鮨千寿 (屯門市廣場1期) (已結業)

在聖誕節前，約了會計師街坊朋友一起去屯門市廣場，開了三個多月的日式料理 <鮨千寿> 食晚飯 ! 多謝他送上加拿大及大阪手信！這裡比我們預期大，一室暖色系的優雅和風裝潢！ 感覺舒適自然！據店經理推介，店方選用日本直送靚貨海鮮！屬於中價！ 美食款式包羅萬有！我們覺得不論食物質素、環境、服務都好好！師傅花上無限心思在碟上點綴，務求令賣相更得體美觀！Asahi 啤酒 (500ml) $68三個字形容：唔好飲！岩石蠔 $78來自日本岩首縣的生蠔，口味較清淡！老翁魚 $80至於店經理推介的老翁魚就不識欣賞嘞！ 這是地方名，其實我們都未聽過！因為這種魚炙燒一燒，美中不足的是魚質及魚皮有點韌，食落都鮮美！炸軟殼蟹沙律 $88主角炸軟殼蟹甘香鬆脆又鮮美！沙律菜新鮮爽脆！兩者是天衣無縫的配搭！三蟹卷 $58/件主要成份有、蟹肉、蟹籽；蟹膏爆發無比甘香，以紫菜包住炸，入口鬆脆，滿載混和蟹膏的蟹肉及蟹籽，外脆內軟而鮮美！堅正！可蘸上三種不同風味的鹽，為味蕾帶來不同的感覺！波士頓龍蝦明太子燒 $188龍蝦肉啖啖肉，鮮甜彈牙！卻是以價錢來說，份量不多！松葉蟹蓋海膽石鍋飯 $168經理推介的蟹蓋海膽

來了屯門市廣場買野辦年貨，之後同母親大人食日本野，到了新開的鮨千寿，看看餐牌不算貴，餐廳感覺企理衞生，就食佢啦。店員先送上熱茶同餐牌，好熱的綠茶，好飲。鱈魚乾（$28）先點了個餐前小食，煙煙韌韌的魚乾片，點下蛋黃醬又幾好味喎。伊佐木半條（$210）店員落力sell，全晚的日本直送都賣哂啦，仲有半條伊佐木咋，咁矜貴又叫黎試下，賣相十分吸引，一出場即成為全場焦點。雖然係刺身食法，但表面都有火炙過，魚皮焦香，入口魚肉柔軟彈牙，魚油都不少，好甘香呢，每一片都好肥美，大滿足呀！什錦魚生沙律（$88）好新鮮爽脆的沙律菜，醬汁酸酸的又帶點芥末味，內裏的魚生都不用再點wasabi了，太好味嘭嘭聲搶住食。北海道刺身飯（$168）自己點了刺身飯，啱啱比塊葉遮住添，除左魚籽，海膽，蟹肉外，後面仲有帶子同三文魚，滿滿一碗份量不少呢。魚籽沒多餘的調味，海膽好新鮮完全無怪味，蟹肉鮮甜帶少少鹹味，三文魚厚切肥美，帶子size仲大過隻匙羹，厚身口感十足又鮮味，全部都超正無野好挑剔了。什錦魚生飯（$168）母親叫了魚生飯，每樣一片好豐富，甜蝦，魚籽，蟹籽，海膽，鯛，吞拿，帶子，三文，鰻魚，火炙三文等，三心二意樣樣想試叫

