鮨處松戶 (彩星集團大廈)

营业中

休息中

今晚睇完戲諗緊去邊度食飯，7:30打電話去訂位 八點去到見到門口已經覺得有啲伏 感覺好up耷 門口啲燈仲要壞左 眨下眨下 心諗算啦試吓啦 坐低之後嗌嘢食，點知成四五樣嘢食都話冇，冇都算啦 其他嘢食黎到之後賣相還可以，但係食物質素真心完全對唔住佢個價錢。帆立貝刺身薄都不得了，甜蝦超級唔新鮮 蝦身發白 溫度亦都唔啱 好似喺室溫攤咗好耐咁 香蔥吞拿魚茸軍艦唔新鮮 魚肉係灰色嘅 食落口仲要腥串燒味道就幾好 牛舌雞腎都好食。間餐廳得兩個服務員，嗌嘢食 上菜乜都要等 埋單都等咗15分鐘。總括嚟講性價比極低以後唔會再幫襯。

这话餐厅本来在前几年光顾过，本来在放假前一晚决定好好吃一顿，但是一个刺身拼盘催了5次，一个拼盘我都想自己上去切了，从落座到上拼盘大约1小时。而且旁边桌客人真的很吵很吵，以至于我和对面朋友说话都听不到，没想到吃日料是这样的环境。不管食物质素如何，真的不会再去了。理解放假前一晚会比较忙，但是刺身拼盘不用太多时间吧？加一服务费没有服务，前菜20就一碟海带，加水喊了三次。而且没有特别的道歉，真的是非常差的体验。

今次介紹嘅係呢間位於彩星中心樓上既隱世日本料理，朋友食過話係日本迷必試。一入餐廳，就充滿日本氣息，好多竹風既設計，又有tatami 座位，好似置身於日本咁，簡直係世外桃源。泥到呢度點可以唔叫刺身，要左個雜錦刺身，有七款海鮮，如三文魚、油甘魚、八爪魚、帶子同甜蝦等，仲有海膽添，價錢相當抵食，一次過滿足晒想食刺生既慾望。每樣都超新鮮，好有鮮味，會有日本師傅即場切。另外，要左個海鮮沙律，大大份，魚生份量一啲都唔吝嗇。我地仲要左個炸雞小食，新鮮炸起熱辣辣，內裏雞肉特別嫩滑。我哋仲叫咗壽司卷物，有加州卷同蟹籽卷，抵讚嘅係加州卷入邊包住嘅係牛油果好健康！原來呢度選擇有好多，連泡菜豚肉鍋都好好味，入邊有新鮮豚肉、豆腐，泡菜湯夠清甜！佢我哋食完成餐飯佢仲送咗個芝麻雪糕俾我哋做甜品服務真係一流！

🔻 鮨處松戶尖沙咀廣東道100號彩星集團大廈8樓///🧃前菜 $50係日本牛奶粟米，出名又甜又多汁，食落口果然不出所料，超級清新，做前菜真係一流。/🧃雜錦壽司(上) $350有吞拿魚腩、吞拿魚、海膽、海鰻、甜蝦、蟹膏、三文魚、青瓜卷，擺盤夠晒精緻，吞拿魚腩油脂十足，入口即溶，海膽更加驚為天人，鮮甜到不得了，蟹膏仲正，蟹香濃郁，令人欲罷不能，最過分係青瓜卷，入面有脆米，生色不少。/🧃帶子刺身 $120唔使講，大隻、新鮮，就係要呢啲。/🧃雲丹(上) $240由於海膽壽司實在太正，所以又叫咗一版海膽，可以大大啖咁樣食海膽，真係超級奢侈，感受鮮甜嘅海膽入口即溶，簡直就係全世界最幸福嘅人。/🧃雜錦天婦羅 $105有冬菇、秋葵、矮瓜等多種蔬菜，炸得非常好，炸粉絕對唔厚，亦都唔會油淋淋，而係好似蔬果咬落就係趣卜卜，就係好香口一樣，食多幾舊都絕對可以。/🧃燒牛舌$68有咬口得嚟絕對唔靭，燒得好香，油脂出晒嚟。/🧃清酒煮蜆$78清清淡淡，清下腸胃，最欣賞係蜆好多同埋都好鮮甜，而且全部開口。/////

