鮨夢 (已結業)

近來鮨店當道，唔小心挑起條癮，就周圍去試各鮨店的omakase。坊間有好多出名的長龍店，但我同朋友都少去，因為我哋大家返工時間都唔穩定，食飯真係要講緣份同心情！今次佢帶咗我去一間隱世小店，俾咗我唔小驚喜。雖然位置比較隱蔽，但門面好清新乾淨，入到去亦見到店家用咗唔少心機裝修，連小擺設同餐具都好出色。因為冇訂枱嘅關係，坐唔到吧枱，但亦有意外驚喜。梳化位空間感同私隱度都十足，大班朋友嚟嘅話，就好似一個小天地咁。午市餐牌選擇都幾多，豐儉由人。而我的目標好清晰，就係Sushi omakase。前菜不過不失茶碗蒸用料都幾豐富因為唔係坐吧枱，所以壽司分咗兩盤上。賣相好出色，飯同魚嘅比例啱啱好，魚身亦好有光澤，飯嘅味道同溫度都控制得唔錯，紫菜又夠脆，整體來講係令人滿意嘅當中比較出色的係三文魚子同貝類。三文魚子卜卜脆又鮮味。帆立貝爽口又彈牙，口感100分。12件壽司，美中不足的是吞拿魚蓉。吞拿魚蓉有跟影響咗口感，但我哋都好欣賞店家好接受意見，馬上重做一件補償返俾我哋。同場加映朋友仔的西京燒最後唔少得嘅甜品整體而言，環境唔錯，價錢算相宜，質素穩定，值得一去。

隱於灣仔麥加力歌街小巷的鮨夢設有Omakase廚師發板menu！Omakase 是透過聊天，先了解一下客人口味，再根據時令，然後為客人設計壽司！由於我唔習慣食濃味嘅魚魚，是不吃魚的貓貓。所以廚師特選咗幾款時令而鮮甜嘅魚刺身黎做壽司地址：鮨夢灣仔麥加力歌街13號地舖前菜：燒博多茄子，很開胃呢堅果胡麻汁黎麥沙律 ，有脆脆口感三文魚子蒸蛋，魚子肥美加上蒸蛋香滑,好配合呢Omakase：1. 真鯛2. 深池魚3. 金目鯛 岩鹽+檸檬 （火炙）4. 池魚5. 醋漬鯖魚6. 帆立貝 炭鹽+青檸汁7. 赤貝+岩鹽8. 喜之次 （一種來獨往，依附於難捕獲嘅位置，必需手釣，難以大網捕獲嘅罕有魚）9. 牡丹蝦10. 熟成14 おToro （14日大的吞拿魚）11. 三文魚子12. 宮城縣海膽 (鮮味肥美）🍙師傅採用嘅係赤醋飯、日本米、日本水，正宗日本滋味😋另外額外要了一個主食-鰻魚飯呢,不過就和坊間的分別不大

Omakase Japanese Restaurant❤️ My Lunch..本來相約朋友到灣仔吃個Omakase Lunch🥢，點知book 左位都冇得食，黎到就乾脆吃個Lunch Set 吧。雖然冇Sashimi 🍣 有點失望，但熱食既質素比想像中有驚喜呢。ll $180USA Prime Beef w/ Teriyaki Sauce w/ Ricell $168Grilled Sliver Cold Fish w/ Rice每客套餐均配有：前菜、沙律、味噌湯 & 茶碗蒸蛋。食材都新鮮，而茶碗蒸蛋🥚 夠嫩滑而且配料十足帶出鮮味。主食方面：USA Prime Beef🐮 香燒而帶出油膩香，肉質嫩滑帶牛油香🖤；西京燒既銀鱈魚🐟 滿滿魚油香，同樣嫩滑好吃。質素也算不錯吧。..但下次食真係要make sure 有booking，唔係黎到先知冇Omakase 都幾失望。..×××××ש灣仔麥加力歌街13號地舖..

