鯛魚魚湯專門店 (已結業)

廣島生蠔、象拔貝魚湯手打稻庭烏冬- 奶白色、薄身的魚湯魚味未致濃郁，但淡雅清香，帶點點胡椒香氣- 配菜有木耳絲、海帶碎、炸豆腐絲、黃芽白及京蔥絲，爽脆香口清新兼備- 廣島生蠔飽滿味鮮- 象拔貝又硬又乾又沒味道- 烏冬滑溜彈牙，頗掛湯*吃到尾段有點寡，雖有七味粉提供，但仍未能增味，若有一味粉、山椒粉或蒜蓉指天椒提供更佳*餐紙上提到鯛魚含豐富菸鹼酸，有助維持神經系統及大腦功能正常運作……若人體缺乏菸鹼酸，情緒容易受影響。未有深究是否屬實，但一想到餐廳以吃鯛魚有助穩定情緒作賣點，就聯想到鰂魚涌辦公室林立，附近餐廳主要靠打工仔支持，打工仔壓力大，以此作招徠，或許真的有用

今日黎開鰂魚涌，想食清啲，都真係吾知有咩好食，就上openrice 摷下，見魚湯烏冬，應該無拉麵果啲甘油，於是入去試下我地嗌左一個包魚魚肚花膠烏冬（$136）同一個kimchi豚肉烏冬（$72）份量好足好多，個湯就真係幾吾錯，無得彈，但魚肚花膠呢啲好嘢可能吾係我杯茶，我就麻麻地，淡荗荗鮑魚就甜甜地幾好食。個kimchi 豚肉都幾好，主要係佢抵食又俾咗好多肉如果再有機會黎鰂魚涌，我都可能會再食丫，但提一提佢都幾旺場，lunch就放棄吧啦(我估),夜晚都係等咗一兩張枱，不過都值得去食架

之前灣仔都開左間分店可以成日食..但灣仔舖冇左之後要走到遠一遠先有/.\ 好掛住佢嘅魚湯，所以專程山長水遠黎到人生路不熟嘅鰂魚涌會一會啲魚可能係午餐時間，好多人好爆場，魚湯唔係以前食咁濃，都係個句：可能太多人....好懷念之前係可以杰到有塊紙係湯上面~~鯛魚片佢整得唔會好熟，有少少少少生生地所以好滑👍🏿我冇份食呀～不過黎到好香🤤份量都唔算少，炒得幾均勻有四粒大豆腐，外面包左啲唔知咩🤷🏿‍♂️我唔識😂外脆內滑！！！似食粉狀野多啲😫啲蝦唔似一隻隻，似包住啲蝦肉再插條尾上去咁，得個樣～乾爭爭左啲囉~~~

看馬家開飯後就一直很想吃他的鮑魚花膠魚肚烏冬，朋友吃過也大讚他們的魚湯，令海鮮控的我決定一定要吃到它。原本今天中午要來吃的，結果時間耽擱變成下午茶時間來(個人覺得下午茶時間不錯還有贈飲可以喝，也比較有位)，但今天決定點了鮑魚花膠烏冬再加一顆廣島生蠔，一上菜完全眼睛大亮，魚湯入口濃濃的魚味，非常鮮甜，會忍不住一口接一口，花膠入味份量又多，鮑魚也很好吃，他的烏冬也非常彈牙，但吃的時候要避開蔥，否則蔥的味道會印象鮑魚的味道，生蠔一咬就像在嘴裡化開，超濃郁的味道。朋友點了皇帝蟹腳湯飯，蟹腳肉多，而且一絲絲的，非常好吃，如果多人來建議各點不同的餐點，可以彼此share可以吃更多味道。

