鯛魚魚湯專門店 (已結業)

今日又黎鯛魚食烏冬，鯛魚最吸引我係佢既魚湯湯底，湯底鮮味，配料有唔少木耳絲、黃菜絲同豆卜絲，平時食麵唔飲湯既我都飲到見底。本身想叫雜菇肥牛湯烏冬，點知賣哂，就叫左吉列日本蠔湯烏冬，有3大隻炸蠔，吉列蠔粉薄，蠔身juicy肥嘟嘟。烏冬係扁同幼既稻庭烏冬，唔會太淋又夠滑，而且會比讚岐烏冬容易入味。朋友就叫左雞塊唐揚湯烏冬，炸雞同樣粉薄，熱辣辣再配上沙律醬，幾好食。另外再叫左份吉列蝴蝶蝦。今晚全部都係炸物，而且佢地既份量都足，食到棒住個肚走，滿足🤗

呢日有同事提意去 鯛魚魚湯專門店 食lunch🥢 #小秘書 心裡面十萬個No😅 不過既然大家想試，又唔可以咁專制嘅😏 可能唔同哂呢！為咗避開人潮，我哋一夠鐘就出發，順利享用「頭圍用膳」🤣 打開餐牌，價錢似乎加咗唔少，簡簡單單一個湯烏冬都要$75起、飲品另計😚 不過如果好味嘅都無所謂啦... 呢日我要咗個 #吉列豬扒 #烏冬 #定食🍜 上枱時賣相都唔錯，#吉列豬扒 口感唔會好油膩，仲配咗一份 #芝麻醬沙律，外貌合格！不過 #小秘書 依然唔係咁接受到佢啖 #鯛魚湯 嘅「腥味」😖 仲要個湯底嘅溫度煮得唔夠熱，我直係唔係太接受得到😅 不過話過唔再做 大嘥鬼 Big Waster 嘅我，最終都食哂碗 #烏冬 落肚😉 雖然 #小秘書 百般不願意再嚟幫襯，但係門口條人龍就一直無停過😅 或者唔係餐廳嘅問題，而只係我太過嘴刁啦😌

「鯛魚」曾經是我最喜歡的食店之一，無論食物質素及服務態度都跌至0分與3年前相比，今次嘅花膠、魚肚真心不知所謂，完全沒有味道，同白烚絕無分別更令人失望的是鮑魚，跟即食罐頭飽魚完全一樣，太難食了附圖為3年前嘅相片，店員仍然堅持烹調技巧、用料方面與以往一樣，我真心希望貴店嘅老闆、店員親自試試吧

已經幫襯過5次，每次都係晚飯時段回頭因爲鯛魚湯烏冬同飯味道唔錯熱辣辣上枱噚日點左象拔蚌鯛魚湯烏冬同鯛魚湯飯之前幾次亦試過蝦同海膽水準keep 到，湯鮮甜但service 唔ok 店舖空間不大，枱與枱很窄，通道都窄，小店係咁嘅，冇問題但女店員(老闆？）嫌我地個袋阻住佢行幾唔禮貌加反白眼咁講話我地個袋令佢行唔到就真係唔係待客之道我地冇為意櫈下有箱可以放袋，其實可以善意提醒可能小店有性格掛太古坊有好多選擇，食餐飯要受氣就咪搞，所以食物ok都冇下次

今日Lunch去左試魚湯專門店🤘其實佢除左魚湯都有其他湯底揀👍🏼第一次黎當然要試佢個魚湯🐟今日揀左烏賊魚湯烏冬🍜佢係用稻庭烏冬😋麵質軟硬度適中❗️魚湯唔腥幾鮮甜唔錯👍🏼因為自己好怕腥味🤧但烏賊🦑入面有內臟所以一咬開個味道比較腥再加上魚湯一齊食就唔太好😥下次會試下其他款式❗️

一直聽聞鰂魚涌這間鯛魚湯鳥冬很有名，難得約了朋友在鰂魚涌午餐，唔係唔試啊嘛？ 這店舖果然名不虛傳，很多人輪候入座，不過turnover都很快，因為未入座便要點餐，一坐下就上菜，所以不消十分鐘就能入座。 果然，甫坐下就可以開餐了。我點了個帶子烏冬，首先要讚帶子夠大粒，抵食。個湯真心鮮，烏冬夠韌夠滑，跟魚湯很夾，每一口都吸入滑滑的烏冬加上濃濃的鮮甜魚湯。 朋友點了個烏賊烏冬，很抵食，原隻小烏賊上，啖啖肉。但個人不太喜歡烏賊，怕太腥，可是朋友超愛。整體而言，是高質素的一餐，但唯一的缺點是餐廳太熱，可能是天氣實在太熱，加上餐廳太受歡迎太多人。

約左朋友去鰂魚涌做運動上完堂就係附近食個lunch先之後又上多一堂空中瑜珈😂我唔想食飯想食烏冬就去左呢間食其實佢有好多款式都好吸引好想食最終都叫左「日本帶子魚湯烏冬 $78」加左杯星空荔枝 （飲品半價）魚湯好清鐘意健康人士就岩哂佢份量唔算多岩哂一陣去做運動唔好食得太飽帶子得兩大隻烏冬都ok星空荔枝 $12（飲品半價）顏色好靚 我最鐘意紫色荔枝又夠清新好岩夏天飲好解渴呢間餐廳食物ok環境乾淨食完坐一陣同朋友傾下計都好舒服

