鰻一炭燒鰻魚飯

营业中

休息中

香港極少有鳗魚專門店，見到旺角有間專食鰻魚就特登過嚟試吓。鋪頭唔大，入面有玻璃窗可以見到師傅用炭火燒鰻魚。除咗鰻魚，其實仲有其他食物，牛舌、牛肉、天婦羅、串燒等。但係重點一定係佢哋嘅白燒同蒲燒鰻魚飯。叫咗一個蒲燒鰻魚飯(大)鰻魚兩排鋪滿長方形飯盒，仲有紫菜同炸鰻魚骨粒點綴。鰻魚非常之淋而且非常有油香，鰻魚皮膠質好重，同平時啲行貨好大分別。枱面調味料有七味粉、山椒粉、鹽、鰻魚汁。小食之中，炸鰻魚骨同炸鰻魚都好好味。鰻魚用咗近尾部啲骨，比起飯面啲更加香脆。炸鰻魚可以揀香辣或者紫菜味，食落口味似中式炸物，但係好食嘅。