魚鱻魚湯專門店

营业中

休息中

都有一排冇黎,成日行過都想食,但成日都要等，今日都等下佢。等左10min，算，都叫做有位坐，但分配了嗒枱位置，好迫，之後又要等阿姐等閒落單，又等，落完單又等，等等等。終~於~等到啦~鮮魚腩魚湯米線+魚餅！個魚湯底真係好ok，大大碗，同樣地鮮味，但比之前淡左d，好似被加水，但都ok, 食埋個米線，飽飽，但成身汗，可能太用力迫及慶住等

星期天晚好好休息的一天來個early dinner7時多到來也是排隊...入到去跟媽媽一人一碗米線我要了古法吉烈豬扒，媽媽要了生炸雞翼點餐後約10分鐘就有得吃先來的是古法吉烈豬扒的米線，最後來的是古法吉烈豬扒的豬扒米線大大一碗，有豆卜有椰菜絲米線硬度的適中，魚湯也夠鮮味主角古法吉烈豬扒出奇地好吃!新鮮熱辣的豬扒配上薄薄炸漿肉質十分嫩滑，很讚另外一個主角生炸雞翼是兩隻雞全翼斬件上加上點點椒鹽本應十分惹味可惜上桌時已放涼了，肉質也較硬「豬肉」在前，這味雞翼被比下去了$26一碗米線，實在是抵吃當然不要對環境和服務有期望啦不過飲品$8起價於這區來說不算便宜所以我們都是走到許留山飲杯飯後甜品呢

上次四圍行搵到呢一間魚鱻,,好多人係門口排隊呀!!今日就心思思打左個電話去外賣la!!要左個鲜魚腩+餃子米線=]好快就送到,,good個湯好清又有魚的甜,唔會話好濃好腥的感覺=]個餃子好味,,有9菜同我諗係魚肉的物體!!so good,,又大粒,,正=]個鮮魚腩都唔錯,,同我ar媽整的一樣正,,咁就多謝$38,,a nice monday

呢一間既米線, 即叫即煮, 係要等一陣 , 無辦法. 打開個盒, wow 好熱辣辣 ......等一陣先, 因為我每次太心急既時候, 都比佢辣親 豬潤 -- 外賣既感覺, 肉質剛剛好, 唔會鞋, 可以講剛剛好, 因為我攞到返屋企, 都要 5 mins 啦. 略欠小小味, 因為淡口左啲冬菇 -- 我本以為係鮮冬菇來, 喔! 原來係乾冬菇, 加多 5 分先 . 湯底 -- 好正, 魚味好濃 如果, 我餸方面都叫魚類, 就更加正. 最好既係, 佢地加左豆卜 & 娃娃菜, 唔需要再order菜類 米線 -- 略為"林"左小小, 我喜歡偏硬口感. 份量亦比較小, 男性既話, 會唔夠囉*** 湯底係可以飲晒 , 感覺係無味精

擴展店鋪。個湯的味道變了。 個湯最大問題 , 完全同唔似以前...個湯淡而無味, 只有水和味精, 湯的顏色跟以前一樣 , 但分別很大 。我比較喜歡以前的味道....非常失望.另外, 吉列豬扒有以前水準, 但相比起以前, 明顯 細少了

一向都不愛吃魚,怕魚骨鯁喉又怕魚腥味,但是郤獨愛魚鮮甜兼可美容,姐姐在荃灣做事,知道我喜愛魚湯米線便介紹我到呢間叫魚鱻的魚湯米線姐常說它就叫做魚魚魚,而我也不知怎樣讀.魚鱻魚湯米線是位處內街不顯眼的地方,到達了還有幾位食客在等位,店內是迫迫地放著一排排的木枱,很不容易才擠進了靠牆的坐位,姐姐說這裡的魚湯很清甜,魚餅好好味的,嚷著和我SHARE一客,我貪心的拒絕說,你說得這麼好吃的話一客怎麼夠呢於是我便叫了魚湯米線加腐竹,魚湯是很鮮甜,但是像我們香港人一慣都是愛濃味的會嫌略淡姐是魚湯米線加了魚腩再加兩客的魚餅最想不到是真的很好吃,夠厚身有口感又唔會腥,就像是魚扒一樣三十多元一碗米線可不便宜噢,幸而還算物有所值.