鰂魚涌依邊有唔少日本野食,但一聽到係鯛魚魚湯,身為魚湯愛好者既我就二話不說揀食依間星期六夜晚早食dinner,所以好彩唔駛等位叫左個鯛魚片魚湯,個湯真係好濃味, 鯛魚片同配料都好多原本以為湯飯既飯係相果d軟淋淋一粒粒既野食到後來先發現中間真係有飯嫁,仲一路heat住咁食,唔怕食得慢凍晒至於老公食既牛粒定食都好不錯,原本仲話驚牛仔粒會硬結果好淋好易入口,仲有一碗魚湯,俾無叫魚湯既人都可以品嚐下重點係非常之抵食, 魚湯飯$85, 牛粒定食$105, 出面真係食唔到咁既味道但咁平既價錢,下次會再去

收工一個人食嘢，唔知食乜好，就走到公司附近，食個麵！見到綢魚魚湯專門店平時下午好多人排隊，夜晚相對地冇咁多人，就當然要入去試下啦！叫咗蜆嘅魚湯麵，黎到勁多蜆！！！真係好豐富，非常足料！而且啲蜆全部都好鮮甜，當然個主打係魚湯，一飲個鯛魚魚湯，真係好鮮甜！飲咗好多湯！估唔到咁好味！有驚喜！！除咗蜆，仲有蝦，真係好豐富！鮮料充足，食到非常之飽，而且價錢一啲都唔貴，咁好味嘅魚湯真係抵食！下次試下唔同嘅款，都有好多款式揀！

位置鰂魚涌區既小店，今次是第二次再食，味道都同樣無失望。今次叫咗鯛魚片魚湯飯（$82）同三文魚魚湯烏冬（$62）。他們用上鯛魚湯作為湯底，充滿魚香，真材實料，唔似落味精，因為食完唔會有口乾嘅感覺。烏冬滑溜，水準高，魚湯可配烏冬或湯飯，都有幾多款式選擇。烏冬是用上了稻庭手打烏冬，口感彈牙。湯飯用上了日本米，還配以大量芝麻，令到口感更加豐富，更有層次，更加香濃好味。整體味道相當不錯。我認為這小店值得再去

夜晚就個fd放工黎鰂魚涌食飯，見喺openrice上面依間野嘅comment都幾好。7點半後黎到，都幾好彩唔洗等位就即刻有得入。menu見到好多選擇，有魚湯飯同烏冬，而且樣樣都好似幾吸引咁。最後我揀左汁燒雞排魚湯烏冬。朋友介紹話依度炸雞好食，於是又叫左份當小食share。碗麵一黎到睇落都幾多配料，個雞排仲有配埋沙律菜。湯底係奶白色，飲落啲魚味都幾濃郁，而佢嘅烏冬係扁身。我覺得都幾match，如果係平時食開嗰啲粗烏冬再搭埋依個魚湯，反而覺得有少少怪。另外，佢個炸雞真係唔錯，雞肉幾嫩而且唔會炸到好乾，幾juicy。我覺得間鋪性價比都唔錯，主食都幾大份，而且中午同夜晚都一樣價錢，黎開鰂魚涌可以去試下。

每日lunch依間都好多人，每次都要等20-30先可以入座，不過就要落單先，所以上菜好快。佢既魚湯好鮮甜，唔似有落味精，次次都飲到見到碗底，烏冬幾煙un唔會太腍。炸豬扒唔錯，出面好多餐廳既炸粉都會皮肉分離，依度就唔會咁樣，炸得幾好。依個餐唔洗一百性價比好高。湯飯貴過烏冬少少，但就會比個爐你滾下滾下，鯛魚片似係滾水烚熟再放落去，所以冇乜味......放耐d等魚湯浸下先食會比較好。我自己就中意食湯飯多d雖然要等好耐，但食物質素係幾好但座位太迫太密，好嘈，係食完就走既餐廳。

呢間餐廳主打鯛魚湯，經過見到有tea set幾吸引就試下。唔想食煎炸嘢，所以叫咗個八爪魚稻庭手打烏冬，加三蚊凍飲共$48。好少食鯛魚，個湯飲落好鮮甜，唔係嗰啲味精湯，有三個麵底揀，我揀咗烏冬，偏向軟身同幼。配料有黑木耳同海帶，都算多同好夾個湯底。平時食呢種八爪魚都係食壽司，第一次配湯麵食，可能因為熟咗，佢真係好韌，有好多舊咬到牙都攰。

中午時，這間店內永遠有一條長長的人龍。入到店內坐在旁邊的卡位，今次點了一個泡菜豚肉魚湯烏冬。烏冬很快就到了，店員馬上提我在魚湯變凍前開始吃。魚湯味道很好，不像平時的味精湯，一點也不腥，而且有很多健康的配料。泡菜豚肉在另外的碟上，側邊配以沙律菜，很健康。不過泡菜豚肉的味道有點怪，下次還是食海鮮烏冬比較好。

「皇帝蟹腳海膽鮑魚花膠鯛魚湯飯」嘅賣相實在係令人太興奮喇！所有食材都係我鐘意食嘅，份量十足，再加上熱騰騰嘅魚湯，慢慢嘆，好滿足！蟹腳同海膽嘅質素唔錯，鮑魚都OK，花膠係比較彈口嘅，魚湯夠濃夠香Very nice comfort food! Quality is great and portion is big with very reasonable price, I would definitely come back again!!