太耐冇番‘鄉下’（去日本旅行），要搵間有日本風既餐廳止止癮. 係openrice 搵到依間位於尖沙咀既鮨處松戶，趁今日放假，一於去試試.餐廳位置比較易搵，位於apple專門店隔離的大廈，只要搵到apple就搵到依間餐廳.果然一入去就好似去左日本居酒屋既感覺，多人去既朋友仲可以book房食.有少少意想不到既係前菜係鴨胸.由於本人比較鍾意似淡味啲既啤酒，sapporo 真係岩晒我.來得食日本餐廳，魚生當然唔少得. 魚生每舊都好厚，食落滿滿的口感，超爽.食完魚生，來番個熱辣辣既泡菜鍋暖下個胃.依個忌廉薯餅好好食，不過有啲熱氣.依個雪菜炒飯係店主推薦，外表望落一般，但真好好食，難怪店主話好多客人食過一次黎都會周不時番去再食.最後來一個雪糕做結尾，今日真係好滿足呀！

鮨處松戶海鮮沙律（$95）呢款係招牌菜，其他地方食唔到既沙律，聽落咁特別，當然要試下。先講份量，相當充足，特別要讚係魚生種類好多，除左一般三文魚同吞拿魚，仲有油甘魚、蟹籽等，加埋上面既炸粒，同埋柚子汁，味道同口感都超豐富！刺身盛（特上）有成8款刺身，每款有3片，特別鐘意佢既海老同拖羅，海老超大條，仲要勁鮮甜🥳，拖羅就夠肥美，油脂豐富，入口即溶，好正😍😍沖繩苦瓜炒蛋店只推介沖繩苦瓜特別鮮甜，果種甘香去左炒蛋既油膩，蛋保持滑繳，好鐘意呢款，味道夠清新！鐵板香蒜牛柳粒牛柳外皮燒得香脆，肉質保持juicy，唔會過熟太鞋，加埋香蒜好惹味，推介豆腐肥牛煲最後仲有紅豆雪糕😋😋Btw幾鐘意呢度既氣氛，服務員會同你好似朋友咁傾計，分享日常同旅行點滴

日本生蠔日本新鮮生蠔同海藻漬物，夠肥美鮮甜，海水味較濃，配埋青檸汁就啱啱好。池魚刺身薄切池魚刺身，每一塊都晶瑩剔透，睇得出師傅嘅刀工有幾了得。食落味道鮮甜，肉質緊實而爽口。日本凍蕃茄同平時食開嘅蕃茄唔同，色澤更鮮艷，而且一啲都唔酸，鮮甜多汁。韓國泡菜火鍋(豬肉)食完生冷嘢，就梗係要叫返個火鍋暖下肚。豬肉有好多塊，而且夠薄唔會鞋，搭上泡菜嘅酸辣，非常之開胃。雜錦天婦羅除咗炸蝦之外仲有南瓜、茄子、冬菇、秋葵同炸魚。炸皮夠薄非常之鬆脆。銀鱈魚西京燒一上枱已經魚油香味四溢，銀鱈魚肉質厚實，用西京燒嘅方式令到魚肉更加鮮甜美味。梅子大葉免治雞肉棒係照燒免治雞肉棒上加上紫蘇葉同埋酸酸甜甜嘅梅子醬，非常之有日本特色。

鮨處松戶在海港城對面，apple旁邊入。一打開升降機門，即刻好像去了日本。鮨處松戶有日式榻榻米房。設計很和風，仿如置身日本，很適合同朋友下班後聊天。前菜一點完餐，職員會先送上前菜、熱茶和熱毛巾。鮨處松戶海鮮沙律$95強烈推薦！用沙律菜包住多種刺身魚和青瓜再切碎，最後再加天婦羅脆粒、魚子和柚子醋。沙律分量很多，適合三、四個人分享，刺身粒加上柚子醋入口很清新。帶子牛油燒 $85帶子同菇用了牛油燒，十分入味。雜錦刺身（上）$380分別有吞拿魚、油甘魚、三文魚、帶子、甜蝦、鯛魚和海膽，新鮮肥美，入口滿滿的魚油脂。雜錦天婦羅 $105包括茄子、秋葵、炸蝦、魚。炸得香脆不厚粉。推薦天婦羅魚，肉質嫩滑，下次會想直接叫一份。忌廉薯餅$80薯餅很足料，配上梅子醬，酸酸甜甜的，中和了薯餅的油膩感，個人黎講我鐘意配沙律醬。日式雪糕係芝麻味的雪糕，芝麻味好濃，好似食緊芝麻糊。

