鮨處松戶 (彩星集團大廈)

营业中

休息中

OMG guys! You HAVE to check out this amazing Japanese place I found in TST - Sushi Dokoro Matsudo! The vibes are super chill, perfect for a dinner date with friends or fam. (Address: 8/F, Colour Star Group Building, 100 Canton Road, Tsim Sha Tsui, Hong Kong Tel: +852 31064468)I'd heard they use super fresh ingredients and the chefs are top-notch, and let me tell you, they did NOT disappoint! Every dish was seriously on point. Get ready for a food spam!The "Assorted Sashimi (Premium) ($300)" wa

近排好多專家都話日本會發生大地震，搞到呢一年都唔係好夠膽去日本。近排約咗朋友去尖沙咀一間日式餐廳，尋回咗去日本食魚生刺身嘅回憶😆✨帆立貝裙邊✨作為一道前菜，食落去十分滑溜，爽口開胃，打開味蕾。✨螢光魷魚✨比較少食嘅一款刺身，醬油味唔會太濃，可以食到些微嘅海水味，帶出海水嘅鹹鮮味，但係唔會腥，最緊要係好滑溜😆✨鮟鱇魚肝✨被形容為深海中嘅鵝肝，入口即溶，十分柔滑，海水嘅鮮味中𤘘咗油脂嘅肥膩，好好食😍✨雞泡魚乾✨一道暖暖哋嘅小食，十分有咬口，鮮味喺口中散發出嚟，令人忍唔住一啖接一啖😋✨刺身拼盤✨用上咗三文魚、赤身、帆立貝、深海池魚、赤蝦等刺身，每一款都好新鮮，好高質素。個人最欣賞赤蝦，入口爽甜，又好大隻😆食完好似返咗日本咁樣😁✨燒牛舌✨牛舌一串有三大件，送上嚟仲係熱辣辣，最重要係一啲都唔靭，好爽口😆✨天婦羅拼盤✨拼盤內容十分豐富，有番薯、冬菇、三隻大蝦，外皮脆而薄，配上天婦羅汁，十分出色😋✨牛油燒帶子✨意想不到嘅驚喜，滿滿嘅鑊氣，帶子大大隻，十分飽滿，全部都充滿着香草牛油嘅香氣。✨芝麻雪糕✨好濃嘅芝麻香味，為晚餐畫上完美嘅句號。

今日朋友帶左我黎呢間有少少隱蔽既居酒屋，估唔到香香處處有驚喜！原來呢到已經開左廿幾年，唔怪得個feel咁懷舊日本風，唔錯！even開左咁耐，聽佢講以前係勁出名，但價錢都仲係公道，同平時出面差唔多坐低先有前菜開胃，酸酸甜甜似係炸蝦乾，又幾好食雜錦刺身，店員勁細心同我地講解每一款刺身，仲提我地應該由邊一款食起先，勁有服務好細心刺身全部都厚切，入口大大件勁滿足，仲有海膽三文魚籽，勁鮮甜煮鵝肝，唔同平時食開既法式煎鵝肝，呢到明顯少好多油脂，食落偏向軟身，即使無煎過都食得出鵝肝既味道，而且一啲都唔腥海鮮沙律可以話係呢餐最出色，終於唔再係雜菜加麻醬/柚子醋底下刺身勁多好足料，每一啖都食到刺身，面頭加上既脆脆可以話係神來之筆，令成個沙律勁有口感，而家諗返起都勁回味雞軟骨串燒，呢個就不過不失日式炸雞可以食得出無乜炸粉或麵包糠，外皮既脆身全靠雞皮，所以唔可以expect超級脆身，反而咁做無咁油膩又keep到肉汁焗芝士年糕，芝士拉得出絲夠晒咸味，配上煙韌年糕又幾特別最後仲有雪糕送，完美作結

