魚鱻魚湯專門店

营业中

休息中

星期六小妹試咗荃灣呢間主打無味精魚湯米線。清清哋咁食碗米線都唔錯，食完唔會好口渇-真•無味精。但係呢，湯底魚味唔算好鮮甜咁囉，都Ok✅·.環境比較迫😅（唔好帶新女朋友去🙈🤪），食客多街坊一家大細當飯堂，老夫老妻拍拖拍到爛，自己一個食碗米線嗰啲～..［生炸豬扒米+ 鯇魚片］$48+8.［炸魚餅］$18 😋😋炸魚餅好好味呀，食得出係有魚肉而唔係有好多粉扮魚肉..

🤔呢間米線，印象中，有好多膠筒放係門口（所以成日覺得佢環境好迫同唔係好乾淨😂）.同埋只係知佢個招牌有好多個魚字,但奈何日頭成日都大排長龍，一直未有機會試.今晚成9點幾10點先搵野食，咁岩見佢人唔係好多，就終於有得試喇😍.個枇杷豆腐有少少似順德魚腐，又有d似魚滑釀豆卜，不過口感係軟淋一d，幾得意😝.而家雖然米線舖周街都係，不過一係就係主打辣既四川雲南米線，一係就味精重到死😵.👍難得佢地既米線係真魚湯，雖然冇想像中咁濃郁，但清清地更加食得出係無添加，算係唔錯！而且可以加我最愛既勝瓜做配料，整體感覺更加健康，抵佢成日大排長龍😋😋😋

前排自己一個整完少少野就想去路德圍醫醫肚。行左一個圈都係選擇左荃灣人稱為「魚魚魚」既呢間主打魚湯米線既餐廳。本身屬意都係想食米線，但又諗起其實咁耐以黎都未試過泡飯，咁就一於嗌個豬肉片魚湯泡飯食下！原來泡飯都好味，而且單手用匙羹就食到，方便晒我個懶人🤣🤣🤣 份量亦都好夠，女仔唔大食應該會食唔晒添。整體對魚魚魚都係照舊滿意，會繼續間唔中去食既😋

經過呢間魚魚魚米線好多次 今日過嚟荃灣做嘢就嚟試下 叫咗個招牌魚滑魚湯米線加多杯凍檸茶 米線都幾大碗 首先試咗個湯雖然係奶白色 但冇想像之中咁清甜 不過都唔係死鹹味精味 都飲左大半至於招牌魚滑原來即係鯪魚球 份量都多但好鹹 食兩舊就要飲野 凍檸茶好搞笑要自己落糖水成個米線無乜特別 唔會專登再食同臺有位女士叫左個燉牛鰍 打開蓋 香味湧曬出嚟 非常吸引 可能呢度嘅燉魚湯先係招牌菜另外都見到幾多人叫炸魚 可惜自己一丁友食唔到咁多野 有機會經過再試啦

美食集中區的路德圍有一間很著名聲稱無味精的鱻魚湯專門店，常常都有多人排隊(不可訂座的啊)。這間小店的面積不算很大，食客坐的位置都比較擠迫，當多人的時段，一段都要邊抱著自已袋邊吃米線，不過還可以接受的。招牌炸魚餅魚湯米線/泡飯和招牌鯇魚腩魚湯米線/泡飯很受歡迎，通常很早就售罄了!! 幸好，今日比較早來吃晩餐，大約6時半，還可以點一份招牌鯇魚腩魚湯米線(走蔥)($40)。大約等了5分鐘就可以開餐了! 雖然賣相不是那種很吸引食慾的顏色，而是單調的奶白色，但清香及鮮甜的鮮魚湯已經足夠令人垂涎三尺!! 鯇魚腩非常鮮甜，一點魚腥也沒有，肉質很滑!! 魚骨是大大條的，不過仍然有些少較細少的魚骨，所以進食時都要小心留意! 無味精的魚湯非常出色，喝完整個魚湯也不會口乾!! 價錢合理，份量足夠，味道鮮甜無味精，很值得推介及支持的小店!!👍👍👍

同朋友又黎到荃灣路德圍搵食，見到魚魚魚湯米線好多人排隊，朋友之前都介紹過，就決定試吓攞咗抽之後大概等10幾分鐘就有位，鋪頭唔算大，客人要坐嘅位置都比較逼，但係都可以接受。我同朋友分別叫咗魚餃米線加木瓜，魚滑米線加墨魚丸，炸魚餅一份。 先講魚餃米線加木瓜：米線相當大碗，亦都非常足料，魚餃非常滑，魚味十足！鍾意食魚嘅人一定會覺得好味！魚湯加埋木瓜，10分清甜。魚滑米線加墨魚丸：同樣米線相當大碗，魚滑多而且大粒，不過墨魚丸就非常普通。每人消費大概$50但係就食到好飽咁出門口。想食清淡啲、健康啲係一個唔錯嘅選擇。

開門時間已經勁多人係門口等，我都想趁熱鬧，我本身吾係好鍾意食整條魚既，所以叫左魚皮米線同埋椒鹽鯪魚😌 魚皮非常新鮮好香口，我見到係即炸，我從未食過，所以好印象深刻🙈 椒鹽鯪魚好滑👍🏻食到停5到手，魚湯淡淡的，但算清甜

一家人行荃灣晚上找食，不如試下好耐冇嚟呢間魚湯專門店，我就叫咗個番茄魚腩勝瓜湯米線，碗米線好足料，不過就大不如前，魚腩就無甘大件同魚湯湯底無甘鮮，味道較淡， 老公就叫咗個番茄魚腩湯飯而阿仔呢就叫咗個吉列豬扒湯飯，吉列豬扒好脆，小食叫左招牌炸魚餅，大件又厚肉，炸雞翼一般。

