鰹烏冬 (駱駝漆大廈第三座)

营业中

休息中

觀塘出名有好多隱世小店，今日就同同事一齊試下呢間位於工廠大廈入面既鰹烏冬🙆‍♀️唔講唔知呢間只係做午市同下午茶時段架咋🙈我地今日大概十二點半到就到，基本上係唔洗等位，一去到就搵到位坐了🤣佢烏冬方面都有好多選擇既，有分冷烏冬同熱烏冬～而揀完冷烏冬同熱烏冬之後仲細分好多款架！！我就叫左個鰹魚半湯烏冬配燒雞脾，呢個係比鰹魚清湯烏冬再濃味啲啲。-🎈鰹魚半湯烏冬配燒雞脾先講呢個烏冬，個味我覺得係幾好，唔會好濃或好淡，岩岩好！烏冬我就叫左幼烏冬，都唔錯的😊👍🏼不過唔知係咪因為我叫個個係半湯既烏冬，所以就比較少湯🤔如果加多啲啲湯好似會更好！至於個燒雞脾，都整得幾好食，配合個烏冬食係幾夾的🤣我地食完既時候，先發現出面仲有幾多人等位🙈所以如果lunch time黎食的話，就要早啲啦🙆‍♀️🙆‍♀️

烏冬控專程黎試海苔冷烏冬🍜感覺冷烏冬都係煙靭彈牙d，淡淡的海苔味，加埋個汁清清甜甜，好清爽，夏天食應該好開心。而其實今日天氣有點涼，所以叫左個熱烏冬中和下，鏗魚清湯烏冬，揀左粗烏冬，個湯好清甜，烏冬好有咬口，正天婦羅新鮮炸，好脆好好食🍤雞腿好大塊連皮食好happy😝話說餐牌有好多選擇，冷熱烏冬都各有好多選擇，熱湯烏冬可以揀半湯(聽講會再煙靭d)，仲有個人好鐘意的鍋燒烏冬🥰下次要試咖哩烏冬同關東煮😋😋

作為一間位於觀塘區工業大廈「駱駝漆大廈」樓上，營業時間也都偏向較早就關門休息的日本湯烏冬食店，我承認我上門光顧「鰹烏冬」已經很晚很遲，當時的「鰹烏冬」已經有準備打烊休息的氣氛。我上門光顧「鰹烏冬」的時候，「鰹烏冬」裡面有一家人。不過那一家人不像上門光顧「鰹烏冬」的食客，反而有點像「鰹烏冬」店主的家人，在食店準備關門休息之前，到食店接店主下班似的。幸好當時的「鰹烏冬」即將接近下班休息的時間，不等於「鰹烏冬」的店主和廚房職員會敷衍了事，亦不等於食店裡面所有食品都已經全部售罄。適逢「鰹烏冬」下午臨接近休息時間，還有推出價錢比較經濟實惠的「五十鰹系列」下午茶茶餐。既然「鰹烏冬」的下午茶系列，名稱叫做「五十鰹系列」，可想而知下午茶的價錢也是賣港幣五十元一份。由於「鰹烏冬」臨近關門休息，所以食店裡面大部分的食材，都已經在中午午市時間，被觀塘的上班族和工廠工友食到所餘無幾。就連我在點餐期間，「鰹烏冬」店員都告訴我，下午茶也只剩下「蝦冬」跟「天婦羅」可以食。反正我個人一向，不太抗拒日本菜裡面的「天婦羅」以及「天婦羅炸蝦」，所以我從「鰹烏冬」店員知道消息後，還能夠點到一客鰹魚湯湯底的「蝦冬」，加上「天婦

Seems very popular, we were lucky to just fit in.The food was simple Japanese but tasted very good.One bowl of noodles each and a meat / fish/ japanese stuff served on the side.The tea was lukewarm, annoying.Quick affordable Japanese food, lots of noodles so very filling.I could not find it for ages on Open Rice:searched camel paint building, japanese, with and without kwun tong.

公司在附近，我好多時幫襯呢間烏冬店，店唔大，坐得廿零人，䌓忙時間有時要等位。呢度主要食烏冬，但食法都唔少，有冷食，沾麵，湯麵，石窩咁，配菜主要可配雞脾，鯖魚，天婦羅，雞蛋咁。選擇唔多但足夠，最主要都係佢個烏冬，話明係店內有機新鮮打，唔係來貨，咁佢既烏冬又的確好好食，佢有幼同粗，兩者都好滑同好爽口彈呀！配上佢既醬汁，烏冬既麥味香，汁鮮，真係就咁食烏冬都好滿足！佢既配料都唔馬虎的！雞脾香脆，鯖魚好有鮮味，天婦羅個脆漿夠薄，料又用日本料，令人好滿意！唯一係佢既價錢都要近百蚊碗，不過睇質素嚟講絕對值呢個價！見佢有開班教人打烏冬，真係好有heart既店主！