自己住荃灣日日下午都想搵嘢食;有朋友提過呢間食市,兩個月前胆粗粗自己走去糖水舖附近嗰間食(知道有總店但自己住附近都唔知係邊)入到去唔知食咩見個地方又細感覺比朋友搵苯;是但叫咗個鯇魚片米缐如果只睇買相就真係唔及格而且見人地碗有好多莞茜自己個碗無感覺比人搵多次苯D味又淡(應該就係所話無味精)食完無特別感覺!兩星期後下午又唔知食咩於是睇open rice la 見到話炸魚餅好食於是再去多次食炸魚餅米缐今次ok!魚餅炸得好熱份量足夠但點解都係無莞茜呢?上星期去糖水舖買糖水見到呢間舖無咗門口貼咗叫人去總店嘅標示於是上網搵吓係邊la原來就係轉彎不遠處.....:今日再上open rice 睇吓原來好多人食魚鮫同魚鰾好似講得好好味喎又話好快買晒!!於是今日去總店食la叫咗個"敏"魚鮫米線+魚鰾(魚鮫份量好多)初初食好熱沒問題但d湯好似比分店"咸"好似有味精喎!d湯開始凍就出事再食個魚鰾就有反胃感覺因為開始覺得好"鯹"食唔晒就走咗快快買杯珍珠奶茶飲!!食完3個鐘啦而家個口同隻手都好"鯹"真係唔知點解.....下次都係叫椒鹽魚鮫!但有無人覺得好似呢間有味精呢???因我而家有少少口乾

擴展店。湯的味道變了。你可以感受到湯不像以前...湯味淡了---- 像只有水和味精。我比較喜歡以前的味道. ...失望.現在已沒有多少好魚湯店了......失望......失望.

昨午與朋友去欣澳釣魚, 中午先到達荃灣吃午餐, 朋友介紹去吃魚湯泡飯, 不妨一試. 到達後不需等侯便有位, 我點了鮮牛肉泡飯, 朋友點了山斑泡飯. 魚湯很鮮味, 泡飯很大碗, 朋友的山斑很新鮮, (忘記影相), 因為吃完碗泡飯已很飽肚, 下次會試試魚餅!!!小弟覺得好吃過魚X家好多!

好耐無打openrice 了...因為懶...但積埋好多相所以都係打上黎同大家分享...今晚跟朋友係荃灣...晚上決定去魚魚魚魚度試下...因為魚湯聽講好出名呀!!鋪頭好易搵...係松記附近...食完仲可以去食糖水tim...原來松記隔離都有一間...鋪頭門面外觀麻麻...落咁大雨依然好好生意...第一次食唔知點叫好...所以都係叫招牌菜la...我叫左魚湯米線+ 魚餅+ 墨魚丸朋友叫左魚湯米線+ 吉列豬扖+ 墨魚丸等左一陣好快黎la...先黎朋友的魚湯米線+ 吉列豬扖+ 墨魚丸試左一塊豬扖....好味...!! 香脆又鬆化...之後我的魚湯米線+ 魚餅+ 墨魚丸都黎了...魚餅好大塊好厚...一個女仔一定食唔晒..!! 而且好彈牙...真材實料..!!但係大家一食個米線就知出事LA...米線大冧, 魚湯無魚味...魚米家個魚湯仲好味過佢...!!如果依間食店而買魚湯米線出名就絕對唔掂LA...要快快食...因為門口仲有好多人等...$30 碗價錢都好合理...唯一失望係佢個湯底...但配料真係好味真材食料...一讚一彈...所以OVERALL 係OK