位於灣仔的鮨夢，是一間開業不久的日本廚師發辦餐廳。餐廳在麥加力歌街，地理位置有點隱蔽，對於不懂路的我，花一點時間才能找到呢~ 小木屋設計的店面，配上日式長木櫈，甚有日本小店的感覺呀! 店內地方不大，和風裝潢，高雅格調。樓高兩層，地下是廚師發辦的板前席，而一樓則是定食的用餐區。 當天為品嚐廚師發辦而來，我們預先訂座，順利坐上板前席啦。用餐時可以一邊欣賞廚師握壽司，一邊品嚐美味的日本料理。 廚師發辦 壽司12貫 $448/位 品嚐壽司前，服務員會先呈上 沙律、前菜、蒸蛋等。每道菜都質素不俗，而蒸蛋更有大量蟹肉，鮮味盡現。 平目魚壽司，為是日的午餐打響頭炮。質感爽甜的平目魚，味道不錯。 金線鯛壽司，比平目魚更為濃味，鮮甜度更高。 鰤魚壽司，口感柔軟，味道不俗。 北海道帆立貝壽司，是我其中一件愛吃的壽司。帆立貝厚肉腍嫩，好好吃呢~ 池魚壽司，相對其他魚肉，池魚味道較重，所以要用蔥薑去除腥味。 赤身壽司，吞拿魚赤身味道濃香，調過味後更好。 大拖羅壽司，大拖羅永遠是我的最愛，油份足，香氣重，深得我歡心。 富山白蝦壽司，鮮甜的白蝦，味道清新。 不過最後沒甜品，如果有甜品就更滿足啦。

今日個朋友約我去灣仔食飯，帶咗我去鮨夢！話要帶我食好嘢， 去到門口就發現個門面好特別，好期待下晝時間會有午市套餐供應， 我就食咗個廚師發板刺身午市套餐包括左前菜、沙律同埋茶碗蒸前菜係龍蝦沙律， 都幾好味，個茶碗蒸個蛋都好滑最後主角出場啦， 講唔到有成八款刺身咁多分別有油甘魚、拖羅、 鰤魚、帆立貝、赤貝、蜜柑魚、左口魚同埋右口魚當中我覺得蜜柑魚幾有特色， 因為佢唔需要點醬油，入口真係會有一陣蜜柑嘅香味最後套餐仲會包括埋甜品，有唔同味道嘅雪糕可以選擇，我就揀咗抹茶，個雪糕抹茶味都好香，食完好滿足

今日去開灣仔，就walk in同朋友食Omakase! 餐廳有兩層，上層閣樓。坐得舒服！午餐有熟食、有壽司、刺身等。價錢由$188-$488不等。揀咗廚師發板刺身餐及廚師發板12貫壽司🍣。所有lunch set 包前菜、沙律、味增湯及茶碗蒸。▶️廚師發板12貫壽司$448好豐富！海膽、拖羅、蟹肉、三文魚籽、火炙右口魚、帶子、連子鯛、白身魚等。賣相唔錯，味道ok~ 食食吓都好飽。最後甜品係雪糕🍦揀咗芝麻味，好食！

又一間大隱隱於市的日本菜餐廳座落於灣仔的一條小巷 － 鮨夢地方新淨企理 吧台位較多 下次應該可以試埋 omakase 樓上都仲有一層 可以靜靜地去食下飯師傅都非常賣力去招呼客人 先上前菜沙律跟海蜇開下胃先 整體不過不失酸酸地名開胃  再黎就係非常有水準的茶碗蒸 味蕾已經準備去迎接我的和牛套餐 牛肉非常肥美亦好有肉味 煎得好香 熟得岩岩好 燒汁送飯一流 食完都仲想加飯 最後飲埋呢個特濃咖啡可以話係完美 

最近朋友發現一間灣仔新開的Omakase鮨夢，相約他今晚去享受，試試新店。餐廳裝潢典型日式高雅裝潢，坐在吧枱氣氛感覺十分舒適。餐廳晚上Omakase $1280。前菜沙律白茄子 - 微甜，腍軟，味道十分豐富。帶子 - 輕煎香過，汁潤新甜，沙律菜新鮮。壽司金鯛 - 蘸上點鮮柚子碎，十分提鮮。金目鯛 - 很新鮮，口感不錯。左口魚 - 口感好煙韌，十分有口感。富山白蝦 - 質感十分柔軟鮮甜。帆立貝 - 調味帶有一點酸，質感嫩滑。深海池魚王 - 配上柚子胡椒，池魚質感實在，魚味鮮甜。蓮子鯛 - 好少聽到的名字，質感嫩腍，沒有筋，師傅都用刀功處理過。吞拿魚醬油漬 - 味道香濃。赤貝 - 爽口彈牙脆身，配上柚子碎和青檸汁，十分清新。伊佐目 - 輕火炙過，三星漬醬，帶點辛辣，味道香濃。中拖羅 - 油份特豐富，中間有紫蘇葉，味道十分夾。北海渡海膽 - Creamy鮮甜，配上鮮紫菜脆身，味道口感十分豐富。鱈長蟹湯食完多道壽司，來一碗暖暖的鱈長蟹湯，清甜鮮味。最後甜品是抹茶雪糕，十分滿足。

