鯛魚魚湯專門店 (已結業)

今日推介間鮮甜好味烏冬，味道唔錯之餘打卡都一流！🔹原隻波士頓龍蝦烏冬🔹震撼既龍蝦原隻訓係碗上，打卡一流，味道都唔差架，肉質彈牙又結實。烏冬非常彈牙，又夠滑，湯底係奶白色既香濃鯛魚湯，大啖大啖食掛滿湯汁既烏冬，簡直絕配。🔹雞塊唐揚魚湯烏冬🔹雞塊有驚喜，每一口都可以感受到雞油同雞汁從肉內滲出，鮮嫩無比！🔹吉列豬排🔹吉列豬排都係呢到既名物，即炸既豬排熱辣辣，肉係好軟腍，仲保留全肉汁添！雖然餐廳話自己專門於鯛魚湯，但我發現佢地既炸物都好掂！推薦大家一試～

- 𝗢𝘃𝗲𝗿𝗮𝗹𝗹 𝗖𝗼𝗺𝗺𝗲𝗻𝘁 -環境 ：8/10服務： 8/10味道： 8.5/10影相： 8.4/10性價比 : 9/10回頭率 : 8.8/10➖➖➖➖➖➖➖➖➖➖➖➖➖➖➖「鯛魚魚湯專門店」出左新𝙼𝚎𝚗𝚞啦～無論你係第一次黎定係曾經幫襯過呢個𝙼𝚎𝚗𝚞都可以滿足貪心的你🙆‍♀️𝚃𝚘𝚝𝚊𝚕有6款套餐，價位介乎於$88~$148之間每款以主食+鯛魚湯烏冬+沙律為主仲會附送埋指定飲品更可以用優惠價加配一款小食添👍用咁抵食嘅價錢食到咁多款，真係大滿足🤣.©雜菇肥牛飯配鯛魚濃湯烏冬 $88雜菇肥牛飯，米飯同菜款嘅比例係一比二雖然底層嘅米飯吾多但上層嘅雜菌肥牛份量真係超足🥳以勁多雜菌，如金針菇，草菇，雞髀菇等加上香蒜同肥牛炒香入味之餘，香口又𝚓𝚞𝚒𝚌𝚢💕啖啖飯都有雜菌同肥牛，真係超正😘而鯛魚魚湯烏冬當然係店內嘅招牌軟滑彈牙嘅烏冬，吸引哂鯛魚魚湯嘅精華配上木耳絲，海帶，豆腐卜，白菜等，口感豐富小編推薦飲埋湯頭以大量嘅鯛魚熬成乳白色嘅濃湯味道鮮甜香濃，仲有豐富嘅骨膠原添😎而生菜蟹柳絲沙律加入胡麻醬，蟹籽作為點綴～飲品有冰紅茶，冰綠茶同汽水可揀小編揀左冰綠茶q(❂‿❂)p茶香回甘，清熱解膩～.©

最近放工要去九龍城嗰邊，上次食咗重口味泰國菜，今日就食得清淡啲，試吓魚湯烏冬。我揀咗象拔貝魚湯烏冬（$75），老公就揀鮑魚花膠魚肚魚湯烏冬（$138），再加左吉列廣島蠔（3隻）（$58），同凍荔枝蜜（$10）。烏冬嚟到嘅時候冒哂煙，仲以為會係熱辣辣，可惜個湯只係暖暖哋🙈魚湯都幾鮮，不過飲完都有啲啲口渴🙈烏冬嘅質地幾滑，食落口感幾好，同魚湯好夾。配料方面，象拔貝幾有鮮味。小薯先生嗰碗嘅花膠同炸魚肚就麻麻哋。可能因為魚湯比較清淡，所以花膠同魚肚都吸唔到啲味道，食落冇乜味。惟一值得讚係鮑魚有味道又唔會太韌。總括嚟講，一碗叫價$138就唔係好抵啦🙈吉列蠔新鮮整出嚟熱辣辣，所以都幾好味。荔枝蜜個樣就有少少頹，味道不過不失。

呢幾日天氣又涼番，夜晚好大風！出街冇拎外套想搵番D熱野食下！記得之前食過呢間泡飯唔錯，一於食佢😍由於唔太肚餓，所以今次點了烏冬！menu 海鮮圖片好吸引～我揀左個海鮮烏冬食。蕃薯蜆外形大隻，望上去蜆肉飽滿！食落好鮮味，同埋咁大隻竟然冇砂！虎蝦有2大隻，肉質結實彈牙，冇咩雪藏味～烏冬較幼身、滑嘟嘟，掛湯能力高，湯底除了魚味重有海鮮鮮甜味！蜆肉本身唔係好濃味，配埋海鮮魚湯同吃，簡簡單單，好味！湯飯黎到大家都好興奮😍比想像中多好多海膽呀～海膽顏色呈淡黃，味道甘甜，質感細膩，絕對有入口即溶既感覺！平時我會待最後珍而重之將一瓣海膽放入口，這裏足夠一些混在湯中，一些單獨品嚐！抵食～湯飯/烏冬 水準不錯，而且材料豐富，性價比高！

