鯛魚魚湯專門店 (已結業)

今日返工放飯果時同同事兩個人周圍搵食。我就提議去食呢間，佢啲下午茶套好足料㗎！！！又係$50蚊左右好抵食。所以我有理由相信佢啲午餐都一定好正。入到去即係就有位，坐低發覺哇佢啲午餐原來都幾貴下。對於我一個半工讀嘅人嚟講，少食為妙。我就叫咗個泡菜豬肉定食，凍奶茶。啲泡菜有少少辣啦，唔係好覺。啲豬肉都好好食，一啲都唔乾。飯係用珍珠米整嘅，我最鍾意就係食珍珠米啦！成個餐仲有配個魚湯同一小碗中華沙律。我最後都勉勉強強食晒，佢啲份量真係好足！我同事就叫個安格斯牛肉蕃茄湯烏冬，凍檸茶。佢嗰碗真係好大碗……最後佢係食唔晒的。佢話啲肥牛好大塊好多塊，但係好好食，啲湯都好飲。