鯛魚魚湯專門店 (已結業)

QUARRY BAY真心多特色小店！今日嚟到舊校對面嘅鯽魚湯專門店食晚餐😽😽 番茄迷必試番茄湯配肥牛烏冬🍅🍅80幾蚊係小貴的，但份量絕無欺場👅成坐山咁滿架！d肥牛好多片，食落腍身易咬，底仲有好多木耳、菜、芽菜等等配料:-D 而湯底好香魚味，再配上酸甜茄湯，好想成碗飲哂！👉🏻👈🏻👉🏻👈🏻男朋友叫左炸豬排烏冬，一樣係大大份嘅❤️❤️烏冬都係相當彈牙，浸耐左都唔怕的。而純魚湯就魚味更濃，有豐富嘅配菜係入面。豬排炸得還好，有小小干😫😫🍅#2019情人節

近排天氣非常之伏朝早暖中午凍著唔夠衫出門Lunch就去咗食鯛魚湯原因係我知佢啲湯係飲得落肚嘅湯食完個人咩都暖哂間嘢唔特別平食完又會催你走但門口一到lunch就好多人排不過落完單即刻有位入算係咁今日大風到冇心機睇餐牌想入去坐求其見到個未食過嘅帶子魚湯烏冬就就叫出唻非常足料雖然帶子煮熟放湯係淡口啲但總算童叟無欺 大大粒啖啖肉$78唔收加一冇嘢飲 但就係個湯夠味又唔會太咸太濃又唔會多味精你先會飲哂碗湯 先發覺原來自己唔需要嗌嘢飲

今日帶大家過海搵食🌊阿P近排忙到甩轆😵連見面時間都少左😥所以真係無乜出動食好西😭.呢間舖頭其實都唔止幫襯過一次🤪食過翻尋味既原因除左味道好之餘仲有就係CP值夠高👍🏻😉叫左個「皇帝蟹腳海膽手打稻庭烏冬」魚湯真係夠濃味 唔太覺味精🤣熱辣辣上枱 仲會有火熱住個鍋🔥💫烏冬幼滑又彈牙 索曬湯咁食超正😍如果唔要烏冬要飯既話仲會有脆米湯亦唔會俾淥完烏冬既水攪到變淡味左👏🏻👏🏻不過飯索湯既程度就無烏冬咁勁🤨大家要衡量下😂😂.海膽超級新鮮 無苦澀味 無腥味💪🏻而且都幾甜架 份量一啲都唔少🤤有入口即溶感覺 連埋烏冬一齊食仲加分🈵蟹腳唔係象徵式得一細條☺️睇到相都見到幾滿足😚鮮味十足 有肉汁🥰H先生仲想讚賞下鍋裡面既蔥🤗本身唔顯眼既配料 正正令到個湯更加香🤤🤤.$168既價錢食到幾高質既海鮮濃香魚湯烏冬🤟🏼HP都覺得值既👍🏻

晚餐成日都係最難諗既一餐 可能我要求太高 又奄尖 好多野都唔食最後我去完接人收工之後就去左鰂魚涌地鐵站附近既鯛魚魚湯專門店去咗食湯飯不過我叫既並唔係普通既湯飯而係有原隻龍蝦上既波士頓龍蝦湯飯下面仲有個火一路加熱個鍋冬天食 暖笠笠咁 好溫暖龍蝦入面仲有好多膏添成隻煮真係重味好多 連埋飯食 啲精華入哂去每一啖都有濃濃既龍蝦味以$138黎講都叫抵食另外成個湯飯都充滿住配菜配菜令到個飯好有口感 💕唔會話得飯 湯 龍蝦3樣野食咁單調

🐟🐟🐟呢間野主打 係用營養價值豐富既鯛魚所餚製而成既湯底🤤波士頓龍蝦湯飯 ($138)用左原隻龍蝦🦞食落彈牙 肉質鮮美 加上奶白色既鯛魚湯底同 木耳 娃娃菜 昆布 日式腐皮等配料 香濃得黎 食落亦都十分match原板時令海膽手打烏冬 ($138)落左足足有一板咁多既新鮮海膽 真係好邪惡🥺海膽用料新鮮 加埋高質既日本手打烏冬 別有一番風味😋😋😋 汁燒烏賊燒 ($42)好中意食魷魚既我地 都覺得呢個汁燒烏賊整得勁好食🤩🤩入味得黎 隻魷魚仔仍然好鮮嫩 又juicy 呢個一定要嗌呀😻😻😻

