魚鱻魚湯專門店

营业中

休息中

七點左右去到門口已經有人等位, 細心觀察, 原來仲要攞飛排隊, 真係巴閉! 不過好快就有位。我揀咗原條黃花魚湯米線 ($39), 男友揀咗生炸豬扒米線加滑牛, 男友碗米線嚟先, 等好耐我嗰碗都未嚟。同枱有個女人最遲坐低落單, 佢同我一樣叫黃花魚米線, 一樣都要等好耐。跟住見到有喇, 個阿姐竟然比個女人先, 我同男友即刻話 “係我哋叫先喎!” 阿姐竟然答我 “因為呢個係我落單, 所以比佢。” 我即話 “你落單就比佢先, 唔係你落單嗰啲唔洗食啦!” 男友問佢 “咁我哋嗰碗呢?” 阿姐支吾以對, 其他阿姐見我兩個鼓譟, 即刻出聲話 “仲有一碗嚟緊”, 咁我哋先收聲, 火火地食麵, 冇哂Mood。火之中只食到淡淡魚湯味, 條魚好滑, 但未係最新鮮。男友唔食魚嘅都話魚湯唔係好腥, 豬扒都好好味, ok la。

尋日黎呢度食野原本想試下個明太子點知個明太子,原來好難食.....於是叫左個馬頭球點知乜椒鹽味都無..................米線方面豬扒米線---唯一最好食既野魚餅米線---麻麻地魚湯係完全唔夠味,攪咩黎呀大佬?點解賣魚既地方,最唔好食係魚既?

今日同阿媽2個人去魚鱻食泡飯, 好快就有位一坐低就叫左2個蕃茄泡飯,一個要魚餅,一個要豬扒第一次食豬扒, 好好味, 食得出唔係落左好多炸粉, 好甘香魚餅就次次都一定會叫o既食食下我就睇下張單, 2x+2x(呢2個係泡飯)+1x+1x(呢2個係 魚餅豬扒)佢當左我地魚餅豬扒係小食咁叫, 我阿媽問佢地點解會咁寫, 佢話你講o既次序唔一樣, 所以就會貴d, 我又問咁出黎o既野有咩分別, 佢話"冇架,其實一樣", 表現出係咁架喇, 鬼叫你嗌o個時唔出聲咩o既意思.雖然只係幾蚊雞, 但係咁o既服務唔得囉, 只係次序唔同, 價錢就唔同, 我地2母女都出聲,佢都唔會同我地減番, 為賺錢而得失客人係絕對唔值, 平均每人$35, 雖然魚餅豬扒真係好食, 但係d魚湯不敢恭維, 非常淡(可能有人覺得係鮮味)呢個價錢唔值, 同區有更多選擇

回到荃灣，都係忍唔住去返魚鱻。今次叫左魚鰾合掌瓜烏冬。加了魚鰾，魚湯變得濃和杰身... 烏冬仍是熱辣辣地上。在寒冷的天氣下喝一口鮮甜的魚湯，再配合了合掌瓜的清新，真係「好醒神」囉。其實，小妹覺得魚湯配鳥冬比配米線更加適合。至於環境同服務就唔好呢，就比較差少少，所以想去試既朋友要有心理準備。

魚鱻魚湯專門店 , 這裡的魚製品很像是招牌貨, 全都賣魚，魚湯、魚面、魚飯、魚骹......次次黎都係食原條鮮魚泡飯，好味架!個湯好鮮甜, 配泡飯一流，稍等一下先食，等個湯既鮮味滲入飯粒度先食.而且, 份量幾大，次次都係兩個人食一碗再加個魚餅魚湯米線，都一定飽到要捧住個肚走架啦, 魚餅是另上的，魚餅即是鯪魚肉餅，是炸的。剛炸起的魚餅，熱辣辣，挺好吃，加上蜆蚧或泰式辣醬，一定更好，因為可消除了炸魚餅的油膩感。湯底是奶白色的，不太濃，有淡淡的魚類甜味。要湯都飲埋先感受到那種鮮味!

