魚鱻魚湯專門店

营业中

休息中

我睇左好多食評都話好食，我又心絲絲想去試下，結果10/2去左第一次, 12/2再去第二次，真係回咪無窮呀，首先湯底好咪，鮮，同埋入到去，每個服務員均很有禮貌，食得極之舒服，我食2次都係原條魚湯飯，真係大大條，好新鮮，喜歡食魚的朋友不可錯過呢。款式也多，就算不憧食魚，也有田雞豬扒魚滑等選擇。座方面由於店不算大，要迫迫地，不過都食得幾舒服呀！我會帶同樣喜歡食魚既媽媽一齊刷過！

終於都帶咗媽咪嚟試我地叫咗西洋菜餃子魚湯米線，琵琶豆腐雖然叫得少食物，侍應亦即時拎兩份碗筷，服務值得一讚魚湯唔腥，有即時飲哂嘅衝動，但餃子皮略厚琵琶豆腐外脆內軟熟，唔錯，有醬汁點的話，更好臨走問侍應小姐大角咀分店地址但原來只屬翻板，專門店只此一間

我又o黎魚魚魚魚喇，星期六晚白白痴痴玩煮飯仔，點知.......兩個大食人唔夠食，要落街買飯，真係「囉」...所以就去o左魚魚魚魚買泡飯，再加個明太子魚肝，泡飯唔洗講都係好好味啦，而魚肝呢，都好味o既，但係我冇想過原來係唔熱o既，同埋一次食咁多魚肝好油膩，好多膽固醇o既感覺。我有個諗法，下次買d魚肝返屋企蒸蛋，應該唔錯﹗下次試o左再話過大家知﹗

行開呢條街... 次次都係食佢隔離間米線... 因為本人對魚皮好厭惡... 所以一直都冇機會去試呢間野.. 但有一日我fd同我講原來呢間野唔係我想像中咁.. 唔會有魚皮係碗野度..星期六下午2點幾都好多人.. 都係等左10分鐘左右..我叫左個栗米肉碎魚湯飯.. 幾好味啵... 我初時諗著佢d栗米係can果隻.. 原來係一條條果d黎.. 都幾甜...我平時食麵or湯飯係唔會飲個湯.. 因為我覺得食太多味精對body唔好.. 但我係飲哂佢成個湯飯.. 清清地.. 食完都唔會口乾... 份量都幾足.. 我都有叫到人人必叫o既豬扒.. 唔錯唔錯..因為好味o既關係.. 我只係食到兩舊.. 其他比我男友食哂=-= 炸魚餅都好味... 好大份10蚊... 反而我個人覺得豬扒都幾細份.. 都要10蚊...service都冇話o唔ok... 但個叔叔真係好忙=-= weekend lunch time都係得佢一個waiter... 我都唔忍心吹佢幫我落單.... 位置坐得都唔算迫.. 比起佢隔離果間米線... 座位都幾乾淨...

幫襯左魚魚魚魚已經有好一段時間，有時每星期起碼幫襯兩至三次。收工後問去邊度食飯，我同男友好多時都異口同聲話:「去魚魚魚魚囉!」夜晚去到通常要等位，無人介意要同陌生人肩磨肩、面貼面咁「luun魚」!次次去一定叫原條鮮魚的米線，唔同魚，d湯真係唔同味架!!!另外一家要推介嘅，就係吉列豬扒，係一一一一一定要食!!!點好食法? 我個人認為，係我食過最好食嘅豬扒!!!!至於比較特別嘅，就係「明太子魚肝」，我都唔識點形容，亦都唔明同「明太子」有咩關係，總之就係:正!!!

吃完平生最討厭的「華麗盛宴」後，又要返公司執手尾，全日好似無野落肚咁，胃又開始作反。轉車返屋企前乾脆喝碗魚湯麵打底，街坊小店幾乎全日都是9成滿，預左要搭檯，仲要唔好帶大件行理來。熟客會看看掛牆手寫板「是日精選海鮮」，是新鮮釣上的「本灣」海鮮，帶點居酒屋風格。叫了原條泥猛再加魚膘，湯底依舊的鮮甜，只嫌不夠多蔥，泥猛大大條背鰭對落割開，老闆話原條落湯煮，唔需要煎，無腥味的泥猛交足功課，但雙拼的魚膘就欠了點膠質，八個大洋得兩塊，唔夠過癮，但下次來又是會再叫的一味，幾矛盾。

晚上在荃灣找吃的，本想吃刀削麵，猛然醒起在開飯喇這裡有食友介紹這店，所以改變主意，在路德圍逛了一圈，最終找到這店。這裡的魚製品很像是招牌貨，所以叫了魚餅魚湯米線。其實我也不知道魚餅是啥，所以阿姐問誰要了魚餅米線時，我應了一聲，阿姐只放下一碗米線，我也不問所以，就吃了下去。吃呀吃，找呀找，只找到金黃色，豆卜狀的東西，以為這就是傳說中的魚餅，一咬下去，原來真的是豆卜而已。哪魚餅呢？原來魚餅是另上的，所以在碗內找不到(真大鄉里！)。阿姐此時拿了一客魚餅上來，原來魚餅即是鯪魚肉餅，是炸的。剛炸起的魚餅，熱辣辣，挺好吃，是我在七喜吃的蜆蚧鯪魚球的味道。但加上蜆蚧或泰式辣醬，一定更好，因為可消除了炸魚餅的油膩感。湯底是奶白色的，不太濃，有淡淡的魚類甜味。雖不及阿媽在家裡煲的甜，但在外吃飯，其實這味道已經不錯了。其實個人不太喜歡吃米線，總覺是淋淋的，没甚口感。所以下次會試魚湯泡飯。