鯛魚魚湯專門店 (鰂魚涌).小店環境充滿住日本小店風情，裝潢雅致，而目都好多人我哋六點半鐘嚟到，都好多客人入嚟幫襯.⚜️汁燒雞扒烏冬⚜️.天氣呢越嚟越凍，食呢個魚湯烏冬呢就最好不過啦(⁎⁍̴̛ᴗ⁍̴̛⁎)！汁燒雞扒個味道唔係好入味，但係呢個魚湯都非常之鮮味，果然係招牌！.⚜️ 吉列豬排🥩手打烏冬⚜️.吉列豬扒炸得非常之酥脆啊！ ！(⁎⁍̴̛ᴗ⁍̴̛⁎)外脆內又熱辣辣，佢仲好貼心準備咗燒汁同埋沙律醬兩款醬俾你選擇去點！烏冬嘅份量極多！相信每一個人食都會好飽(⁎⁍̴̛ᴗ⁍̴̛⁎)！.⚜️吉列豬排🥩定食🍚⚜️因為我同爸爸都好鍾意食吉列豬扒，所以一個叫定食一個叫烏冬可以share!!唔同嘅呢就係佢跟白飯同埋呢多個鯛魚湯，好貼心啊(⁎⁍̴̛ᴗ⁍̴̛⁎)就算呢你唔係食湯烏冬，佢都俾個店舖嘅招牌鯛魚湯俾你試吓！ —————————————————————-環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.值得一試嘅小店！(⁎⁍̴̛ᴗ⁍̴̛⁎)📌鯛魚魚湯專門店 (鰂魚涌)鰂魚涌海堤街6-16號龍景大廈地下3A舖

去開鰂魚涌，就入去係地鐵站附近鯛魚魚湯專門店。叫左番薯蜆蝦魚湯烏冬$88，加左杯粒粒桃$12。番薯蜆蝦魚湯烏冬個賣相睇落幾清淡，但原來飲落個魚湯幾夠濃郁。第一次食番薯蜆勁大粒，唔會好似其他既蜆只係得個殼冇咩肉咁，番薯蜆唔會有沙之餘食落仲好爽口，有淡淡海水味，幾新鮮﹗入面有兩隻好大隻既虎蝦，算爽口彈牙，夠晒真材實料﹗加上扁烏冬夠彈牙，有咬口﹗仲有杯粒粒桃幾好飲，入面有粒粒透明果肉，食完可以幫我補充返一日失去體力💪。

今日返工放飯果時同同事兩個人周圍搵食。我就提議去食呢間，佢啲下午茶套好足料㗎！！！又係$50蚊左右好抵食。所以我有理由相信佢啲午餐都一定好正。入到去即係就有位，坐低發覺哇佢啲午餐原來都幾貴下。對於我一個半工讀嘅人嚟講，少食為妙。我就叫咗個泡菜豬肉定食，凍奶茶。啲泡菜有少少辣啦，唔係好覺。啲豬肉都好好食，一啲都唔乾。飯係用珍珠米整嘅，我最鍾意就係食珍珠米啦！成個餐仲有配個魚湯同一小碗中華沙律。我最後都勉勉強強食晒，佢啲份量真係好足！我同事就叫個安格斯牛肉蕃茄湯烏冬，凍檸茶。佢嗰碗真係好大碗……最後佢係食唔晒的。佢話啲肥牛好大塊好多塊，但係好好食，啲湯都好飲。

呢間餐廳比較入，但係入到去環境舒適，店員服務態度良好。我今次去叫咗一個吉列豬扒定食同埋餃子雞翼。豬扒質素還可以，但係表面上唔夠酥脆。餃子雞翼方面反而夠有特色，炸得啱啱好，而且雞翼入面嘅餡足料。

原本打算去糖廠街市集掃街，但食物定價太貴，份量又少，友人於是建議來這間日本小店醫肚！下午三點，店內依然人頭湧湧，我心想何以這麼受歡迎？一看餐牌就秒懂了！一個正常份量的烏冬餐只是$45連飲品！太好了，兩隻餓鬼快快手下單等食！我的燒雞烏冬，湯底就是這間小店的招牌魚湯，好足料好鮮甜！烏冬爽滑彈牙，燒雞肉嫩多汁，我的味蕾連連叫好！日本小店另一好處就是餐點多數配有蔬菜，營養均衡！友人的地獄湯底及吉列豬扒，同樣大大份，有水準！兩個人飽到反肚都只是一百蚊有找，性價比極高！