黎左呢間日本餐廳食飯，入面裝修格局好似置身喺日本咁，佢仲有包廂房間，好適合一大班朋友去。坐低冇耐先上咗個前菜，係帶子裙邊，爽口彈牙，醬汁帶點鹹同埋少少辣，作為一個前菜係幾唔錯。蟹子沙律青瓜絲加蟹柳絲，再配上滿滿嘅沙律醬，夏天食真係好透心涼。雜錦刺身（上）有吞拿魚，油甘魚，三文魚，帶子，甜蝦，𩶘魚，海膽配三文魚子，佢個油甘魚同三文魚好肥美甘甜，甜𧎚新鮮大隻，海膽都係有驚喜的鮮甜。帶子牛油燒一上枱就聞到好香牛油味，帶子有四大隻，幾爽口，你個牛油味入曬去個帶子到。沖繩苦瓜豬肉炒雞蛋好有家庭料理感覺，味道真係做到剛好適中，估唔到豬肉嘅份量都幾多，沖繩苦瓜好爽，一啲都唔苦。蒜片雞肉南蠻漬炸雞好食，配埋個酸酸甜甜嘅醬汁黎食，可以中和油膩感。最後，仲有抹茶雪糕送，大滿足😌

喺尖沙咀隱藏一間開業21年嘅超地道居酒屋🏮當晚有超多日本人幫襯同支持連手握壽司嘅師傅都係正宗日本人今次唔使飛日本都食到超地道嘅日本居酒屋🥢雜錦刺身(上) $450 估唔到香港地仲搵到呢個價錢咁大份嘅刺身呢個刺身拼盤總共有七種唔同嘅款三文魚、赤身、牡丹蝦、帶子、 油甘魚、 魰魚、 海膽每款都有3大舊 全部都係厚切！刺身非常鮮甜 特別係三文魚同牡丹蝦 完全食到停唔到😍🥢鮨處松戶海鮮沙律 $95咪以為佢價錢咁平就好細份黎到超級驚喜 魚生嘅份量完全係蓋過晒沙律菜😆食極都食唔晒啲魚生 大胃王必點！不過略嫌個沙律汁太濃味🥢和牛粒鐵板超 $280 和油脂充足 入口即溶份量十足 放喺鐵板上面可以維持個溫度 每一粒放入口都係熱辣辣我哋仲為咗佢叫多碗白飯嚟送添🥢明太子玉子燒 $78 比起其他嘢食，稍為遜色玉子好嫩滑，但係明太子略嫌過鹹🥢芝麻雞翼 $68芝麻雞翼，即叫即炸 外皮好香脆 雞肉嘅肉汁完美鎖住 肉質嫩滑 推薦👍🏻

呢排搵到間好正嘅日式居酒屋，同屋企人去食dinner，點咗幾款好吸引既招牌菜。首先講下雜錦刺身，魚生夠新鮮，啲魚油香味好突出，每塊都切到啱啱好嘅厚度，入口即化，配埋芥末同豉油，真係一流！特別鍾意三文魚同油甘魚，夠肥美！ 蟹籽沙律就係清新嘅選擇，沙律菜份量足，配埋啲爽口嘅青瓜條同滿滿嘅蟹籽，食落口感好豐富。沙律醬調得啱啱好，唔會太膩，正！ 厚燒玉子係必點嘅，蛋味好香濃，燒到外層微焦，入口仲有陣陣甜味，口感滑嫩，完全停唔到口！ 蒜片雞肉南蠻漬都唔錯，雞肉炸得香口，多汁嫩滑，配埋蒜片同酸甜醬汁，好惹味！份量都幾足，啱晒鍾意濃味嘅朋友。 日式炸豆腐係其中一個surprise，外層炸到金黃酥脆，裏面啲豆腐嫩到似豆腐花咁，配埋醬汁一齊食，真係好滿足。 最後就係鍋仔烏冬，熱辣辣嘅湯底香濃，有陣陣海鮮味，烏冬Q彈，吸哂湯底嘅精華，非常暖胃。最後食埋荔枝味雪糕，幾特別。

