鰹烏冬 (駱駝漆大廈第三座)

营业中

休息中

鰹烏冬由試業開始已經有幫襯它搬了地址後再來 地方大了 座位都闊落多了 烏冬的選擇多 配搭亦多 真係令人唔知點選擇本身想食海苔烏冬 不過職員姐姐話今個星期都無 唯有下次再試心思思 最終揀了掛鍋烏冬掛鍋烏冬即是將煮好熱辣辣的烏冬放在木盤入面 再沾上醬汁食用 第一次食的時候 比佢個骨付雞嚇親 大得驚人今次呢個個份量就剛剛好 雞皮脆脆的 有肉汁個烏冬煙韌 即使係放湯一段時間 食到最尾都唔會淋哂但由於由熱湯再沾醬汁咁食 覺得有D混淡左個味 而對上一次食竹簾烏冬就無咁嘅問題不過一過冷食一個有湯熱食 一定會有D唔同 如果想食烏冬一定唔可以錯過呢間小店下次一定會再試其他配搭的烏冬

一直都聽聞過依間名店，師傅自學整讚岐烏冬，12點開店，我只係遲15分鐘到，已經爆哂場，幸好我只是自己一個，一位尚算快可以有位入店前就已經俾定紙你揀好，本身想食海苔烏冬，但話已經無哂，咁簡單d，食最基本的烏冬+天婦羅再加溫泉蛋，套餐的樣子就係令人興奮，齊齊整整的，烏冬果然名不虛傳，特別彈牙，但可能有人覺得係硬，所以驚硬的人可以叫幼烏冬同湯烏冬，5件不同的天婦羅，炸粉雖然鋪滿，但食落粉味唔好，食到尾，仲保持住薯片咁脆隻款雞脾，可以話名物，大大隻咁切開 肉嫩多汁，肉汁雞油流哂出黎，真係未食過的話，一定要試試

呢間賣點手作烏冬 同所有材料都係日本🇯🇵但食一定要book位🤷🏻‍♀️ 第二次去先食到第一次唔知要book話要等至少半個鐘-海苔烏冬 配鯖魚 $76每日人手搓面糰👍🏿 好新鮮既烏冬只有冷面食法🍜 如果有埋熱食就更好烏冬好彈牙但唔係好食得出海苔味🙈個汁加埋芝麻、蔥同wasabi好多層次👧🏻中意多多芝麻😋-係幾好食既🙊 但食碗烏冬都要book位好似有d誇張😅😅😅😅

成為觀塘打工仔放飯的一員後，開始發掘下觀塘有乜好食，跟同事搵食黎到呢間自家製嘅烏冬店。未到12點已經好多人係度食烏冬啦，有張點餐紙仔可以剔。大約就係唔同款嘅冷熱烏冬+配菜咁樣，大家都話第一次黎要食雞脾（四國香川特產骨付鳥）不過我見到個關冬煮都幾吸引，當然都平少少啦～竹簾烏冬+關冬煮 $75竹簾烏冬顧名思義就係竹簾上的烏冬⭐️😂係店內最basic嘅凍烏冬，手打烏冬果然同平時食嘅好唔同，口感好煙韌，keep住趙都係好有咬口咁，但又唔飲薯粉咁咬唔爛，好食呀！！關冬煮就有蘿白、蒟蒻、獅子狗、雞蛋同椰菜包，全部都好腍好入味，特別係羅白，完全冇根架。不過個份量，我只能說實在係好多，我單食一份烏冬或者一份關冬煮都夠飽。有店員仲問我係咪唔好味呀 點解食唔晒嘅？我都唔好意思了，份量對女仔黎講係超晒quota啦！個人覺得凍烏冬吸引過湯烏冬，要沾加入wasabi芝麻同蔥嘅醬油，食落辣辣地又好醒神，有種特別嘅爽！不過整體黎講價錢偏貴，可能只會偶爾食一次～

之前上網見到推介寫手製烏冬店，係香港來講，烏冬店相對來講比較少見，所以吸引左我來試下上網睇既時候，第一眼比海苔烏冬吸引住，一心諗住試下，點知海苔烏冬係限量發售，睇來下次要試都要早少少到😞餐廳係工業大廈內，店內都算闊敞，廚房都可透過玻璃望下入去，所以基本上製作既過程都係開放。由於比較多4人枱，兩人來食的話就有機會要搭枱坐由於海苔烏冬賣晒，就點左竹簾烏冬(幼)配骨付雞(雞脾)，同埋伴蛋烏冬配天婦羅首先黎既係竹簾烏冬，第一眼係比個雞脾吸引，賣相好靚，雞肉燒得好好，好juicy, 冷烏冬食落都好煙韌，第一次食幼既烏冬，感覺有d似煙韌版同粗少少既上海面，幾特別伴蛋烏冬係熱烏冬，食落較冷烏冬淋，但有煙韌既質感，天婦羅炸粉唔算多，而且有魚，種類較一般天婦羅多整體黎講，烏冬既質素唔似一般坊間買返黎既讚岐烏冬，相對較煙韌同彈牙，值得一試👍

