鯛魚魚湯專門店 (已結業)

之前食過lunch覺得高質，今次同女朋決黎食dinner!因為太肚餓既關係, 我地除左叫烏冬之外仲叫左2個小食!首先講下個餃子雞翼:一咬落去爆汁very juicy, 夠曬熱, 好正!然後個蟹肉春卷都好impressive,新鮮炸起,點埋個沙津醬,啖啖蟹肉好幸福既感覺!呢2個小食都好值得試!烏冬方面我地叫左鮑魚花膠同埋蒜香和牛鮑魚爽口彈牙，花膠份量超多多到食唔曬湯底一如既往的濃味，奶白色既魚湯，食得出冇味精，只有魚味蒜片配和牛粒好正，和牛唔會太熟，大大粒送烏冬一流!我仲追加左一份海膽，OMG，好鮮甜，佢係另上架唔會整到熟曬，我鐘意食之前放係烏冬上助一助熱，更有入口即溶既感覺

是日落大雨，媽媽冇煮晚飯，於是我地走去鰂魚涌搵飯食，見到魚湯為名既食店，就衝咗入去試。晚上七時左右，已經坐爆全場。我哋叫鮑魚花膠魚肚魚湯烏冬、原隻波士頓龍蝦湯飯同追加海膽。鮑魚花膠魚肚魚湯烏冬﹕價值$138既貴價材料烏冬，湯底尚算有鮮味，沒有魚腥味的感覺。烏冬有口感，不是太腍，烏冬吸收少少魚湯味。配料有魚肚、花膠、鮑魚等其他配料，視覺效果強勁，全部都有口感，但味道有點偏淡。原隻波士頓龍蝦湯飯﹕波士頓龍蝦屬中小型，龍蝦本身已熟透，它只靠著火爐去助暖。可能媽媽幫我食烏冬食耐左既關係，令龍蝦助熱過火而令肉質有點老。亦因為坐熱過久，飯吸收了湯既精華，非常濃郁，好入味。海膽﹕加$80有碟，屬正常，口感。埋單時發現佢冇收加一，可值得一試。

最近和朋友談及健康飲食的話題，她認為吃得健康首先食材要新鮮，日本菜最能發揮這點，所以日本人瑞特別多。今晚她特意帶我去一間專以鯛魚熬湯的日式食店吃晚飯，說是時候滋補一番。嘩嘩嘩，這裡不論是湯飯還是湯烏冬都十分吸引，朋友果然沒介紹錯，真想每款都吃遍，可惜肚子容量有限，一人一鍋已是極限。我熱切期待的皇帝蟹腳海膽湯飯來到我的眼前，整鍋湯飯擺滿皇帝蟹腳，乳白色的鯛魚湯沒有油脂，全部喝光也不會感到負擔。重要的是湯底真的很鮮甜，尤其皇帝蟹腳與海膽入鍋後鮮味更是倍增。我不客氣了，亳無儀態把皇帝蟹腳送進嘴裡，肥厚的蟹肉甘甜多汁，入口滿滿的海味令我超滿足。海膽細嫩即化的甜美口齒留香，湯中海鮮精華香氣撲鼻，米飯與豆腐皮完美的吸附，丁點精髓不浪費。朋友的鯛魚濃湯鮮蟹烏冬光看已興奮，原隻鮮蟹霸氣躺於烏冬上，朋友拿起鮮蟹說挺有重量的，非常雄偉。無論是蟹肉抑或蟹膏都飽滿極致，它的甜香絕對令人回味無窮。彈牙的烏冬結合味美的鯛魚湯，不難讓人深深愛上它。另外朋友額外加配花膠四件，只是30元，很便宜呢。她覺得既有魚湯，怎可缺少花膠，它們都是一體的。花膠十分厚實，爽彈中帶有絲絲膠質，正好補充骨膠原。我們連網絲春卷也選蟹肉的，

吉之島掃完貨就行到鰂魚涌小街橫巷食飯，之前幾次食過依邊餐廳都有驚喜，今次都唔例外，黎到一間食鯛魚湯烏冬專門店，香港食拉麵既多專食烏冬既較少🍜店裡用左日式既簡約風除左食鯛魚湯，仲可以簡鯛魚湯麵、鯛魚湯飯、鯛魚湯定食原隻波士頓龍蝦湯烏冬$138一見到餐廳依個真係必食推介，原隻龍蝦超大隻，唔係細細隻比一半你，真係原隻🦂一打開超多橙色既膏，OMG瘋狂了😍實惠既價錢咁高質素個烏冬都好好食唔會比龍蝦完全搶去風頭，因為個鯛魚湯奶白色超鮮甜，烏冬比平時食既非常爽滑鯛魚濃湯鮮蟹🦀湯飯$138原隻肉蟹，隻蟹🦀都係爆多膏，蟹肉令鯛魚湯更鮮甜，好滿足呀！湯飯比烏冬多了一入咬口，啖啖都品嚐到蟹膏、蟹肉2個煲都配有個火熱住，令個鍋保持溫度🔥粒粒桃；加左白桃果醋，酸酸甜甜有好香既桃味，仲食到粒粒蘆薈