鰂魚涌太古坊旁的飲食街都算有名氣但要在周休二日這個商業區遊盪搵食，心中不免戰戰兢兢還好老天眷顧，有幸遇到這間店小店主打魚湯，可以配飯或烏冬由於只是下午茶，所以和友人齊齊選了烏冬下午茶餐一個主食加一杯飲品上菜後才發現其實暗地裡有少少沙律我的吉列蝴蝶蝦湯烏冬和友人的雞塊唐揚湯烏冬吉列蝴蝶蝦香脆可口有五大隻之多友人的唐揚雞份量更多以下午茶來說份量的確不少不知是不是配合附近的人在下午茶時段其實也只是他們的午餐但他們絕不是單單以量取勝，質素也很高的吉列炸得夠酥脆，因為粉漿只是薄薄的一層，不用炸太久，內裡的蝦得以保持嫩滑而唐掦炸物一樣炸得香脆難得的是吃到最後一塊雖然已放涼(是我們不好，只顧聊天)但仍然可口，不會覺得太硬也不見油膩，這個超讚的!烏冬是稍為扁身的烏冬絕不是廉價行貨最有期待的是這個白色魚湯底既然以魚湯為主打，當然對它充滿厚望不屬於濃味之選，但我亦欣賞它清清地的口味有鮮甜魚味卻不會太過火就連最怕魚腥味的友人都覺得可口果然沒令人失望最後還有一杯蒸餾哈拉竹炭咖啡自問對咖啡沒研究對沒聽過此名堂只覺得還不錯唯一感到不便的是店面的確是稍為細小座位稱不上舒適 (只是普通，也不是太差)不過這也算是香港的

其實依間食過幾次但之前幾次都係食海膽， 蠔湯飯平時d魚湯都幾有魚味， 飯沒什麼特別蠔算大隻， 不過有少少腥味，中規中矩海膽算多， 甜，唔會好腥算係不過不失就無評價今次試下烏冬唔食湯飯，佢餐牌見到有牛肉， 炸豬排，同炸蠔牛肉覺得貴左少少 105就試下炸豬排啦 85炸豬排烏冬一黎，睇落去都唔差但試落，衰少少講連茶記都不如第一塊我一夾起，塊肉同面衣分開，跌出黎咬落去， 豬肉好乾， 真係好乾好似咬緊肉乾， 味道一般似炸完放左一段時間食完喉嚨即刻唔舒服依個價錢俾塊咁既豬排真係差左d

之前上網睇介紹，話呢間既湯底係100%鯛魚製成，加上花膠魚肚呢啲咁養顏既女仕恩物緊係黎試下。由於佢一開鋪就黎，所以都唔洗等。揀左花膠鮑魚魚肚湯飯，連埋個熱鍋酒精爐上，熱辣辣唔怕凍，先試個湯，真係好好味，唔敢講100%, 但真係飲到魚味，同埋唔係味精。鮑魚好入味同淋，魚肚都好滑，食個飯都好好食，而且份量十足。最抵讚係啲員工，服務態度好好，見到啲飯吸晒啲湯，仲好貼心咁加多一小碗湯比我。出到黎已經係午飯時間，爆多人了，不過提提呢度只收現金。

Happy friday心情好，鰂魚涌打工仔食Lunch又有新地方了！去了公司附近成日都迫爆人既鯛魚魚湯專門店。雖然店外好多人等位，但店員都好有效率控制人流，預先點定餐，等了大約三四個字，一入去就有得食。花膠魚湯烏冬 ($72): 4/5雖然以魚湯作為主打已不是新鮮事，但本店強調100%無味精，使用營養價值高，低脂肪又養顏的鯛魚來熬製湯底，十分足料。奶白色的魚湯一入口已嚐到濃郁的魚香味，一點都唔腥，非常鮮甜，拿拿林趁熱把整碗都喝光光。花膠都係出乎我意料之外，用料一點都唔孤寒，一碗價值72大元的麵店都放左多過五舊花膠！唔理補唔補得返啲骨膠原，又魚湯又花膠咁，心理上都已經覺得好養顏。另外，呢度仲有泡飯俾你揀。同事分別點了蟹棒魚湯飯和鯛魚片魚湯飯，湯飯提供爐火底座保溫，好貼心，咁就唔駛怕凍了會腥，可以慢慢飲哂個湯。總結，呢間可以再encore！推介推介

