影片
港铁尖沙咀/尖东站 A1 出口, 步行约6分钟
继续阅读
电话号码
31064468
开饭介绍
店内以亭台、花木、石林构成一幅幅的风情画，加上其新鲜的刺身及富有特色的寿司mix & match，令鮨处松户一直其门如市。
继续阅读
特色
适合大伙人
庆祝纪念日
营业时间
今日营业
12:00 - 15:00
18:00 - 23:30
星期一至日
12:00 - 15:00
18:00 - 23:30
以上资料只供参考，请与餐厅确认详情
有关奖赏计划
餐厅大厦入口虽然有啲难揾，入到去有种高级宁静感觉！吧枱可以望住厨师食omakase , 其他位置就可以单点/套餐⭐️令和之怪物生𧐢呢款生𧐢出名巨无霸级数，足足有一只手掌🖐️咁大！鲜甜顺滑，鲜味在口中爆发！配上柚子汁提升鲜味。⭐️四点刺身拼盘包括带子、池鱼、油甘鱼同炙烧大拖罗，食嘅次序由味道淡至浓，刺身鲜味浓郁，最钟意厚切池鱼，炙烧大拖罗非常肥美，入口即化⭐️盐烧池鱼⭐️扬出豆腐⭐️稻庭乌冬⭐️鱼汤⭐️绿茶布甸🍮
继续阅读
喺广东道嘅一间日式餐厅，座位都几阔落、坐得几舒服，见佢有其他间房、私隐度好，可以同朋友好好倾计聚旧。食物方面都唔错：最令人惊艳嘅就系佢嘅寿司拼盘，overall嚟讲都系新鲜、高级嘅，每件寿司大小都刚刚好可以一口食到，欣赏佢似日本本地师傅一早就包咗Wasabi 喺寿司入面。要提一提佢嘅拖罗，加咗柠汁，借由柠香解一解佢肥美嘅鱼油香。估唔到有埋海胆寿司，有海水香；左口鱼寿司上面仲有灸烧左口鱼边，好有心思；另外仲有北寄贝、池鱼、带子、鲷鱼，无论系常见定罕见嘅寿司都有出现。另外，我哋试咗烧白鳝串，烧白鳝串份量慷慨，每件都相当厚实，烧烤的炭火香气扑鼻，加上咸甜适中的酱汁，特别有日本风味。 不过，鱼肉比较多幼骨，食用时要小心。建议不擅长处理鱼刺嘅朋友多加留意。好欣赏佢最后嘅鱼汤，好暖胃，鱼味重又唔会腥，入口鲜甜实在，完全熬出材料嘅鲜味，加埋入面嘅蚬肉同海带，的确系几适合做成餐饭嘅结尾。
继续阅读
鮨处松户系尖沙咀一间楼上居酒屋，装修充满90年代怀旧风格，简单朴实 。已经营超过廿年，师傅话一路都冇转过手，保持最初嘅样貌同风味，以前有好多日本人帮衬，虽然近年部分日本人已经回流，但当晚依然见到有日本客人，平日午市亦非常热闹，师傅话好多人会专程嚟支持。餐厅空间感十足，仲有榻榻米房，适合一家大细或者一班朋友聚餐当晚试咗佢哋嘅Omakase，每位$750，性价比相当唔错。前菜系鳕鱼白子，口感绵密Creamy，加咗柚子醋提味，酸酸地非常开胃。接住系三款鱼生，包括中拖、池鱼、日本螺，每款都新鲜到不得了。拖罗厚切而肥美，入口即溶，无筋又鲜甜寿司有五款，包括北海道带子、真鲷、牡丹虾加虾膏、鲭鱼同左口鱼配鱼边。牡丹虾鲜甜浓郁，虾膏更系加分位；左口鱼肥美滑嫩，鱼边嘅胶质丰富，提升咗整体层次。煮物系辣酒煮花螺，螺肉鲜嫩爽口，充满酒香，超惹味。吸物方面，我哋拣左海鲜汤，汤底鲜甜浓郁，入面有帆立贝、生蚝、三文鱼同章鱼，配料相当丰富，每口都充满海洋嘅鲜味。最后甜品系抹茶布甸，师傅话自己整的，极有诚意
继续阅读
Foodie朋友仔推介嘅日本餐厅「鮨处松户」，全新班底一定要捉埋我黎试下😋餐厅位于广东道，木系嘅装修充满日式风格，最入面系吧枱嘅位置，可以一边同师傅倾偈一边品尝美食，另外仲有多间VIP房，公司朋友聚会都冇问题👍🏻我地嗌咗一个10件寿司set，件件都好高质又新鲜大拖罗｜超肥美，入口即溶充满油脂，鱼油香十足，软滑而细腻鲷鱼｜白身鱼嘅味道就较为清爽，肉质爽口有弹性中拖罗｜虽然不及大拖罗肥美，但亦充满油香而且口感更加紧致，鱼味更浓油甘鱼｜肉质清爽而鲜甜北寄贝｜肉厚而且口感爽脆，鲜味十足带子｜白雪雪嘅带子爽口弹牙，洒上少许柚子皮更能提升鲜味赤贝｜同样爽脆鲜味牡丹虾｜入口软糯鲜甜，加上鱼籽咸鲜嘅味道，令人回味无穷左口鱼边｜炙烧后嘅左口鱼边充满鱼油，细腻嫩滑，入口即化海胆｜我最爱嘅海胆😍劲足料劲鲜甜，入口即化，令人回味另外仲嗌咗几款串烧华味鸡翼｜系整只嘅鸡全翼，皮脆肉嫩带点焦香嘅味道，肉质劲juicy，火侯控制得啱啱好免治鸡肉软骨棒｜松软嘅免治鸡肉加上粒粒嘅软骨，口感十分丰富鸡软骨｜鸡软骨连带少许鸡肉，一啖一粒脆卜卜，真系食唔停口🤭野菜炒乌冬主食我地嗌咗个炒乌冬，幼滑嘅日本乌冬口感烟韧弹牙配上烧汁再加椰菜、芽菜、红萝卜丝同本菇，上面洒上木鱼花，以蔬菜原有嘅清甜制成一道美味嘅日式料理鱼汤推介👍🏻最后饮返碗奶白色热辣辣嘅鱼汤，劲鲜甜超满足📍鮨处松户 (彩星集团大厦) (尖沙咀)尖沙咀广东道100号彩星集团大厦8楼人均消费：$300-400食物：⭐️⭐️⭐️⭐️⭐️环境：⭐️⭐️⭐️⭐️⭐️服务：⭐️⭐️⭐️⭐️⭐️回头率：⭐️⭐️⭐️⭐️⭐️
继续阅读
鮨处松户🎈Omakase Set⭐️前菜北海道带子切成细细粒，配上微酸嘅酱汁，入口酸酸甜甜咁几开胃😆。⭐️刺身5品象拔蚌嫩滑爽口又有嚼劲，北海道海胆鲜甜唔腥，而且份量唔少🤫。拖罗厚切大大片，口感肥美令人有满足感🙂↔️。⭐️煮物煮物系辣汁煮黑梅贝，黑梅贝本身口感爽弹，加上微辣嘅酱汁够晒惹味🌶️。⭐️寿司5贯寿司环节最钟意嘅系牡丹虾寿司伴虾头膏，虾肉新鲜软糯，配埋虾头膏鲜味更加明显🤤。⭐️鱼汤鱼汤有惊喜，望落浓郁到好似豆浆咁，饮落超级鲜美但系一d 都唔油腻🥣。
继续阅读