九龍城多泰國菜大家都知，但今次食既唔係泰國菜，而係鯛魚湯，經過門口就俾啲餐牌吸引左入去！呢間餐廳雖然細細間，但裝修得好有日本居酒屋既感覺，而員工都好親切，感覺唔錯！我哋分別嗌左兩個餐，一個係鯛魚湯龍蝦烏冬同鰻魚飯升級套餐，而我哋追加左一份鮑魚同一份薯絲卷卷蝦。鰻魚升級套餐（$108）包括一份沙律，一碗鯛魚湯烏冬同一碗鰻魚飯，另外追加一份薯絲卷卷蝦（$28）同配一杯飲料。鯛魚湯烏冬湯底好濃縮，好鮮甜，而且配料十足，而鰻魚飯好足料，足足有兩大塊鰻魚，醬料好充足，整體都唔錯。薯絲卷卷蝦好鬆脆，配埋沙律醬好正。鯛魚湯原隻龍蝦烏冬（$138），追加一份花膠四件（$38）。龍蝦肉好爽，一啲都唔梅，大大隻好抵食，龍蝦既肉同膏都好豐富，睇得出餐廳好有心揀海鮮，而且好新鮮同鮮甜。同埋花膠煮既時間岩岩好，好易入口，配埋鯛魚湯一齊食真係好好味！😋

今日相約媽咪到九龍城購買泰國配料順道食個午餐🥣經過一間鯛魚魚湯專門店，看到門外的餐牌主要湯底都是魚湯熬製的，所以入去試吓😋餐牌上的款式多選擇。日本帶子三文魚籽湯飯湯飯賣相不錯，上枱時還點住一個小火爐令到湯飯熱辣辣，帶子及三文魚籽都很新鮮，帶子晶凝通透鮮甜無比，湯底採用鯛魚熬製十多小時，顏色奶白色，每一啖入口都很鮮甜，鯛魚營養價值高又低脂，養顏又健康😋配白飯及配料一齊食，口感一流👍波士頓龍蝦手打烏冬龍蝦有手掌般大隻，原隻上枱份量十足，蝦頭還有少量蟹膏，龍蝦新鮮肉質爽口，啖啖肉，湯底都是魚湯熬制，豆腐卜吸入濃湯非常美味，烏冬軟硬度適中，入口煙煙韌韌，美味可口👍

又嚟九龍城搵食 上次食過一次之後對佢個鯛魚濃湯真系念念不忘 menu多左好多嘢食呀同上一次比較今次就食蒜片牛柳粒定食配胡麻沙律同前菜 仲有一個鯛魚湯 超級入味😍😍😍😍記得要趁熱老公就揀左鰻魚飯配鯛魚濃湯烏冬跟一個蟹子沙律🥗叫定食跟餐飲品仲有優惠 加多$10就有我地要左荔枝紅茶 玄米蜜 叫多份小食 蝴蝶蝦好耐無食啦😋😋😋份量夠曬大之餘每樣嘢都系熱辣辣仲要一讚佢呢到防疫措施做得好好 每樣嘢都真系要求客人要做到足

放假啦終於，哩排想食啲養生既食材，行過九龍城見到哩間用鯛魚做湯底既日本居酒屋，仲有花膠，魚肚，真係不得了囉😋嗌左碗勁級份量花膠魚肚手打烏冬🙌🏻再加左鯛魚片，煙三文魚同廣島蠔，好豪華呀，食晏食哩啲，感覺好正，一上枱放得滿滿的，好吸晴喔，有花膠、魚肚、木耳絲等材料😋滋補養顏的花膠真係無得輸呀，魚肚吸滿魚湯，湯底是鯛魚湯底，豐富蛋白質的鯛魚製成，鮮味香濃，配上彈牙的烏冬麵，是手打的，特別好味❤️安格斯牛肉蕃茄鯛魚手打烏冬湯加花膠😍湯底方面鯛魚湯好濃同夠既甜，估唔到既係佢配埋蕃茄既微酸甜係咁正㗎👍安格斯牛肉大大塊，口感唔會韌，牛肉好濃郁😗烏冬夠哂彈牙，我另外加左花膠，花膠吸收左蕃茄魚濃，味道更加正呀😜嗌左白提子梳打，係以日本信州既白提子製造既，味道好清甜，好岩夏天飲呀😜仲叫左杯玄米蜜茶😗好fresh既感覺❤️❤️

今日放工約埋媽媽嚟到九龍城搵食，行咗幾條街，睇見鯛魚湯menu好吸引，媽媽最鍾意响啖湯下功夫嘅小店，點咗皇帝蟹腳烏冬，上枱溫度份量都滿意，飲得出鯛魚湯沒有味精，但味道很一般偏淡，蟹腳正常，沒有魚湯嘅鮮味，鮮甜濃一d都扯唔上關係，根本唔值過佰蚊一碗，可能我同媽媽討論嘅時候比店員聽到，碗野未食完好想趕執枱咁，多次影響進食，店員很不友善，不接受意見，唔休做嘅態度，就算好好食都唔會再幫襯，沒有下次👎👎👎👎

