鰻一炭燒鰻魚飯

营业中

休息中

喺旺角行完波鞋街再搵嘢食，因為大家都想食日本嘢🇯🇵就搵到呢度。餐廳細細但好乾淨企理，入面仲掛晒日式燈籠🏮同扇🪭，真係有D似去咗喺日本嘅小店咁。🐟蒲燒鰻魚飯🍚即叫即燒，鰻魚燒得好有油香，好嫩好惹味，好欣賞佢配埋炸鰻魚骨，好香口超好食，下次再嚟要叫一兜慢慢嘆🤤再有芝麻紫菜拌飯，成個飯好豐富，成碗飯好快食晒。🐮蒲燒鰻魚拼牛舌飯🍚牛舌好juicy入味，再加埋炭燒令佢更香口惹味🤤除咗鰻魚，估唔到牛舌都好好食，見老公好快食晒，似乎得3塊唔夠呀。🥣麵豉湯好多料，有魚肉、蕃茄、海帶，豆腐，超豐富，好鮮甜好好飲。🍇巨峰提子乳酸梳打🍸好香巨峰提子味，乳酸飲品唔太甜，好消暑👍🏼🍍菠蘿乳酸梳打🍸淡淡嘅菠蘿味一樣咁好飲，不過我都係鍾意巨峰提子多D😜佢嘅前菜有醃蘿蔔，呢個我都好欣賞，唔會好酸，好食好開胃👍🏼重點係全日都不設加一，我哋2個人食到捧住個肚，埋單都只係200零蚊，真係好抵。

今日路過見到新開一間鰻魚飯 就入去試下 咁就叫左個蒲燒鰻魚飯大既 個鰻魚燒到皮脆 醬汁好濃 個飯就比起其他鋪頭好食 最驚起既係有位矮矮紋身既服務員十分好禮貌十分好態度 埋單先見到原來唔收加一唔收加一都有咁既服務態度真係驚起左下次一定會再食 繼續努力

👧🏻😋👅🍽✨高質燒鰻魚專門店😋-鰻一炭燒鰻魚飯 Unagi ichi🇭🇰 旺角山東街84號地舖 🇭🇰-🎏俾佢鋪面個直播mon吸引左, show住師傅用炭爐燒物; 店內都有個大玻璃窗可以睇🎏全日免收加一但係服務好好, 兩個人好大食叫咗六樣嘢, 店員妹妹好醒目有覆單, 冇寫低都記岩晒🤣🎏鋪頭播住好輕快既日文歌, 牆上好多幅日式風情掛畫, 多款丼飯, 小食, 串燒, 黎多幾次都完全唔會厭-🍱 蒲燒鰻魚飯（小份） $88💯招牌必點! 小份來講比我想像中大, 鰻魚份量都幾多, 起晒骨但入面有粒粒脆炸鰻魚骨💯蒲燒醬汁唔會太重手, 比較可以突出魚油香, 重口味啲可以自行用枱上鰻魚汁淋個飯💯定食包咗個鰻魚湯, 入面有魚肉, 蕃茄, 蛋, 昆布, 仲有煲到好林嘅淮山肉, 比常見定食配既麵豉湯特別, 仲好好味-🐠 日式炸鰻魚 $48✨鰻魚專門店除左燒鰻魚, 炸既都不容錯過, 只有中間主骨, 外面魚肉都啖啖肉✨近魚皮位充滿骨膠原, 有脆卜卜既口感但總體來講唔會炸得太乾身-👅 鹽燒牛舌 $58💯牛舌尖位唔會好腍好肥, 但勝在肉味夠濃💯鹽燒加黑椒, 再擠左檸檬汁, 食落更清新-🍢串燒 $18/串✨鹽燒雞腎夠爽口