是日想食清淡一點，但又想食好西，於是揀食烏冬。老早看中這店，終於有機會一試。先唔評論各口味，只是烏冬身已經有一段食評！好多地方都標榜自己係手打烏冬，但你食落口，係，唔似屋企買叮噹烏冬自己煮囉，食評只去到呢個level。慶幸，這店不是，煙韌有咬口，是麵本身靚？是煮得剛好熟？相信兩者皆是！好，講埋配料啦！鰹魚湯湯底一向係我最愛，而鰹魚湯大部分食店都做得不錯，當然這家必定！我想再讚多次個烏冬，平時食麵好靠個湯底黎托起，我想講呢個烏冬絕對唔洗，所以病好可以再黎試個冷嘅！金菇肥牛通常都唔會差架啦，牛肉燒過幾香，用嘅牛肉都唔差！旁邊比左d烏冬通常有嘅脆脆，佢好好比你自己加，唔洗好似其他食店咁上枱已經淋晒，建議食d先加d!多春魚加$18，其實我覺得有點貴，但食落口好好，平時多春魚食食下會有微苦，呢條一個香字，明白點解呢個價了。咖哩是杰身，日本咖哩,帶少許辣，好惹味！由於杰身，呢個極飽肚。入面有微量蔬菜，幾健康！上枱時鯖魚有驚喜，第一次見咁大條，應該燒過黎，皮有少少脆，啖咪肉，香！甜！加$12有隻蛋，熟度剛好，蛋黃面積大，是日本雞蛋才有咁多蛋黃嗎？可惜星期六日冇下午茶餐！奉送熱茶，唔收加一，負責我地個

今日plan左同男友去觀塘行下,早幾日已經上網係度做 research諗 lunch 食咩, 咁睇到有呢間香港人手打烏冬既小店,覺得想來試一下。星期六下午12點來到時無咩人,唔洗等位。店員見我地有的迷茫,好用心咁為我地介紹佢地既menu,結果我地簡左一冷一熱晚烏冬來share試下。我就簡左廣島蠔tempura 配金菇牛肉卷既冷幼烏冬。男朋友簡左濃鰹魚湯既骨付鳥粗烏冬。冷烏冬既麵條好彈,蠔好肥美好鮮,但係對我來講呢兩樣野都太淡,無咩味,糖心蛋同金菇牛肉卷好味。雞脾好夠入味,熱烏冬湯好香,同樣都係好彈。2個人食左$235,唔算平,但係小店人手烏冬加上份量充足,都算係合理,值得支持一下。

昨日去開觀塘玩VR，終於有機會帶去食想食好耐嘅烏冬😍😍😍個味付骨（雞脾）好好食，夠入味。連埋個鰹魚半湯冷烏冬幾好食。😘😘😘我地就叫咗個海苔烏冬，岩岩最後一客。😍😍一入大廈電梯，個個都係去11樓搵呢間嘢，真係好受歡迎🤣🤣唔行快兩步，都無位坐。記得呀，你間餐廳收好早㗎，有料嘅嘢真係話收得早，所以要有咁上下功力，先有咁嘅自信。💪💪💪————————豬印推介：👍👍👍👍👍

呢一間鰹烏冬其實都係觀塘開好耐，平時一般都要排一段時間先有位。今日專登早少少出門口食等左大約一張台就到，都算快。一般都係$70 $80左右，包一個面同埋一個小食。如果唔係好大食嘅話都好足夠。 烏冬黎講嘅話我會鍾意食冷面多啲，呢度啲面嘅軟硬程度都好適合我。另外跟餐配嘅小食都好出色，最好就係幾個人一齊食大家去share啲小食咁就試得多啲款。如果大家都係觀塘附近返工就可以早啲出門口試吓啦如果唔係都可能要等10至20分鐘㗎。

星期六早上同男友諗住搵間平食，兩個人簡簡單單撐下枱腳。點知行入駱駝漆大廈，就被呢間鰹烏冬吸引住！烏冬愛好者，無法啦～🤪舖頭裝潢好簡單，白色牆身，木色餐桌，簡單舒服。門口仲話有得學整手搓烏冬，鋪頭有部由日本購入嘅烏冬製造機，好pro咁咼！試試佢！男友揀左湯烏冬，我就揀左撈烏冬，OMG，真係好好食！推介三文魚子撈烏冬！（凍食）麵身好有質量，又煙韌，又滑。認真岩哂烏冬愛好者！每啖都有足料嘅魚子同蟹子，大滿足！佢有個醬汁喺底，每啖烏冬撈埋海苔同薑蓉蘿蔔蓉個配撘一流！一定要試～ 男友嗰碗熱食，仲好細心有一碟炸天婦羅脆脆，放入湯食加埋生蛋，真係好正～ 會再黎！