龍蝦同蟹都係my favor，實在好難揀呀～所以兩個都要😆🥢蟹湯飯（鯛魚湯底）（$138）：鍋子底用微火保温，一只巨蟹放在鍋上視覺效果很不錯喔！這裡主打鯛魚湯，飲落除左濃郁魚味仲有蟹的鮮甜。蟹蓋有些膏，蟹肉嫩而鮮甜，加埋配菜（海帶、木耳絲、京蔥花、脆米和油揚）口感豐富，有驚喜👍🏻🥢龍蝦湯烏冬（鯛魚湯底）（$138）：同樣的湯底，但跟蟹湯比較少了一點鮮味🤔。吃一口蝦膏和蝦肉，口感少少粗糙、味淡，不過呢個價食到原隻龍蝦算抵了。新鮮蟹同冷藏龍蝦，個人prefer前者^_^

今日去九龍城食完雪糕遊覽九龍城，看看舊時中學，說說那時怎樣怎樣，中學時九龍城廣場我們稱呼為九場😂午餐去食越南河...回憶不斷湧現.......波士頓龍蝦鯛魚湯手打烏冬 $138 😋😋😋大大隻龍蝦，視覺效果一流！但肉質麻麻，過老，湯底鯛魚湯好豐富的味道，烏冬彈牙，好多昆布，湯差不多飲完！.吉列豬扒定食 $85😋😋😋😋定食好抵食，有前菜中華沙律、鯛魚湯、沙律，配白飯！豬扒炸得剛好，配上沙律醬或豬扒醬汁都很好味，加上適量七味粉在白飯上，一口豬扒配一口飯，絕配！

經過幾次都想試，點知試完真係可一不可再…入店都仲有4~5張吉枱，我同朋友坐埋咗角落位，點知被疑似老細人物要求我哋轉枱。話我哋坐緊嗰張係三人枱，之後安排我哋坐1張喺正門口嘅二人枱，於是我成個人得正喺佢個門口🙄🙄最令人激氣係，其實佢根本未有三人客係無位坐，之後嚟都係兩個人，佢都係要簁一張三人枱俾兩個人🙄🙄🙄為咗預留張枱俾未知幾時先有嘅3人客，而委屈咗已經決定幫襯嘅客人，咁嘅安排似乎唔係咁理想。雖然好谷氣，但係我哋都無叫下午茶餐，因為太唔吸引。最後order咗佢哋嘅必食推介，諗住實冇死，點知……蕃茄同鯛魚湯完全唔夾，食唔到魚湯味，同普通茄牛湯底無分別，成舊水一碗認真唔值。蜆同蝦呢個烏冬就好啲，蜆肉有大有細，蝦都幾大，可惜煮得太老，簁料。食到後面越嚟越鹹。應該係啲蜆嘅海水味融入咗啲湯度，食完好口渴。最好笑一樣嘢，我哋係Menu見到個鯛魚片都幾吸引，當然要追加try try……點知一上嚟先知原來係熟嘅，我同朋友即時默契對望😅好心唔好印啲魚生係本Menu 度啦。服務差，食物一般，點再幫襯？係咁😉

雖已到下午茶時候，但還是想吃大堆頭海鮮，因為覺得會令個湯更為鮮甜，叫咗蕃薯蜆虎蝦魚湯烏冬，一碗到來，多隻大型蕃薯蜆相當吸引。稀奶白色的魚湯底，雖開始上枱時聞到有微魚腥味，不過魚湯入口是味鮮的，喝一兩口後魚腥味減少了很多，漸漸亦沒有了。湯中烏冬是較扁身幼幼的，易食外也滑滑的依依韌韌的。材料有7-8隻大大的蕃薯蜆，蜆肉厚鮮甜無渣帶爽脆，唔駛蘸任何醬汁便可，一下子都吃不停。2隻虎蝦都唔細隻，蝦肉甜彈牙。貨真價抵。其他有海帶，豆皮等材料

晚餐要食滋潤的一個餐$88 有飯及烏冬，配上沙律及汽水，飽到上心口照燒雞扒飯 用珍珠米，雞扒燒得剛剛好烏冬的魚湯奶白色，香甜無腥味沙律有蟹柳碎及蟹籽，都ok豐富的外賣有9折，買外賣的人不少#鯛魚魚湯專門店

夜晚喺九龍城揀食乜，眼花撩亂，見到呢間好搶眼，門口放左好多menu，好似有好多選擇。裡面客人只得一兩枱，唔洗等位可以隨便坐。既然呢到主打鯛魚湯，我就叫左鯛魚片魚湯烏冬。其實湯底我食唔到咩魚味，都幾淡口，鯛魚片冇咩調味，但又冇乜魚味，好清淡好養生的一個菜式。唯一欣賞的係烏冬，幾有咬口，唔錯。呢個湯底有好濃的蕃茄味，烏冬沾滿蕃茄，好食。至於安格斯牛肉，都有啲牛味，正常發揮。我終於明白點解喺九龍城，呢間舖會冇乜客，喺你諗唔到食乜好先會入黎食，唔會係掛住佢的食物特登再黎。