星期六下午，鰂魚涌好多食店都中場休息，胃痛想食d湯水類食物，好彩讓我看見這一家店仲開緊。我同友人入去個陣，小店仲有幾檯客，staff 就係後面開飯，我地就自己坐低啦。睇完一輪menu，真的好難選，太多好野喇。最後，我決定回歸基本步，要左個吉列豬排魚湯烏冬，對面友人就要個野菌肥牛飯定食，本身佢個湯係跟麵豉湯，但我地問有無得轉魚塘，佢就轉比我地喇。等左10幾分鐘，先上左個定食，分量都唔少下再黎就到我的吉利豬排魚湯烏冬，麵係稻亭烏冬，麵質滑溜。好開心個豬扒炸得幾好，個炸衣同肉無分開，食到最後都係脆口的。最重要係個湯，我真係未飲過鯛魚湯，佢係有股鯛魚既鮮味，同屋企煲既生魚湯個d唔一樣。呢個湯飲唔出其他辟腥香料既味道，衹有純粹魚湯的鮮和醇，有點顛覆我地平常飲中式魚湯又煎魚又落薑的味道。木耳同昆布一大堆，連麵都係一大碗，豬排都有7件，真係好大份！！我跟餐叫左個半價特飲，menu上個名好浪漫，但我唔記得喇。佢的真身係紫貝天葵加生薑，混埋一齊之後我覺得生薑糖水味濃d，可能因為佢沉底，可能換成熱飲會好dAnyway 呢家餐廳既魚湯 我會再黎架

平時吃開的拉麵／烏冬的湯底大都是豬骨湯之類的！所以當找到一家是以鯛魚湯作為湯底的當然要去吃吃看吧而且這家不只有鯛魚湯麵，還有湯飯！先點了 - 象拔貝魚湯烏冬 ($72)海鮮的話多數是帆立貝、蝦之類的，所以見到象拔貝比較少見就決定點這個。象拔貝口感柔嫩得來帶爽脆～這樣的吃法還滿新鮮的喇！湯底方面，是奶白色的鯛魚湯～味道鮮甜還滿濃郁的喔烏冬是扁身的那種，吃落的口感頗彈牙。海膽湯飯($138) ＆ 煙三文魚魚湯飯 ($78)湯會熱著這點很不錯，除了能保持著溫度外～亦同時讓湯底的味道更為濃厚。看起來比湯烏冬更為吸引嘛！！另外也點了一款小食 - 薯絲卷卷蝦 ($38/5件)吃的時候要小心連蝦尾一起吃掉呢～這個很香脆。也點了一杯飲品 - 藍色星期一 ($24)餐牌上寫這是乳酪和藍糖，但飲起來像是乳酸飲品。

因工作需要第一次踏足鰂魚涌，午飯時段每間食店都人頭湧湧，剛好經過這家店，誤打誤撞之下等了20 分鐘便有位。店鋪不大，坐位有點迫，幸好食物水準高，亦值回票價。我跟同事分別點了象拔蚌魚湯烏冬$72及花膠魚湯烏冬$72。象拔蚌很爽口，分量亦很多，花膠亦很彈牙，店主亦毫不吝嗇鋪滿大半碗烏冬，黑本耳及其他配菜亦滿滿的，不會像其他日式拉麵店，價錢又貴，配料又少。最最最重要的是湯頭十分好喝，我跟同事麵把它整碗喝完，而不覺口乾～整體而言，只是坐位較狹窄，食物水準是高上，比起吃拉麵，我更會選擇這家烏冬店～👍🏻👍🏻👍🏻

今日係喺鰂魚涌工作生涯裏面嘅最後一天, 同接手我工作嘅同事仔出去食午飯， 因為交接工作關係搞到我哋好遲先出到去食飯， 鰂魚涌食lunch嘅地方選擇其實好多，但係人亦都好多，所以好多鋪頭都大排長龍， 我哋又唔想搵一啲外賣鋪頭， 想希望坐得舒服啲我同事仔話佢最鍾意食烏冬， 行行行行下見到有間魚湯烏冬但係好日本式， 覺得可以試一下所以就攞咗張飛 等待食飯點知入到去點菜嘅時候 同事仔忽然話畀佢個廣島蠔魚湯飯吸引咗 反而我就點咗魚湯烏冬拼吉列豬扒吉列豬扒出場， 粉漿唔厚但係豬扒好厚， 魚湯鮮甜，烏冬係用番稻庭烏冬， 特別幼身爽口佢個蠔湯飯亦都非常之吸引上枱用火哄著， 廣島蠔亦都非常之大隻 佢話好好味好鮮甜 喺鰂魚涌食晏唔係食咗好多餐 ，但係呢一餐算係最滿意嘅

