更多
2021-06-25
1633 浏览
一般嚟讲,食午餐都喺比较简简单单啲,但今日就有啲唔同,有人请,就食得豪少少。专登嚟到湾仔麦加力歌街嘅「鮨梦」,位置有少少隐蔽,不过,由太源街直行再转入小街就喺,唔难揾。店面以木条做成嘅小屋,再加张小长木櫈,好有日本小店风格,睇落都有种食好嘢嘅感觉。 踏进餐厅,地方唔喺好大,但一派和风格调,装修雅致。一张L形板前席,喺食「厨师发办」嘅最佳位置,因为可以睇到师傅切鱼生嘅刀功、揑寿司嘅手势,以及跟佢哋嘅互动。 高脚櫈下面有藤篮,方便客人摆放背包或手袋。由于我哋嚟得早,未有客人,亦见到师傅整理紧刚刚空运到货嘅刺身。上文先讲完地方唔喺好大,原来楼上仲有多几张枱,更有个个室,想静局啲嘅朋友就啱晒!待疫情消退后,够人多,包晒上层嚟聚一聚,不知几开心呀。 晌呢啲中高档餐厅,除咗环境,餐具及服务都喺值得留意嘅一环。一碟、一杯都好古雅;而服务方面,都好熨贴,侍应落单时会先问问有无嘢唔食得,或食物敏感,态度既有礼,又不时为我哋添茶及收拾餐具。师傅上菜嘅速度,亦喺恰到好处,令人用餐感到悠闲唔急促。 讲番午市有咩选择,一共10款,定价由$128到$488,有平有贵,丰俭由人,全部都包咗前菜、沙律、味噌汤及茶碗蒸
安座不久,就送上沙律、前菜,沙律就简简单单嘅田园沙律伴点坚果碎及藜麦,下点柚子醋汁,清新开胃;而前菜喺炙烧过嘅博多茄子,虽然未见好花巧,但食得出质感喺好绵滑,无一啲粗嚡嘅纤维感,喺有质素嘅食材。 味噌汤
热汤喺传统嘅味噌汤,好多时定食都喺用佢,虽然无咩带嚟惊喜,但平实、面豉味香浓,浓而不浊,汤内更有唔少昆布同豆腐粒,暖和一下肠胃,以近接小弟嘅鱼生饭丼。 特上鱼生饭丼 $258
都话坐板前席好,睇住信师傅整我碗鱼生饭丼,一大盘鱼生拣啲靓嘅、拣手嘅,切好一片又一片放上饭面,而啲日本寿司饭已经以落咗少少醋,微微嘅酸香,饭粒软糯好食。 讲返个鱼生饭丼,一张乌瞰角度相就睇晒8款鱼生,由9点位顺时针数落去(亦喺由淡至浓嚟计),有牡丹虾、海𫚭、伊佐木、金目鲷、赤身、中拖罗、三文鱼籽及海瞻,全部食材都喺由日本空运过嚟,新鲜而有光泽。今次就唔逐件逐件夹开嚟影啦,因为好似无咁靓,所以,就唔逐件嚟评,不过,就食到各款鱼生非常鲜咩,当中嘅海𫚭及伊佐木印象中都喺第一次食,后者更有种爽爽哋嘅感觉,中拖罗质感绵滑,油脂更喺恰到好处,此外,海瞻真喺好鲜甜,坚喺食到一阵阵甜味。
$258
9 浏览
0 赞好
0 留言
先上咗碗角切鱼生饭俾老友,信师傅就话虽然啲角切鱼生大部份都喺㖊日飞机货所用剩嘅所谓头头尾尾,不过,佢哋都会好好冷冻保存,相差一日质素唔差得几远,而且,所用嘅鱼种级数亦唔差,如金目鲷、赤身、池鱼、𫚕鱼……等等,所以,绝无欺场。故此,老友都赞个饭有质素,鱼味鲜。而有时间嘅话,信师傅更话啲寿司可以逐件上,做到好似食「厨师发办」咁。 海𫚭 寿司
以下嘅评论都喺老友嘅食后感,佢就大赞啲寿司同样有水准。打头阵喺「海𫚭寿司」,佢都话喺第一次食呢种鱼,鱼身色泽洁白晶莹,更睇到师傅晌鱼身鎅咗几刀,外观更好睇。海𫚭嘅鱼味唔算好重,而口感好柔滑,作为开埸嘅第一件,感觉唔错。
9 浏览
0 赞好
0 留言
跟住登场嘅喺伊佐木寿司,面面放咗少少芥末籽,有提味嘅功效。师傅话呢个季节食伊佐木就最好,够肥美,入口果然爽口得嚟,带微微油脂。
6 浏览
0 赞好
0 留言
将赤贝鎅成花,再放上少柚子皮,令寿司嘅外观别致好多。赤贝带有明亮光泽,咬落非常鲜甜爽脆,却又带点韧劲,喺跟食鱼刺身嘅另一种体验,再者,柔柔渗出柚子香味,可谓神来之笔。
5 浏览
0 赞好
0 留言
又喺一款晶莹剔透嘅白身鱼,面头刨咗少少柠檬青,更具清爽感之余,更能吊出本属清淡嘅左口鱼嘅鲜甜鱼味。顺带一提,师傅捏饭嘅手势好好,饭粒嘅紧致度啱啱好,咬落松软,但唔会好散。
3 浏览
0 赞好
0 留言
近尾声,喺食一啲较浓味嘅鱼生,先喺油份唔太重嘅赤身,色泽红润,如牛肉般咁新鲜,肉质细致柔软,鱼味突出。
6 浏览
0 赞好
0 留言
属中拖罗嘅级数,自然,比赤身油份重啲,但又唔会好似大拖罗咁好多油脂,可以讲脂肪适中,且筋位少,放上少少紫苏叶,增加食味嘅层次。
8 浏览
0 赞好
0 留言
雪糕有抹茶口味同芝麻口味,两者都钟意食,随心就拣咗抹茶。质感挺实而柔滑,既有抹茶嘅幽香,又有牛奶嘅奶香味。 最后,店长当然顺势介绍埋佢哋晚市嘅「 厨师发办」菜式,共有两款选择,定价$1,280及$1,880,算喺颇高嘅消费。不过,有食开「厨师发办」嘅客人都知,如果靓料嘅,呢个价钱都差唔多嘞。
张贴