魚鱻魚湯專門店

营业中

休息中

今晚六時半相約朋友去魚魚魚,第一次和朋友一起吃魚湯米線,之前都是各有各去,但點魚心水原來各有所好,我所選炸魚餅泡飯加蕃茄肉碎$34是我至愛,因為有阿媽煲鯇魚湯feel,渴下去有淡水魚的獨有清甜鮮美冇加味精,好好飲連泡飯吃更佳,炸魚餅好香口,但味精多了點,吃完再渴湯,會以為魚湯加了味精,好彩渴完泡飯才吃魚餅朋友選了王花米線$39,魚湯奶白有淡淡海魚的味道,搶先試了半碗,還是自家選的合口味

今日路過呢間萬人空巷的魚鱻魚湯專門店, 急不及待進入試試. 我叫佐碗炸魚餅米線, 一飲頭啖湯, 都覺得ok, 但不是太鮮味, 但未食到一半, 已覺得好口渴, 條脷開始麻痺, 應該係湯入面落佐味精, 先有咁嘅效果.我老婆叫佐黃花魚米線, 飲落d湯濃d, 條魚都鮮.好在今日不用等位, 下次咁多人等都不會考慮

見到咁多好評,今日去左試,叫左個魚腩+魚滑+皮旦米線,同油菜米線d所謂魚湯又無味,皮旦得兩粒手指夾咁大粒,油菜又係少到你唔信...不過魚滑都ok

係openrice見到呢間食評好好下, 位置又近屋企, 所以尋日同太太去試下啦, 但係真係大失所望, 首先, 魚湯完成無味, 一點鮮味都無, 好似清水咁, 其次, 招牌魚滑又係無味既, 連白灼鮮魚皮應有既爽同滑都欠奉, 所以一定唔會再去啦!

之前見咁多人排隊,所以就搵日去食試下等左一陣就已經有位等位時已經諗左食咩野一坐低就落ORDER野食到左就發現同枱既大碗好多睇多幾眼先發現原來他們食的昤原條魚我就知道點樣我都要再來一次了之後我一食除左湯真係淡左DD之外整體都非常好絕對會再黎食的

店名有咁多條魚咁佢個魚湯都起碼要有返咁多魚味先得啦不過我地叫左2碗一碗好有魚味~一碗冇乜魚味 魚湯水餃+粟米$24 + $4一入口...冇乜味wo米線ok~唔太爛~match到但係魚湯真係唔夠味~水餃咬落有麻油味入面有少量冬菇ok~但唔特別好味~~粟米算大舊了~而且有少少豆卜同埋紹菜~增加甜味~魚片魚湯泡飯+牛肉$25+ $5當我話我嗰碗冇乜味的時候~我男友飲左一啖我嗰碗之後叫我試下佢嗰碗嘩!!!差咁遠???佢嗰碗湯的顏色深d~魚味濃d~係因為佢叫魚片~所以魚味重咁多定係泡飯同米線係用唔同湯呢?????若果大家想試到佢魚的鮮味一定要叫魚片泡飯先夠味不過做得好的魚湯~唔係配水餃都會夠味嗎.......唉~~~我嗰碗~真係浪費了~

兩口子去食晚飯椒鹽九肚魚 - 超好味,真係食過最好味,炸得啱啱好,魚又好滑,完全無骨落呀,必食推介魚腩米線 - 個魚湯好好味,但d魚腩如果切大舊少少就會仲好味豬潤+芝心丸米線 - 個豬潤好滑好爽,完全啱啱好,正~

經朋友介紹後, 一行三人去此處吃米線。因為時間尚早, 6點前已經去此處食晚飯,慶幸唔洗等位。朋友介紹吃炸魚餅, 我地便叫了一碟(大約$13), 炸魚餅很好味, 很彈牙~!!! 我喜歡點些辣醬來吃, 還更好。我自己叫左碗潮州炸魚片米線 ($22), 先飲一淡魚湯, 確是清清地, 帶有魚味, 沒太多味精既鮮魚湯, 不會腥, 很好味~!!! 炸魚片很美味, 浸在魚湯裡亦不會"淋", 魚片薄薄地, 一碗有成7,8塊之多, 絕對不偷功減料~!!! 配菜有些少椰菜絲, 連埋D蔥, 很正~!!! 又平又落足材料, 下次有機會會再去~!!!

好耐冇返過荃灣，趁今日得閒同老友去打個轉，上次行過見到咁多人就已經想試，今次就諗住去。等了一陣就有位了，我要了一個炸魚餅米線，老友要原條王花米線。炸魚餅好彈牙，不過油左少少。又加左兩粒包心蝦子丸，一咬落去，一個針孔不小的洞口，竟可爆出六七顆蝦子出來，直飛去對面姨姨前（SORRY呀姨姨），真正的爆漿......而王花真係好鮮。我地最欣賞既其實係碗湯，好鮮味，但不算腥，飲得出吾係用胡椒冚左隻味就算，碗湯吾小我都飲哂，呢間真係好味，100%支持！

