹹🍣壽司定食 $148包括季節壽司8件，卷物4件，麵豉湯，前菜，沙律🥗， 甜品。加州卷有驚喜，外面嘅蟹籽脆卜卜，真係咬開會有「卜卜」聲；壽司整體非常新鮮，壽司飯亦握得好，軟硬適中，醋米比例啱啱好，飯亦都係暖暖嘅 。安格斯牛肉手打烏冬 $92烏冬滑lulu, 口感煙韌；湯底好清又唔會太鹹；安格斯牛肉牛味香濃，口感細滑。整體來講，食物選擇豐富，質素都唔錯；環境舒適；店員服務態度親切有禮，不時主動添茶同留意客人需要。

這商場假日很多人，經過也發現餐廳很多人排隊，因此來了個平日放工時間～少點人呢，棒，棒～餐廳裝橫是日式為主調，感覺很有旅行輕鬆感覺，餐廳很大，入面位置很好，店內主打刺身壽司飯小吃和定吃，朋友每樣也點之試試～味淋魚干魚干是河豚的俗稱，高級的海鮮美食，店子的味醂是以味醂醃裝後烘乾，吃得到油脂很清香。魚干最適宜燒烤或烤焗，店子制成後剪開一條一條，拈上沙律，棒，魚干益處是含豐富對腦部健康有重大的益處之豐富的膠原蛋白，棒，女士養顏必需之物～它同時又含大量鈣質，低卡路里，清除體內毒素和多餘水份～促進新陳代謝健脾，棒。沙律醬，令味道更提高～如配上酒，相信更是最佳配搭。店子日本的限定直送也不要錯過，日本刺身好吃竹纖魚魚體略黃，岩礁竹纖魚，魚身較厚，油脂感香。池魚類入面最矜貴之品種，秋天是它當造期。不錯，魚肉纖維幼細，好好吃溫泉蛋和風燒牛肉丼好吃日式牛肉，燒肉丼感覺很棒，賣相非常之吸引喔～牛肉，牛量算多，是薄片的，生熟度好，不會很韌～秘製牛肉汁，配合啖啖日式牛肉，擺盤上有心思自然感覺很是輕鬆～季節推介食物也很棒，店子的服務態度好，環境棒棒～食物以定吃形式呈現，湯色澤金黃，很吸引！入口濃郁，餘韻口中停留很耐

荃灣愉景新城日式地道居酒屋- 鳥山名🎌提供高水準日本料理🍣 日本直送材料 ✈️並引入新派日式高級料理、手握壽司、特式串燒、新式鍋物等等🍲仲會有Party到會添🚗隨時隨地都食到高質日本菜🤩今次試咗壽司長季節推介餐牌👨🏻‍🍳分別試咗：🟤海鰻壽司🟠金目鯛壽司🔴拖羅鯖魚壽司🟡石垣貝刺身⚪️味淋魚翅魚生新鮮嫩甜同肥美😛飯粒煙韌帶醋香😚入口油香味四溢😍石垣貝刺身鮮甜爽口😛另外亦叫咗三文魚刺身同三文魚腩壽司🍣同樣新鮮肥美🤤而味淋魚翅賣相同質感似雞泡魚干,醃製後再烘乾,油脂清香,可以點埋沙律醬一齊食😛除咗壽司同刺身外,仲叫咗七味燒雞軟骨串燒、墨魚鬆串燒、燒味淋雞泡魚干、牛肉蒜片薄燒🐮串燒香口惹味😛牛肉蒜片薄燒係我至愛😍牛肉再包住脆香蒜片同蔥花,口感香脆嫩滑,肉質細膩😚

