魚鱻魚湯專門店

营业中

休息中

今日一起身好想食下啲非大集團連鎖店嘅食肆 諗起荃灣呢間食魚米線嘅小店 真係無睇錯 呢到有成條魚上嘅米線同個啲譚x唔同架 唔鐘意食米線 仲可以揀做湯泡飯 一樣咁惹味 每日供應嘅魚都唔同 可以問下落單姐姐們今日有咩揀 賣完就無架啦 同以前食落嘅味道差唔多 條魚同湯底都好鮮甜 好似講廢話咁 但真係魚有魚味呀！ 同埋份量超級大 男仔食完都話好飽 對於我呢啲本身好驚食魚 因為怕腥味嘅人黎講 呢間鋪頭真係我呢種人嘅恩物！ 如果食唔落成條魚 仲有平啲之選 可以揀魚球 係佢地將啲魚起咗肉 無晒骨 咬落啖啖肉

話說我都幫襯左好多年，由佢荃灣總店第一天開我就幫襯，記得當時我係附近返工，日日食，由濃郁既魚湯變到今時今日淡而無味如清湯都唔緊要，點知而家仲有味精，我食完勁口渴，都唔緊要，因為我想懷念一下舊時既口味，所以每次去荃灣都必食。點知店內阿姐依舊服務態度惡劣，趕客咁。好，我話俾自己聽，我今日幫襯埋最後一次，以後都唔會再去食。而且我會叫埋我既親朋好友唔好去食😡😡😠好嬲，個種貼錢買難受既感覺好差。

依間店係荃灣開業好多年，已經出晒名，成日夜晚經過都見好多人係門口等位，間店門口無乜裝修唔靚唔突出，一路都無試，有日5:00pm經過見無乜人就膽粗粗入去試下。其實睇住個餐牌真係唔叫咩野食好，嗌個有「招牌」2字既應該無死！個米線黎到果時我個樣係咁真係同依度裝修一樣，賣相唔吸引！！！湯底清清地幾健康無味精，食完唔會口渴。魚滑少少失望，好普通，估唔到係鯪魚球，有少許骨，質地林唔夠彈牙，味道一般但唔會太腥。米線彈牙不錯。 環境清潔其實尚算乾淨我覺得如果要排隊食依個米線就唔係太值得啦～但係依個米線絕對係健康人士之選

喺荃灣蒲咁多年, 見到呢間鋪長期都咁多人覺得佢應該係好真材實料先長期咁多街坊支持, 因為佢真係冇裝修，坐得又唔係好舒服，亦因此我咁多年都冇入過來食今日本來都係想去食轉角新開的餃子店，但太多人排隊，終於神推鬼撞入左來呢間我叫佢做魚魚魚嘅米線店清一式魚湯，唔同嘅魚我一條都唔識分，終於叫左呢個酸菜肉碎滾原隻黃花魚湯都幾多骨, 爭啲Handle唔到, 不過都鮮味嘅魚滑米線魚滑比想像中冇咁彈牙，淋淋地，不過可能我唔識食，食慣街邊魚肉碗仔翅，哈哈~~~整體黎講, 魚味都濃郁，鍾意魚嘅人固然要來或者賺屋企整魚麻煩，好似我咁，都可以一解食魚癮

><N世之前聽人講過呢間食魚湯米線係出名嘅未食過於是會一會佢古法吉列豬扒魚湯米線($40)同事嗌嘅 個樣都okie但如何古法炮製就不得而知枇杷豆腐魚湯米線($40)蔥芫荽用匙羹裝住 方便嗜走青嘅人拎走湯底望落冇奶白色 飲落冇清湯咁淡但唔覺有魚味?! 亦冇魚腥味椒鹽魚球($30)調味唔錯少少鹹 魚柳好腍身份量有點兒少 ><><><>><><><><><><><><><><><><魚鱻魚湯專門店荃灣路德圍30號地下