偶然發現此店,當然立即跟男友去試試我點了古法吉列豬扒魚湯米線($25)男友點了招牌魚餅米線($26)米線跟豬扒/魚餅都是分開上的我的吉列豬扒炸得剛好,很香口男友的炸魚餅也不錯但個人還是覺得吉列豬扒較好而魚湯奶白色,味道跟媽媽煲的魚湯差不多喝到底也沒有口渴的情況連男友也把湯喝光!!始終店內座位不多晚市可能需要等一等

其實在這裡開餐幾次了但次次都吾記得影相TVT因為太心急食了哈XDDDDDD呢間真系超推介既好食店><魚湯底好清甜,,,真系真材實料,,,(減肥人既最愛哈哈XDDD之前幾次都系食魚腩泡飯的,,,,(PS:這個真的超推介=3=,,,魚肉新鮮食極吾厭^_^)今次就試下佢既餃子啦^_^估吾到都咁有水準TVT餃子既餡包括椰菜,,豬肉,,冬菇....比例真系岩岩好,,,,食完再食.....好正呀><!!!雖然立志停食街外食物一段時間TVT但一有機會第1選擇肯定系呢間哈哈XDDDD

我有個住筲箕灣嘅食家朋友，佢一向識飲識食，不論貴賤，佢都會試！可惜，佢無做 Openrice 會員！喺我心目中佢係殿堂級食家！所以，我好崇拜同尊重佢！每次，攪生日飯局，我都會問佢意見！佢知我做咗Openrice 會員！叫我試吓 3 個魚字呢間米線舖！真係好正！就算佢唔食炸嘢，對呢度嘅吉列豬扒讚不絕口！可惜，我星期日約咗朋友唱 K ，唔敢食，影響聲沙！最終，食咗 餃子魚湯米線 (走蔥) ($25) 餃子 - 皮薄餡靚！有4 大粒，以椰菜、豬肉及冬菇為餡，每粒菜肉比例均勻，加上幾粒冬菇粒，新鮮又好味！餡打得結實，唔會一咬開就散哂！相信餡方面下了不少功夫，要打到起胶，先有呢個效果！我問店員餃子餡有無魚？佢話無。但係又食到有魚嘅味道！可能係浸喺魚湯嘅關係，先有呢個錯覺啦！魚湯 - 係少油清甜嘅魚湯，絕無味精，真係真材實料！唔涸喉， 結果連湯飲哂！米線 - 夠滑、夠入味！不過比我想像中腍；如果，有點煙韌，口感會更好！配料 - 加入豆腐卜、黃芽白絲，感覺清新！豆腐卜易入味！黃芽白絲夠腍！食完成碗亦唔覺膩！大約 7 成飽！不過，不及上環-生記鮮魚湯米線，袖珍米線 ($19) 咁飽！

~~每一次經過都好想好想食,但次次都好多人等位~~我最欣賞佢0既潮州炸魚片薄薄地,好脆.不過好快就食唒.另外我鐘意就係個炸魚餅大大塊,切開4舊一炸完出哩脹卜卜,我會加胡椒粉,之後再點辣椒油,要讚的是個湯底,好濃0既魚味.唔會只係得個咸字.正正.

大約6:50到左總店..仲有2張細枱...急不及待即刻叫野食....原來d阿姐服務都唔係好差ja...又ok woo.古法吉列豬扒湯飯($25) - 掂...真係十個掂...塊豬扒..好鬆化..唔厚粉...好好食少少咸味..唔知點講總之就係好食la..熱辣辣原條黃腳立米線($39) - 咁既價錢算係咁la..又唔係話比好細條你...成條上..仲要係好新鮮..連個肚都食埋因為新鮮唔苦...仲有d配料..真係掂..個魚湯有魚味但食得出係有味精不過唔多...個湯係好飲ga炸魚餅($14) - 又係熱辣辣..仲要係好厚ga...好好味呀~~~~外面個皮脆脆地炸魚皮($+4) - 我個個餐+4蚊就有la...雖然唔多但加4蚊又好味仲想點..浸下d魚湯..正呀!!!