今日食飯朋友揀左呢間餐廳，係愉景新城有啲難搵，但原來係玩具反斗城對面。餐廳既裝修幾開揚，有唔少日本裝飾，而且位置都舒服，相信好啱一家大細行完街黎食～✨拖羅鯖魚刺身一開頭有啲驚好腥，但係點知食落完全唔會。鯖魚有豐富嘅油脂，但係加咗醋醃製之後就變得清新，亦都減輕左油膩嘅感覺，值得一試！✨竹纖魚壽司&鰹魚壽司呢兩種魚都係第一次食，感覺亦都好少地方有得叫。竹纖魚軟身冇腥味，反而有淡淡既鮮甜味。而於鰹魚脂肪含量比較少，口感爽口清新，而且因為輕輕燒過嘅關係，帶有少少煙燻氣味，層次分明。✨網燒安格斯西冷牛扒定食呢個定食set好豐富，有湯、小菜、甜品、凡。牛扒燒到啱啱好，入面仲係粉紅色，咬落多汁鮮嫩。最中意既係佢提供左芥末子醬，令到啲肉冇咁heavy~✨ 博多牛腸火鍋一鍋入面有洋蔥、椰菜、韭菜、同牛腸。牛腸切開咗，洗得好乾淨，唔會有異味，亦都唔會成舊擦子膠咁咬唔郁，而且份量都幾多。湯底係味噌口味，濃郁鮮美，用嚟煮麵應該唔錯。可惜我同朋友太飽啦，攞嚟撈飯都好好食。

荃灣愉景新城有間人氣日式料理居酒屋，有時令刺身、生蠔、日本直送和牛，清酒同日式料理都有，好多選擇得黎都坐得好舒服🫶🏻🦪北海道仙鳳趾真蠔 $70呢個係季節限定menu 先有既，北海道直送，好大隻同好有海水味🍣宮崎和牛壽司 $70入口即溶，舊和牛油脂分布均勻，帶點肥美|🍣海鰻卷 $48哩個還可以，幾fresh🥘安格斯牛肉火鍋 $130最鐘意壽喜燒湯底，有好多安格斯牛係入面，仲有菜、豆腐、冬菇、粉絲等等，亦都可以再追加配料，少少美中不足係個雞蛋唔係日本蛋，見到簡體字 🍍燒菠蘿 $28 ｜🍠日本產金時番薯 $36燒物都好食，菠蘿唔酸，番薯都好厚身，不過掛住影相食嗰陣唔夠熱🦴燒味淋雞泡魚干 $68味淋雞泡魚乾是以味淋醃裝後烘乾，今次食哩個偏軟身，可以再脆口啲

週末放假去愉景新城睇傢俬，見到間日本嘢裝修得幾靚去食好西😎安格斯牛肉火鍋🐮安格斯牛肉肥瘦比例均勻，好重牛肉味用料上乘，仲有好多皇帝菜，豆腐，金菇粉絲冬菇等等配料，抵食！三文魚腩赤海老芥辣章魚飯三文魚腩好新鮮夠晒肥美，好多片🫢過足口癮赤海老有三隻，超大隻！好鮮甜😆好耐冇食過廚師發板，依度有秋天推介食物，忍唔住自己自製一個五味嘅廚師發板鰹魚壽司🍣有火炙過，有少少煙熏味道，魚肉魚質偏淋石垣貝 刺身🐚超級爽甜嘅貝類！香港真係唔係度度有得食金目鯛壽司🍣好爽口鮮甜，有魚味😙秋刀魚 壽司🐟秋刀魚刺身要新鮮先唔會有腥味，呢度好新鮮！海鰻卷🐬海曼卷都有大大嚿海鰻架🤡嘢食新鮮，哥哥仔服務態度幾好！讚！

個餐廳名幾得意就試試驚喜地個鍋物超正💕.◽️雪花牛肋條地獄火鍋 $165份量好驚人絕對係二人份地獄湯底有啲辛辣好惹味牛肋條都幾軟腍仲索哂湯底味配料全部都好正👍🏻包括粉絲、豆腐、金菇、🍄、韭菜特別鍾意粉絲～超級入味🥹.◽️吉列豬扒定食 $89炸皮都算幾薄身唔會太重粉感吉列豬扒食落都算juicy～如果再厚身啲仲好呢個Set都幾抵食仲包埋前菜、甜品、白飯、麵豉湯.◽️是日壽司長推介 ─ 各款壽司海鰻卷 $48 一盒有六件都幾抵食銀鱈魚壽司 $25、鰹魚壽司 $25、秋刀魚壽司$28即叫即整～壽司吧出品特別鍾意銀鱈魚壽司平時出面好少見銀鱈魚豐富嘅油脂食落真係好滿足鰹魚壽司、秋刀魚壽司正常發揮.仲有賣好多sake．壽司．炸物等私心推薦係佢哋嘅鍋物💯