12/12/2008叫左個外賣鮮鯇魚腩泡飯+魚驃同蕃茄鯇魚腩好新鮮蕃茄感覺上落得唔多味淡左d魚驃唔係成日有真係要睇個日好唔好彩個魚湯真係好好飲完全唔會話腥到難入口當然佢話絕無腥味只係噱頭野來但確實真係出色

以鮮魚湯作招徠的食店不多，記憶所及紅磡都有一間，淨係魚都有幾多選擇，有魚鰾、魚扣、魚尾等，不過呢間唔止有魚食，仲有其他例如鮮雞、吉列豬扒、田雞等，所有食品都配米線或泡飯。食咗魚尾米線（$31），魚尾有幾條咁多但係完全無肉淨係食骨，不過魚湯就真係幾正，有鮮味又無落味精，連薑都無乜落但又完全唔腥，証明D湯真係用鮮魚煲，淨係呢樣已值回票價。原來每日都有D特別嘢賣，今日有青衣尾有好多肉都只係$55，睇嚟好正，早知就食呢樣喇

本人好喜歡食魚, 第一次見 "魚鱻" 已經想試, 俾我發現荃灣都有就即晚去試! 食評有68個"笑", 我諗都應該無揀錯掛!魚滑米線+餃子 ($25 + $10), 吉豬米線+炸魚皮 ($24 + $4) , 古法魚皮 ($20), 九菜花 ($8), 可樂 ($6)魚湯 - OK好味, 但唔食得腥就唔好試. 吉列豬扒 - 見食評大讚, 試下, 都炸得幾香炸魚皮 - 薄脆, OK九菜花 - 有"渣"古法魚皮 (涼菜) - 淋PAT PAT, 唔好食, 似"卓"到淋晒既薄豬皮!! (對佢原本好有期望, 因為彩虹村穩記執左, 爽滑魚皮&中式傳統魚生已經無得食)同樣價錢, 同區可以有好多好食過佢既選擇, 試過一次, 夠晒!!! (8折就有機會再幫襯!)

五天前吃過, 昨晚再 encore, 今次食晚餐, 豪到一人一條, 山斑魚湯泡飯, $43, 大桂魚魚湯米線, $49, 灼芥蘭, $8, 論肉質都係桂魚好味啲, 山斑都係留番黎做湯底會啱啲, 條桂魚好大條, 飲咗好多魚湯...雖然唔係好濃, 但都幾甜, 最後抱著肚子回家! 不過, 地方真係麻麻, 坐得唔舒服!

天氣轉涼, 老公終於肯黎食魚湯米線, 上兩次只係食咗魚腩同魚片, 今次一定要試原條, 於是兩人只叫了原條黃腳立米線加鮮魚咀, $39 + $10, 灼菜心, $8, 樽裝夏枯草, $6 + $1 (呢個加一蚊唔知點解)!魚湯唔算好濃, 但無味精反應已是最好的了, $39可以食到原條魚都算唔錯, 而且魚肉都好滑, 魚咀就半邊細細份, 下次可不加了, 菜心有點老, 人不多時, 食得較舒服, 亦建議外賣走, 因為地方實在唔大!

** 此 食 肆 的 第 六 十 八 個 笑 **尋晚(13-11-08 Thur)去醫院睇完媽媽,只有大嫂同爸爸一齊,爸爸話返荃灣搵o野食,返到o黎,我飽飽地,食唔得多,見爸爸鍾意食魚頭,所以提議o黎食米線,大嫂都唔反對.o黎到時應該係7:45pm,都係多人等,但等o左唔係好耐都到我o地,今次入返正店,重要係入面o既圓枱,坐落重舒服啲.經一輪討論後,爸爸要鯇魚片米線,大嫂要吉列豬扒米線,我o地又叫油菜,爸爸要生菜,另叫小食炸九肚魚同炸魚餅.菜o黎喇,生菜鮮甜,爸爸同大嫂o既米線都到o黎,大嫂話吉列豬扒真係好味.爸爸飲o左湯即大讚話好得,佢好鍾意.而我都忍唔住叫個越式紮肉米線.炸魚餅係鯪魚肉,炸九肚魚新鮮炸起,放低時我重聽到有’時時’聲,食落,好脆,幾好.我o既紮肉米線都到o黎,紮肉夠厚,又唔肥膩,我鍾意.爸爸食嗌到好飽,但又忍唔住要飲湯.埋單$117.00

