鰹烏冬 (駱駝漆大廈第三座)

营业中

休息中

都係6點幾既鐘數上去 都幾乎坐爆人見到佢有抹茶烏冬 身為一個抹茶控 一定會嗌一份黎試下!另外本身都想試下咖啡味 不過店員話已經無哂 唯有嗌個海苔味試下啦~抹茶味 其實可以再濃多少少 雖然其實佢都已經好夠味不過我諗應該為左迎合大眾 唔可以整到太苦澀?海苔味都幾有特色 食落 試真D 又真係幾海苔D配料都真心OK 不論係個金菇肥牛卷定係天婦羅 份量夠 夠香口 炸份又唔厚希望下次黎大有咖啡麵食啦!!

小編其實已經回訪了幾次每次想起烏冬都會唸起呢間黃店😚環境闊落之餘都唔會好多人🤪❤️推介指數: 7.5/10 😎會回訪嗎: maybe 等候時間：0mins (平日6:30PM) —————————————————————😍醬油烏冬 配骨付雞 $81 雖然定價比較高但份量非常充足🤪小編以為醬油係額外上點知係連埋一齊🥲搞到烏冬下面那層特別鹹🥺醬汁整體也偏鹹🤨烏冬同雞嘅比例都算平均😬烏冬屬於煙韌較有口感但小編覺得淋少少也可以冷烏冬未算真係好凍不過還好啦🤔至於配菜真係推介大家叫雞🤤雞嘅醬汁真係夠甜有燒汁嘅味道😎但今次雞相對韌左少少🤏不過也可以接受雞麻煩嘅地方係要自己切😂整體來說唔算好多味精性價比還可以的但烏冬嘅話唔推介叫醬油烏冬🤭至於環境很大有兩間房唔好嘅係啲櫈冇得ai😣—————————————————————💯小編分數表6️⃣以下：不合格😣7️⃣：整體普通8️⃣：值得一試🤪9️⃣：必試🥳🔟：呢種程度應該不能挑剔吧～

地址－鰹烏冬 Katsuo Udon觀塘開源道60號駱駝漆大廈3期11樓O室💋鰹魚湯白味噌鍋仔燒烏冬配味噌焗鯖魚，等的時間幾長下，應該係人客太多做唔切，但又會即時製作，所以要等耐D。魚湯一飲落就覺得好鹹下，唔太飲得出係魚湯，基本上鹹到飲唔到係咩味。烏冬份量幾足，口感幾彈牙下，食得出同出面其他的有唔同，值得一讚。配料方面跟一堆打邊爐的肥牛同埋冬菇，如果種類多一點會抵食D XD, 我地揀左跟味噌焗鯖魚，反而呢個就岩岩相反，唔太食得出味噌味，唔太鹹，如果兩者味道可以平衡返就好了LOL，跟餐黎講都幾大條下，幾好💋鰹魚半湯烏冬配天婦羅 (5件)，烏冬方面，可能我地係晚餐時間黎食，比較多人定唔知咩原因，原本我地揀左幼烏冬，但侍應表示冇粗幼可揀，直接黎左粗版烏冬。湯底方面，同出面的鰹魚湯湯底味道相若，冇咩特別，已經好好了，至少唔會過鹹。天婦羅方面，佢有茄子，多春魚，蝦，冬姑同唔知咩魚各一款，質素幾好，食得出來貨質素唔差，蝦同多春魚都比想像中大隻，好似好抵咁 XD💋骨付雞，我地見隔離枱好多都有追加呢款小食，咁我地都唔執輸叫返隻黎食下，果然好大隻，成部電話咁長，肉質唔錯，我諗佢地處理的程序應該唔錯，冇咩