🥰😍終於有得番鄉下🤣恭祝香港人有得番鄉下啦。雖然我都仲要期待下先，不過昨日去住呢間感受下日本氣氛先啦😆星期五晚幾多人等位，可能個性價比都幾高，同多款選擇揀。有壽司，刺身，串燒，燒物小食，定食，鍋物..有生有熟食，總有款合適你😃店鋪位於愉景新城，同小朋友玩完，就可以過去坐下食埋晚飯好方便。地方都有少少居酒屋feel, 不過都算地方寬敞，係疫情下都係隔一段距離安心d ge.叫左兩款刺身，未食過鯖魚刺身，都幾鮮但唔會腥😇同一個石恒具，😊雖然少少貴但真係好鮮甜😉另外，叫左個海鮮炒飯都好大碟同有三文魚好正，無偷工減料。再叫左牛油果軟殼蟹卷同燒雞翼。😍唔好意思，兩個女仔似乎大食左😋但十分滿足。心靈大掃除，就係要咩都掃掃掃，掃走晒d 霉氣💪🏻大家都要呀，閒時心靈掃一掃，就唔洗定時食兩粒兩粒啦🤪（爛gag)後記： 仲有職員都keep 住斟茶，同我同朋友唔小心前後腳拎左位，職員都好有禮貌同好好幫我安排番位置，唔會嫌我哋煩🤭

今次黎左荃灣愉景新城嘅地道居酒屋 最鍾意居酒屋乜嘢都有得食下 呢間鋪都幾闊落 坐得幾舒服😌 🦪北海道仙鳳趾真蠔（$176兩隻）呢個係季節限定menu 先有嘅 北海道直送😍海水味濃又鮮甜🤤🤤🍲安格斯牛肉火鍋🐂（$130）有好多安格斯牛入面仲有菜 豆腐 冬菇 金菇 粉絲 雞蛋配埋壽喜燒湯底 🤤好味 可以再追加配料🧀芝士年糕🍡（$48）好軟滑芝士味香濃串燒🍢🦆鮮鵝腸（$46）平時好少有得食燒鵝腸！ 好好食一d都唔靭🐮厚切牛脷芯（$78）有兩串 好厚好肥美🤭正🍣山口-壽司盛合（$255）總共有12件季節壽司同4件卷物壽司真係好新鮮 有選擇困難症嘅朋友可以點呢個 唔洗煩惱🐟安鱇魚肝 4切（$88）有海中肥鵝肝美譽 平時好少有得食 竟然喺呢間居酒屋都有 魚肝柔嫩順滑嘅口感入口即溶上面仲有柚子醋啫喱☺️配合得好好日式抹茶麻糬（$28）整體來講十分高質 款式選擇串燒亦都好多特色款 刺身都好新鮮全部都係日本直送的😌😌食返日本嘅感覺

朋友話好食一於要試吓呢間係好耐之前朋友已經話好食，放工經過就諗住試吓佢鮟鱇魚肝 $88超大愛，本身鮟鱇魚乾係季節性，唔係一年四季都有，所以見到嘅時候我多數都會叫，鍾意食嘅原因係因為肝既口感，食落去有少少入口即溶嘅感覺，所以我愛螢光魷魚潰🦑一諗到朋友最愛，有得食當然要叫俾佢食，味道相對於濃石垣貝刺身爽口新鮮，貝類少見但大愛海鰻卷開頭以為係平時卷物，見咁平又廚師推介就叫，但原來係小卷，即叫即包，比其他小卷的確好食，海鰻幾香，唔係凍冰冰既感覺雞泡魚乾呢個極力推介，比平時既更加好食佢會唔勁乾，汁唔會好多，食落去幾有口感又食到佢本身雞泡魚乾既味明太子芝士焗薯薯仔控食薯仔，仲有好多明太子周芝士，邪惡又好味😋醬油漬牛舌拉麵 特濃豚骨魚介湯牛舌香，湯底好味，飲埋湯底都唔會口渴