一心諗住嚟食壽司，不過今日雪櫃壞咗，只有熟食，好傷心 T_T前菜加咗水牛芝士，好特別！茶碗蒸入面又加咗秋葵，比好多日本餐廳更有心思蒲燒鰻魚飯 ($180)用咗木桶承載，感覺真係好似喺日本食鰻魚飯咁！鰻魚表層燒得幾香脆，魚身都算厚身美國頂級牛扒照燒配白飯 ($180)牛扒份量多，肥瘦適中唔會過韌，而且都幾juicy，加炸蒜片食一流！呢度環境坐得好舒適，感覺好似去咗日本咁。而且服務非常非常好，我下次一定要再嚟試佢個壽司餐！

呢間位於灣仔新開既日本餐廳🏘小編早排就去左試下🤳🏻.安坐不久 就為我地送上藜麥沙律、龍蝦沙律和茶碗蒸🥣🍣廚師發辦 9件🍣今次因為walk-in 關係無得係廚師面前坐👩🏽‍🍳不過都唔影響壽司既質素既😋9件壽司有帶子、海膽、三文魚子、蝦、金目鯛 、鯖魚、灸燒金目鯛 、深海池魚、𩶘魚🐟其中北海道海膽食落creamy 甜美，一啲苦澀味都無，紫菜仲好香脆🤤鯖魚加上柚子胡椒醬，令鯖魚既味道提鮮夠特別😋.🐟蒲燒饅魚飯🍚用圓木桶盛住既饅魚飯別有日式既風味🎎蒲燒既饅魚有少少既焦香 食落有點點既魚脂唔會太膩😉加上蛋絲同配上日本米🇯🇵 係滿足既感覺😌

日本菜都是百吃不厭的，每知道新開了一間日本餐廳都會盡量想去試試。跟老公路經灣仔街市打後的麥加力歌街，發現開了一間日本餐廳，門面低調，當時我想只開了一星期左右。剛好想吃午飯就推門內進試試。餐廳有兩層，一開門就是一般日本餐廳的壽司吧臺，用上了淺木色和風設計。點餐後會送上沙律、前菜、蛋碗蒸和麵豉湯。《碎蔥吞拿魚腩魚生飯 $286》碎蔥吞拿魚腩新鮮，入口油潤有脂香，紫菜香口，加上碎蔥增添清新味道和口感。日本飯煙韌有口感，份量不多，女士一份剛好。《壽司定食配角切魚生飯 $288》壽司有六件，每件都油潤、新鮮有光澤，入口先甜，輕蘸醬油便夠提味。海膽壽司特別香濃好吃，海膽分量多，入口很鮮！除了首先之外還有一碗角切魚生飯，上面鋪上了晶凝通透的三文魚子，入口爆汁鮮甜，很讚！可能新開關係、或者培訓不足，還要多學日本餐廳的服務。

身在灣仔，本身想到利東街吃午餐，但中午時間人多擠迫，於是走到了附近的橫街窄巷，俾我發現新開了一間日本餐廳，感覺是平時吃廚師發板的地方，本身有點卻步，怕價格太貴但看看餐牌又發現價錢都是百多元起步，立即決定要試試。雖然是新開，但是中午吧枱都是坐滿的。吃午餐的話都會有前菜沙律和麵豉湯。前菜是我喜愛吃的海蜇，而沙律加上了酸汁開胃。而且還有茶碗蒸，蛋很滑，有驚喜。我簡單點了一個《照燒地雞配白飯 $148》職員介紹使用日本雞製作，令我有所期望。最後朝燒地雞來到都沒有令我失望燒得入味可口，而且雞肉夠嫩不鞋口，將燒汁加上白飯上更加好吃。