.尖沙咀·出色高質居酒屋.鮨處松戶📍尖沙咀廣東道100號彩星集團大廈8樓.➰今日到訪的餐廳位於尖沙咀彩星大廈，主打日式居酒屋料理，更已開業已有21年訖立不倒，最有更有不少週年優惠，餐廳裝潢參照日式庭園風格，更有塌塌米包廂設計，適合不同人士需要，非常多元化。.餐牌選擇多不勝數，由前菜，刺物，炸物等應有盡有，絕對能滿足不同客人口味。. ✥ 北海道白粟米 💲50 ⭐️4.2/5⭐️ ❀ 雜錦刺身（上）💲450 ⭐️4.2/5⭐️ ✥ 燒魚翅💲90 ⭐️4.1/5⭐️ ✥ 炸雞軟骨 💲68 ⭐️4.1/5⭐️ ✥ 炸牛肉薯餅 💲70 ⭐️4.1/5⭐️ 𖥕 花魚鹽燒 💲160 ⭐️4.2/5⭐️ 𖥕 清酒煮蜆 💲150 ⭐️4.2/5⭐️.餐廳率先送上白海道白栗米作前菜，清甜開胃，很是欣賞。我們點了一份雜錦刺身拼盤，有齊三文魚，赤身，帶子等，更有海膽及三文魚子杯，擺盤亮麗，魚身油脂閃亮，魚肉入口肥美鮮甜，非常新鮮，推薦必試。.之後點了幾份佐酒小食，燒魚翅火喉恰到好處，入口香甜酥脆，雞軟骨炸得乾身，入口粒粒分明，另外的炸牛肉薯餅完美還原了日式可樂餅的滋味，非常滿足。.然後送上了清酒煮蜆，份量十分豐富，清酒味偏淡，但蜆肉鮮甜

📍鮨處松戶 (尖沙咀)尖沙咀廣東道100號彩星集團大廈8樓 👉前菜（海帶裙邊)💰50😋😋😋😋.8/5嘩，呢個海帶裙邊真係開胃到爆！酸酸咪咪，又爽又脆，食落卜卜脆咁，好似喺海邊捉到即食咁新鮮！用嚟打頭陣一流，即刻醒晒胃，準備迎接後面嘅美食！👉雜錦刺身（特上）💰330(開業21週年，優惠半價!!!!!)😋😋😋😋.8/5嘩！呢個刺身拼盤真係不得了！「特上」果然名不虛傳！啲魚生新鮮到好似啱啱喺海度撈上嚟咁，油光令立立，睇見都流口水！💙吞拿魚腩肥美到呢！入口即溶，啲油香喺個口度爆開，好似食緊雪糕咁，正到暈！💙牡丹蝦大大隻，蝦肉爽甜彈牙，仲有啲蝦膏，鮮味十足，食完一隻想再食多幾隻！ 💙赤貝爽口彈牙，帶有淡淡嘅海水味，好似食緊海嘅精華咁！ 💙油甘魚油脂豐富，入口滑溜，魚味香濃，食落好滿足！ 💙海膽真係極品！金黃色嘅海膽，入口即化，甘甜鮮美，好似食緊海嘅牛奶咁，正到冇朋友！ 💙深海池魚肉質結實，魚味濃郁，食落好有咬口，好新鮮！💙仲有三文魚子，起鮮甜😋😋😋👉燒牛舌😋😋🤩😋.8/5燒牛舌燒得啱啱好，外脆內嫩，牛味香濃，加埋啲蔥花一齊食，惹味到不得了！👉燒白鱔串😋😋😋😋.8/5燒白鱔串燒到皮脆肉嫩

雜錦刺身（上）$450刺身拼盤有吞拿魚、油甘魚、三文魚、帶子、甜蝦、𩶘魚、海膽。吞拿魚揀咗赤身嘅部位，睇落去會深紅色啲，但係食落去油脂少所以魚味濃郁啲。三文魚腩油脂十足，滿口油香。𩶘魚淡紅白肉，有着淡淡嘅甘香同埋鮮甜。鮨處松戶海鲜沙律$95 餐廳好特別，加入咗天婦羅薄薄嘅炸衣喺面。食沙律嘅同時炸衣脆卜卜嘅口感，食落去額外開胃。海鮮沙律裏面有三文魚、魷魚、吞拿魚等等唔同嘅刺身粒。加埋大大粒嘅三文魚子，每一啖都係海洋嘅鮮味。鹽燒雞翼$68 開邊咗之後嘅雞翼更加容易食，並且炭燒完脆卜卜嘅雞皮食落去非常惹味。燃燒嘅調味料只係得鹽，所以非常可以食到食材本身嘅味道。沖繩苦瓜豬肉炒雞蛋$88 沖繩苦瓜口感爽脆，食落去微甘嘅感覺好有特色。加埋豬肉同埋雞蛋之後簡直係沖繩家家戶戶嘅特色菜，佢濃郁嘅苦味同埋豬肉熱炒之後會有一種令人食上癮嘅甘苦味。