香港老板突登去日本🇯🇵學手作烏冬，歸來開店，備受歡迎，誠意之作。起觀塘食，一開門就好快門庭若市，仲有人打黎訂位，仲要搭枱。.海苔烏冬（冷/幼麵）+味噌焗鯖魚（$75）海苔烏冬好受大眾歡迎，好快賣曬，我同朋友第一個12點踏入店就即叫一份啦。幼烏冬有種新鮮感，同更有彈牙感，好入口，有淡淡海苔味，沾左汁就冇左啲海苔味，但色澤令人開胃，好似好健康咁。鯖魚都幾大塊，味噌𩸆得好入味，又唔會鹹，魚🐟亦唔會太乾同腥。.鰹魚半湯烏冬（熱/粗麵）+骨付雞（$73）個湯係鰹魚加醬油煮成。我一直諗半湯係咩意思係咪鰹魚同醬油嘅比例，最後先發現係湯少一半😂😂😂😂。粗麵就平時食開嘅口感，方形，彈牙較硬，加埋炸天婦羅碎加落去，多左軟硬口感。骨付雞就係大雞髀，腌過嘅大雞髀，再煎，外皮脆薄，肉汁仍在，加檸檬汁，超級fresh。

同同事講起觀塘好小有烏冬食，佢就帶左我黎呢到！一座低老板就問我地有無食過，我地話無佢就逐款介紹，好詳細😊老板話d烏冬全部都係新鮮製自己手打😉Menu有得散叫或者叫餐配唔同既野例如鯖魚，炸蝦天婦羅等！（留意既如果叫天婦羅要等15分鐘）🙆🏻🙆🏻最後我揀左個關東煮配冷烏冬！😏記得以前去日本居酒屋老板教落，要試關東煮好唔好食就一定要試大根先！呢到既大根都好好味！又夠淋，入晒味！冷烏冬我就揀左幼麵，比粗麵更出色，口感更好！😉😉下次黎我要試埋個鰹魚湯熱烏冬！！

一到午飯時間就人頭湧湧既烏冬店，一早去拎定位坐低慢慢嘆，店主去過香川県學藝，為左整到原汁原味，更加購入日本用具同材料。店舖係同層搬過舖位，大家千祈唔好去錯，入面有幾張四人枱同一大張既長枱，而裡面就係廚房，完全係超開放式，見到哂成個製作過程。呢個招牌烏冬一陣間就會清哂貨，《海苔冷烏冬配骨付雞》($78)，幼烏冬好煙韌有咬口，啲烏冬好長又痴埋一舊食得有啲輪盡，食落又唔覺有好濃既海苔味，可以點日本醬油芥末蔥花一齊食，骨付雞好香既蒜同黑椒香味，雞肉都好嫩滑，食多就覺幾油同重調味料。話都明係鰹烏冬，緊係叫個主打既《鰹魚清湯烏冬配關東煮》($65)，用上大量鰹魚碎昆布同味醂熬既湯，飲落已經勁清香，關東煮材料吸盡左湯底精華，食落款款都好入味。加左$15要個流心蛋，睇下中間流心程度就知好好食。店名：鰹烏冬地址：觀塘開源道60號駱駝漆大廈3期11樓O室餐牌:

今天打超級強風山竹前夕，晏晝同左成班同事試下呢間出名既自製手打烏冬，呢間餐廳係觀塘工廈內最高習，首先要坐貨lift 先可以食到好西，我建議食晏既時候最好打電話比餐廳訂左位先，因個度地方唔係咁大，座位唔太多，可能星期五既關係特別多人，就算訂左位都要人齊先比位我地，我地成班人都等左10分鐘左右，好彩個staff 比我地預先叫定d 烏冬，好失望海苔烏冬又售罄，所以叫左另一款烏冬，一坐底就好快就期待已久既鰹魚咖哩烏冬登場啦！熱騰騰既咖哩現埋爽口彈牙既自家製既鰹魚烏冬，超正呀！唯一係餐廳既冷氣比較弱，食完咖哩都會有少少熱，食到出晒汗

無意間發現到這神秘的聖地， 簡約的店設計。香噴噴的清湯充滿在店內。 我已急不及待的要叫我最愛的雞扒了雞排皮脆肉嫩， 口感極佳❤️❤️❤️烏冬也點了很喜歡的粗身烏冬， 非常有日本🇯🇵旅遊的感覺！ 是時候想一下日本之旅了💁🏻‍♂️

午飯好去處~我又嚟喇😄 可惜天有不測之風雲，突然天色一黑，滂沱大雨，朋友濕住身食😅去到門口只有幾個人等緊，店員會俾張點餐紙我睇定食啲乜，落定order，縮減等餐嘅時間，好快就可以安排入座。平時好受歡迎嘅海苔烏冬已經售罄🙅‍♀️，唯有叫其他試試啦。今日我點咗竹簾烏冬配鯖魚。首先調咗個汁先，個烏冬係凍食嘅，烏冬煙靭彈牙，沾上調好嘅醬油汁，爽雜住香蔥芝麻香嘅醬汁，感覺好舒服，會好想係咁食🤣就算唔沾醬油，烏冬一樣咁好味。鯖魚加上檸檬汁，除咗可以減少腥味之外，仲帶出另一種層次口感，不過比較多骨，食嘅時候要小心。