在屯門終於遇到一間比較有質素的日本料理雖然價錢是中上的看你order什麼，還是可以豐儉由人當日有日本產地直送的餐牌wow....我最愛的魴鮄呀！男友囉...教壞我了，越來越嘴刁200蚊一條就試一下啦小食挺多4個人食有2個不太愛海膽所以為了遷就，沒有叫加拿大海膽飯沒關係啦，總不能太自私 叫一個雜錦好了新開的關係，連碟都特別可觀！畫面頓時都令人開胃十倍刺身用料新鮮不在講那個鮮甜很突出雖然冬天但沒有叫這類鍋本來他們想叫這個刺身可能覺得每樣都有點感覺不錯不過我提了他們刺身雖然是有9款但每款只有2件，4人的我們是不夠分的啦4個人仲只有1個不吃蝦我們另外3個就叫了日本產地直送的牡丹蝦超正，那個用來醮的醬是用上了蝦頭的膏肉質爽甜，再加上蝦膏，齒頰留香！魴鮄到了，發現這間店對於賣相相當著重200這條不算太大條有點可惜，魴鮄要切比較薄，很考刀功咬起來才會比較適合，這個有點厚了味道是不錯，有魴鮄的甜吃完魴鮄後職員詢問我們要炸還是煲湯如果湯的話每碗要多加24元我覺得有點貴就沒要了但原來炸起來..我又不懂欣賞下次想試湯了螢光魷魚比較重口味的一道菜吃一條還好，吃太多會覺得鹹有朋友愛吃海膽又沒叫那個飯就該他叫個刺

窩夫與蝦子餅日前在屯門市廣場找地方吃晚飯，試了鮨千寿，一試難忘。除了餐牌上的食品，鮨千寿每天還有日本產地直送的新鮮水產。窩夫很喜歡餐廳簡約的裝修，坐下來感覺很舒服。窩夫實在太愛白桃，見到有白桃梳打($32)便點了一杯，白桃味夠香夠自然，味道不錯。等了一會，食物終於來了，大盆裡放了針魚刺身($180)、日本蠔兩隻($140)和刺身拼盤($298)，窩夫不知應從何吃起之際，店員細心地講解吃的次序和醬油的配搭。各種魚類各有特色，有的魚味較濃，有的油脂較多，入口即溶，最前面那款的魚皮被燒過，多了炭燒的香味，味道特別豐富。來個針魚刺身($180)的大特寫，細心一看，針魚的頭部尖尖的，真的有點似一支針，銀光閃閃，非常新鮮。針魚的魚身幼長，魚肉不算很厚，肉質彈牙鮮甜，非常好吃。窩夫對之前在東京築地吃過的日本生蠔念念不忘，便點了兩隻來自北海道的仙鳳趾生蠔。生蠔脹卜卜，吃下去滿口都是新鮮的蠔味，上面啫喱狀的醬汁味道帶點酸，十分開胃，跟生蠔很夾。海膽刺身配蔥吞拿魚腩卷($188)的賣相很精美，平日不太吃蔥的窩夫也覺得蔥吞拿魚腩卷非常好吃，香口的芝麻令它生色不少。來個海膽刺身的近鏡，海膽刺身應該是來自加拿大

好快又轉眼過年，當大家準備緊年貨之際 有冇睇到月曆，其實情人節就快到了 或者大家都係諗住咪Book 下d 西餐廳食下 最Hea 就係去食下茶記既西餐都好呢 雖然我都已經對於情人節呢樣野已經有了免疫 要是收花，倒不如給我買一些重要東西好過了 早前我已經留意屯門市廣場，有一些大執位 而早前也是做壽司店的位置 開了一間聽說蠻高級的日本料理餐廳 想試了很久，直至有一天先生突然提議 不如去試一下呢間鮨千壽啦 其實係屯門有既日本餐廳都唔算少， 不過叫有D質數既應該都要講係呢間啦 咁我地就主要叫左一些熟食類， 本身係有諗住食刺身併盤/壽司併盤 最後我地就先揀左食一個卷物啦 首先有出場既係呢個 牛油果軟殼蟹卷物 $79 首先真係覺得個牛油果好夠多， 係差不多是一整塊既牛油果 軟殼蟹都幾夠熱，同埋夠脆 整體都不錯的，推介必點! 另外就是我看隔離枱點了這個刺身飯好吸引 同先生傾完就話不如要點刺身併盤， 倒不如點兩個刺身飯會更好啦 起碼先生唔會餓住個肚仔嗎 首先有既呢款係雜錦魚生飯 分別有三文魚,一整塊甜甜的海膽 油甘魚，牡丹蝦，熟蝦，蟹籽etc... 刺身真係好夠新鮮，亦唔會有雪到冰既感覺 同時好夠厚

