魚鱻魚湯專門店

营业中

休息中

今晚左我同屋企人其中一間最愛的餐廳。鱻屋企人叫左大魚頭米線，記得可以同姐姐講多米線同多芫茜蔥，我叫左最愛蕃茄肉碎米線加魚腩，多蔥。 等好快就有，好大碗大魚頭米線。真係成個大魚頭仲要係次次去都會好大個，好足料。個魚湯好清好新鮮魚味，完全冇味精，米線份量好多，好Q彈，一試難忘，可以成碗湯飲哂，天然魚湯，正！ 如果大家怕魚腥味，可以吃蕃茄肉碎米線，個蕃茄湯有清清地的蕃茄味，酸酸地好開胃，蕃茄同肉碎份量好多，仲有好多紹菜，好健康，加左魚腩，有4塊，魚腩好新鮮，大塊，肉質鮮甜，又係可以成個湯飲哂，完全冇味精，又非常健康的一間餐廳。大力推介！

進入減肥周期，一碗湯飯兩份食。如果係平時，一人一碗就晤止呢個價喇！兩個人只係叫在碗魚鮫湯飯加肉碎，吉列豬扒和椒鹽九肚魚。湯飯大大碗，其實我平時自己食一碗都會叫飯另上，然係食淨半碗飯，嘻嘻！今天減肥，分老公少少飯都夠喇！今日唔知點解，個魚鮫切得細舊左，平時係多D肉架，有D失望！湯就一如以往咁鮮味！豬扒即叫即炸，熱辣辣，有肉汁又夠酥脆。九肚魚亦都係即叫即炸，熱辣辣，又滑又酥脆，不過$33得果幾舊好似少左D！整體而言維持水準，鐘意食原味冇味精嘅人都會喜歡。

都黎過幾次, 今次又係帶個Friend黎, 介紹左佢食魚湯飯, 至於我今次就唔食魚, 食個雞肉湯泡飯雞肉都OK幾鮮美, 肉質軟滑, 不過有D連埋好大舊骨, 應該斬細佢會無咁"阻定"個湯底都唔錯, 飲左少少當湯飲.不過可能生意太好, 好多款魚的魚湯飯都無了, 好在最後都有款大眼雞的魚湯飯比我個Friend試下佢都話好正.

來得這裡當然是為了其著名的魚湯泡飯。今晚特別過來一試，果然名不虛傳，魚質爽滑有口感，湯飯吸足魚湯更是好好味道另外散叫了個炸豬扒，好大件 豬扒炸得剛好入口好鬆化，好好味!難怪許多食評都總會叫個炸豬扖

今次終於排左15分鐘就入左去，位置比較迫但夠乾淨，係門口寫的魚入到黎原來冇左一半多，所以叫了大眼雞泡飯$75和馬友米線$6X加小食 $16。講真抵食又大碗…魚湯夠清又冇味精味，全部湯已飲晒，因為我叫大眼雞就好香大眼雞味再原條食其實已得飽，魚質吾鞋有口感，飯吸晒魚湯好味道。豬扒熱呼呼又吾油，好香豬扒味同口感十足。

再次黎到呢間魚魚魚魚魚，今次第一次夜晚黎，估唔到1730已經有好多人黎排隊，佢有分兩個鋪位，左邊既鋪位就1800先開。入到去率先黎碗鯇魚片米線先魚湯夠哂魚甜，鯇魚片都夠新鮮，魚湯不會油膩另一款雜菌米線雜菌吸哂魚湯既鮮甜味，同行友人激讚雜菌夠哂甜最後黎碟炸魚餅新鮮熱辣，夠足料，夠彈牙總括而言，食物夠好食，已經捉夠掩蓋哂職員態度既問題，希望佢地可以保持水準!

那一天我叫了原條黄花魚湯米線。雖然魚湯底色淡唔夠濃，但味道算是幾清甜冇落味精，和配菜有菜和炸豆卜。不錯黄花魚新鮮，但帶少許鯹。可能是他們太忙冇時間煎香， 我相信如果他們花多一點時間煎效果會好點。魚鳔應是鯇魚鳔，跟魚一樣處理麻麻，頗鯹。要用大量胡椒粉才可放入口。我稍後會回去再試。希望他們能改進這點。