從鰂魚涌港鐵站一走出來，過條天橋跑到來近海堤街一帶，饞嘴的人可就樂起來了，原因就在短短的一兩條小街內就能找到許多間走不同風格的食店....從一眾食肆中，小弟今天便選中了這一間主打鯛魚湯底的粉麵店....平日的晚上，本以為會沒有甚麼人，怎知一走進去，店內人流如鯽，好不容易才找到了個面壁的自閉位....以魚湯作底的粉麵飯，最理想固之然是以大量海鮮作料。一向不喜歡以湯伴飯的我，今天就選了以讚岐烏冬作底，配上蕃薯蜆及虎蝦，想起來未吃便已口水直流....在吃這一碗材料豐盛的烏冬之前，先來碗同樣大大份明太子沙律....菜蔬鮮爽度一般。最大的亮點源自帶點wasabi辛辣而甜度略高的沙律醬，入口甜甜辣辣挺開胃的；明太子呈四方粒狀堆滿一整碗。吃完後肚子已飽了三分之一.....至於那碗魚湯烏冬，魚湯極鮮極甜，彈牙煙齦的烏冬在嗦盡魚湯後吃登時變成上品；蕃薯蜆隻隻大若手板，肉豐厚鮮甜沒沙；相對之下蝦就顯得較尋常，肉不夠爽彈偏霉....不過光是那一口鮮魚湯再加蜆及烏冬，就已值給一個讚了....

Went here because I love fish.They serve fish maw which women love because of the collagen.The noodle was my favourite because the fish gas bladder was big and generous however the fish maw wasn't soft enough.As well as the fishy stuff, the tofu puffs absorbed the broth nicely.Also had the beef beef cubes which was juicy and tender,  but I still prefer the fish soup.

喺附近搵下午茶有好多選擇不過今次就唔去食茶餐廳揀咗呢間魚湯嘅專門店。餐廳環境唔錯，推介食呢一度嘅魚湯，味道好濃郁而且好香。除咗散點另外仲會有套餐，我就點左個海膽鯛魚湯飯，估唔到啲海膽都幾唔錯雖然冇出邊日本海膽相比咁鮮甜但係佢嘅質素非常唔錯！好味我點左個小食雞翼，入邊釀咗糯米，外皮熱辣辣，好好味。另外點左一個烏冬，材料有鮑魚，花膠等等呢一啲養生嘅食材，又係用咗鯛魚嘅湯底所以真係好入味。鮑魚超級大隻，呢個價錢真係好抵食。食物質素亦都非常之唔錯配料新鮮，最鍾意連佢嘅湯底都飲埋另外我哋叫咗咖啡同埋呢度既特飲，餐牌上面都有幾多唔同嘅選擇，唔係淨係奶茶咖啡咁簡單。

朋友介紹鰂魚涌 有一間食湯飯嘅，用新鮮嘅鯛魚造嘅魚湯 ，所以我今日就同女朋友去試試 間舖頭嘅裝修唔錯環境幾好啱曬坐喺度傾下計食下飯 ， 呢度係選擇都幾多有飯有定食湯飯烏冬同好多各式各樣嘅小食 我同女朋友都好鍾意魚湯所以我哋都揀咗湯飯 ，我揀咗鮑魚魚肚湯飯女朋友就揀咗鮑魚花膠湯飯因為佢嘅份量都好大份我哋就share食， 另外佢仲可以加錢㗎其他海鮮類 我哋仲加咗 象墨蚌 同埋鯛魚， 小食都有好多款我哋叫咗煎餃子炸蝦同埋一個雞塊 每個小食佢都有好多 沙律伴 菜， 佢嘅份量全部都好大分兩個人係食到超飽嘅 ，佢嘅湯飯嘅鯛魚湯真係好好飲好鮮味 ，小食亦都好好味下面有啲想同大家分享下

