鰹烏冬 (駱駝漆大廈第三座)

营业中

休息中

已經係第三次黎食鰹烏冬，自家製手打烏冬依然係咁好味🥰 頭兩次黎食，次次都排晒長龍，原來平日7點前都唔洗等位，直入坐定定等食🤣🎍竹簾烏冬（原味）配 🍤天婦羅（五件）$99而家天氣咁熱，最岩食凍嘅竹廉烏冬，烏冬可揀粗同幼，粗烏冬超煙韌彈牙，配埋烏冬汁、Wasabi、芝麻食唔停口☺️天婦羅有茄子、多春魚、炸蝦、冬菇同兩舊魚肉，全部新鮮熱辣，脆卜卜 🤤🥚黑胡椒粒拌蛋烏冬 配 🍗骨付雞 $83黑胡椒粒拌蛋烏冬同竹廉烏冬一樣煙韌、彈牙，成個烏冬一上菜就聞到好大陣胡椒味，講真都幾辣下，唔食得辣嘅就唔好叫😂超推薦佢地嘅骨付雞，大大隻雞髀用左蒜蓉、七味粉同蜜糖調味，成隻雞髀好惹味，雞肉又唔韌，正！