魚鱻魚湯專門店

营业中

休息中

身為荃灣街坊，很多人說這一間魚湯專門店很不錯，我卻持保留的態度。論魚湯，我不覺得這裡特別出色，要比較，我更喜歡魚米家。來這裡，最吸引的，是很多魚的奇怪部位。魚盡其用，鮮魚尾、鮮魚骨、鮮魚鰾、鮮魚咀、鮮魚骹在這裡都可以吃到，試問香港有多少地方能吃到以上魚的部位？可是，我不是魚痴，我來到，只是吃一碗尋常不過的米線／泡飯。這裡的魚湯底可另加配料，每天不一定相同，但都寫在白板上。蕃茄看來是這裡較受歡迎的。炸魚餅泡飯，魚餅和泡飯另上。兩大塊的魚餅，煎得香口彈牙，很有自家煮的風味，但魚餅有點薄，如果厚身一點口感應更佳。魚湯泡飯配有豆卜，方便吸收魚湯，但我稍嫌魚湯鮮味不足，我還記得有一次，魚湯可比清水，那一次真的淡得可憐…韮菜魚蓉餃米線是今次較特別的，有別於傳統餃子，這裡棄豬肉而取魚肉，多吃也不覺太飽，不過魚肉始終沒豬肉的味濃，由於韮菜太霸道，總覺得魚肉味道不太突出。另外點的炸餃子，原來也是韮菜魚蓉餃炸的，炸得香口，但炸過後卻更難吃得出魚肉味了，個人覺得兩者只選其一就好了。我不是魚痴，這一次沒點特色魚部位，食物質素未算十分出色，是吃得出有誠意，但笑臉對我來說還是有點距離。路德圍食肆多，能站穩陣腳多年

在這裡幫襯了數年，喜歡這裡無味精的濃魚湯底和美味的古列豬扒，每次也是吉列豬扒米線膽拖其他配料。好味得我常推介此店給朋友們~~過去一年數次幫襯時已覺得大不如前，湯底稀和咸，米線內的菜和豆卜沒有以前般豐富，豬扒仍能KEEP到水準，但份量也是減少了，而價錢卻加了近2成。湯底肯定落咗味精，飲幾口已口渴米線口感大不如前米線底配料只有零零星星的菜雜菌份量又減少了吉列豬扒仍能保持水準這裡省招牌的是無味精的濃魚湯底，如欠缺了這個賣點，相信不能再引起我特意走到這裡食米線衝動了，這裡地方逼夾，服務又差，而家連嘢食都麻麻，以後最多外賣一件吉列豬扒，過過口癮好了。

無光顧"魚魚魚"很久了, 今日朋友提議下, 再來"幫襯".環境: Bigger, 租埋隔鄰快餐店及10元雲吞舖位, 大玻璃牆, 感覺生意做大了.招呼: Fair, 店舖大了, 伙記當然多咗, 招呼態度照舊, 可接受.價錢: Increased, 哦! 貴咗20%. 九菜份量無咗一半, 價錢大約加了25%.味道: Missing, 無咗鮮味, 似食普通米線加舊魚, "魚魚魚"的味道特色去了那裡?特色: Thirsty, 吃完後, 好口渴, 重味精, 鹹咗! Open Rice 標題"無味精"要改了.食後感: Disappointed, 今時唔同往日.備註: Regret. 以往特色: 鮮, 甜, 清, 廉. 已不復見, 好可惜! 現在特色: 日本味精, 香港雞精, 大陸肉精. 越來越多, 好可惜!別話: Lack of choice. 雖然變了, 但不是劣品, 要求快靚正的, 會滿足要求. 30塊錢, 有新鮮魚吃, 重想點!

