魚鱻魚湯專門店

营业中

休息中

連續兩日黎左呢度食野,個古法吉列豬扒真係好食,啲湯又鮮甜,最重要就係價錢又平,非常抵食。今日食左個椒鹽九肚魚,炸到好香口,但係又好滑,勁好食呀。另外仲試埋個魚標添,幾彈牙,唔錯,下次去再試埋其他野食先,推介

今日下午黎試左呢間, 住荃灣甘耐, 偶然經過都冇試, 淨係見到好多人係度食, 呢幾日, 睇過呢度d 食評, 即管黎試下!因時間尚早, 約中午12 時許, 店內不太多人, 不過店內真係好細, 如果坐哂人都幾迫下, 叫左碗炸魚片米線同碟墨魚蝦卷, d 米線幾滑, d 炸魚片幾脆, 魚湯真係好好味, 基本上成碗飲哂!老實講, 某大賣魚湯米線集團真係同佢冇得比! 呢度d 魚湯好味好多!

其實在公在私關係，成日都會有機會黎呢頭搵食，本來曾經對呢間有興趣，初初係被其店名吸引，唔識讀，三個魚字加埋，點讀？(後來知讀"鮮") 但因見到門口等位o既人而卻步。而且荃灣就o黎比大大小小o既米線店充斥著，彷彿每次去荃灣就係諗去邊間食米線。但見呢度咁多笑面，作為食貓o既我緊係要o黎試下啦。雖然這裡也是吃米線，但有泡飯及很多特式小食，而且重點是那魚湯底，同形形式式o既魚，連筍殼魚都有，正。老闆係以前經營魚場的，所以此店亦以魚為掛帥。

因這兒人多地方淺窄，通常會買走。它們以魚湯作招來，味道果然不錯，奶白色的魚湯不腥清甜，想是沒有添加味精。菜餃和米線則跟外頭的沒大分別，不過不失。除了笑臉近半百的麵棧之外，它都不失為一個好選擇。

由開店無耐到而家, 我同男友都keep住一個星期會0黎一次, 佢d魚湯雖然唔算話好鮮甜, 但真係好清, 飲完碗湯都唔會覺口渴. 我最鍾意食佢既西洋菜餃, 一碗有六隻, 隻隻足料, 多菜少肉, 好甜架. 男友就最鍾意食炸雞亦米線, d雞亦炸到好脆, 但唔會乾身架其實佢d炸野幾有水準架, 炸九肚魚同炸蝦都好好味, 不過地方真係幾迫, 仲唔係太乾淨, 但可以接受囉

睇住呢度年幾兩年前開但一直無黎幫襯過早前聽到朋友介紹加上近期呢度食評唔錯琴晚黎開荃灣食飯又黎試下去到接近七點半已經全場full晒我好彩入到去得到姐姐仔既幫助下仲可以搵到最後兩個位叫左原條山班魚泡米線($32),田雞泡飯($29),油菜同汽水(共加$9)同炸魚皮($10)山班魚泡米線(圖右)～真係原條去左大骨咁上,魚湯鮮甜唔算腥,一d都唔油,飲完又唔會覺得口渴,但米線份量偏少,而且煮得淋左d,無乜口感,個人認為泡飯好味d!不過食完又飲埋d湯真係好飽!田雞泡飯(圖左)～田雞份量都唔少,應該有一隻半既份量,肉質結實而且幾大隻,幾好唔韌!湯底一樣,不過原來可以要求飯分開上既!油菜～菜心走油,夠新鮮,唔點蠔油都夠味炸魚皮～佢聲稱係自家製,脆口唔會有一股油益味,不過佢炸到圈埋一齊,賣相差d不過真係要忍得因為佢係有order先逐碗煮等都等左十分鐘先有得食另一方面忍得係如果你咁o岩坐o係長檯最出既位置你要不停咁借開俾其他食客出入又要俾姐姐仔入去收檯面既碗筷不過服務真係唔錯入到去會幫你搵位個個又笑容滿面等得耐d好味既食物都值得

呢間魚湯米線係我同我阿媽既至愛, 佢地既湯底好清甜,我個人就推介佢地既吉列豬扒, 西洋菜餃同豬潤米線.我阿媽就次次都叫魚頭米線. 我地通常平日二點後先去, 因為lunch or dinner時間好多人等位

話說有日和同事落路德圍米食，幾出名都好多人等位，呢無咁多人等，咪試囉！Ｄ湯果然鮮味，我叫鮫，真係好滑餃子都唔錯，我個人覺得好食過葵涌廣小兩天添，最好係飲埋d湯都唔會口渴丫嗎。

去到荃灣,當然要去著名o既米線街,見佢間舖個名咁特別,一於入去試下.叫個魚腩魚湯米線,魚湯相當清甜,但冇想像中咁鮮甜,魚腩亦係新鮮貨色,有成七八大塊,唔錯!加$9有油菜同飲品,可以一試.