轉眼就到2018啦！大家新年有冇new year resolutions?我就想自己記住要感恩身邊一齊所有！對自己嘅屋企人，亦應該適當嘅時候create some happy moments！所以，前幾日帶咗媽媽入屯門食日本餐-鮨千寿。鮨千寿餐牌有好多食品喎，多到令人花多眼亂呀！我揀咗壽司拼盤同埋海膽魚子飯。媽媽喜歡熱食，就揀咗煙肉年糕串，同埋豚肉鍋！海膽魚子飯$358確實要叫佢做激烈的海膽。因為份量真係好多，撈埋魚子一齊食，感覺都係非常澎湃及滿足！建議大家幾個人分享一份。壽司拼盤$378因為唔知揀乜壽司好，就來個拼盤乜都有啦！質素平均都好高，實在估唔到有咁肥美嘅拖羅食！ 蝦是多麼鮮美，件件都帶俾我驚喜。煙肉年糕串$28年糕內熱柔軟但煙肉仍可保持乾身，非常美好的配搭。豚肉窩$168豚肉窩最可取之處，就係用上日本肥美嘅豚肉，加上清淡的蔬菜，粗粉絲等，老少皆宜。我哋仲加咗日本稻庭烏冬(+$38)，彈牙幼滑，值得一試。對鮨千寿食物質素及環境整體也很滿意。最緊要連媽媽都覺得滿意！

元旦日黎屯門搵朋友，朋友推介呢間新開既日本野，一試之後愛上左！起初以為要排好耐，原來排左10分鐘就到我地。我地點左牛肉壽喜燒煱，味道不錯，不太甜也不太咸，牛肉也不韌，還點了三文魚壽司，不得不讚的是壽司那塊紫菜，十分脆口！一定要試！另外，重頭戲就是那個梅子麫，我也是第一次吃，爽口彈牙，而且有香濃梅子味，值得推介！

今日自己去市中心 經過呢間壽司鋪門口見到咁多人光顧就一心諗住去試 環境舒服員工好友善 睇完餐牌之後就叫咗個北海道魚生飯 有前菜麵鼓湯 食完之後仲會上甜品 前菜好開胃酸酸甜甜 面鼓湯唔似出面嗰啲咁鹹 之後就到北海道魚生飯 絕對係一定要推介大家一定要試食。因為我從來都未食過咁新鮮咁鮮甜嘅魚生飯。由於我係坐吧枱 直接見到師傅即刻係你面前整 好有心機 環境夠乾淨 食完之後就上甜品。甜品係綠茶糯米糍 好清甜 綠茶粉一啲都唔濃 絕對要推介大家 價錢吸引抵食

Xmas eve lunch 去左屯門呢間新開ge日本料理餐廳，一入去環境都唔錯，位置都算闊落，而且一坐低待應會俾個籃你放包包。雖然餐廳就無播下d日本歌（#印象中好像無）（#純綷個人喜她），但坐落都舒服。到叫野食環節，雖然天氣無之前甘凍，但都係涼涼地，所以我就二話不說叫左個咖哩牛肉御膳，諗住暖下個胃，而俾我咀叼十倍ge內子去到日本餐廳當然係叫左刺身御膳。如圖，一眼望落去個咖哩牛肉飯好似好多汁，但食落一d都唔係！咖哩汁係正宗和式咖哩，唔會太濃又唔會過鹹，所以唔使怒配白飯食，唔知係咪甘啱，我真係一路食落去剛好用哂d汁！相信大家都有試過食咖哩野最後食剩一大盤咖哩汁ge經驗，今次真係難得一次份量剛剛好！牛肉方面，ok, 唔會有筋你咬極都咬唔到，肉質夠滑，嚼幾下就呑得。到刺身，因為內子食野唔多，基本上一半刺身我都有食。刺身非常新鮮，唔會有未解凍哂ge感覺，處理得好好，肉質由都夠嫩滑，最期待ge海膽亦無令我失望，味道夠爆，一d腥味都無!side dish 燉蛋都要提一下，因為個底放左粒白果，平衡返蛋個膩口感。甜品綠菜菓子係送（包？）ge,口感煙煙靭靭，都幾好食。