同兩個朋友去食,叫咗 番茄肉碎魚湯米線 , 鯪魚肉魚湯米線 ,水餃魚湯米線 魚湯有魚味但好稀,鯪魚肉用料都算十足,但真係"聲"到離譜水餃都係一般 我兩個朋友食咗一半都冇就放棄,可以想像係點樣,

魚魚魚以前本師奶要返工o個時成日食架宜家做左好幾年煮飯婆就食少左好多而且食中藥食耐左個人就自自然識得要養生戒口白糖白米戒 !! 煎炒多肉戒 !! 多油多味戒戒戒 !!出面街既野只會星期六日老公休息叫我唔好煮咁今日老公4點幾先同佢老豆去食野喎本師奶習慣7點食飯佢就即係唔洗食啦我咪自己買魚魚魚外賣食啦....對上一次食應該半年前囉叫左碗蕃茄肉碎雜菌札肉泡飯少飯多蔥多湯魚湯味差唔多同以前一樣 , 茄味都可接受 , 但唔夠濃MAYBE佢地主打係魚湯 , 所以茄味我覺得唔足夠豆卜有3件 , 札肉比以前切厚左 , 雜菌就少啲...得4件仔不過係我口咪越來越清丫定係真係咸左呢

今日早左放工, 突然心血來潮, 去荃灣等老公一齊去三條魚食晚飯!每次黎到, 老公都係必叫炸魚餅+鯇魚腩湯飯, 而我就叫吉列豬扒湯飯!正到冇朋友, 幾熱氣都要食, 呵呵~~~炸魚餅 - 好滑好彈牙, 炸得剛好, 一D都唔乾, very good!吉列豬扒 - 豬扒唔會太薄又有肉味, 味道一流, 不過膿左少少, 可以更好!鯇魚腩 - ok~魚湯 - 濃得黎又唔腥, 加D胡椒粉更香, good~ 雖然呢度地方細, 次次都好多人, 要等位!但等既時間唔會好長, 野食又唔多駛等, 好快就送到

自從成為荃灣居民後, 發現路德圍這間食魚湯飯的舖頭, 2年幾前食佢, 佢只有兩間舖, 現在佢有相連舖住幾個, 地方無之前咁逼.初初食佢地的湯飯, 湯係奶白色, 魚味好濃, 沒什麼味精(因為回家後不會特別想飲水), 因為一星期食4晚都不會厭架但最近一年去佢度食湯飯, 唉.......... 10個差....... 湯不再是奶白色, 好淡, 無魚味, 多左味精味, 水汪汪, 飯完碗湯飯, 係立即想食幾杯水, 所以好明顯味精好勁, 見到d湯水汪汪, 唔係平日魚湯的奶白色, 加上味道差了, 就知道老細用少左魚煲湯, 質差明顯差左好多.本來以後一次半次係咁, 結果再次食左幾個月, 發現真係水準差左, 魚湯質素差左好多, 味精勁左, 水汪汪, 相反, 佢的價錢半年內加左兩次, 仲要唔係加得少, 一加就加15-20%, 都算誇張還有, 本身佢地的員工態度就唔係好, 因為果度d大年紀女人員工, 一開口就晦氣都死, 呼呼喝喝, 連問句食乜, 都死死過人, 等別係有一個身型肥, 帶眼鏡, 年紀約50歲, 皮膚黑的女人員工, 態度尤其差, 我見到她都不會找她落單, 因為我來食飯咋, 唔想比人呼喝囉如果係這間

這條街十居其九都是粉麵店，當中又以吃米線的最多，今次就揀了這間我們連名字也不懂唸的「四條魚」來一試星期日三時多來到，人流比想像中多，幸好也不用等位，我見比我們遲來十數分鐘的也要等了！人氣很強！不用多看餐牌，心中已有了選擇──古法豬扒魚湯米線（＄２７）和魚餅魚湯米線（＄２８）先吃一口米線，質感不錯呢，頗彈牙，我最怕吃到淋身的。伴上一大堆爽口黃芽白，感覺健康。至於靈魂湯底，果然有很濃烈的魚鮮味，愛魚的人一定喜歡，個人就不太感冒了。不過我也肯定這個湯是加上了味精，有口渴的感覺，對味精敏感的要小心了如果一間餐廳的食物用上了味精，於我來說很難給予笑瞼，但這裡的豬扒和魚餅太出色了，還是忍不住送上一個笑瞼！香噴噴的豬扒，賣相看似沒什特別，但進口卻是鬆化無比，肉質嫩滑，口感一流。雖然是雪藏貨，但卻不失美味至於魚餅，應該是輕微炸過後再煎，所以不會太燶，感覺上也沒有那般油膩。魚餅非常厚實，啖啖魚肉，香脆可口，沒有腥味也沒有我抗拒的重果皮味，非常好吃！價錢又不貴，推介大家一試！

我們一行三人点了炸魚片米線, 朱扒湯飯和貢丸米線，來的三碗都是湯多但米線和飯的份量就少得可憐!聲稱沒用味精的魚湯，實在很鹹!而且Ｄ米線很淋，不用咀嚼就可吞下!吾通生意真係好過頭?吾通真係一次就夠?