2021年6月14日 星期一今日係一年一度既端午節，不過疫情關係已經係電視再見唔到扒龍舟比賽，感覺好似冇晒氣氛，於是梳洗完打掃一下屋企之後就寧願落街搵嘢食行到去麥加力歌街發現左呢一間唔太起眼既日式餐廳，感覺好似好神秘咁，於是諗都無諗就入左去入到去慢慢睇下餐牌，發現除咗有omakase之外，仲有午市套餐食，選擇都幾多，最後我哋每人叫咗一個午市套餐一點完餐之後店員就送上前菜，係沙律同漬物，沙律菜幾新鮮，仲有幾粒唔同顏色嘅蕃茄，酸酸地幾開胃之後有茶碗蒸，蛋蒸得好滑溜，裏面仲有好多唔同嘅配料添，其中比較特別嘅有秋葵，本來一向我都唔太鍾意佢嘅口感，不過配落茶碗蒸到，同其他配料又幾配合，唔會食到太多潺既感覺跟住有我點嘅廚師推介壽司盛盒，分為兩層，店員建議我哋食咗呢一層先，主要係貝類，有赤貝、深海池魚同鯖魚等等，其中我最欣賞係左上角嘅貝類刺身，因為加上左黑芝麻鹽，令到刺身嘅味道更加豐富同更加鮮甜至於第二層就有拖羅、左口魚同三文魚籽，全部都一樣好新鮮，又有光澤，三文魚籽更加食到濃郁嘅海水味，少少鹹香老婆就要左西京燒，魚肉燒得非常出色，外皮有少少脆，而裡面既魚肉仍然保持嫩滑，醬汁都好夠味添最後甜品仲有抹

呢間位於灣仔嘅日本🇯🇵新餐廳設有Omakase🍣廚師發板menu！對師傳黎講，Omakase 係先了解一下客人口味，再為客人度身嘅誠意同專業態度！今次師傅知道Caca唔習慣食濃味嘅魚類，所以特選咗幾款時令而鮮甜嘅魚刺身黎做壽司🍣俾我，無諗過平時少食魚嘅我，一件接一件，一口氣食咗食個set呀🙈🙈👧🏻Caca今次食乜野？前菜：🥢燒博多茄子🍆，開胃小碟🥢堅果胡麻汁黎麥沙律 🥗crispy，脆脆感🥢三文魚子蒸蛋，魚子肥美，蒸蛋香滑Omakase：每個月會因應月份而有不同材料，而6月最新鮮，適合嘅季節食材就挑選咗～～～1. 真鯛2. 深池魚 3. 金目鯛 岩鹽+檸檬 （火炙）4. 池魚5. 醋漬鯖魚6. 帆立貝 炭鹽+青檸汁7. 赤貝+岩鹽8. 喜之次 （一種來獨往，依附於難捕獲嘅位置，必需手釣，難以大網捕獲嘅罕有魚）9. 牡丹蝦10. 熟成14 おToro （14日大的吞拿魚）11. 三文魚子12. 宮城縣海膽 (鮮味肥美）🍙師傅採用嘅係赤醋飯、日本米、日本水，正宗日本滋味😋同場加左蒲燒鰻魚飯，香口肥美！

一般嚟講，食午餐都喺比較簡簡單單啲，但今日就有啲唔同，有人請，就食得豪少少。專登嚟到灣仔麥加力歌街嘅「鮨夢」，位置有少少隱蔽，不過，由太源街直行再轉入小街就喺，唔難搵。店面以木條做成嘅小屋，再加張小長木櫈，好有日本小店風格，睇落都有種食好嘢嘅感覺。 踏進餐廳，地方唔喺好大，但一派和風格調，裝修雅致。一張L形板前席，喺食「廚師發辦」嘅最佳位置，因為可以睇到師傅切魚生嘅刀功、揑壽司嘅手勢，以及跟佢哋嘅互動。 高腳櫈下面有藤籃，方便客人擺放背包或手袋。由於我哋嚟得早，未有客人，亦見到師傅整理緊剛剛空運到貨嘅刺身。上文先講完地方唔喺好大，原來樓上仲有多幾張枱，更有個個室，想靜侷啲嘅朋友就啱晒！待疫情消退後，夠人多，包晒上層嚟聚一聚，不知幾開心呀。 晌呢啲中高檔餐廳，除咗環境，餐具及服務都喺值得留意嘅一環。一碟、一杯都好古雅；而服務方面，都好熨貼，侍應落單時會先問問有無嘢唔食得，或食物敏感，態度既有禮，又不時為我哋添茶及收拾餐具。師傅上菜嘅速度，亦喺恰到好處，令人用餐感到悠閒唔急促。 講番午市有咩選擇，一共10款，定價由$128到$488，有平有貴，豐儉由人，全部都包咗前菜、沙律、味噌湯及茶碗蒸