今次同朋友去咗間日式料理店，見到唔少客人竟然係日本人，反映呢間店嘅口碑應該唔錯👍🏻朋友介紹呢間店開業一段時間，喺疫情期間仍然屹立不倒，個人覺得無論係食物質素、環境、服務、定係性價比都係一流👍🏻✨ 前菜醃製嘅前菜爽脆開胃，帶淡淡芝麻香氣，酸甜度剛好，好醒胃😋✨ 二人前刺身拼盤（Promotion贈送）🍣 時令刺身包括：- 依左目：肉質緊實，鮮味突出- 油甘魚：油脂分布均勻，入口即化- 三文魚：魚油香氣爆棚- 吞拿魚：赤身部位，味道濃郁- 牡丹蝦：鮮甜彈牙✨ 溫馨提示：只要點壽喜燒套餐就會免費送呢份價值$300嘅刺身，超抵！✨ 壽喜燒牛肉鍋 $480🥘 美國牛肉片油花靚，輕輕一灼就食得，肉質嫩滑！湯底甜度適中，仲配埋豆腐、金菇、娃娃菜等配料✨ 加州卷 $48🥑 呢個價錢真係抵！每件都包到脹卜卜，牛油果creamy，蟹柳鮮甜，青瓜絲爽脆，玉子帶甜香，口感豐富！✨ 梅子大葉免治雞肉棒 $68🍢 必試招牌串燒！雞肉棒外脆內嫩，配埋日本蛋黃，邪惡度爆燈😋🫶🏻總括嚟講▪️ 性價比高：$500有找食到咁多款高質料理▪️ 食材新鮮：刺身全部即叫即切▪️ 服務貼心：店員好nice▪️ 環境舒適：有卡位坐仲有包廂，

餐廳大廈入口雖然有啲難搵，入到去有種高級寧靜感覺！吧枱可以望住廚師食omakase , 其他位置就可以單點/套餐⭐️令和之怪物生𧐢呢款生𧐢出名巨無霸級數，足足有一隻手掌🖐️咁大！鮮甜順滑，鮮味在口中爆發！配上柚子汁提升鮮味。⭐️四點刺身拼盤包括帶子、池魚、油甘魚同炙燒大拖羅，食嘅次序由味道淡至濃，刺身鮮味濃郁，最鍾意厚切池魚，炙燒大拖羅非常肥美，入口即化⭐️鹽燒池魚⭐️揚出豆腐⭐️稻庭烏冬⭐️魚湯⭐️綠茶布甸🍮

喺廣東道嘅一間日式餐廳，座位都幾闊落、坐得幾舒服，見佢有其他間房、私隱度好，可以同朋友好好傾計聚舊。食物方面都唔錯：最令人驚豔嘅就係佢嘅壽司拼盤，overall嚟講都係新鮮、高級嘅，每件壽司大小都剛剛好可以一口食到，欣賞佢似日本本地師傅一早就包咗Wasabi 喺壽司入面。要提一提佢嘅拖羅，加咗檸汁，借由檸香解一解佢肥美嘅魚油香。估唔到有埋海膽壽司，有海水香；左口魚壽司上面仲有灸燒左口魚邊，好有心思；另外仲有北寄貝、池魚、帶子、鯛魚，無論係常見定罕見嘅壽司都有出現。另外，我哋試咗燒白鱔串，燒白鱔串份量慷慨，每件都相當厚實，燒烤的炭火香氣撲鼻，加上鹹甜適中的醬汁，特別有日本風味。 不過，魚肉比較多幼骨，食用時要小心。建議不擅長處理魚刺嘅朋友多加留意。好欣賞佢最後嘅魚湯，好暖胃，魚味重又唔會腥，入口鮮甜實在，完全熬出材料嘅鮮味，加埋入面嘅蜆肉同海帶，的確係幾適合做成餐飯嘅結尾。