喺愉景新城經過見到一間裝修好別緻嘅日式居酒屋，就連平日夜晚時段都好多人排隊，而menu食物種類繁多，基本上刺身壽司、爐端燒、串燒炸物、定食飯麵一應俱全🍣🍱🦪🍤🍢餐廳內環境亦舒適寬敞，就算好多人排隊都好快就入得，而且性價比相當高，適合一班人嚟聚餐👨‍👩‍👧‍👦餐廳有季節時令推介餐單，提供季節限定的特色刺身及海鮮食材🐠▪️海鰻、秋刀魚、拖羅鯖魚、鰹魚壽司🍣 $25-38全部都好新鮮！最值得試就係海鰻壽司，鰻魚肥美多汁，醬料能襯托出海鰻的軟滑口感，一試難忘😋而鰹魚肉質都係鮮甜可口、拖羅則入口即溶、秋季當造嘅秋刀魚肉質係非常肥美，十分推介👍🏻▪️安鱇魚肝 $88少了鵝肝嘅油膩感，濃烈嘅魚肝味卻係入口甘香濃郁，份量一啲都唔吝嗇，好抵食🙊▪️芝士吉列蝦反卷 $36香脆嘅炸蝦飯卷中間夾住沙律醬、芝士同紫菜，反卷表面亦舖上脆櫻花蝦，口感相當豐富特別，係其中一道我最喜歡嘅卷物❤️▪️海七飯 $168一碗魚生飯包含咗甜蝦、三文魚、海膽、帶子、真鯛、油甘魚、拖羅魚蓉七款刺身，全部都好鮮甜豐富，絕對係性價比之選！🥳▪️ 冷稻庭烏冬 $74呢個稻庭烏冬一上枱，個賣相已經好吸引，即刻令人聯想起之前喺日本食嘅稻庭烏冬！冷烏冬爽

日日食三餸飯食到厭，今日豪一下食百幾蚊日式定食！今日係荃灣搵食，上網睇睇荃灣有乜好食，見到呢間鳥山名評價唔錯，所以今日決定試一試佢。睇到堂食餐牌一份定食90-200不等，lunch 黎講錢是有點貴，不過午市免加一，另外外賣有優惠定食70up有交易，如果公司有位坐或者wfh拎返屋企食都係唔錯嘅選擇。因為好耐無食刺食啦，今次叫左個三文魚花之戀飯定食，呢度嘅定食配菜真係好豐富，有前菜涼拌海蜇海帶，海蜇海帶好爽口，有日式沙律，汁不會太酸剛剛好，有麵豉湯，偏淡不太咸，茶碗蒸，蛋味濃口感滑，甜品抹茶蕨餅，煙韌但抹茶味淡，最後要介紹一下主菜，三文魚花之戀飯，三文魚很新鮮有油脂香味，三文魚份量不算多雖然鋪滿了碗面，但切得比較薄，所以食晒三文魚仲有幾口飯剩，飯質粒粒分明有咬口，調味就咁食白飯是偏酸點，但係一口配埋三文魚同山葵甜味配合就剛剛好，成碗飯中間有一件花之戀，沙律醬比例剛剛好，成個飯都好食，不過三文魚再切厚少少就prefect池！最後唔記得講，飲品除了免費的熱茶，定食仲有跟餐飲，我點了百香果紅茶，但係唔知係咪比錯左成杯野我只飲到柚子味，可能比錯柚子紅茶，不過杯飲品不太甜都幾好飲就不追究了。最後想講

見到鳥山名餐牌既食物好多款式就走左入去試試。店內環境寬敞，當時冇人排隊，我們2人獲安排一張4人枱，店員體貼有禮，用餐舒適。職員推介我地試下時令食物，所以叫左金目鯛壽司、秋刀魚壽司同埋宮崎和牛壽司。當中金目鯛壽司色澤鮮艷、油脂豐富、入口鮮美，果然係時令食材。而宮崎和牛壽司既和牛非常厚身，一啖食晒最滿足。藍鰭吞拿魚刺食壽司定食好令人期待，因為唔係度度都有供應藍鰭吞拿魚。而且可以用優惠價加購幾款cocktail，算係抵食。每塊吞拿魚都嫩滑甘香，尤其係刺身，做到入口即融。定食仲包埋牛肉烏冬，暖一暖胃再繼續食。最後再叫左牛油果軟殼蟹反卷同埋馬糞海膽手卷。上菜時軟殼蟹溫熱而外層牛油果尚涼，溫度控制有心思，令到卷物層次豐富。海膽手卷用料充足，食到最後都仲有海膽，又冇任何腥味，值得一試。