知道觀塘有間新鮮即製烏冬店......‘’新鮮即製‘’哩4個字真的超吸引.......雖然在工廠大廈內，但店內環境幾舒適......自行寫好單，交比店員就可以......但我第一次來，雖然知道係食烏冬，但見到好多名字都唔知係有咩分別......例如：月見烏冬/半湯烏冬/掛湯烏冬............好彩哩度啲店員都好友善，解答完仲比個有圖既catalogue 我睇，內裏仲附有解釋添......有套餐.........原來仲有下午茶添......由於差不多3點都未食晏......超肚餓.......所以叫了‘’鰹魚湯鍋仔燒烏冬配天婦羅‘’.......再加溏心蛋......先試個湯.......好香鰹魚湯味.....另湯底加了味噌.....所以味道較濃.......配料都幾豐富......有肥牛/冬菇/獅子狗卷/紅蘿蔔/海帶/金菇/蛋.........重點係烏冬.......哩個鍋係配粗烏冬.......新鮮烏冬口感真係好正.....煙煙韌韌......但又好滑......好似稻庭烏冬咁.......超正......超推介......天婦羅.......睇個樣子都吸引.....最喜歡薄

拎完淘寶，順便去附近嘅工廠大廈覓食，點知有意外驚喜！跟住易拉架嘅指示上咗去工廠大廈上面，烏冬店咁岩有下午茶就試試佢。叫咗個雞烏冬，d讚岐烏冬真係爽滑彈牙，好有咬口，鰹魚湯味道濃郁，加埋主要係木材為主嘅裝修，真係有啲似去咗日本食烏冬既feel。欣賞佢有蕎麥茶任飲，同烏冬真係好夾！略嫌下午茶餐得兩塊雞就少咗啲，不過$50下午茶黎講呢，性價比都算高，因為出邊都唔容易食到啲咁好味嘅自家製烏冬！下次想試吓個海苔冷烏冬個樣好吸引！

大麥冷烏東附骨付雞 ($80)冷烏冬係幼烏冬，比較扁身既。超級煙韌，有少少蒟蒻既口感，係會趙到攰既烏冬！雞脾超大隻，肉質嫩滑，一切肉汁湧晒岀黎鰹魚清湯烏冬配關東煮($65)湯烏冬既粗烏東就冇冷烏冬既幼烏冬煙韌；湯底清甜；關東煮好豐富，每款都索晒湯底既精華，好入味！呢道既烏冬有好多款式，而且係自家製既好有誠意，鐘意食烏冬既一定要黎試下！

星期六收工就去左駱駝漆揾食，今次睇中左鰹烏冬，聽講老闆親身去日本學做烏冬再返黎開鋪點半鐘上到去，都見佢坐滿左9成，坐低睇下有咩食先，呢度主要分左冷同熱兩隻烏冬,跟住再分唔同湯底或者唔同味既烏冬，最後仲有關東煮、鯖魚、骨付雞、金菇牛肉卷、天婦羅五款可以揀，今次揀左熱既清湯粗烏冬配骨付雞等左一陣就有得食、骨付雞原來係一隻燒過既雞脾，望落燒得唔錯，烏冬入面有海帶、蔥仲有竹輪魚蛋，另外仲跟埋一碟天婦羅碎可以撈落度食，增加口感試下個湯先，好清，跟住有鰹魚既香味出左黎，幾好，再試埋個烏冬，好有咬口，煙煙韌韌，仲有麵粉既香味，新鮮做果然係唔同D,試埋隻雞脾，外皮少少焦香，入面有好多汁，又係好味，呢間係我食烏冬既首選

鰹烏冬由試業開始已經有幫襯它搬了地址後再來 地方大了 座位都闊落多了 烏冬的選擇多 配搭亦多 真係令人唔知點選擇本身想食海苔烏冬 不過職員姐姐話今個星期都無 唯有下次再試心思思 最終揀了掛鍋烏冬掛鍋烏冬即是將煮好熱辣辣的烏冬放在木盤入面 再沾上醬汁食用 第一次食的時候 比佢個骨付雞嚇親 大得驚人今次呢個個份量就剛剛好 雞皮脆脆的 有肉汁個烏冬煙韌 即使係放湯一段時間 食到最尾都唔會淋哂但由於由熱湯再沾醬汁咁食 覺得有D混淡左個味 而對上一次食竹簾烏冬就無咁嘅問題不過一過冷食一個有湯熱食 一定會有D唔同 如果想食烏冬一定唔可以錯過呢間小店下次一定會再試其他配搭的烏冬