魚鱻魚湯專門店

营业中

休息中

呢間我每星期最少都會幫襯一次, 是專食魚的食店, 好多種類的魚都有得食, 雖然冇落味精, 但啲魚同魚湯仍好有鮮味, 而且魚肉的份量十足, 啖啖魚肉, 我經常叫的是鮮鯇魚片、魚滑及豬扒，也吃過九肚魚、黃腳立、鮮茄等魚湯米線其中九肚魚及其他全條上的魚湯米線都是特大碗的另外，雖然有湯飯，但還是我比較鍾意魚湯米線因為覺得魚湯米線比較能突出魚的鮮味，仲有我每次都會佢地俾埋蔥同芫茜，加左好食好多唯一要扣分的是環境，雖然荃灣路德圍已有三間分店但三間店都係好細好窄，幸好我平日午飯鐘數比較晏先至唔駛點等位

今晚胃口想食魚湯,突登走來買。初時擔心淨係得魚腩、魚鰾之類腥野。原來都有丸、雜菌、扎肉、番茄肉片等餸。我揀左餃子,泡飯。拎到番屋企都一段時間,飯索晒大部份湯,幸好仍滔到一兩羮,魚湯味偏淡。店員最後加左蔥,經過焗著時間,蔥粒優香!餃子好正!是椰菜+冬菇+少少肉,椰菜青甜,整隻餃/整碗飯,也是真材實料,無添加。

一個人下午唔知食甚麼，不如清清地食個魚湯飯啦！於是走去魚魚魚﹝一直都唔知間餐廳正確名稱點讀﹞叫咗嗰魚交湯飯，湯底鮮甜美味不在話吓，絶無味精，魚交可能係因為要經常擺動，所以咬勁十足，如果只係叫雜菌或魚滑湯飯的話，魚湯味有時唔夠濃另加一碟炸豬扒，脆而不乾，香口但仍能保持肉汁，正地方細，迫迫挾挾，不過尚算清潔，但間鋪都好耐無整過，開始殘殘地，啲餐牌都好舊，算啦，食物搭夠

平時都係去開總店, 今日想試下第三分店, 一試怕怕!大過第一同第二店少少, 我6:30pm去到, 仲有4張吉枱(4-6人枱), 但2位亞姐都指住最入面個張2人枱(已有1人坐左), 話要搭枱, 我指住吉枱問點解唔坐得, 佢話一陣會有人坐------我都明佢想留返d位比一group既客人, 但都唔使留晒比"未來人"架, 要我地無必要地逼埋一齊, 好唔like!!! 我就話有人來可以轉位給他, 然後選了張吉枱坐, 心諗如果佢"哦"多句我就走, 好彩又無喎!叫左"蟹子丸泡飯+魚滑", 等候期間又有1位仁兄進店, 亞姐就叫佢坐我呢張枱, 佢同我一樣問點解唔坐得, 亞姐依舊話一陣會有人坐, 呢位仁兄二話不說------調頭走! 讚! 咁既服務係正式趕客!!!飯來了, d湯只有咸味無魚鮮味, 飯亦有d up味, 收錢時四眼仔仲多謝都無句! 只係隔幾個鋪位, 服務/食物質素 都同總店差好遠, 好失望! 無下次!!! (or無分店評分, 家下害到總店多左我呢個喊面!)

前兩日下午去到不用等位..兩個人叫左以下野食吉列豬扒米線三寶丸魚湯米線炸魚餅(太多油了,可能油溫吾夠)呢間店以無味精既魚湯聞名,當然要試下佢既魚湯. 一飲, 吾..的確係無味精..讚不過就淡左小小, 想飲魚湯既朋友,不妨一試...至於坐位...就好似各食家所言, 確是逼左的..

約了朋友,,想食平平地的LUNCH,見到呢間魚魚魚,所以決定入去試下都好,不過食完先知道原來對正官小對面又有一間一模一樣的分店呢~見到好多款米線都係以魚類為主題,但我覺得唔太多人點~服務態度都ok~不過望落去,環境就唔算好CLEAN...殘舊左少少~可能上1手餐廳結業後無再點樣裝修的關係吧~我本來話要什菌魚湯米線,再加油菜,我覺得係加4蚊,點知個waiter幫我叫左1碟$8的油菜=.= 佢以為我單點...... 算...... 菜心~ 8元以為份量唔多,點知夾夾下..原來都仲有好多~呵,而且新鮮又好味,其實客人明明唔多,點知係cooking speed較慢...聽到廚房斬大魚真係好大聲... 什菌魚湯米線 $22有秀珍菇,花菇,大片的白菇,,,非常之好味呀 但係食完之後,喉嚨確實係乾左D.... 魚湯底不錯~比魚米家的魚湯米線更出色~雖然見個碗唔算好大,其實真係滿滿的1碗呢~原來無(賢茜)喔..相比起雲南桂林過橋米線又很不同的風味好多蔥(用個匙裝住)加椰菜(好少見米線店用椰菜),好味,份量多~!!!