某次在朋友介紹底下，認識左呢一間烏冬店，而亦係因為呢一次，佢就成為左小弟的飯堂。 本人都黎左好多次，骨付雞必食大家都知架啦！ 而今次本人就叫左個凍豆腐，抹茶烏冬配上金菇牛肉卷。 首先，凍豆腐的豆味都好濃郁。配上爽口青瓜，飛魚子及鰹魚汁，成件事好夾好清爽！雖然$18蚊叫個豆腐好似有點兒貴，但鬼叫我係豆品愛好者咩。 其次抹茶烏冬。呢間金鋪頭有好多特色口味的烏冬，例如咖啡，柚子，蕎麥，抹茶咁。而今次就叫左抹茶竹簾烏冬。點解會叫凍呢？因為天氣真係好熱。第二，我覺得凍烏冬食落比較煙韌，符合我個人口味。第三，烏冬同鰹魚汁真係絕配。但烏冬的抹茶味好淡，幾乎沒有，所以叫番普通烏冬可能都差不多。 最後，因為骨付雞已經食得太多次了。所以今次叫左金菇牛肉卷。而點解會叫一個我本身麻麻地的餸呢。原因就係佢叫做金菇「牛肉卷」而非「肥牛卷」。因此一般的金菇卷的金菇已經好難咬，加埋肥牛啲見仲難咬，因此無特別都唔會叫。而佢地的金菇牛肉卷，金菇好爽口，而牛肉煎得夠乾身，唔會有上面所講的問題，加埋個汁真係一流！必食！

已經係第三次黎食鰹烏冬，自家製手打烏冬依然係咁好味🥰 頭兩次黎食，次次都排晒長龍，原來平日7點前都唔洗等位，直入坐定定等食🤣🎍竹簾烏冬（原味）配 🍤天婦羅（五件）$99而家天氣咁熱，最岩食凍嘅竹廉烏冬，烏冬可揀粗同幼，粗烏冬超煙韌彈牙，配埋烏冬汁、Wasabi、芝麻食唔停口☺️天婦羅有茄子、多春魚、炸蝦、冬菇同兩舊魚肉，全部新鮮熱辣，脆卜卜 🤤🥚黑胡椒粒拌蛋烏冬 配 🍗骨付雞 $83黑胡椒粒拌蛋烏冬同竹廉烏冬一樣煙韌、彈牙，成個烏冬一上菜就聞到好大陣胡椒味，講真都幾辣下，唔食得辣嘅就唔好叫😂超推薦佢地嘅骨付雞，大大隻雞髀用左蒜蓉、七味粉同蜜糖調味，成隻雞髀好惹味，雞肉又唔韌，正！

：「『烏冬店，烏冬分勝負！』，店家所言甚是。」《製》《品》【夏一烏冬】$85▫️喜筋道麵條，故點冷麵；▫️果真柔韌彈牙，順口耐嚼，口感奇佳。▫️底有醬油，佐以薑、蔥、青瓜、白芝麻、紫菜、煙肉碎；▫️生蛋黃於其中，諸料各獻一味，配合調和，色、香豐富；▫️清新滋味，低調不奪小麥香。▫️配以微酸檸檬汁，品之清新開胃，暑氣頓消而心曠神怡。🔎#老饕鑑鹹_上中品—————————————————————————【骨附鳥】🔸熟物之法，最重火候；🔸骨附鳥份量令人滿意，且均勻熟透。🔸外皮金黃焦香，得嚐絲絲蜜糖甜味，頗有驚喜。🔸內裡肉質鮮嫩，肉汁流動，滿口肉油香，值得一試！🔸若溫度更熱，可臻上中品。🔎#老饕鑑鹹_上下品—————————————————————————【#金菇牛肉卷】$42♦️老饕喜精瘦之肉，難得此家選牛肉八瘦二肥；♦️精而不柴，正合我意。♦️牛肉片以濃郁燒汁煎過，微焦而掛汁沾香，可以一試。♦️金菇爽口耐嚼，且盡吸肉汁、燒汁之精華，咬之釋出。♦️唯溫度微暖，成一大憾事。🔎老饕鑑鹹_上下品—————————————————————————🗺️觀塘開源道60號駱駝漆大廈3期11樓O室🗺️長沙灣元洲街450/464號寶華

夜晚咁岩同男朋友行駱駝漆，佢知道我中意食烏冬就提議黎呢度食晚餐。入去前都有一條人龍等緊，人流算多。入到去唔算特別好坐，但個場都幾大，容納到幾多人，所以唔洗等太耐都入到去食野。我叫咗個理應係濃味d既咖哩烏冬，雖然預咗佢係偏日式，唔會辣，但都冇諗過好似水咁啖，無論質地定味道都似水，而個烏冬都算煙韌既。之後叫咗個金菇肥牛卷，d牛肉就有d韌，唔係好咬得開，味道就普普通通啦。我地仲叫咗個凍豆腐，有飛魚籽、紫菜同少少青瓜絲，口感同味道都幾夾。男朋友一早叫咗個炸蠔，但等咗半個鐘都未有，就同侍應講如果未整就唔要，個侍應就話炸緊，講完冇耐就到咗，仲好熱，相信係催單個下先整既。另外，男朋友同我講，我後面就係收集碗碟既地方，但完全冇任何野遮掩住，其實望住食野都會降低咗個食欲總結以上咁多樣野，唔會再黎了。