第一次看到這家店名我只能讀「魚魚魚魚」，入面全都賣魚，魚湯、魚面、魚飯、魚骹......試過魚湯米線，真係好魚、要湯都飲埋先感受到那種鮮味，下次會試泡飯和其他小食﹗晚飯時間很多人，要有心理準備，好迫和搭枱﹗原來「鱻」係「鮮」o既古字，都係讀「鮮」，真係「最緊要正字」﹗

好魚, 食過魚餃米線+木瓜, 份量好夠, 魚餃有鮮味, 每天限量發售。湯是奶白色的魚湯, 基本上成條魚都比佢用勻, 你想食魚既邊部份都有, 而且每日都有不同種類的鮮魚推介, 貴極都係$50內. 就可以食到新鮮魚。除了米線, 可以選擇湯飯, 一樣咁正。我見人地叫小食, 都好似食得好滋味, 不過我一個人叫唔到咁。唯一美中不足是座位太迫, 又要等位, 一張6人枱排排坐一家親噤, 大家既食相及食麵聲都表露無遺。不過為左食好野, 唯有張就下.....

本身勁鍾意食辣既米線, 原本想去隔離o個間食米線, 點知無哂我最愛既豬潤, 所以轉左去呢間魚鱻試下......由於太肚餓, 無睇清楚個餐牌, 一坐低就叫左豬潤米線, 依~真係幾好味, 個湯好甜, 豬潤同米線就一般啦.....+$10仲有飲品同油菜不過坐得真係幾辛苦, 見到人地食鮮魚米線, 真係成條魚架, 攪到我同個fd勁後悔無叫魚, 無計啦, 下次一定要再去試試^^真係要讚讚個老闆非常nice

次次黎都係食原條鮮魚泡飯，好味架。個水牌會有唔同既魚俾大家揀，都有幾種揀架，我同我朋友多數揀黃花，有既話。個湯好鮮甜。配泡飯一流，稍等一下先食，等個湯既鮮味滲入d飯粒度先....嘩...正！個份量幾大，次次都係兩個人食一碗加個小食，都捧住個肚走架啦。不過係多人左d, 夜晚十點都要等既....同埋阿老闆好親切架, 嘻~

老友知道我係魚痴,帶我去呢度食魚湯飯,真係好正,個湯底好鮮味,有阿媽煲個D咁甜,講明無味精,仲有得揀要咩魚做送,時常會有唔同既魚種,視乎老細買到咩魚,湯底仲可以隨口味加料,我就加左蕃茄and木瓜,認真甜!中意既又可以選擇魚既其他部份,例如魚咀,魚尾,魚鰾,魚骹等,因為好飽,所以都係留番下次先試;另外我地仲叫左小食雞翼同豬扒,我本身唔太中意食豬扒但佢炸得好鬆好味。一定會再去,不過岩冬天去多D,因為小店地方細又多人幫襯,夏天會食到流晒汗。

I agree with 西門町大惡男: "實是嗜魚者的蒲點"He not only know how to cook fish, to eat keep fish and he even knows how to keep the fish swim more happily in the water.Honestly, the food is not supper but I am very impressed with his knowledge about fish.of course lar, his family used to have fish trading business!!Good Try!!

之前係附近返工，咁就試下呢間喇～真係一試就上癮！呢度ｄ野食樣樣都咁好味！最鍾意就係蕃茄肉碎米線再加豬扒／雞翼／炸魚片～另外佢ｄ魚餅都好好食架！另外，其實湯飯都唔錯，因為ｄ湯同ｄ飯好夾～好入味！最高峰時期我一個禮拜食足５日，，哈哈～

星期日，無約的話通常會到荃灣搵食，呢區特色主題餐廳欠奉，而特色的麵點小食，卻是隨處可見，單是刀削麵，亦不下十數間，是嗜麵者的朝聖地。腸胃又出現嚴重問題，連續數天無胃口，吃幾多就痛幾耐，真的是天煞！唔食又唔得，決定食麵，揀了聞說是無味精的魚湯店。叫了豬潤併魚扣，單上寫著＄28+6，牆上卻寫著豬潤米線$18，魚扣加$8，唔明點解會收$34，又問問老闆點解，先知佢落錯單，又瞄瞄牆上的價錢牌，魚扣米線的確是$28，加豬潤加$6，咁講落佢又無錯；估唔到餐牌都有「Bug」，計落叫豬潤米併魚扣有著數。又說米線，等了10分鐘先有，人多無計，分量剛好夠偶填肚，魚湯有薄薄的魚渣，是鮮魚煲來的，湯味唔重，微甜，魚扣是魚的胃，細細粒夠爵頭，豬潤薄薄一片，厚度剛好，嫌不夠大塊，數豬潤還是「靠得住」的好，米鮮夠實淨，唔奀，但軟熟。小店經營，老闆對生客亦有說有笑，見餐牌上寫有唔同種類的「魚食」，實是嗜魚者的蒲點。後記：見架上放著酸薑、酸菜，而餐牌上無類似的菜式需要酸菜作伴，不明所以。