久聞其名，一早經過荃灣，點都要等佢開門！一坐低問阿姐有咩野魚新鮮，阿姐話樣樣都新鮮，全部今朝响街市買番黎。試後果然無失望，兩碗米線份量都唔少，最終連湯都飲曬，食完真係 "攬" 住個肚走。 冬菜狗肚魚 + 絲瓜米線：好味，但湯沒有原條盲糟咁甜，可能加左絲瓜沖淡左既關係。 原條盲糟米線：魚起碼有13-14 両、非常新鮮，加上本身鮮甜既魚湯，簡直人間美味，正！ 炸魚餅：炸得唔燶、魚肉有彈性、凍後仍然漲 "book book"、無縮細，證明真材實料。服務：街坊形式，可接受。環境：較迫，要輪候座位。Kan7/4/2009　

平常這店人都很多，插針都插不進；不過，太公平常收工收九點幾，回到荃灣都十點，塞翁失馬，這個時間的鱻，不難找到位子。是晚十點抵達旁邊的分店，一如以往，要了個魚片湯飯 - 雖然分店這邊的店員，大家都見慣見熟，但經過上次在主店的慘痛經驗，落單時還是記得加個「炸」字在前。落單時還多口問了句：可唔可以加芫茜？本來都打定輸數，因為根據過往的經驗，芫茜這東西，晚市頭圍以後都不用想有；可是，今晚，阿姐雖然咀巴裏說已冇貨，卻為我從鄰店「班」來一小碟回來，實在感激不已！需知道，魚湯加這個芫茜，其實是不另收費的啊！魚湯和魚片分上；未放芫茜之前，先呷一口湯 - 嗯！很燙！但由於該魚湯實在太鮮甜，實在忍不住，不理咀吧的死活，每一匙都求其吹兩下就放入口 - 結果吃完，口腔裏又是甩皮收場。如不抗拒芫茜，應該也放一點 - 芫茜之香與魚鮮異常配合，更能豐富味覺享受 - 當然，不加也可，是另一番滋味。炸魚片本身不算脆，一定得放湯，才能感受它的美妙：炸魚片汲收了魚湯，香口和鮮甜之味合而為一，好吃得要命，不能不試。這裏的食物令人動容，阿姐的服務態度更令人折服！不但為我從別店「班」來芫茜，由落單到收錢，都是極之爽快兼笑意盈盈；

難得今日補完習又醒起TW附近有呢間野....所以拖埋個frd，兩個人人去食喇~入到去....5...衛生真係好麻麻好多flies向到飛黎飛去....冷氣又唔夠大(話晒今日都過25度)D位又好逼逼逼><"不過見到隔離個男仔食緊炸豬餅同炸魚餅好似好正咁...我都無咩所謂了~我地叫左以下兩樣野1)魚滑魚湯米線本來想食炸豬扒...不過近排AL溫書溫到好夜..生左幾粒瘡所以都唔敢食咁熱氣...見到碗野...Wa...好多舊魚滑呀...仲要舊舊都好大舊飲左啖湯先~真係幾好飲D米線不過不失啦...都唔算太淋~過得去2)炸魚餅泡飯個泡飯最先黎...不過個魚餅就好遲先黎到呢個係我個frd叫ge...因為我不嬲都唔食泡飯(湯撈飯係會消化不良的)佢個魚餅一黎...我試左啖...熱辣辣表面睇只不過係我D魚滑拎左去炸但其實彈牙過我D魚滑好多....搞到我成舊食晒佢XD最尾我地兩個都食唔晒....但我地都好飽其實睇完食評我本來想試成條魚ga...不過我見到個魚頭個樣好恐怖，唔敢食總括:炸魚餅好食過魚滑

幾年前試過買外賣返屋企食, 覺得好難食, 又鯹又臭, 所以一直都唔敢再入去食, 直至尋晚男朋友話想試呢間, 所以就膽粗粗走入去食宵夜, 夜晚十點幾當然唔使等位, 我地兩個人點左魚滑米線, 餃子米線, 後來見隔離枱d豬扒炸得好靚, 所以又加多件豬扒, 味道同我上次外賣簡直係天壤之別, 米線都幾爽口, 餃子好大隻皮亦好滑, 魚湯好清甜, 感覺上好似健康過食又咸又酸既雲南米線, 豬扒炸得剛剛好, 又香又脆, 如果座位可以舒服d就好!

27-02-2009上回因鱻要等成廿個位,最後用左20mins係小巴黎解決左個麻麻地撈檬食完心有不甘!走番去鱻睇下嗌到幾多點知過哂好耐-.-早知等多2,3個字喇!!哈哈!點知哥哥仔俾我地插番隊!下個就到我地*又食過喇..嗌左個招牌魚滑米線+魚腩,2個SHARE=]因為食完個撈檬已經好飽喇 碗野黎到,魚腩好好味啊!!2個最後連湯都清埋*滿足哂鱻魚湯米線,仍是我們喜愛的*

今晚想飲魚湯, 荃灣只得呢間較好(雖偶有失手, 但整體仍靠得住)!通常食"原條山班泡飯", 因為老細以前話"山班"得一條骨較易食;今日再問有無第二款都係易食既, 老細就話"筍殼"都少骨, 咁就叫左"筍殼泡飯"!!6:30pm人少, 等左10min左右就有得食, 試一啖魚湯.......太咸, 有d失望!再食舊魚肉, 嘩! 好滑! 又鮮味! 正過"山班"d肉好多! 條魚又真係唔多骨bor, 得一條大骨, 近魚肚有10條左右既幼骨, 好易食!雖然d湯咸左d, 最後都有飲晒d湯至走, 始終都係為左碗湯來架0麻!