已經有一年幾冇返過鄉下🇯🇵搞到成日都心癢癢想食日本野🥺所以之前喺朋友嘅介紹下就去左尖沙咀呢間高質日本餐廳🤩耐唔耐都會去尖沙咀Apple Store，但一直都唔知原來同一棟大廈係有間咁好食嘅餐廳🤓入到餐廳坐低，就已經聽到有幾枱食客同店員用日文溝通😳真係有唔少日本人去幫襯，睇黎味道應該好正宗💮🌟中華沙律味道十足，營養豐富裙帶菜口感清涼爽脆，灑上芝麻做點綴，作為餐前小食啱啱好🌟日本凍蕃茄🍅原本仲諗緊同普通蕃茄有咩唔同，一咬就見真章平時好怕食酸蕃茄，而呢個日本蕃茄特別鮮甜多汁，味道濃郁而且毫無澀味，表皮柔軟，好適合鮮食🥗🌟吉列炸蠔🦪記得食呢道菜時要小心Ｄ，因為會爆汁嫁！上菜時仍然熱辣辣、脆卜卜入口香酥可口，蠔肉又肥美多汁而且肉質嫩滑，完全無雪藏味🌟蒜片雞肉南蠻漬🐔可能大家會對南蠻漬比較陌生其實雞肉南蠻漬係日本嘅家常菜,每次去日本我都會叫彩椒同已炸香嘅雞肉浸喺糖醋醬汁菜一齊享用🍗味道酸酸甜甜，非常開胃爽口加上蒜片就更加惹味🧄🌟雜錦刺身（特上）🍣一上菜就已經覺得好吸引有齊大吞拿魚腩🐟、吞拿魚赤身、牡丹蝦🦐、赤貝🐚、油甘魚、深海池魚🐠、海膽、三文魚籽大吞拿魚腩嘅脂肪分佈就好似神戶牛肉咁肥美，入口油香

尖沙咀隱世高質日本料理🎐一上到去 全層都係充滿住日本風情既擺設🎏空間感好大 服務👍🏻 坐得好舒服😌多選擇🎉雜錦刺身(特上) $560每日由日本空運✈️嘅刺身 保證新鮮有質素😍並由日藉廚師打理 口味地道正宗 猶如置身🇯🇵香蔥吞拿魚腩卷 🍣$100碎吞拿魚腩幼細香滑 軟綿綿既口感 加上脂香食落去真係好幸福 必點item🤤沙追魚天婦羅 🍤$78唔多地方有得嗌沙追魚 比較罕見😳入口清新之餘魚肉鮮嫩軟滑😙炸漿能包圍食材讓魚保持水份and 口感🤩燒雞皮x2 $240創意料理🤍味道鹹鹹地 有鹽味😋口感脆卜卜 但價錢偏貴😗一品料理🥩$180明太子炒意粉🍝$85(前菜)中華沙律x2 $50 蟹子沙律🥗$68甜品: 日本紅豆雪糕🍦

又到星期日🥺 第二日又要返工啦🥲 咁啱同朋友喺尖沙咀做完facial就決左喺附近食埋飯🙆🏻‍♀️ 喺OpenRice搵到呢間日本餐廳, 似乎質素唔錯, 就決定呎間啦🥢日本菜式總類好多, 有串燒, 有刺身, 壽身, 亦有鍋物等等經典日本菜式👌🏻黎個鮨處松戶海鮮沙律($95) refresh吓先🍽 加入咗好多一舊舊嘅刺身, 十分足料. 抵食!再黎多個刺身😍好鮮味呀壽司拼盤, 有4種魚, 同朋友一人一舊. 食得出嘅油脂感同埋鮮味🔥當然唔少得薄切池魚刺身($230), 真正成條(連魚頭) 比埋你☺️免治雞肉捧($68@2), 食落幾有質感嘅雞肉棒👌🏻明太子玉子燒, 中間夾咗明太子, 蛋味濃.最後到熟食, 海鮮鍋($250), 入面有帶子, 三文魚, 魚尾等海鮮, 十分豐富. 唔食凍野嘅朋友可以叫呢個☺️見到有客人包咗房, 如果係一大班朋友gathering應該會幾合適.Overall: 鮮味十足嘅一餐, 食物質素唔錯, 而且種類繁多, cater到唔同人嘅喜好. (btw, 我同朋友一路食, 一路傾計, 不知不覺坐咗成2個幾鐘😂)

