鰻一炭燒鰻魚飯

营业中

休息中

本身對呢間店都有啲期望本人喜歡饅魚飯，知道旺角新開左間，就同同事去試下見到蒲燒饅魚飯（大）都唔算貴就點左呢個饅魚好薄身，而且燒太耐，個皮又燶又韌個皮真係咬唔開，講真有啲過份…前菜酸蘿蔔，表面好酸但唔入味，完全唔岩味咁另外果個前菜唔知咩嚟，問店員佢話佢都唔知望落有啲似漬物個湯先最耐人尋味唔係麵豉湯黎問左店員，係用饅魚碎，饅魚骨，蕃茄，同蛋花煲既湯日式料理真係第一次見有蛋花既湯但個湯真心怪味，同好似有dd變味咁，總之好怪同事點既午餐牛肉飯牛肉有啲咸同埋唔知點解有大量芝麻，做成奇怪口感呢款係細既饅魚飯詳細同大既饅魚飯一樣呢間店真係試一次就夠總括然而就係失望

係旺角行街經過呢間炭燒鰻魚飯專門店，俾佢門口嘅直播屏幕吸引到，見到廚房實時燒鰻魚好有誠意，而且喺香港食鰻魚飯價錢都唔平，呢間又唔算貴喎，一於試吓！🌟炭火白燒鰻魚飯 $118成份定食附送魚湯同自家製前菜—鰻魚汁燒瑤柱絲，好香口送飯一流。而鰻魚飯面頭有脆炸鰻魚骨同紫菜，口感得意又豐富，餐廳宣傳話喺用美洲鰻鱺，肉質彈牙厚實，用鹽調味過之後先用炭火燒，食落皮脆肉嫩，鮮甜之餘好香炭火味，白飯係用日本AAA級夢美人珍珠米，香甜煙靭有黏性，同鰻魚好夾。🌟鹽燒牛舌芯 $58一份有五大塊牛舌，每塊都好厚而且好重牛味，油脂都十分豐富，燒到啱啱好唔會好老。餐廳座位唔多，晚市需要排隊等一段時間，建議可以早少少嚟。推介指數：8/10

鰻一炭燒鰻魚飯，位於旺角山東街，地點方便，日式裝修、木系設計，真係好有鰻魚專門店既風格✨主打當然係炭燒鰻魚，仲有牛舌芯、雪花牛肉、串燒等，坐無虛席，入到門口人人枱面都係一盒盒既鰻魚飯超有feel😍飲返杯咸檸七降降溫就開餐🍹炭火蒲燒鰻魚飯🍱依度既名物梗係要食下，雖然叫左細(碗上)但都唔細，仲配埋湯同配菜，上枱超級香炭燒既香味，鰻魚好厚身，一食就知炭燒，個燒烤味好正😗肉質嫩滑，可以加啲鰻魚汁係飯度，多啲風味🤞🏻鹽燒牛舌芯，係我最鍾意既日式燒物之一，燒得好香，濃烈既牛味，好味😋赤蝦天婦羅🍤，都幾大隻，準備左蛋黃醬同天婦羅汁，當炸物或者天婦羅食都得🥢粉唔厚，都OK抵食既小食👍🏻串燒時間，炭燒京葱雞肉串，燒得都係好香，雞肉相當嫩，汁燒雞頸肉，豬頸肉就食得多，雞頸肉就細舊啲，但肉質有咬口，都幾特別幾好味😝我個人最鍾意啲專心只做一件事既店💟高質鰻魚飯，價錢超親民，推薦一齊「鰻活」一下！🐠🐟🐡

講起好食嘅炭火即叫即燒的鰻魚飯，大家以為要去中環幾百蚊一位先食到，這間位於旺角麥花臣球場對面的新店非常值得推薦號稱鰻魚飯專門店，餐廳外面電視直播師傅燒鰻魚感覺好吸引，最重要係價錢真係唔貴，蒲燒鰻魚飯價錢由$88起，全日免收加一服務費超加分，除了鰻魚飯也有各類不同的串燒、小食，所以最近兩個星期已經嚟咗兩次，性價比超高蒲燒鰻魚飯 （大盛$118）非常欣賞他們的自家製醬汁，師傅特別用上鰻魚骨及多種材料熬製，而且鰻魚非常厚身，可以吃到炭火直燒的風味，肉質微甜有彈性，食完真係覺得好幸福，當日非常肚餓點了大盛，比想像中大好多，分咗唔少俾朋友食，份量絕對大方非常滿意蒲燒鰻魚拼牛舌飯 （$98）心多多乜都想試吓，揀呢款就最啱，牛舌夠嫩燒得幾香，加上海鹽的點綴味道唔錯，但是主角還是燒鰻魚，朋友話下次一定會點鰻魚飯，因為唔夠喉😂—————————————————鰻一炭燒鰻魚飯 (旺角)旺角山東街84號地舖—————————————————#hkfood #hkfoods #hkfoodstagram #hkfoodshare #hkfoodlover #hkfoodie #hkfoodieblogger

