魚鱻魚湯專門店

經過呢間魚魚魚米線好多次 今日過嚟荃灣做嘢就嚟試下 叫咗個招牌魚滑魚湯米線加多杯凍檸茶

米線都幾大碗 首先試咗個湯雖然係奶白色 但冇想像之中咁清甜 不過都唔係死鹹味精味 都飲左大半
至於招牌魚滑原來即係鯪魚球 份量都多但好鹹 食兩舊就要飲野 凍檸茶好搞笑要自己落糖水

招牌魚滑魚湯米線

$40

成個米線無乜特別 唔會專登再食
同臺有位女士叫左個燉牛鰍 打開蓋 香味湧曬出嚟 非常吸引 可能呢度嘅燉魚湯先係招牌菜
另外都見到幾多人叫炸魚 可惜自己一丁友食唔到咁多野 有機會經過再試啦

1