影片
港铁旺角站 E2 出口, 步行约5分钟
继续阅读
电话号码
24321388
营业时间
今日营业
12:00 - 15:30
17:30 - 23:00
星期一至四
12:00 - 15:30
17:30 - 23:00
星期五至日
12:00 - 16:00
17:00 - 23:00
公众假期
12:00 - 16:00
17:00 - 23:00
以上资料只供参考，请与餐厅确认详情
晚市5：30开，5：29去到无人排队，店员准时开门。拣呢间店有三个原因：1. 生烧，即系即场由生烧成熟，而不是现成来货已经有哂酱汁嘅预制品。2. 美洲白鳗，少有哋唔系用中国货，虽然我食唔出。3. 备长炭，有炭香味但无炭灰。招牌蒲烧鳗鱼饭（$118）大约15分钟上枱，打开个盖，卖相不错，鳗鱼有八件，全是中间位。鳗鱼尚算厚身，面层（皮）及底层（肉）都烧得好靓；鳗鱼皮虽然有酱汁但仍带微脆；鳗鱼肉质唔会松散，嫩滑，无泥味/腥味；蒲烧酱汁咸甜适中；白饭系北海道产嘅珍珠米，饭粒黏身，饱满（如果多啲就更好）；另外仲有半只半熟蛋、紫菜碎、炸鳗鱼骨粒（好松化，口感少少似饼干粒）。招牌白烧鳗鱼饭（$118）大约20分钟上枱，打开位盖，卖相同样不错，鳗鱼分两节，一节系中间位三件，另一节系尾位有六件。因为系白烧，无酱汁颜色冚住，所以睇得出真系烧得好靓，皮𠮶面脆卜卜，肉𠮶面微微焦香嘅金黄色；同样因为白烧，无酱汁味道冚住，食得出完全无泥味/腥味，肉质嫩滑，鱼皮香脆，但味道偏淡，所以提供柚子酱汁（呢个汁味道几好，亦都几夹）同柠檬提味，亦可自行加枱面嘅味盐、七味粉、山椒粉。追加配菜、味噌汤（+$10）配菜有两款，辣泡菜、酱汁元贝丝。味噌汤配料足，除咗基本嘅昆布、豆腐，仲有蚬、白萝卜。炸鳗鱼骨（$28）限量供应。大约有十条。炸得十分脆身，不论粗身或幼身，都好易咬断。表面洒上海苔粉，香口惹味，另外仲有沙律酱（我再加埋七味粉），十分不错的一碟小食。免治鸡软骨肉棒串（$28）系我想要嘅质感，免治鸡肉软身，加埋入面鸡软骨嘅爽脆，而且表面烧到微脆，又软又爽又脆嘅口感。另外仲有一个蛋黄比你点嚟食，再增添香滑感，好味道。烧菠萝（$16）平时我就应该唔会叫，但我见网上啲人讲佢表面有层焦糖，望落又好似唔错，就落埋单。的确，烧菠萝面层会有一层脆脆焦糖，本身四件菠萝都够甜，再加埋焦糖，两种甜味加埋好在又唔太漏。食呢餐之前，我系有少许期望的。好在食完，虽然未至于好惊艳，但都比预期中好，值得有下次再返嚟帮衬嘅机会。
继续阅读
今日啱啱出去旺角，之前mark低咗想试下，刚刚好附近就决定试下呢间啦，手机扫QR Code落单，大概10分钟左右食物就到，睇到都觉得唔错，试食后觉得唔系好得，鳗鱼烧到比较干身，有d柴，而且饭嘅份量好似都比较少，另外烧鸡皮都OK，overall 麻麻地
继续阅读
好想去日本旅行，但冇假放之下唯有揾下有冇边间鳗鱼饭够高质俾我feel feel味蕾去旅行嘅感觉啦～网上Search到好多人讲呢间，价钱都好公道，一于试试睇openrice之前嘅餐牌好似有得拣大size细size，依家就得番一个size冇得拣落单时店员有讲明因为系即烧，所以等候时间会比较长当然一定要试试最classic嘅蒲烧鳗鱼咩水准先啦😌上到黎热辣辣😍排得好靓，鱼份量都多咬落好香☺️✨烧汁唔算好甜，配合碳火嘅烧香，仲有鳗鱼本身嘅油脂，连埋饭放入口，超正～✨仲叫左出面少见嘅白烧黎试！冇汁可以食到更多鳗鱼本来嘅味～😋更有碳火味同更脆面！个人更钟意白烧，但钟意浓味嘅朋友建议食番蒲烧🤭影唔清楚，不过入面仲有炸鱼骨！都好好食！又香又脆口个饭份量适中，食完啱啱好满足😋会介绍朋友黎！
继续阅读
呢间鳗鱼铺早几年第一次食过觉得唔错当年晚饭时段排晒人龙今次Fri收工再去只系坐左一半人唔洗排。然后我就叫左个天妇罗乌冬($88)1件鳗鱼，1件秋葵，1件莲藕，1件南瓜件鳗鱼冇咩肉，好瘦同埋炸得唔够脆，冧晒。另外小食叫鸡软骨($24)同牛舌($22)鸡软骨正正常常但牛舌味道好怪，唔识形容。鳗鱼饭($118)正正常常质素保持平稳。不过天妇罗我觉得唔太好食一嚟唔够脆口二嚟鳗鱼得一件仲要劲少肉，唔抵食食到7.30pm左右先开始有少少人排队真系不大如前啦
继续阅读