講到食日本野，首先應該諗起刺身壽司，之後拉麵，壽喜燒等，其實鰻魚飯都係我好喜愛既一款日本菜，不過香港好似比較少專門店，最近響旺角就搵到間。餐廳佈置以木系為主，牆身有啲日本山水以及鰻魚掛畫，重點係隔住塊玻璃睇到師傅響度炭燒鰻魚同串燒，令我更加期待！① 炭火蒲燒鰻魚飯（大）$118② 鰻魚拼牛舌芯飯 $98揭開蓋見到鰻魚鋪滿飯盒，炭燒鰻魚特別香，厚身肥美但不覺膩。旁邊有脆魚骨以及芝麻紫菜，枱上仲有鰻魚汁可以隨便加，我媽話好難得可以食晒咁大碗飯！另一款飯一半是鰻魚，一半是牛舌芯，偏爽口有嚼勁，都好食。配菜有醃蘿蔔同瑤柱絲，幾特別，撈飯一流！而個湯唔係一般麵豉湯，而係蕃茄蛋花湯，仲有海帶同唔確定係淮山定薯仔，味道清甜，口感豐富，好飲！③ 鹽燒雞皮 $18④ 汁燒雞頸肉 $18既然係炭燒，當然要試埋串燒，雞皮脆口，雞頸肉爽口，點少少海鹽食更加正！食物質素好，價錢唔算貴，性價比非常高，下次要試下個鰻魚蛋包飯同日式炸鰻魚！

係旺角食飯 向來都係多人 尤其假期/假期前夕🗓️今次仲要揀咗呢間新開既炭燒鰻魚專門店🐟離遠都已經見到個堆排緊隊既人龍 一場黎到唯有等吓喇😳等位既時候可以順便欣賞一下佢直播緊燒鰻魚既情況😆不過有得睇又未有得食 係一種殘忍既引誘🫢店內既環境比較細 每次可以入到既人唔會太多 要耐心啲喇➷🪐 炭火蒲燒鰻魚飯鰻魚飯有大細之分 可以因應個人食量而決定因為我地都想叫啲小食 所以就揀咗細既份量😆搽咗蒲燒汁既鰻魚會比較腍身啲 不過味道就會濃郁啲 §🪐 炭火白燒鰻魚飯而白燒鰻魚相對上肉質會比較實淨 炭燒味道會較突出口感同食燒鱔有啲相似🤏🏼魚味就會更重🐟兩者都會有脆炸魚骨做配菜 可以增加口感😌就算叫細份 都唔需要擔心鰻魚既份量😋§🪐 鹽燒雞皮🪐 炭燒雞軟骨🪐 赤蝦天婦羅小食款式唔算特別多 都係俾大家點綴一下過口癮🫢質素上中規中矩 俾多個選擇大家😂➷專門食炭燒鰻魚既專門店唔多 所以人多都係正常想去拜訪的話 記得預留時間⌚️➷🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼7️⃣🌟

◐蒲燒鰻魚飯｜炸鰻魚｜串燒｜即叫即燒旺角新開蒲燒鰻魚丼飯，炭火爐燒，有燒烤味道，自己放題咁淋上鰻魚汁，仲有瑤柱絲撈飯好正🥺🥺 鰻魚如果再肥美d就更好啦🥰🥰小食方面，有串燒等，試左炸鰻魚，外皮脆身香口👍🏽⎊ 蒲燒鰻魚丼飯 $118🤭🤭有白燒未試，可能濃味就揀蒲燒🥰⎊鰻魚牛舌丼飯$98牛舌有3 件，燒得都香口，有得試晒2 樣嘢🥺⎊炸鰻魚 $38有海苔和香辣口味，辣味唔算辣，海苔可能更好下次試先