唔想煮飯，早早哋想食完嘢返屋企，於是去咗路德圍搵食。平時食飯時間經過呢間舖都好多人，今日見少人就去試吓啦！出名是魚，當然要食下，加埋豬扒...... 好期待~~等咗差不多二十分鐘先嚟，人唔多都咁慢，真係忟忟哋，幸好唔係 lunch time。湯係有魚味，都幾甜，但坦白講，同其他標明魚湯底嘅店分別唔係太大，但相對呢間唔平囉~~最攞命係我個豬扒，佢上完米線話豬扒要另上，於是我等呀等，等呀等，已經拖到好慢食碗米線，奈何還是等不到。於是我問啦....佢話嚟緊喇...... 再等等等，其他客都追...... 於是一齊等等等，大慨待我食完碗米線十分鐘才到。係熱辣辣，我覺得合格但稱唔上好正...... 加上等咗咁耐....無乜 mood.....如果以呢個價錢，呢個質素，呢個等候時間，我或許未必再食~~

今日路過荃灣路德圍，見有間「魚鱻魚湯專門店」，佔有兩個舖位，而且店內亦幾近爆滿，相信食物應該不錯，於是便內進午膳。坐下不久，從menu及店名，勾起我少少回憶，我記得在大角咀也吃過一間店名有「三條魚」的米線舖，食物味道一般，但裝修比起這裡企理及舒適得多，不知是否同一集團......我點了一碗炸魚餅米線($27)，未幾店員便端來一大碗熱騰騰的米線，炸魚餅另上。既然此店叫得「魚湯專門店」，想必鮮魚湯底有其特別之處。眼見湯中有豆卜及椰菜絲，先喝一口湯頭， 蠻鮮甜的魚湯味，味道不腥，也吃不出有味精。米線味道ok，都算滑，但吃不到米香，相比起「譚仔」、「魚米家」等大路米線店，此店亦有些距離。不過，這裡的魚湯底倒是不錯的!另外，炸魚餅應該是即叫即炸的，熱得燙咀，一開四件，外層呈金黃色，吃落很香口，鯪魚肉打得亦夠滑溜，當然多少也加了點味精。整體算是不錯......

個日去一碗魚腩米線(27元),米線一次去比一次小,而且d湯底冇以前咁濃郁,比以往差了..失望所以而家都好小會再去食另外叫一碗魚標米線,要等超級耐!!湯底簡直是沒有米線味的~~

同女朋友去食我叫咗個鮮牛米線, 佢叫番茄肉碎泡飯個鮮牛米線賣相冇咩問題, 但一試下個湯, 個魚湯竟然係冇魚味, 可惜間嘢係叫魚湯專門店對呢樣嘢都做唔到, 都幾失望, 而且喺荃灣openrice評價咁高而個番茄肉碎泡飯, 個賣相就非常之差, 見到冇哂食慾同樣問題就係魚湯冇魚味, 我女朋友都要不停落辣油喺其他餐廳食過同類嘅嘢, 有比較佢即刻輸哂係食緊嘅同時, 出面就開始已經等位但咁嘅魚湯專門店俾啲咁嘅魚湯, 我唔會再幫襯店內都冇裝潢可言, 亦比較迫唯一係價錢唔算太貴

成間舖嘅賣相好唔掂.........不過D野食就.........喊左個炸多春魚…同埋栗米肉碎泡飯…個炸多春魚真係好好食..........好香，一D都唔覺得油.........嗰到有個炸魚餅...........好似好正..............下次要試個栗米肉碎泡飯就真係好1般囉......................個環境就好差囉.........總括尚算OK

我認為味精比以往多了,但都維持到味道!!!魚腩經常售罄,生炸豬排可以炸熟d,希望能夠改善!炸魚餅,雞翼,炸魚片都好好味!! 雖然有時要等位,但仍然會等,並且會繼續光顧!!!!!!