呢到嘅烏冬係手工烏冬，唔係機造，所以食落係比較煙韌，係幾高質嘅烏冬👍🏻— — — — — — — — — — — — — — — — — — — 【黑胡椒粒拌蛋烏冬+ 骨付雞】一上菜完全係芳香撲鼻，嗅到濃嘅黑胡椒味，但食落又唔係好重嘅胡椒味，同想像中有d 唔同。而個炸雞髀係好出色，夠嫩滑多汁，又幾香口，而且都幾大個，呢個可以一試。— — — — — — — — — — — — — — — — — — — 【鰹魚湯烏冬+關東煮】鰹魚湯味幾濃，關東煮🍢有竹輪、蘿蔔、日本蛋、蒟蒻等，味道正正常常。相比之下，骨付雞好食d。

要試真係出名好味嘅高品質烏冬，呢一間真係走唔甩！ 啲烏冬口感正，絕對食得出係高質！湯底液好好味， 鰹魚湯底絕對唔會令你失望！ 可能有啲人覺得冇咩特別，但係咁嘅價錢，性價比絕對高！ 今日同小女兒和朋友要嚟觀塘做啲嘢，去到觀塘駱駝漆大廈行一轉，順便上去食一食，小朋友又開心，大人又覺得值得。 今次額外叫咗個骨付雞，亦都冇失望，絕對會再次返嚟光顧。

朋友話想食烏冬，記得之前嚟過呢度幾次，食物唔錯，當然就帶朋友上嚟啦今次食咗紫菜soba加金菇牛肉卷 ... 個soba幾好，不過個牛肉卷呢 ... 我只可以怪自己點解點呢樣 ...另外我未食完，行開咗去攞牙籤，返到位個餐就已經被收咗。同收餐嗰位阿姐講，佢嘅回應竟然係「呵呵，未食完？呵呵」然後就當冇事 點解呢位阿姐可以咁有型

為咗美食，你可以去到有幾盡？我自己經常跑到香港十八區搜尋不同的美饌🐣。但如果一個人，為了貫徹對烏冬和日本文化的熱切追求，跑到日本學習讚歧烏冬的製作方法，再回來開一間烏冬專門店，相信大家不會對其理想的追求作出質疑，更會認同他對食物有一份堅持和執着✊🏼。🏞環境餐廳沒有華麗的裝修，沒有hi-tech的餐飲設備，有的，是一張張烏冬的製造過程，以及讚歧烏冬製作班的宣傳海報，完全感受到餐廳對烏冬的執着。一份誠意，吸引到不少想品嘗真功夫的烏冬同好來朝聖。畢竟裝修只是輔助，美食才能反映餐廳真正的功架💪🏻🍜食物1. 夏一烏冬配金菇牛肉卷🍜（$90）🔸冷烏冬配醬油湯🔸配料有芝麻、青瓜、蛋黃、薑蓉和海苔碎：本身配料已經蘊含清新和冰涼的感覺，擠上檸檬汁，使整個烏冬湯底酸中帶爽，非常適合夏天熱辣辣而不想吃熱湯烏冬的客人🥒🍳🔸烏冬口感煙韌彈牙：如果把蛋黃打碎，蛋汁就會融入醬油湯底，使每條冷烏冬沾上蛋汁，口感滑溜🥚香滑的質感，不禁使人「𠽌𠽌聲」地吃起來🔸金菇牛肉卷：牛肉卷卷得密實不易散開，牛肉肉汁豐富，在卷上灑上芝麻，混和了芝麻香和肉香，香氣撲鼻👃🏼2. 月見熱烏冬配關東煮（$74）🔸熱烏冬配醬油湯🍜🔸以日式魚蛋片