之前去名古屋，專登去食左幾餐燒鰻魚，味道真係好難忘！ 上網見到喺旺角都開咗間，主打炭火生燒鰻魚的餐廳，所以立即去試吓！餐廳裝潢簡約，菜式都以鰻魚為主，除此之外還有炭火串燒、日式小食及沙律🥗識點一定要點（大）炭火蒲燒鰻魚飯，用日式盒盛載住，有兩排滿滿的鰻魚，濃郁的蒲燒醬汁，融入肥美的鰻魚中，令其味道更鮮甜，鰻魚口感細膩帶有炭香！朋友點了鰻魚拼牛舌芯飯，一排燒鰻魚一排燒牛舌芯，薄切牛舌芯爽彈有嚼勁，肉味香濃！ 而家天氣咁熱，蟹籽沙律清爽好味每個套餐都配有白飯及海帶湯，湯底好足料，還加入淮山粒、雞蛋等，好好味！ 店員服務好又細心，見到我手沾了醬汁，立即遞上濕紙巾🥰

今晚經過旺角球場見到呢間鰻魚專門店男友見到門口餐牌好吸引就提議入去試下～餐廳入內裝潢以淺木系為主配上深木色餐桌牆身掛有日本海的掛飾及大摺扇整個配搭舒服和諧而滿有日本氣息仲有一面透明玻璃窗可以睇到師傅們用炭火燒鰻魚睇吓餐牌先～除鰻魚飯外仲有一些串燒選擇，即叫即燒～蒲燒鰻魚拼雪花牛肉飯 $98賣相好靚～前菜問過店員先知醬油漬乾瑤柱食落爽口柔綿而調味適中麵豉湯鮮美細膩，原來湯內有鰻魚粒及三文魚粒蒲燒鰻魚散發淡淡炭燒香氣外層微焦而內裡鮮美軟綿細密飯內仲有一些烤得酥脆的鰻魚骨夠哂香口～雪花牛肉片微焦，食落肉味濃厚而柔軟白燒鰻魚飯 $88白燒指鰻魚配少許鹽直火炭燒師傅控制火候剛好，鰻魚外層金黃帶脆食落鮮美軟嫩而不帶腥而配Wasabi及醬油令魚的鮮味更為突出炭燒油甘魚鮫 $58賣相不錯～魚鮫外脆帶焦香，而內裡肉質滑嫩細緻整體性價比高，估唔到呢個價錢食到咁好味環境舒適，價錢合理，服務周到，不收加一值得再來享受美食～

呢間係麥花臣附近嘅新餐廳最近好受歡迎大熱天時都頗多人排隊等食餐廳專賣鰻魚但亦可選擇拼牛肉/ 牛舌芯/ 天婦羅所有鰻魚都是即叫即用炭爐去燒再配上自製嘅蒲燒汁，十分可口𓂅 炭火蒲燒鰻魚飯 ( ᴴᴷᴰ 118 / 大 )鰻魚飯用上日式便當盒呈上，很有回到日本的感覺這裡的鰻魚都偏瘦、無骨、而且都切得薄薄的配上紫菜碎跟珍珠米來吃真的幾過癮🥰不過稍嫌份量少，不論是鰻魚或是飯都是薄薄一層𓂅 蒲燒鰻魚拼雪花牛肉飯 ( ᴴᴷᴰ 98 ) 這個鰻魚倒是燒焦了一點點，但跟炭香相輔相成(?)雪花牛肉也是偏瘦，吃下口感跟味道也是合格的

香港極少有鳗魚專門店，見到旺角有間專食鰻魚就特登過嚟試吓。鋪頭唔大，入面有玻璃窗可以見到師傅用炭火燒鰻魚。除咗鰻魚，其實仲有其他食物，牛舌、牛肉、天婦羅、串燒等。但係重點一定係佢哋嘅白燒同蒲燒鰻魚飯。叫咗一個蒲燒鰻魚飯(大)鰻魚兩排鋪滿長方形飯盒，仲有紫菜同炸鰻魚骨粒點綴。鰻魚非常之淋而且非常有油香，鰻魚皮膠質好重，同平時啲行貨好大分別。枱面調味料有七味粉、山椒粉、鹽、鰻魚汁。小食之中，炸鰻魚骨同炸鰻魚都好好味。鰻魚用咗近尾部啲骨，比起飯面啲更加香脆。炸鰻魚可以揀香辣或者紫菜味，食落口味似中式炸物，但係好食嘅。

經過旺角見到有一間新開的鰻魚專門店，睇落幾特別，所以特登入去試一試☺️餐廳主要以鰻魚為主題，點一個鰻魚套餐仲會有例湯和配菜送🤞🏻炭火蒲燒鰻魚飯 $118鰻魚肉質肥美，蒲燒使鰻魚的鮮味濃縮於白飯當中，配上旁邊的鰻魚骨和紫菜食下去更彈牙香醇😋另送一碗鰻魚湯和配菜，職員表示以鰻魚骨熬製而成，難怪會有這樣的鮮味🤩炭燒菠蘿 $18菠蘿表面烤得略焦，內裡多汁甜美😉鹽燒牛舌芯 $58牛舌芯質感細嫩，醃製過程恰到好處，有點煙韌的感覺🤗巨峰提子乳酸梳打 $28提子梳打在底部一攪即散，乳酸口感酸酸甜甜，味道挺特別☺️柑桔柚子蜜 $28柑桔香氣濃郁，柚子肉添加了點點芳香，回甘清爽😜好味指數：8/10性價比指數：8/10餐廳名稱：鰻一餐廳地址：旺角山東街84號電話：24321388