※本文以用餐當日的環境、服務和食物質素為準，口味亦因人而異，文章只作參考之用。-屯門市廣場感覺上好似有好多類型既餐廳選擇，事實上每次睇完戲想去食晚飯都會有「覺得無野好食」既情況出現，好多時都寧願出返元朗食喇。原來最近元氣壽司舊址轉左間新餐廳「鮨千寿」，睇返張墊枱紙，係同屬「穴」集團的，所以菜式部份都好似樣，選擇多又吸引！餐廳環境，由於人客太多所以只簡略拍一下。餐廳每日都有時令產地直送既刺身選擇，對我黎講最吸引一定係各款丼飯系列。海膽魷魚卷 $108 （8件）魷魚搭配海膽算係一款幾新穎既組合，彈牙既魷魚中間夾住，味道都幾夾。三蟹卷 $58/件呢個三蟹卷天婦羅真係好好好食，用紫菜卷住蟹膏、蟹肉同蟹籽拎去炸！天婦羅炸粉薄薄一層，裡面既「三蟹」食落勁足料甘香，仲有咬落帶點「卜卜聲」既蟹籽，超邪惡呀！另外仲有海鹽、抹茶粉同咖哩粉可以蘸黎食，小妹覺得蘸海鹽係最夾。日本黑毛和牛鐵板燒 $338粒粒骰子形既日本黑毛和牛，中心仍然略帶紅色的肉質，煎得還不錯。肉質咬落鬆化充滿肉汁，牛味好濃好好食，簡單煎煎佢味道已經令人回味！三文魚籽加拿大海膽飯 $358好豐富既海膽三文魚籽丼，一半魚籽一半海膽，用既係加拿

小時候，每幾個月就會去屯門，因為拜山的關係，每次都是和屋企人去，而屋企人聚會當然係食中餐，那間大會堂的美心，不知吃了幾多萬次。 這個屯門市廣場熟得很，唯獨每次都沒有機會試吃其他東西。 碰巧今天來到這裡見朋友，當然試找一下附近有乜好食，本想吃地道的粉仔，但想吃好一點應付勁唔高興嘅心情，當然找自己最喜歡的comfort food 。 而家的屯門市廣場食物百花齊放，乜嘢選擇都有，要選擇好東西都有難道。 然後選了近來最有名的鮨千寿，六點到已經全院滿座，我屯門市廣場的人流一樣，絡繹不絕，相信中伏的機會不多，雖然記得之前朋友m小姐說過這裏的食物非常一般，但觀乎近來的comment也像不錯，也增加了我的信心。 一坐低他們便有時令推介，選擇很多，看到這個牌我便更加放心，因為肯定這裏每天有飛機貨到，於是便選擇了其中的針魚。 冬天魚類刺身時令好豐富，除了白子是我最喜歡外，針魚都是我愛的一種，白身魚通常味道都不會太濃，但這個白身魚味道集中，配合薑蓉蔥花豉油，其個性更加突出。 另外放在一起的海膽魷魚卷當然是最穩陣的配搭，雖然不知這個海膽是怎麼種類，但有着馬糞海膽的濃烈，滑身的魷魚包着味道濃郁的海膽實在是