呢兩日貓貓病咗，要帶佢去麥花臣睇醫生。有日去探佢之前喺附近簡單食個lunch ，見隔嚟有呢間鰻魚飯專門店，價錢又唔貴就試下。我地叫咗3個飯，樣樣都試下。呢到最好嘅係即叫即燒，而且仲係用炭火燒，以呢個價錢黎講真係超值！蒲燒鰻魚飯用上自家製醬汁以鰻魚骨及多種材料熬製而成，味親甜甜地再帶魚香，鰻魚肉相當嫩滑，唔錯！估唔到白燒鰻魚飯都相當有驚喜我更推介呢款比大家，咬落口感爽彈，更帶有煙韌嘅感覺，好正呢個texture！配上日本AAA頂級珍珠米，真係好正。另外仙台燒牛舌以為只係配角點知牛舌又幾爽口彈牙，絕對唔輸比鰻魚！整體三款飯都好出色 下次要返來encore。

同朋友喺旺角買完野，經過有新店，門面幾靚，就入去試下🧐原本見到炭燒鰻魚飯，以為係🍱日式定食嗰類，到舖頭先見到係即場炭燒！隔住廚房塊大玻璃，可以見到師傅在炭火爐前烤鰻魚🔥🔥我和朋友點了一份大的蒲燒鰻魚飯和白燒鰻魚飯share蒲燒鰻魚飯，足足有三大塊鰻魚，絕對足夠兩人分享。鰻魚經過炭燒，入口有一陣烤香，邊位有點焦脆，魚肉比一般的有彈性，不像平時食到軟爛的口感👍🏻而我最喜歡的是白燒鰻魚，一樣有一陣炭燒香，即使沒有加上汁醬燒，亦不會有魚腥味，咬落彈牙，十分有驚喜！這就是新鮮即燒的口感吧😋 若果喜歡濃味的，也可以自行加上他們自家製的鰻魚汁，而我就喜歡炭燒香，所以只加上少少海鹽以品嚐鰻魚的鮮。至於飲品就叫了桂花烏龍冷泡茶，挺清甜的，不過不失就沒有特別拍照了。

今日同朋友旺角行街，經過見到有間新開是但入去食個午餐，餐廳環境正常有啲日系感覺，叫咁個台員推介鰻魚飯，見到有人喺透明版後即燒浦燒鰻魚飯原來係即叫即燒，等咗一陣就有了，初初見到同平時食開唔同，原來係新鮮即燒，食落係嫩中帶一啲彈牙，仲有陣陣炭香味道，而燒汁都鹹鮮帶甜味，飯係珍珠米好好食過，仲有配菜小食同麵豉湯跟埋，即燒真係正好多，仲見到有好多小食揀，不過食完都好飽了，下次想試埋白燒鰻魚飯，同埋我鍾意嘅榴槤小食

今天一早出去整野，在openrice sear h到新店，仲要係我最愛嘅鰻魚，即使未吃早餐，非常肚餓，仲有半小時才12點，但我都在商場逛逛等試。點知1) "慢‘’- 店舖只有5-6客人，点餐到上菜，要40 mins " 漫"長等待2) 終於等到招牌采到"曼魚牛舌丼‘’，諗主起碼都有期望八成的質素，點知鰻魚的油脂口感“”零“，好明顯燒 過龍，以為自己食緊‘’鰻魚乾”3）牛舌一般，太细冇口感，又吾香。conclusion # $100個餐 , no encore

今日同朋友專登留肚去試食呢間新野入到去裝修ok既，但落單樓面好似未訓醒咁…要講幾次先聽到你講乜…..好啦…點完餐後等左十令分鐘先上左一份先，朋友果份竟然又要等多十幾分鐘先上好啦….開始食啦…舊鰻魚硬到呢….啲鰻魚汁又咸…上野飲又慢….食到一半就食唔落埋單走人…..真係好難食，絕對無下次………………………………………………………………………………

今日放假同朋友去旺角行街，路過見到呢間新開鰻魚飯專門店就去試下，餐廳環境都好闊落，裝修都係木系為主我叫咗呢款係白燒鰻魚飯，原來係即叫即燒，見到師父係用炭火去生燒個set會有前菜醃蘿蔔及泡菜，仲有一碗麵豉湯，個飯仲用和式盒仔裝住一打開蓋都好香，份量都唔少㗎，而白燒鰻魚主要用海鹽作調味，食落好有驚喜，夠新鮮之餘仲好爽口彈牙，口感好好又夠味，飯用咗珍珠米軟硬適中，如果重口味人士可再加檯面嘅鹹甜鰻魚汁，朋友個仙台牛舌都好食