鮨千寿 (屯門市廣場1期) (已結業)

黎到屯門市廣場醫肚, 見到鮨千寿門口排晒隊, 一於試一試, 2位不用等~裡面ALL FULL, 一入去已經望到有7~8位壽司司傅係壽司枱密密做壽司~~燒青椒仔 $28 一黎到好大陣青椒味, 小妹不太好青椒, 但食落去幾好食, 冇陣青味, 甜甜地又爽口~ 雞翼串 $38 燒雞翼, 我鐘意食, 幾普通~甜蝦刺身 $48 夠新鮮三文魚壽司 $28 有光澤, 食落好fresh, 美味八爪魚壽司 $38 食落煙煙unun, 吸盤位爽口火灸左口魚裙邊壽司 $48 厚厚既魚邊群~~有入口溶化既感覺辣吞拿魚腩卷物 $78  waiter好細心, 講有個basket under chair can put bag~~

在屯門住了好幾十年，終於有一間極至出色的日本餐廳出現於屯門市中心。就是這間在屯門市廣場1期1樓"元氣壽司"舊位的"鮨千壽"。今天中午，我們一行3人到來幫襯。中午時段攞位不難，店員很快便幫忙找到座位。店內裝修以和風為主，主色為淺色木材。坐位也很寬闊，沒有擠迫的感覺。今天我們選了1個魚生丼，2個雜錦壽司和1個刺身拼盤。魚生丼和雜錦壽司份量頗大，當午飯吃絕對夠飽。所有魚生非常新鮮，亦很大件，味道極佳。整體感覺極佳，一定會經常幫襯。

今日帶住阿女喺屯市，發現之前元氣的舖位開咗間日本料理，仲要新開張都唔使等位，就膽粗粗拖阿女入去試啦😄餐廳有行bar 檯，可以一邊食一邊欣賞師傅制作壽司，好有日本feel 😄我都明屯市舖租貴，所以餐廳食物價錢都唔平😂波子汽水$32熱烏冬，$58講真，壽司質素確實好食，塊紙菜係脆既，壽司飯唔散既，三文魚係肥味既三文魚茶漬飯，$68好食既，飯香，但好似細碗咗少少佢既食物質素係唔錯，服務態度都好好，可能因為無咩客人，佢地仲會同阿女玩下😅

經過見到舊元氣位置終於開張，同是食日本菜，即刻衝入試一試番開門簾蒲進入內，店內以白木色為主，環景整潔光亮。用盡上手既所有空間感覺寬闊，但近門口位置擺放的用餐區空間有些微奇怪，店家為求做多幾枱生意可以去到幾盡？ 估計兩旁原本是放4人枱的，不過店家將其分拆開變2人枱，坐下後使得整個空間變得超有壓迫感隔離枱講野大聲d都全聽進耳內唉！！ (店家真系要注意下，呢度扣左少少分) 。另店內深處有張長bar枱，可以要求近距離跟師傅交流交流。講返食材方面，今晚得2條友仔order款式唔多 壽司拼盤(10款) 最緊要一個點就係壽司飯上面既海鮮要鮮•肥•美 店家已經做到了 脆炸雞軟骨 外皮脆漿薄唔厚，夠酥脆，雖然少左d，可接受。 冷烏冬 最重要面質夠彈牙 沖繩豚肉餃子 煎得好香，餃子皮唔厚身，咬落去仲脆口juicy總括黎講，食材既返兜指數高，下次坐入小小叫多2個friend 黎，可以試埋其他菜式。到時再寫食後感。

新開張的,唔使等就入得,確實個餐牌係有少少貴嘅,屯門呢個價錢而且咁新黎講 , 唔使排隊正常嘅。不過滿意嘅, 可以一試。整體食材都非常新鮮而且係有質素的。魚生鮮甜有光澤推介炙燒左口魚壽司：本身左口魚好肥好多魚油，輕輕一燒將d 油香帶哂出黎，配左一小塊青檸，balance 返魚油既膩，食完個after taste last 好耐。另外海膽墨魚卷，兩野食材亦都係好新鮮，夾埋一齊食好match ,唔會有海膽還海膽，墨魚還墨魚既感覺，口感非常好，賣相都一流呀。燒茄子- 普通, 本身茄子又冇乜特別味道,佢又冇特別烹調只係附帶有D 豉油 , 木魚,點聚下咁。個蟹蓋飯（唔記得叫咩名）其實食完個飯有d 滯，個蟹羔好好味太濃味，變左嘥左個海膽。呢個沙律係有海葡萄的, 都係嗰句啦.好新鮮。食日本野最緊要就係"新鮮". 夠曬啦。

路經見到新開日本食肆，見餐牌多選擇，然後取飛等位，帶位reception 哥哥的服務真的一流，佢畀個門口位，但我要求等下一張，不久電腦系統叫號碼skip 我個number ，我問reception 哥哥為何讓我後面的number 入座，不安排我，他說因為其他人不介意坐bar 枱，以為我唔坐bar 枱，即時O咀了。死口話我要求坐其他order枱。我反駁只是話我唔坐門口想等下一張服務態度真的令人失望