由於天氣好熱，冇咩食飯既意慾，所以就選擇食魚湯烏冬。每次黎到總會叫吉列豬扒，同埋又可以叫同事order 唔同既餸一齊分享，今次特意試蕃茄湯底，原本以為蕃茄味會蓋過鮮甜既魚湯湯底，但最值得欣賞係每一口仍然帶有淡淡既鮮魚味，對鍾意蕃茄既我黎講係非常值得推介。相信負責構思配搭食物醬料既人係心思細密，吉列豬扒配有兩款醬料，分別係帶有酸酸甜甜既沙律醬同類似燒汁既醬，所以一道主菜係不同醬料下配襯出不同既味道，所以每次吉列豬扒都係首選。

成日聽朋友講鰂魚涌有一間專食魚湯嘅飯專門店，今次就搭車過去試一試。餐牌有好多選擇，都感到有啲花多眼亂，除咗基本有好多款唔同嘅湯飯之外，仲可以添加配料或者小食等等，也有很多特色飲品。我哋都比較鍾意食海鮮或者海膽之類嘅食物，所以都選擇返呢方面嘅嘢食，價錢唔算太貴，就算升級左都係大概$200左右一位，仲要沒有+1服務費。F1 皇帝蟹腳海膽湯飯$168 +$28鮑魚裏面嘅皇帝蟹腳已經經過處理，好容易就可以得到啲肉出嚟食，味道比較有很香；上面嘅海膽都算係鮮甜，最重要係裏面嘅泡飯除咗有飯之外，同樣有好多配料係側邊，同埋個湯底都好有鮮味同埋鹹香，所以食落唔會悶。個鮑魚味道經過處理，又彈牙又有啲香味。F4 原隻波士頓龍蝦烏冬$138加$80追加時令海膽 +$28 鮑魚原隻波士頓龍蝦係表面其實本身已經熟咗，所以放一陣就要快啲食更彈牙爽口。最多$80海膽份量都算足夠，加多隻鮑魚就真係全海鮮宴。飲品跟餐半價菠蘿菠蘿蜜$36半價$18 雖然個名有兩個菠蘿字，但係裏面其實一粒菠蘿都冇，反而係有椰果之類嘅食品，甜甜地幾吸引。紫色夢幻$36半價$18朋友嘅紫色夢幻賣相好靚，不過冇試，比相大家睇吓。

今晚去接個女放工。當然食埋飯先返屋企。囡囡話帶我去食好嘢。（因佢食過lunch話超正）"鯛魚魚湯轉門店"。名符其實係用鯛魚做湯底的專門店。仲要唔洗加一見到餐牌上有幾款重點推介波士頓龍蝦手打烏冬$138原隻波士頓龍蝦，油揚，海澡，大蔥。龍蝦肉厚又彈牙。蝦鉗都係好厚肉。鯛魚湯底非常鮮甜。飲完個湯完全唔覺口渴。正明係冇落味精的。手打烏冬又彈牙. （個人意見，唔好落任何調味料。因為會影響湯底味道）皇帝蟹腳海胆湯飯$168皇帝蟹腳大概有5條。有長有短。蟹肉好香蟹味, 又鮮甜。海胆新鮮程度無法形容。入口甘香鮮甜。湯飯亦係配上油揚，海藻，大蔥。吉列日本蠔$58一碟有3隻, 3隻都非常大，咬開見到炸粉唔厚。入口新鮮嘅蠔味充滿係口腔裡面。亦唔會太油蟹肉網紋春卷$38，一碟5條, 外皮脆卜卜，但我覺得蟹肉唔係太夠。碟上配上新鮮沙律菜及沙律醬。今晚餐飯充滿住鮮味. 抵食(仲要係囡囡請食飯)仲要讚一讚個女職員, 佢好細心. 留意到有位食客是大肚的. 立即安排佢坐一個比較寬闊的坐位.(原先佢同事安排這位大肚食害坐對牆比較窄的坐位) 