eat乜雞髀 | 心目中第一雞髀|觀塘話說，鰹烏冬出名在佢哋新鮮自家製嘅讚岐烏冬。幾彈牙， 幾好味。不過，小編每次去都係為咗佢哋嘅小食——骨付雞、天婦羅。先講天婦羅，今次叫咗「天婦羅廣島牡蠣」,即廣島蠔。皮薄，新鮮炸出，香脆夠熱。廣島蠔亦非常新鮮，無腥味，唔需要任何醬料已經好正。如果你唔食蠔都唔緊要，普通天婦羅都好味。壓軸出場，骨付雞，即係雞髀。講真，係我食過最好味嘅雞髀。每一次去，都一定會食兩隻，沒有例外。一來夠大隻， 啖啖肉。二來，醃料醬汁非常出色，香口，入味，但又唔會太濃味，食完唔會好口渴。三來，肉汁豐富，唔會好似平時食雞髀咁有啲位太乾。簡單而言，必食。

呢間黃店烏冬係觀塘開咗好多年，係長沙灣同佐敦都有分店。佢地既手打烏冬出晒名，有唔同既口味，凍熱都有得揀。平時我會食佢地既雞髀🍗拼烏冬，今次轉下口味，試個金菇牛肉夏一烏冬，金菇肥牛真係無得輸，牛肉半肥瘦，唔太漏，牛肉汁似足吉野家，好好味🤤烏冬夠晒煙韌彈牙，而且份量多，每次食完都大滿足🤰🏻另外叫左個關東煮🍢（無影相sor)佢汁係鮮甜得黎唔咸👍👍蘿蔔有些微既筋，但都夠淋夠入味～其餘既配料有高麗菜，蒟蒻等等，鍾意關東煮既朋友可以試吓🤗不專業評分，僅供參考食物：⭐️⭐️⭐️⭐️環境：⭐️⭐️⭐服務：⭐️⭐️⭐以上

估唔到係工廠大廈都有啲咁正既野食啊! 雖然話就話係工廠大廈 但係哩到人非常多 枱枱都坐滿客架( Ꙭ )!!個日我同男朋友仔都叫左鰹魚湯白味噌鍋燒烏冬 配菜佢就叫左骨付雞 而我就叫左金菇牛肉卷‪ꔛ‬ 個人覺得佢既雞真係出色既 勁juicy 都嫩滑 牛肉卷都好食 有牛味👌🏻不過衝住佢個烏冬黎既我對烏冬反而有少少失望 烏冬未算話好有咬口 魚湯亦較為淡同唔夠多 而且用石鍋上菜以為食物一定會熱辣辣 但佢只係偏暖 有點失策 估唔到我黎食佢個烏冬反而配菜仲好食🙈

駱駝漆大廈(3 期)出名多性價比高嘅餐廳，所以收工就決定嚟呢度搵食🤩呢度有好多特別口味嘅烏冬，例如抹茶🍵烏冬、柚子烏冬等，不過都係冷烏冬嘅食法，嗰日唔係好想食凍嘢，所以無試到🙈鰹魚湯烏冬配關東煮（$68+$4轉魚湯豆乳）個湯有驚喜！魚🐟嘅鮮味配淡淡嘅豆乳🥛味好夾，夠晒鮮甜又好滑，好味！配埋天婦羅碎一齊食仲正，唔小心就飲咗半碗🤤感覺吸收咗滿滿嘅蛋白質～姐姐話通常到晚市幼烏冬已經賣晒，所以我哋配咗粗烏冬，手工烏冬比平時啲更煙韌，條條嘅形狀都有少少唔同，有啲圓圓地，有啲扁扁地，份量好多，下次一於午市嚟試埋佢個幼烏冬，相信會好掛湯😚關東煮有蘿蔔、菜卷🥬、竹輪、蒟蒻同日本蛋🥚，索晒啲湯，煮得好入味😋月見烏冬配金菇肥牛卷($87)「月見」指放了生雞蛋🍳的料理，撈了蛋漿的湯除咗有魚嘅鮮甜，仲有淡淡嘅蛋香味，層次更豐富👍🏻(不過個人就鍾意豆乳湯多啲)金菇肥牛卷嘅份量都唔少，牛肉味好濃郁，醬汁滲晒落啲金菇度，好惹味😙見到隔離枱叫咗骨付雞好吸引😍本身想加配，但係已經飽到食唔落，下次一定要再嚟！環境﹕7/10抵食﹕8.5/10味道﹕7.5/10