荃灣區近年由舊式工業區漸漸加入更多住宅食肆🏡🏢🏠，亦因爲甘，愈黎愈多特色既小食店、飲品店開鋪。是日去左傳說中既「魚鱻魚湯專門店」，而且仲要係荃灣總店。荃灣店係魚鱻魚湯店第一間店鋪，開鋪初期非常多捧場客，主要因為魚湯類餐廳或者米線麵店相對較少，而魚湯確實係香港人好鐘意既口味，所以近幾年都開始爆紅🤗🤗是日下午到場，等了十多分鐘就入得，人流一如以往非常爆，而侍應姐姐都係一如以往好惡同串😂😂😂我自己點了主打「招牌魚餅米線」，大概十分鐘左右就送到。魚餅係鯪魚肉餅炸香，表面香脆，雖然難免有少少魚骨，但魚肉夠實淨新鮮，絕對加分🐟🐟🐟🐟🐟魚湯就係魚鱻既靈魂，奶白湯底食得出廚師花左好多時間餚製，魚香味濃，同媽咪係既魚湯類近，呢個就係好有香港家庭特色既味道🥰🥰

做完Gym特登走到魚魚魚排隊食米線，第一次咁夜先黎到，都仲係要排隊，好想食米線，又想食椒鹽九肚魚，唯有乖乖排隊啦。排左十多分鐘，終於被安排入座，呢度地方都幾迫，二人食絕大多數都要搭台！點餐點到最後先至知原來沒有九肚魚，要過埋正月先有機會有🤦🏻‍♀️🤦🏻‍♀️🤦🏻‍♀️我仲好想食架...最後點左椒鹽魚鮫頂住癮先，但魚鮫好乾身，而且椒鹽味不太足夠，都係差啲。魚腐米線，唯一不喜歡的是清楚看得到入面用左魚皮，忍住食左8成已經好叻！大條烏頭因為無調味，所以會較腥，但我接受到。過多一排再黎過，我要食九肚魚！

屹立在路德圍20多年 , 名字已告訴了你他賣的是什麼 , 一直標榜用新鮮魚做湯底, 再配以米線或飯, 沒味精, 適量的盬, 今晚就叫了兩個魚燉湯配飯, 川弓白芪紅棗燉魚頭, 香濃藥味滲入魚湯鲜味, 另一個是淮山茨實燉牛秋魚, 鲜甜無比 , 兩個燉湯都沒感到有腥味 , 另外還叫了一份炸琵琶豆腐, 也是很好吃, 外脆內軟, 不過你要有心理準備 , 坐位不是很舒適, 還常常要搭枱的 , 和鄰座幾乎是連著的, 如果你為了喝魚湯來便沒錯的了p.s. 因地方淺窄,人也好多,沒有拍照

自從有朋友介紹過之後，去親荃灣都會想食呢間魚湯米線。可能屋企比較少整白色嘅魚湯，我覺得依間啲湯真係好好味呀，同米線好夾。今次我哋叫咗琵琶豆腐米線，同埋魚餅魚湯泡飯。琵琶豆腐依d要細心整同用心機整嘅嘢都係出去食好，自己係屋企好難整得成功。魚肉同埋豆腐好夾味，連埋米線食非常之滿足。以前一隻食米線，不過店內都好多人點泡飯，朋友話今次試吓其中一位係泡飯啦。而我覺得魚湯都係同米線先會夾啲，湯撈飯嘅飯相對細粒同硬左少少，可能都唔係我會鍾意嘅。依魚餅依然非常厚同埋香口彈牙，非常鐘意。

因為同事推介佢地個$50 魚湯lunch set，話大份又好味，咁所以lunch就去試下。當日大約1點去到，見到門口都排咗三四個人，都明始終lunch時間預咗要排。所以我同同事就攞咗飛等入坐，但同我地一齊排隊嘅大部分都係一個人去食，所以我地雖然攞前啲嘅號碼，但有單人位就俾其他人入哂去。入面有個帶眼鏡嘅阿姐態度極差，我地兩個原本搭枱坐張4人枱，我地兩個坐係同一邊，對面係一對母子，但後來對面嘅仔仔走先，個阿姐就叫我同事轉去同對面個媽媽坐，變相我同同事就由一齊坐同一邊，變咗打斜坐，咁我就打算移過去同同事對住坐。點知就俾個阿姐喝住我話「我隔離有張圓枱有6個客要入嚟呀，你坐呢個位，我一陣入唔到去呀！」。我o哂咀問「吓？咁點食呀？」，個阿姐仲要話我「咩點食呀！你有你食，佢有佢食囉！」痴線架，咁我一開頭洗乜排咁耐隊呀？！同我單人入座有咩分別呀？ 所以我就答咗句「痴線架，咁樣食法，咩事呀？」，個阿姐仲話我鬧佢，鬧返我「痴咩線呀，咁食法有咩問題呀！」，又話我態度差乜乜乜。然後後面有枱中學生已經食完飯，飲緊嘢打緊機。個阿姐仲走過去話「阿妹唔好再打機啦！食完嘢未呀！」，係度趕人走，仲要同另一個夥計大大聲俾說