身為荃灣區居民，此店是經常惠顧的了，我經常來都是吃 "炸魚片泡飯"，貪其魚湯鮮甜，魚片又鮮又適合我這炸物王。此外，他的魚餅，魚滑和鮮魚等都很出色，味道，是不容置疑的了。不過，此店偶爾會出現一些新晉員工，總教人氣頂。我是此店的熟客，每次都是以隨口叫 "魚片飯"，阿姐亦醒目地落單 -- 也許因為我與此店識於未時，我從未想過 "魚片"會有不是炸魚片的可能。有次遇上一位新來的阿姐，我如常的叫"魚片飯，魚片分上"，她竟懶醒地問我：「係咪要鮮魚片？」當時心想：「咁我要魚片梗係要新鮮炸出來的，唔通要放左好耐既咩？」，就隨口漫應了。(當時與我同行的兩位友人，情況同上)不過，想著想著覺得不妥，細閱餐牌，原來現在是有一種「新鮮鯇魚片」的，於是把阿姐叫來，提醒她：我們三個都要改炸~魚~片~，係"炸"架。豈料，上桌了，來的竟是「新鮮鯇魚片湯」，飯分上。下？完全不是那回事，把阿姐叫來，她竟然死撐：你係叫鮮魚片架！此時，我當然指出：我之後有同你講清楚話我係要炸魚片喎！老闆趕至，及時阻止了一場罵戰；他很客氣的連忙向我陪不是，並說會另上一碗炸魚片給我。然而，等了兩分鐘都沒有，我催促那位阿姐，那阿姐愛理不理的，卻竟又一

** 此 食 肆 的 第 六 十 七 個 笑 **尋日(11-11-2008Tue)放工後,因男友少有地入o左屯門,屋企又冇飯食,煮包麵食o左等男友o黎陪我,佢到o左荃灣喇,於是帶佢o黎食魚湯米線.去到,只有呢間有人o係街等位,等o左一陣到我o地,我o地去o左隔一舖位o個間新舖.呢間更加迫夾.我o地叫o左1.$12.00 o既古法吉列豬扒o岩o岩炸起o既吉列豬扒,麵包糠好薄,豬扒肉汁仍然封o係入面.男友食o野食得好慢,凍晒佢都話脆.2.$8.00 o既油菜(韭菜花)韭菜花做油菜,我都係第一次食,冇咩問題吖.3.$48.00o既斑球米線因男友食魚食得好慢,所以問有咩魚唔多骨?職員答咁食球啦,球冇骨,有青衣球同斑球米線.男友就叫o左呢個.o黎到,我嗅到好大陣薑味,個碗好大,斑球好似得四件,都滑o既.我食o左少少米線,都OK啦.服務:上齊o野後,職員即主動問我要唔要碗仔,真醒目.

前日同朋友去咗呢間專門食魚湯米線既舖頭仔食野！間舖好細，但都幾多客！通常呢d做專門一個食品既舖頭唔會差得去邊，點知非常失望！ 炸墨魚蝦卷！好鬆散，唔彈牙，而且非常油！冇墨魚味，更加連蝦味都冇 炸魚片魚湯米線！試咗啖湯，非常失望，湯有腥味，明顯落唔夠彊！而且用唔夠魚去淆！其實佢以魚湯做專門，而且佢用既魚都係平價魚，理應用盡魚骨同一d冇用既部位去淆湯都應該可以做到湯底濃且出色！可惜佢既魚湯只係普通屋企都可以滾到既清湯！魚片切得太薄，因此炸完之後變咗更乾更冇質感，完全食唔到炸魚片既彈牙爽口感覺！ 豬肝米線，朋友話豬肝都算唔錯！我冇試，因為我唔食內臟一句話，連''香港仔''d魚湯都做得好過佢

呢碗鯇魚尾米線 + 魚鰾 + 南瓜, 湯底我覺得好正呀~ 即煮, 聽講話唔落味精的. d湯熱死辣辣, 正到暈~ 簡直o岩晒我何車,又鍾意飲湯, 又鍾意食魚. 米線又唔多(合晒我心水), 魚尾最少有3條. (唔記得係咪4條) 魚鰾有2個. 南瓜幾乎煮到冇影.差D飲清乾~