鮨處松戶係尖沙咀一間樓上居酒屋，裝修充滿90年代懷舊風格，簡單樸實 。已經營超過廿年，師傅話一路都冇轉過手，保持最初嘅樣貌同風味，以前有好多日本人幫襯，雖然近年部分日本人已經回流，但當晚依然見到有日本客人，平日午市亦非常熱鬧，師傅話好多人會專程嚟支持。餐廳空間感十足，仲有榻榻米房，適合一家大細或者一班朋友聚餐當晚試咗佢哋嘅Omakase，每位$750，性價比相當唔錯。前菜係鱈魚白子，口感綿密Creamy，加咗柚子醋提味，酸酸地非常開胃。接住係三款魚生，包括中拖、池魚、日本螺，每款都新鮮到不得了。拖羅厚切而肥美，入口即溶，無筋又鮮甜壽司有五款，包括北海道帶子、真鯛、牡丹蝦加蝦膏、鯖魚同左口魚配魚邊。牡丹蝦鮮甜濃郁，蝦膏更係加分位；左口魚肥美滑嫩，魚邊嘅膠質豐富，提升咗整體層次。煮物係辣酒煮花螺，螺肉鮮嫩爽口，充滿酒香，超惹味。吸物方面，我哋揀左海鮮湯，湯底鮮甜濃郁，入面有帆立貝、生蠔、三文魚同章魚，配料相當豐富，每口都充滿海洋嘅鮮味。最後甜品係抹茶布甸，師傅話自己整的，極有誠意

Foodie朋友仔推介嘅日本餐廳「鮨處松戶」，全新班底一定要捉埋我黎試下😋餐廳位於廣東道，木系嘅裝修充滿日式風格，最入面係吧枱嘅位置，可以一邊同師傅傾偈一邊品嚐美食，另外仲有多間VIP房，公司朋友聚會都冇問題👍🏻我地嗌咗一個10件壽司set，件件都好高質又新鮮大拖羅｜超肥美，入口即溶充滿油脂，魚油香十足，軟滑而細膩鯛魚｜白身魚嘅味道就較為清爽，肉質爽口有彈性中拖羅｜雖然不及大拖羅肥美，但亦充滿油香而且口感更加緊致，魚味更濃油甘魚｜肉質清爽而鮮甜北寄貝｜肉厚而且口感爽脆，鮮味十足帶子｜白雪雪嘅帶子爽口彈牙，灑上少許柚子皮更能提升鮮味赤貝｜同樣爽脆鮮味牡丹蝦｜入口軟糯鮮甜，加上魚籽鹹鮮嘅味道，令人回味無窮左口魚邊｜炙燒後嘅左口魚邊充滿魚油，細膩嫩滑，入口即化海膽｜我最愛嘅海膽😍勁足料勁鮮甜，入口即化，令人回味另外仲嗌咗幾款串燒華味雞翼｜係整隻嘅雞全翼，皮脆肉嫩帶點焦香嘅味道，肉質勁juicy，火侯控制得啱啱好免治雞肉軟骨棒｜鬆軟嘅免治雞肉加上粒粒嘅軟骨，口感十分豐富雞軟骨｜雞軟骨連帶少許雞肉，一啖一粒脆卜卜，真係食唔停口🤭野菜炒烏冬主食我地嗌咗個炒烏冬，幼滑嘅日本烏冬口感煙韌彈牙配上燒汁再

鮨處松戶🎈Omakase Set⭐️前菜北海道帶子切成細細粒，配上微酸嘅醬汁，入口酸酸甜甜咁幾開胃😆。⭐️刺身5品象拔蚌嫩滑爽口又有嚼勁，北海道海膽鮮甜唔腥，而且份量唔少🤫。拖羅厚切大大片，口感肥美令人有滿足感🙂‍↔️。⭐️煮物煮物係辣汁煮黑梅貝，黑梅貝本身口感爽彈，加上微辣嘅醬汁夠曬惹味🌶️。⭐️壽司5貫壽司環節最鐘意嘅係牡丹蝦壽司伴蝦頭膏，蝦肉新鮮軟糯，配埋蝦頭膏鮮味更加明顯🤤。⭐️魚湯魚湯有驚喜，望落濃郁到好似豆漿咁，飲落超級鮮美但係一d 都唔油膩🥣。