公司來了一個住側魚涌的新同事，他說側魚涌有很多不同特色的食肆，還特別介紹一間「鯛魚魚湯專門店」給我們，今日放工約了試一試，順便大家增進感情。餐牌上介紹，鯛魚魚湯專門店強調用鯛魚和秘製配料，經過用十多小時去淆製湯底，所以味道鮮甜，營養價值高，加上低脂肪高，滋潤養顏，老少皆宜，看完更加要一試。這裏有很多特色的湯飯和烏冬，但價錢又不貴。單看圖片都已經令人垂涎欲滴。我們叫了龍蝦湯飯龍蝦湯飯，一上來，嘩!真是一大隻波士頓龍蝦，絕不欺場。湯飯還有一個明火爐附上，以保持食物溫度。首先見到咁大隻龍蝦都覺得值回票價。我急不及待吃了一口，龍蝦新鮮鮮味又大隻，再喝一口魚湯，真的鮮甜美味、湯底濃郁，伴著湯飯一起吃，真是滋味無窮。另外，還有大量木耳絲、昆布、蔬菜等，既健康又非常豐富。讚！讚！讚！鮑魚花膠手打烏冬，有兩隻鮑魚和花膠，份量比我想像中多，鮑魚又林又好味，伴着花膠和鮮甜的魚湯一起吃，真是吃得非常滿足，烏冬幼滑好味，也非常彈牙有質感，絕對能引起你的食慾。吉列豬扒手打烏冬，金黃香脆的豬扒用網架盛起，不會黏著油，感覺用心思。豬扒大大件，吃起來鬆軟脆口，味道惹味，而且仲有不少的沙律菜，份量很足，感覺健康一些，這

表妹發掘到係鰂魚涌有一間食鯛魚湯烏冬/泡飯既專門店，於是就搵埋好鍾意食魚既我一齊去試下～哇！真係不得了！甜到不得了！🧡呢個皇帝蟹腳海膽湯飯單係賣相已經好加分，好大既蟹鉗同蟹腳，而且仲有好多海膽鋪喺上邊呀！估唔到呢個配搭咁有驚喜，蟹鉗同海膽都好新鮮，配合埋濃郁嘅鯛魚湯味道，突然覺得好似將成個海洋食咗落肚～哈哈～海膽連埋浸左魚湯既泡飯一齊食又係另一種口感～不過對於唔鍾意魚的朋友可能就未必咁鍾意～好味指數：🌕🌕🌕🌕🌘

轉工來到鰂魚涌都有一段日子，一日兩餐 (早餐/午餐) 基本上都會在這區解決，而晚飯方面，可以的話，我也大多選擇會逃離這區。不竟在這區工作，撞口撞面都係同事，總感覺會有點不自在，說話也不能太大聲。呢日工作比較多，放工時間比較晚，也不想跑到別處去覓食了，就在公司附近發現佐呢間鯛魚專門店。其實平時食lunch既時候都有經過，但總會有一條長長的人龍在餐廳門口守候，也只能令我過門不入，今日難得唔駛等，一於要試試。餐廳裝備以木為主題，地方都幾大，同鯛魚既主題好夾。打開餐牌，選擇繁多，以魚湯為主打，配襯著唔同既珍貴食材，包括海膽，鮑魚，皇帝蟹，花膠等等，都可以喺餐牌裡面找到。而且價錢唔貴，大約定價在 $100 左右已經有交易。鮑魚花膠魚肚湯飯 $138第一個我地order 既，係鮑魚花膠魚肚湯飯，睇到呢個combination ，加上親民既價錢，實在沒有不點既原因。用上一個鐵鍋去盛載，底下配埋一個小小既熱火爐去保持熱量，十分一絲不苟。餸料真係好多，而且個湯底都好濃，咸度岩岩好，食落暖胃又好味。花膠比想像中來得大片，咬落唔容易散; 鮑魚有2隻，食落好彈牙，而且個鮑魚味都幾濃下，魚肚襯埋湯飯食加添口感，

鰂魚涌平時食lunch 超多人，夜晚就唔使等位～ 呢晚同屋企人過黎呢邊搵食番茄安格斯牛鯛魚湯烏冬 $88份量都唔少，牛肉大大塊。 湯有番茄酸甜味 ，加上鯛魚湯，更加鮮甜。烏冬唔係d cheap cheap 烏冬，而係彈牙讚歧烏冬，抵食！ 象拔貝魚湯烏冬 $72呢個純魚湯，比較清甜。 好多海帶，我鍾意～煙三文魚沙律 $45勁抵食，咁大碟，我地都估唔到會咁大碟。蟹子 + 胡麻醬，夠清新，菜新鮮，冇苦澀味！ 鯛魚濃湯鮮蟹湯烏冬 $138必食推薦！ 呢個價錢有原隻蟹，街市買隻蟹都要咁上下錢啦！ 魚湯加咗蟹之後更加鮮甜，d湯飲到一滴都冇剩！蟹肉鮮甜，仲有蟹膏～蒜片牛粒 $78另一個必食！ 超有牛味！粒粒都好juicy！ 差d想要多一份日式餃子 $38ok~ 煎得香雞塊唐陽 $42呢個都係必食！ 炸雞超 juicy， 一咬落去爆汁！ 真正外脆內juicy! 3 個人食咗咁多野都系500蚊，性價比同回頭率都超高！