魚鱻魚湯專門店

营业中

休息中

魚湯飯，清淡不花考，有住家feel，百吃不厭，所以生意很好；生意很好，所以只顧賺錢，服務就每況愈下了．．．．湯底比起以差了一節，但依然清甜；魚的選擇少了，但魚的質素尚可，今次吃彩衣球湯飯，不過不失啦，煮的時間恰到好處，絕不會「鞋」，但鮮味就不及以前了。想問亞姐攞個碗仔，黑口黑面；未吃完的豬扒，未問就收咗去，真係想趕客。以前經常來吃，現在行過唸起要受氣，都係唔食喇！

期實之前已食過此間魚湯米線, 真係好好味, 上星期好凍同媽咪中午時又再食, D魚湯不只是熱, 簡直係滾....食完後全身暖晒. 好難得水準無變, 仲多左間分店, 今次同媽咪一樣都係食魚鮫米線, 再加多一碗淨餃子, 魚鮫好滑, 好好味, 餃子是第一次試, 原來是用魚肉做, 味道都唔錯, 下次可以淨食餃子都OK, 因為D餃是厚皮那種, 又大隻, 好鬼飽. 連媽咪都讚D魚好新鮮, D湯又好味, 佢仲連D湯都差唔多飲晒, 兩個人飽都想死……

沒有頭緒食那一款,所以選擇了"招牌炸魚餅湯米線"和"招牌魚滑魚湯泡飯",再加一份"炸豬扒",2人份量就剛剛好了~招牌炸魚餅湯米炸魚餅看來好普通,而且顏色略淺,但是凡是不能看外表,魚餅味道不鹹不醒,魚肉帶實而軟,沒有加入多餘調味,直接把鮮味送入口中,魚湯好鮮甜,沒有用太多薑和胡椒去除醒味,魚味好足夠招牌魚滑魚湯泡飯魚滑和炸魚餅都是一樣材料,做法不同,味道依然不變,但我比較喜歡炸魚餅,魚湯都是一樣,但係米飯吸收魚湯後味道更佳推介炸豬扒薄薄豬扒炸得非常鬆脆,油份不多,極之香口!!清淡魚湯配上香口豬扒,不會覺得熱氣啊老闆~我會再來!!

原條桂花泡飯$45成日見到啲相影到啲湯好吸引湯都幾多，係……係就係甜，不過唔係好飲到啲鮮味，飯量都夠兩個唔大食嘅人，條桂花魚夠新鮮，魚冇灼過火

今次食第五次先有相機影相第三間分店開咗之後多咗一款小食同一款餸~~~椒鹽原隻蝦球同雙雞湯飯/米線,雙雞就係鮮雞同田雞,好好味同好特別今次叫咗1.原條馬友湯飯 + $4 炸魚皮2.原條黃立倉湯飯3.椒鹽九肚魚 (每次必食)4.汽水魚鱻魚湯米線/湯飯,非常特別,因為食米線/湯飯唔一定要配丸類個D,每次都可以配搭唔同嘅魚,配魚都有好多種,可揀魚頭,魚尾,魚腩,魚鮫,魚鰾,班球...

今日成家(3个人)去荃灣買野^_^食之前食慣既三條魚;D鱻好做到開到第三間分店(海霸街)好似甜品檔xD小食-`生炸豬扒;) 都好鬆,第壹次食米線-`古法吉烈豬扒+魚較米線;) 鬆化可口,保持水準+鮮甜牛肉+魚咀米線;) 好多片+好賣到魚咀剩返壹舊生炸雞翼米線;) 有薑味好得意,連雞翼尖都好食即刻往格離松記,清留意下篇食評

冷氣唔夠熱到無晒胃口, 通風唔好, 成間鋪腥hug hug。 下午兩點去食, 魚皮, 魚滑, 魚餅...... 咁快就賣晒(如果佢收下午三點我都可以原諒佢ge!) 如果齋飲個湯都還可以, 但作為一個麵ge湯底的話,個湯就變到淡而無味! 水餃豬肝米線: 水餃好香菇味可惜皮太厚... 豬肝唔苦,但係白灼+無味湯底都唔係好食到豬肝味囉。古法吉列豬排: 咪又係乸都鬆晒嗰d囉

o係附近返工一段時間但對依頭仍唔多熟...咁o岩同事收工帶我地去吃間「正野」咁話wa......離荃近天地都幾遠wo, 但好食就無得咁計la!!去到要等位, 但唔算好耐...同事話lunch黎食有排等 入到去地方淺窄, 坐得唔係好舒服&要同人拍枱~~不過見到同枱人碗野一到, 好吸引呀!!!!!一碗米線上面竟放住一條完整o既黃花魚....仲好大碗急不及待落單la, 我點左個吉列豬扒魚湯米線朋友o既咩野魚腩湯飯先到....第一時間夾返舊魚試下, 魚質好滑, 骨又少而我果碗野都到喇, 即刻試下啖湯先~~~嘩, 聞到已好香魚味.....飲落~~正!!幾甜...真係一d味精都無, 好放心咁飲晒落肚 XD而個豬扒都唔小野, 炸得好香脆...粉漿好薄, 味道正之餘又唔會搶晒魚湯鮮味一口接一口停唔到!另外仲叫左個炸魚餅, 好彈牙...好濃郁的魚味~~~最怕有d細骨, 但食落一d都無~~good!!搵日要再去試下~~~極推薦呀!!!!!!