餐廳設計得好有日本feel😆明太子玉子卷-薄身嘅蛋卷 同埋鹹鹹地嘅明太子 好開胃 好啱做前菜✨刺身沙律-上面有啲白色卜卜脆 加埋沙律一齊食有幾得意🤣-刺身嘅份量都好多 唔會係得啲沙律菜🙈海鮮鍋-鍋物材料好豐富 有三文魚 帶子 金菇 冬菇 娃娃菜 等等-湯底都好好味😛免治雞肉棒-雞肉棒撈埋啲雞軟骨 食落好有口感 好有咬口😏薄切池魚刺身-池魚刺身成條咁上 睇得出廚師刀工好好 刺身切得好薄🤤赤貝刺身-赤貝刺身口感好爽 而且赤貝本身都好新鮮😆壽司拼盤-用料新鮮 刺身都好厚👌🏻

星期日夜晚同媽媽去咗食 日本嘢餐廳係一幢類似商業大廈嘅大廈入面，要搭𨋢上，大廈裝修新淨摩登。餐廳嗰層呢就突然之間好似去左古代嘅日本甘。餐廳比想像中大，門囗一入，應該有兩間貴賓房。再行入去左右兩邊總共八張枱。再行入去就有吧檯位置，可以睇住廚師整壽司。好肚餓丫，叫左好多野食。意粉沙律 68蚊好開胃。意粉加咗沙律/蟹柳/蟹子/沙律醬日式炸雞 80蚊炸雞好juicy，炸粉好薄好脆。牛肉網燒 140蚊牛肉薄切，脂肪分佈平均。牛肉咬落油香四濺。醋物 120蚊係好大隻嘅蠔，加咗啲酸酸甜甜嘅醋，好開胃，一啲都唔腥。牛油果軟殼蟹手卷 136蚊軟殼蟹嘅炸粉唔厚，好多牛油果，紫菜脆。鍋仔烏冬 100蚊食完啲沙律壽司後，有碗熱辣辣嘅烏冬食，感覺好warm好滿足❤️ 烏冬煙韌， 有天婦羅蝦/冬菇/菜/蜆/同埋一隻鍋蛋👍

今次呢到廣東道呢間高級日本餐廳叫鮨處松戶， 裝修好獨特， 仲有日本人嘅坐位， 仲有梯級方便你除鞋真係設計得好周到， 成間店都用咗好多木系裝修，真係好有日本風。首先嚟咗個蒲燒鰻魚， 鰻魚食落冇乜骨而且好重魚味， 真係一個幾開胃嘅前菜。再來就係日本叉燒，同中國嘅叉燒唔同，而係豬肉本身嘅完味，搬埋黃介辣落嚟食，真係提升咗豬肉嘅味道， 呢款豬肉唔係好肥呀所以都幾健康。重點推介就係個刺身拼盤，一睇啲刺身嘅色澤就見到好有光澤，本人最鍾意梗係佢個拖羅喇， 油脂味十分充足， 食落仲好有果香味添， 第二個最好食嘅就係個油甘魚，食落好甘香甜美。 仲有海膽都非常之美味， 夠曬厚身而且色澤好金黃。個加州卷都非常之好味，餡料十足，而且外面仲好多魚子。最後個薄餅都唔錯， 整體嚟講呢家嘅日本嘢食都幾正宗，性價比高， 仲唔少日本人專登嚟食添。

今晚想食好d，所以去左鮨處松户。一去到見到裝修好日式，令我好期待！難怪今晚係平日，但都不乏客人！👍🏻鴨胸: 易咬，無羶味！👍🏻今晚既池魚靚，所以要左深海池魚薄切配酸汁同池魚壽司: 真係好新鮮，鮮甜👍🏻爽口👍🏻壽司飯粒粒分明好彈牙👍🏻另外仲叫左份赤背刺身同北海道馬糞海膽軍艦: 同樣地用料新鮮！呢度既海膽真係幾唔錯！👍🏻👍🏻然後就食下d熟食啦😀明太子蛋卷: 好有蛋香味，每件都有唔少明太子！👍🏻👍🏻銀雪魚西京燒: 好足味！👍🏻魚皮仲煎到好脆添！👍🏻牛肉網燒: 厚薄適中，味道正常鍋仔烏冬: 好多海鮮(帆立貝 魚肉 三文魚)👍🏻但如果有醃過/煎香過會更好芝麻雪糕: 芝麻味幾濃，作為完美既結局！😋😋😋總結：推薦呢度既刺身同壽司！👍🏻