自從西鐵通車後，入元朗搵食既機會，遠遠比去屯門高。無他的，只兩個站，實在方便得多。 難得一次山長水遠入到屯門，肯定要食埋晚餐才離開，最好試下新開的店子，查看商場水牌，鮨千寿是我的囊中物也。 向來習慣早食飯既我，六點已到達，避開人流。 店員服務態度好好，並向我哋推介當日番既飛機貨，搞到我忽然好想食刺身。 點來一客大拖羅，有些人可能怕這太肥，我卻愛得要死。那股甘香，入口即化的質感，完全地溶化了我的心。 另外，又挑了針魚和海膽。針魚肉爽，味道鮮，單是醮點點豉油，已經很好了。 海膽有加拿大與日本膽之分，無理由唔食日本膽啦～用木匙「筆」入口，一個鮮字可以形容晒。以紫菜包裹著來吃，又是另一番滋味。只恨份量實在太少，唔多夠喉。 生怕吃不飽，再來客釜飯。同行者不嗜牛，於是要了松葉蟹蓋海膽釜飯。蟹籽、蟹肉及海膽滿滿的封住蟹蓋，其實蟹蓋內還藏豐盛的蟹羔，好鬼吸引。將之與米飯撈勻，每一口都是羔香和膽鮮味，每一口都夾雜蟹肉，加上米飯夠熱燙，略帶飯焦，寒冬之時嚐著此品，太正。 飲埋手頭杯飲品，飽足地離開。

星期日的下午，要大老遠走入來屯門，為的就是來探望好友的新生兒，為了他，真的再遠的地方我都會去。身邊的他當然也要跟我一起來啦。探完他以後，我們到處找吃的，最後來到屯門市廣場這家日本餐廳「鮨千寿」，人流也蠻多的，而且在門外看過餐牌也不算貴，所以就寧願等一陣位子，入去吃吃看。 看了好一陣子，最後選擇了迷你丼物餐，一人可以選兩款丼物，或一款丼物跟兩款串燒，另外再有沙律、前菜、蕎麥麵或烏冬、甜品，都是$138，再另加一收費。我們決定點兩個迷你丼物餐，一次過試四款丼物，再加上跟餐的食材，一定能食得飽。 我們點了這幾款迷你丼：– 黑豚肉生薑燒飯– 鰻魚飯– 海膽三文魚飯– 蔥呑拿魚生飯 雖說是迷你丼，但其實每碗丼飯的碗的深度比預計還要深，就是說飯的數量比起想像的還要多很多。 不多說了，先跟大家分享一下今次的食物。 沙律平平無奇，前菜則為牛脷，嗯，要是口感可以再強一點的話會更好。牛脷過淋就失去了應有的質感，我就喜歡爽一點的，但眼見店內也不少老人家，那就照顧得到老人家的所需啦。 黑豚肉生薑燒飯味道很夠濃郁，黑豚肉亦夠爽，豚肉味也夠濃。最喜歡飯上面的醬料，很香很惹味，不錯。 鰻魚飯嘛，鰻魚汁

好快又到聖誕節了上星期日跟車爸爸去買聖誕禮物給朋友們，想買晒所有朋友的禮物而又不用東奔西跑，相信去大型商場就最適合不過了！所以我哋決定走入好耐冇去的屯門市廣場買禮物！ 而我們的午餐就決定到這一間鮨千寿吃日式料理，一點鐘到達的時候等了大約五分鐘便有位， 之後就已經全院滿座了都真係好旺場喔！！ 看見壽司吧有數位師傅密密工作就知有幾爆場啦！看一看餐牌後我倆火速已經點下心儀的美食！ 大家看到嗎！有三份那麼多前菜、小食，原因係這兒的午市餐牌全都是套餐來的，所以我們點刺身的時候一個不留神哋點了套餐也不知，但不要緊今日有我個世紀黑洞在旁相信唔難KO所有食物的。 用胡麻醬配襯的沙律菜吃下好爽甜，加上香而不俗份量恰好的胡麻醬成件事都好清新又靚仔。 而前菜芝麻豆腐則挺香口！麻油的香味配合嫩滑的豆腐，小小的一口都幾合我心意呢~另外還有一些爽脆的漬物！ 麵豉湯跟刺身和鰻魚飯同上的，喝下去都算足味，而且不太有味精的感覺不錯耶！！ 特上刺身御膳＄198內裏包含9款剌身，包括牡丹蝦、鱆紅、三文魚腩、海膽、油甘、帶子、赤身、大拖羅及立魚，還有以上的沙律、前菜、海鮮蒸蛋、白飯、漬物、麵豉湯及甜品， 一上檯見到那麼新鮮