陪朋友去荃灣買手機配件推介我食呢間位於路德街既魚湯專門小店並沒有豪華既環境裝修或寬敞的個位置但勝在有平價又美味的食物質素睇一睇Menu大部分都是以魚為主魚球、魚餅、炸魚片、鯇魚腩等等男女老幼都岩食！呢間店的湯底都是清香的魚湯味道所以特別適合喜歡食魚嘅朋友！呢度好既姐姐比較豪邁大聲講食咩都冇問題今次點左兩款米線批把豆腐魚湯米線古法吉列豬扒魚湯米線批把豆腐魚湯米線$39魚湯米線有別於湯飯配有份量頗多既娃娃菜湯底比較重魚香味 米線腍滑大大粒批把豆腐球 用左豆腐同魚搓成的咬落去有魚蓉腍嫩既鮮味清香美味！推介！古法吉列豬扒魚湯米線$39吉列豬扒比想像中更惹味外表炸得脆口 咬落去肉質鬆軟惹味不是一般的店舖豬扒厚實的口感一口接一口 愈食愈好味！性價比高！推介！

今日又黎左荃灣行街，晚飯時間周圍都好多人又好多野食，行左一個圈最後今晚食清d, 揀左出名食魚同魚湯既專門店主菜係泡飯或者米線，餐牌上面大部分都係魚，但都有豬扒同雞翼等既選擇我本身就好鐘意食豆腐，所以最後揀左枇杷豆腐米線，老公就想揀桂花魚，但點知賣哂所以最後就揀左鷹䱽泡飯，我地仲叫多左個小食，招牌炸魚餅枇杷豆腐米線。魚湯飲落好舒服，有淡淡魚既鮮味，仲有好多菜，附加既豆腐卜吸哂d湯枇杷豆腐都好食，食到用料好足，每一粒都好扎實唔腥，不錯鷹䱽泡飯。啖湯比較我碗米線魚鮮味更重，條魚處理得好好，好乾淨又冇腥味招牌炸魚餅。好香口，啖啖肉，建議親熱食，凍左冇咁香整體成餐飯係好唔錯，食完飲哂d湯都冇話好口渴，加上老公本身又好鐘意食魚，讚

好耐無來食過魚鱻米線🤗，今日自己一個來食，7點已經坐滿人，一位有得搭枱唔洗等其實有好多餸都想叫，好似鯇魚骹同魚尾魚鰾🤤牆上仲貼有d整條魚既款式，不過呢d款應該限量供應最後叫左碗招牌魚滑湯飯+鯇魚腩😜一來到就梗係試一試個魚湯先味道較淡，即係清清地，個湯底有一塊塊既骨😟，大家要小心，尤其俾小朋友食鯇魚腩好似浸左好耐，比較腍身，加左$10先有，但份量太少，只有3舊，仲要比較幼身反而魚滑就有7-8舊，差好遠，但食得仔細會咬到有dd細硬骨😖愈來愈貴，遲d可能又會加價😩😩

今日又同老公去拍拖，逛完街街，時間不早，又不想煮飯，決定食完才回家。之前已經來過這食店，這裡是專門食魚的，我倆都很喜愛，個人覺得整體味道今次比上次更好，只係依然很多人及坐位比較親密。今天不小心打翻凍檸檬，店員很好，友善又馬上處理清潔。"川弓白芷燉魚頭" 好足料，除了川弓白芷，還有原粒紅棗，所以湯底的藥材味很濃，而且還有半個魚頭，我最喜歡，如果有一個會更開心。"炸魚餅湯飯" 湯底魚味很重，有少量豆卜，炸魚餅熱騰騰，大件厚肉。

幫襯了差不多五年，對上一次去到味道很普通， 湯底已沒有魚味， 魚片也未見得新鮮， 豬扒味道很鹹， 可能要叫原條的魚湯飯會比較鮮味。服務態度更是慘不忍睹， 阿姐們態度有待改善， 可能不滿老闆連49蚊的套餐也做， 生意太多令他們冇時間休息， 荃灣又小一個地方令人回味， 令人覺得很可惜。

本身個人唔係好食魚, 但係魚湯底出色, 所以次次去親荃灣都會食都係以前好食D, 以前未有openrice , 到最近去番中學時去食既魚魚魚..估唔到會失望..又唔係話佢難食既,  我不嬲都食開吉列豬泡飯加番茄, 但係點知前日去, 個湯底淨係得番茄味, 冇魚湯味..唔知係唔係轉左呢..D飯有進步到, 粒粒分明。現場開好大冷氣, 好貼心既, 因為個個食米線泡飯都食到滿頭大汗..去開食呢間既人都知其他佢個吉列豬好出色..點解!! 點解你要咁對我比咁多骨我!!比番啖啖肉既吉列豬我得唔得

「鱻」意思與「鮮」相同 是鮮的古體字有一次我bennwong聽收音機，飲食得喜的大飛曾介紹過這間舖頭，因個鱻字好有趣所以我記著。今天無意路過，唔知係維修or 其他，搭了棚。舖頭沒有什麼裝修，舊式粉麵店格局，坐下看 看牆壁上貼滿食物的照片，大飛也講過這兒有好多原條🐠🐟上的米缐，我見到有石蚌、大細倫、筍殻魚…等，因為我怕啃骨，其實不太喜歡吃魚，所以我今日只敢試他們的 招牌魚滑魚湯泡飯及一個都係無骨的椒鹽魚球。魚湯飯原來好正喎，魚滑的份量好多，唔腥，無骨碎😅，魚球打得好結實，比發想像中還好味，伴隨著還有昭菜和豆卜，魚湯也真是鱻甜。 椒鹽魚球味道可以，但炸得很油膩，粉漿上還見到過剩的油，吃完了碟底還有一攤油！敗筆！