今日(31-3-2010 Wed)晏晝男友要拎o野上大陸,佢話先過o黎陪我食晏至上,咁佢o係呢o度買o野食.佢買o左:1. 黃立(倉魚)米線其實我想食桂花球米線,但呢間話冇.原條黃立(倉魚)都幾大條,條魚好甜肉滑,湯唔太鯹,今次味精唔太多,米線彈牙.2. 炸豬扒我見其他人o既食評有生炸豬扒而唔係古法吉列豬扒,於是想試,點知打開o黎睇,咁似後者o既?男友話佢買o既時候都已經特登叫生炸豬扒.食落,依然係有肉汁,外脆內軟,可以o既,但唔係我想食o既生炸豬扒囉.3. 斑球米線呢個係男友o既,斑球啖啖肉.冇乜問題.4. 炸餃子.打開o黎睇.嘩!有六隻咁多,男友心急食先,熱辣辣,外面好脆,餡係冬菇粒同椰菜粒,味道係淡淡的,蘸茄汁食就好味啲,不過當然蘸黑醋就最o岩味,但我屋企冇,而魚鱻都冇畀到.男友唔記得呢餐幾錢,話百幾喎.

三條魚已經係我既魚湯米線之選正丫~~~~是晚鮮魚係王腳+泡飯~~~魚肉鮮甜食到係新鮮魚......湯仲keep住又熱又甜........魚湯首選一定係呢間"三條魚"啦

其實搬咗去荃灣後都食咗好多次，但都無叫豬扒食〈感覺好奇怪，明明係魚湯專門店〉，不過今晚叫個樣無個樣，魚鮫買哂，魚鰾買哂，連馬友都無，算啦叫咗原條黃花魚湯飯一貫高水準表現，好鮮甜〈記住叫原條魚湯飯係好食過叫什麼魚朒飯好多嫁〉，再加大量莞茜，完全發揮出魚的鮮味今次終於忍唔住叫豬扒，同一般豬扒唔同，比較薄身，但入口口感極佳，香脆多肉汁，雖然有少少油膩，可接受地方係細啲，衛生係普遍啲，但係抵食嘛

呢間米線店特色之處係個湯底同埋會整條魚上, 湯底清甜, 魚鮮味美.今次同友人一齊到此店, 點了炸沙鯭泡飯 ($4x) 魚肉好味, 飯索哂魚湯, 好味友人點了整條黃腳立米線($4x), 肉好鮮甜.由於呢間店鋪近我屋企, 所以我都時常幫襯.

上次去咗八面玲瓏到食面途經這間舖頭,見好多人係到排隊,就決定咗下次嚟呢度食嘢今日又嚟荃灣嘞, 我吔終於可以一試呢間嘢等咗一陣就有位, 但地方就好逼囉四個人坐一張細枱, 背脊係會貼住人既我叫咗鴛鴦餃魚湯米線(西洋菜餃+椰菜冬菇餃各2粒)男友叫咗古法吉列豬扒魚湯米線 魚湯果然好鮮味, 好飲, 清清地又不油膩, 我既餃子大大粒做得唔錯亦不油男友既吉列豬扒, ok 都唔錯既~ (我無食到, 只係問咗佢意見喳...hehe)不過我見到好多人都食蕃茄肉碎,我下次會試下架...p.s. 可惜地方真係超逼, 提議大家食完先shopping 或者二手空空才好入去呀

自從有左BB,明明好中意食魚既順德妹,都轉晒胃口....其實我都想食多D魚,老公就唸住黎唸度食D魚野,同埋荃灣好出名下我叫左 $24吉列豬扒米線 + $6 蟹子包(太過份....$6得果2粒 蟹子包)老公叫左 $25鯇魚片米線 + $5 豬潤(鯇魚片如果切得再薄會更好..有少少鞋口)$25 菽鹽九肚魚(大條得滯,細條先好食...得果4條....炸到油林林...i成個碟都係油)講個湯,真係不加味精係魚湯...只係唔夠濃魚味~變左特色唔夠冇咩配菜,可能係想人客食到原汁原味既魚湯啦整體上黎講.....真係冇咩特別....如果講食米線仲係貴左D tim -.-反而今餐最好食係個「古列豬扒」真係好酥脆,size都ok大~讚

　　星期日下午四點，唔駛等位，坐同食都舒服啲，唔駛趕住趕住。　　魚湯幾好味，結果俾我飲晒。但可能有人會覺得腥。　　最好食係炸魚皮，因為脆得嚟唔會一咬落去就成口都係粉。

我们一家四个人来香港玩，看了食评来这里。店里太小，坐得很挤不太舒服。点了鱼腩，冬菇，特色米线和整条鱼的泡饭。一点不油腻，但非常鲜美，鱼肉也新鲜，没有味精的味道。

看見餐廳的名字, 便知道是主要食魚的了.1) 魚腩魚湯米線 & 南乳雞翼魚湯米線: 魚湯很鮮甜. 配上魚腩, 甜上加甜. 南乳雞翼炸得剛剛好, 不會硬繃繃的.2) 炸魚餅: 厚厚的魚鮩既爽口又彈牙.食物雖然很好, 但地方太狹窄. 食客們要肩碰肩的坐, 轉個身都非常困難. 坐得蠻不舒服.