係openrice仲有D朋友落力推介,終於去左一試原來果間鋪既鋪位都幾難搵,第一次行真係要左問右問,轉角位就係了,果陣好彩有位,如果唔係就要等,入去諗住叫個魚腐米線,但是佢地無魚腐, 得魚滑咁就叫黎試試,等左一陣就有得食了,試一啖佢既湯先,好味喎, 真的用新鮮魚整既湯,之後再食米線, 都ok,試埋個魚滑, 好有街市魚當既鯪魚肉味,食食下好快就食哂碗麵, 湯都清埋,食完都唔覺有口乾, 應該無味精,有機會再試!

這裡的魚湯很清甜, 每次吃米線時必定飲多幾口!而我個人最愛其魚類食品, 特別是魚骹因為它比較多肉, 適合我這樣不懂吮骨的人士另外, 吉列豬排和炸魚片也是個不錯的選擇啊!不過, 我奉勸各位有意品嚐的同志們早一點排隊,因為到了繁忙用餐時間, 都會有很多人和你爭食~

日期：2009-07-29在"魚鱻魚湯專門店"(荃灣總店)買了一碗"原條黃腳立皮蛋米線"($45)。米線和原條黃腳立皮蛋魚湯是分開盛載的。鱻，乃"鮮"之古字。黃鰭鯛，又名黃腳立()，屬於鯛科，暖水性魚類，棲息於沿海和河口沙泥質海底，亦可於淡水和海水養殖。其特徵如下: 體銀灰色，側線起點及胸鰭腋部各有一黑點，腹鰭及臀鰭呈黃色。 側線與硬背鰭基底間有鱗3.5列。 雄性於大約兩歲時會轉為雌性。原條黃腳立皮蛋米線---內有米線、原條黃腳立、皮蛋、豆腐卜、蔥粒、椰菜、芫荽和魚湯。湯頭魚味濃郁，十分鮮甜，鹹味適中，帶少許薑味，相信是以薑辟腥。黃腳立肉質細緻嫩滑，魚味相當鮮甜。米線滑溜彈牙，整體水準很好，而且米線和魚湯份量多，十分飽肚。

今晚專登去左荃灣魚鱻魚湯專門店試食,我大約六點到,唔算多人,我地叫左吉列豬扒,原條荀殼魚米線,原條黃腳立泡飯,三樣野都好食,豬扒好脆,魚湯好鮮甜,無味精,份量夠,不過店內坐位比較狹窄,而且冷氣不足,食到好多客人,都成身濕晒,包括我,哈哈.....我諗要等到天氣涼少少,我至會再去啦!

去試試這店.老闆說 '鱻'字是古字, 即鮮.好吧.信你. 試試魚湯米線.我叫了古法吉列豬排.小豬兒叫了豬潤, 炸魚皮.古法吉列豬排=炸完出黎擺左陣攤凍左ge炸豬排只需巧妙的改一改名字, 你便上當了.一點也不熱.雖皮夠薄, 但自稱吉列, 卻不熱, 豈能上枱?米線湯底可能是鮮的關係吧. 也較為清淡.只可說是不適合我們吧.

每次行過呢間食店都見到好多人排隊.....一來見店鋪細細間....坐得好迫咁..二來覺得都係食普通魚湯米線....唔會有咩特別...點知....有一次同老公想食個early lunch...6點左右行過附近..見無咩人...侍應又企0係門口推介我地食...咁..就一於試下啦...結果..真係出乎意料...好好味...每碗湯底都係用好多好多鮮魚煲出黎...d湯係奶白色...鮮甜到嘩一聲呀...連魚球米線: 連魚球肉質好實淨..好有魚味...加埋魚湯..簡直鮮上鮮....一路食米線..一路飲魚湯...不經不覺會將成碗湯飲晒...吉列豬扒米線: 吉列豬扒炸得好鬆脆...唔會好厚粉...明顯係新鮮豬扒...好味

尋日(14-6-2009 Sun)傍晚爸爸由大陸返o黎,屋企冇菜亦唔想煮飯,咁男友就放工買o野o黎食啦.食咩好呢?想食呢間o既吉列豬扒,於是就o係o度買o野返o黎食.買o左青衣球米線,桂花球米線,原條黃腳立飯同吉列豬扒.米線同白飯都係同魚湯分開盛載,咁就唔怕浸腍米線.開餐喇,黃腳立唔係好大條,桂花魚同青衣魚肉質都好滑.食食吓,男友o個碗青衣魚內有魚鰾,而我o個碗桂花魚有啲唔知咩灰色o既內臟,呢樣係彈牙有咬口,但鯹.後o黎越食越多,我問男友點會有內臟?佢話係佢叫亞姐畀啲內臟,唔好只食魚咁寡.啊.我都有試魚鰾,同樣都係鯹.湯係好熱,但味精太重;而米線都唔會過腍,OK o既.而今次o既吉列豬扒就鹹o左啲啲,但同樣係有肉汁同夠鬆軟.問男友呢餐幾錢,佢唔記得,好似係$160.00.