🫴🏻位於麥花臣遊樂場附近新開左間日系饅魚飯既餐廳🇯🇵裝潢都幾靚幾特色✨有心思既木系裝修同枱凳🫰🏻仲有日式燈籠同裝飾🏮簡單得黎唔會太花巧，感覺舒服溫馨😌☺️除左飯餐仲有串燒、小食、冷泡茶等等🍵🍱蒲燒鰻魚飯 （小份） $88小份份量都好夠飽，鰻魚由炭火燒製，唔單止無骨，魚肉肉質柔軟鮮嫰，配上鰻魚汁 味道咸咸甜甜咁好有日式風味，仲有珍珠米飯都算幾優質，食落香口好味🐂仙台燒牛舌飯 $96薄切牛舌爽口彈牙，食落juicy 有嚼勁，配料除左紫菜、白芝麻，仲有d好特別又脆而香口既魚骨粒，為整個飯點綴不少🥣隨餐仲配左前菜同湯，前菜既腌蘿蔔爽口而且開胃好味唔太酸，令人食唔停口，個湯更加要點讚，非常多料，有淮山、鰻魚肉、昆布、蛋花、蕃茄，食落淡淡湯料，口感十足🥗日式炒雜菜 $46用料豐富，由菇菌、甘筍、椰菜、香蔥、芽菜香炒而成，面頭仲有大量香口好味既木魚絲，好有日式既味道，整體咸香適度🍑蜜桃烏龍冷泡茶 $16健康無糖茶，飲落有淡淡蜜桃清香，冰涼清新，解渴解膩🤩全日不設加一🤩

平時都好鍾意食鰻魚，晚上途徑旺角發現附近開咗間新餐廳，主打蒲燒鰻魚飯，另外亦有白燒鰻魚、豬軟骨、牛舌等主食提供～ 小店環境唔大，走木系設計風，好有日本feel，感覺唔錯🎎蒲燒鰻魚飯係呢度嘅招牌菜式，毫不猶豫叫咗份大嘅，鰻魚份量好多，可以兩人share，魚肉即叫即燒，需要等候一段時間，但比想像中快，鰻魚嘅炭燒味好出，入口嫩滑，配飯一流😍 值得一提嘅係呢度採用日本AAA頂級珍珠米，軟糯黏口，好飽滿，另外一定要落鰻魚汁撈飯，甜甜地，幫助帶出鰻魚嘅魚油香氣～ 小食方面有好多選擇，前菜有蟹籽沙律，唔係撈好晒，order完先會整，出面比較少見呢種做法，有料🙈 店員推介赤蝦天婦羅，有兩大隻，外皮香脆，內裡啖啖肉，竟然仲有滿滿嘅蝦膏！另外私心推介雞軟骨串燒，帶點咬口，香料味足，估唔到呢個價錢有兩串，性價比高💪🏻炒雜菜同樣有驚喜，堆到成座山咁高，冬菇、蘿蔔絲、芽菜樣樣有少少，味道較鹹，又係撈飯嘅配菜之選🤣 最後想講埋個set，旁邊附送咗碗湯，因為其他菜式太豐富所以忽略咗佢，打開個蓋之後真係忍唔住哇咗聲，配料超級無敵豐富，出面未見過，有魚、菜、蛋花、紫菜，雖然好飽但都清埋～

今日同朋友係旺角睇完戲 ，係附近行街既時間候留意到一間新開既鰻魚飯專門店見到餐牌上有蒲燒同白燒鰻魚，原來分明在於蒲燒會落汁燒，白燒就唔會，不過我同朋友都係prefer有汁所以要左兩份蒲燒呢度既鰻魚飯即叫即燒，而且仲係用炭火燒，我要左細份蒲燒鰻魚飯($88)包醃蘿蔔和味噌湯，首先要表揚下個鰻魚，食落嫩滑無骨，邊邊焦脆有彈性；而米飯用左日本AA4頂級珍珠米，粒粒分明，混在一起吃很滿足隨餐附送的味噌湯非常多料，滿滿的海帶和豆腐，營養又好食