因為朋友嘅推介所以我就嚟咗荃灣呢一間魚鱻食米線，咁佢就推介我食呢個古法豬扒米線，咁嗰個豬扒米線雖然叫古法但其實都只不過係普通嘅炸豬扒，但個皮就因為冇落炸粉，所以就唔會話十分油或者太脆，味道都ok嘅，米線就普普通通啦冇乜特別嘅，同其他米線鋪亦都差唔多，個湯底呢就係主打呢，佢係呢個全魚嚟淆製嘅，咁魚味都好鮮。除此之外呢我哋都買咗個炸魚皮，咁個炸魚皮呢就幾好味嘅亦都骨膠原好多。 但座位方面呢就比較窄，同埋一定要你搭枱嘅，等位呢我哋大概係晚上八點到去到呢大概都要等七八張飛先入到去，咁同埋數快食完就要走㗎喇，咁呢方面就係感覺麻麻啦。

男朋友介紹話呢間好食咁岩約左朋友係呢附近 咁就一於試試啦好彩果日我地早入去 因為食完見到勁多人排隊叫左鯪魚烏冬 枇杷豆腐😍🤤好好味鮮魚湯好正 無味精 屋企湯既感覺 成碗飲曬 滿足

每次到荃灣必食魚湯米線，呢度鮮魚食材每日限量，落單前我向店員拎張鮮魚既menu,因為賣晒就會刪走，今日魚扣同魚春都無啦，但有珍珠𩶘球，份量都唔少，起碼有十舊，啖啖肉又唔驚有骨，近年魚湯好似淡左，但依然鮮味，今次米線就偏硬左啲，啲紹菜入晒魚湯味，真係好正，但每次黎水準都有啲唔同，呢樣野始終差少少。今次同樣點左炸多春魚，但好細條，比之前細1/3咁多，而且上枱唔多夠熱，但有春呀，之前食過兩次，好大條，好鮮，但竟然無春，可能批次唔同，但都咁好味。

晏晝三點鐘去到出邊都有六七人排隊，不過都係等10分鐘左右，鋪裏唔算大所以大家都迫埋一齊，不過都接受到因為張枱就闊。朋友叫咗魚腩魚湯米線加魚餅，我就叫咗古法豬扒魚湯米線另外加個椒鹽九肚魚。魚湯感覺淡淡地雖然冇味精但係唔夠魚味，另外配好多生菜同兩舊豆卜，我就幾鍾意，古法豬扒整得好好味，咬落去軟綿綿又唔太油，椒鹽九肚魚望落去好似唔多椒鹽，但係其實夠晒味道，佢仲要好大條$39。朋友俾咗半件魚餅我試，都唔錯但係冇乜驚喜，唔係太有魚味，碗麵有三大舊魚腩，佢話好好食不過比魚米X 略嫌少咗啲。

今日夜左收工，晚上10點左右，都唔知食咩，原先想跟女友食車仔麵，經過見到經常排隊既魚鱻魚湯店無人排隊，入面仲有位，見佢話收11點，就立即入去試下，我見佢地最出名既魚腩已經賣完，超失望😞，但都試試其他，我就叫左個招牌炸魚餅泡飯，我女友就叫左魚滑米線，好快就到，其實我自己唔太鐘意食泡飯，但見佢出名，都要試試，一試果然正，魚湯好鮮甜，一飲就知無味精，至於炸魚餅，是即刻炸，所以口感好特別，值得一試，至於我女友米線好彈牙，魚湯有魚及菜味，更特出鮮味，魚滑就不過不失，可能因為無魚腩，感覺美中不足，但整體味道正，一定會再來試魚腩。