天氣開始凍有啖熱湯飲吓好啲呢間lunchtime 門前都有人排隊但個等位嘅感覺冇咁耐嘅因為host會俾份餐牌你落咗單先落完就差唔多入得去6個人亦算坐得舒服本身想試蕃茄安格斯牛肉烏冬不過唻錯咗蕃薯蜆虎蝦但魚湯底+昆布係幾唔錯嘅～可以飲哂蜆都多 蝦亦算新鮮大隻同行其他人嘅餐分別係汁燒雞扒同吉列豬扒睇落幾唔錯吉列炸得脆但唔會燶或過油不過呢間始終多人等喺我食完最後一啖兩秒內已經有人唻收碟未抹完嘴就要收枱而且只收現金不過唔收加一呢點係唔錯嘅

點解我會食雞扒定食,因為雞扒大大又平靚正又低食,雞扒定食有一碗魚湯,一碗飯,一個小菜可以食飽我個肚所以我誠意拳拳去推介呢個雞扒定食比大家食另外有其他野食,雞扒烏冬雜菇牛定食,雜菇牛烏冬,泡菜定食,泡菜烏冬,吉烈豬扒烏冬,吉烈豬扒定食,吉烈蠔烏冬,吉烈蠔定食,龍蝦湯飯,龍蝦烏冬,鮑魚花膠魚肚湯飯,鮑魚花膠魚肚烏冬,皇帝蟹腳烏冬,皇帝蟹腳湯飯,原隻蟹烏冬,原隻蟹湯飯,蟹柳烏冬,蟹柳湯飯之餘還有包羅萬有下午茶小食,小弟再次誠意拳拳加誠心推介以上所有美食給大家去食,感激萬分

今日公司開會走左鰂魚涌依邊，平時我只會行去太安樓搵食，今次就經過左依間魚湯專門店。見到主打海鮮泡飯及烏冬。湯撈飯依d快食類一向係我心水食物😂而魚湯泡飯亦是不二之選此小店名為鯛魚魚湯專門店，顧名思義當然是主打鯛魚魚湯底價錢都算親民，性價比高☺️湯底鮮甜魚味濃，不會過腥。波士頓龍蝦手打烏冬 $138原隻龍蝦上枱，龍蝦肉質飽滿及彈牙，用料不錯，幾鮮甜。手打烏冬份量略嫌少了一點，但夠爽口彈牙。鯛魚濃湯鮮蟹手打烏冬 $138蟹味幾出，鯛魚濃湯夠濃，蟹大大隻，引吾住要相機食先。

一向都好鍾意飲魚湯（前提當然要唔腥），之前無意中見到呢間標榜鯛魚魚湯嘅日式小店，就入左去試。價錢絕對係可接受，好多出面平平無奇嘅日式麵店都近百蚊一碗。魚湯可配烏冬或湯飯，款式都幾多。另外有數款小食可揀。今次自己一個黎食，只係嗌左一碗煙三文魚魚湯烏冬同啲圖片一樣，係成個鍋上架，個鯛魚湯果然好濃味呀，又唔會好咸，完全食到唔係落重味精果種。我諗係第一次飲鯛魚湯，畏口大開，個烏冬唔係好大碗，有啲唔夠喉tim等下次捉埋朋友黎試埋湯飯先~

有次去東京食左鯛魚拉麵就念念不忘返到香港俾我發現有鯛魚湯飯真係迫不急待想試位於鰂魚涌 黎食既應該都係有心人晚市都好旺 食食下見到開始要等位飯上面既配料係可以自由加價錢合理 全部好吸引好易加滿成碗好彩都有d襯好左既推介我地叫左一個海膽蟹, 一個鮑魚花膠味道方面我覺得食飯會豐富d但食烏冬會食清楚個湯底一點好想再約朋友去呢因為配料真係好多選擇啊最窩心係有火爐 一路熱住個飯唔怕會凍呢坐位方面有少少逼好易就會有個火爐左右出入