記得呢間野新開張果時朋友就帶我黎試過，事後一直唔記得上黎打返食評，但呢間我諗係我食過最抵最真材實料既食店話明鯛魚湯專門店當然主打係鯛魚湯，所用既湯都係100%鯛魚新鮮熬製而成，無加味精，除左有豐富骨膠原外，仲低卡路里，女士可以食放啲都唔怕肥啦餐牌大部分都係湯烏冬同湯飯，當然亦有啲日式小食炸物，但黎到鯛魚湯專門店梗係試下佢地既皇牌啦。我地嗌左鮑魚花膠魚肚魚湯烏冬（$138）同皇帝蟹腳海膽湯飯（$168）。兩者同樣魚鮮味濃郁，清甜得黎又唔會腥，湯底呈奶白色不見底，睇得出花左長時間煮成，但完全無油浮喺面，感覺健康啲食落無咁有罪惡感，係咪有美顏功效就真係唔知啦😂鮑魚頗大隻，幾彈牙，連我呢個唔中意食鮑魚既人都食哂兩隻🌚魚肚吸收哂啲湯汁好入味平時好怕花膠浸唔夠，會好似咬舊膠咁，但呢度真心唔會，好稔好滑身🤤仲要件件都大大舊好足料！手打烏冬爽口彈牙，食得出同外面既有唔同。食哂烏冬可以飲埋啲湯，唔會好似平時拉麵湯底咁鹹飲完會口渴。湯飯因為係朋友點既所以無食到，但聽佢講海膽好鮮甜，係新鮮海膽而且份量多。同埋湯飯會比烏冬食落更入味，因為每粒米飯吸收哂啲魚湯，食落口感綿密得黎又充滿鮮味，清淡得黎又開胃呢間野真

近拜去咗鰂魚涌返工先發覺原來嗰頭有好多好野食架兩點先lunch time，同同事一行六人一齊去咗食呢間以鯛魚湯為賣點既烏冬鋪。間鋪其實都細細地，所以我地都要等一陣先入得去。呢個時間其實有下午茶，免加一四十零蚊有野飲送真係好抵，不過係豬骨濃湯。肥西都係想試鯛魚湯所以就比多咗少少錢食正餐。呢間野menu好多選擇，由海鮮野唔同既炸野都有。我地六個人分別叫咗燒雞扒、吉列豬扒同吉列蠔，可以share下咁。可以比錢轉讚歧烏冬既，不過反正我都只係想試個湯，就冇專登加錢嚕。店員都幾nice架，幫我地安排座位既時候都有傾有講，我地連諗檸茶檸水都搞一輪，但佢都好有耐性。講返食物，燒雞扒比較普通，同出面食既冇咩大分別。個魚湯好香，有同事話佢覺得魚腥味重，但我覺得冇問題，濃而不膩，如果驚魚味既可以要蕃茄湯底啊～吉列豬扒炸得好香脆，厚薄適中，算係中上之作啦～我自己覺得我叫既吉列蠔先係最好食！好大份，叫落去隻蠔仲有汁爆出黎，唔會變乾身。隻蠔本身既鮮味亦都有保留到。值回票價啦～所有野都好好，不過我覺得個烏冬只係普通，口感冇特別。不過其他野已經足夠令我比五粒星啦！

叫碗最勁的皇帝蟹腳海膽湯飯，依間最出名的鯛魚湯底做成湯飯， 好濃嘅魚湯加上飯已經好食，而且因為係最勁的關係，飯下面仲有個火爐仔，令魚湯保持溫度，皇帝蟹腳就更加唔洗講，無得輸 但主角都係海膽上面，因為我估唔到佢同鯛魚湯咁配合，其實兩隻味本身已經有少少相似，但海膽多一份甜，魚湯多一份鮮，咁咪鮮甜囉😂，一啖湯飯一啖海膽，就好似香甜的雞蛋蛋糕，上面有忌廉係面，就係咁perfect match