唔知大家去到荃灣一定要食D咩呢?可能有人會揀好HIT既7色芝士TOAST又有人會揀好出名既雞煲不過你比小公主揀既話，就一定係魚鱻魚蕃茄肉碎魚滑泡飯 $4X見佢個名咁多魚字，就知呢到一定同魚有關呢到既招牌就係佢個魚湯因為同店名一樣，都係用好多魚熬出黎魚湯甜又鮮，而且唔會有味精同埋完全無腥味(怕腥既朋友仔都唔駛擔心)不過呢，因為個湯底正係用魚熬唔似屋企會加埋蔬菜，唔會甜到好似媽媽煲果D咁所以料方面我多數都會揀蕃茄肉碎咁個湯就會多番D蔬菜同肉既甜味喇除左個湯之外呢到既魚製品，好似魚滑呀，魚餅呀都好好食如果你鍾意香口D，就可以叫炸既魚滑唔似出面果D加左好多粉食落彈牙得黎都會有番本來魚肉既質感如果你鍾意飲湯，食魚同埋好鍾意食泡飯既話，下次黎到荃灣就一定要試*之前見到元朗都有一間叫鱻既店，以為係分店果日同D伙計傾計，先知原來佢地係無關係架 

話說呢日同男朋友行行下街, 無啦啦唔係好舒服, 但又未食野….由於一早決定去食魚鱻(想食好耐,但一直都食唔到)… 所以少少唔舒服都冇理到…照去男朋友叫左個炸魚餅泡飯, 加左個枇杷豆腐 (因為真係唔係好舒服, 所以都係食男朋友少少算)Wow…炸魚餅泡飯黎啦…睇落去 個炸魚餅好似真係好炸又好油咁, 但咬落去又唔係想像中咁熱氣…D魚肉好結實, 彈牙, 香口, 但唔係油膩先係main point!!!泡飯都好正架!!!! 因為個魚湯真係好幾鮮甜 (我見d人話呢間野d湯底, 時濃時淡, 睇黎我都幾好彩) 男友都食到lam lam脷至於枇杷豆腐, 我唔道原來係炸架….哈哈估唔到又幾正啵!!!!好熱辣辣架!!! 鐘意食脆口/香口野o既朋友, 可以一試!!!

與老公到荃灣區很出名的魚湯專門店午餐。自家制潮州炸魚片：像印尼蝦片一樣，油膩，失望，因以為是以前的香港仔山窿謝記或筲箕灣的安利這些炸魚片。招牌魚滑魚湯米線：魚湯㡳較清淡，魚滑新鮮彈牙，米線一般。自家制魚湯餃子：魚肉配韮菜很健康，味道好。

朋友話呢間魚魚魚魚好好味，今日去左試。餐牌真全魚，我就叫左魚湯米線。果然名不虛傳，我未食過魚湯米線有成條魚！個湯好入味，加埋d豆卜入埋魚湯d味，真係好正！下次可以再試！

同老婆幾鍾意入荃灣，多街行又多野食。但住得遠，每次入去先事先諗諗食咩。呢期近X’mas，肯定有三高，兩口子都係清清地算，揀左食評都唔錯係魚鱻…我同老婆都係鍾意食魚同飲魚湯…佢用魚湯底做招倈，實在有d期望。位置話易搵唔係，話難搵都唔係…唔熟路既我，都係要問一問人先去到。無諗到去到要等，等都好，証明無得點輸。企係街度睇下有咩食…其實好想食佢 d 炸雞炸豬扒，但係魚食專門店，第一回都係食魚穩陣！點左一個招牌魚滑米線，炸魚片同魚湯餃子。一黎試下個魚湯，色水清淡，同自家滾魚湯實在差太遠，雖說係街食算係咁，難免失望，勝在唔覺有味精。魚滑實淨彈牙，份量十足，有水準！炸魚片就好特別，諗住係安利或香港仔果款，原來唔係，食起來似薯片，味道不錯，但係就太油，少食為妙！最後就係魚湯餃子，呢個要讚，菜及魚肉份量好，唔會一味多肉或多菜，味道亦高得好。雖然唔算好驚奇，但都想要試魚鮫魚腩呢…下次啦！

吃過這間很多次了 是我想吃得清淡一點時的會到的 今次叫了招牌魚餅米線和油菜一碟魚湯依然清甜 魚餅有兩大片 米線分量很多  只是 魚餅的油多了一點沒有味精的簡單味道 吃完很滿足  

每次行過都俾佢個名吸引住😂😂今日趁吾洗排隊就入左去試下。本身想要個鯇魚腩米線，但可惜已經賣哂，於是點左個招牌魚滑米線。魚味吾夠濃，但湯底都幾清甜，應該真系純天然煲出黎 😀魚滑夠哂彈口，而且價錢都吾貴又夠飽👍🏻👍🏻

早兩日腸胃炎,大病初瘉,午餐不想吃太多,行開路德圍,見到"魚鱻"?點讀架?不過入面坐無虛席,真係咁好食? 所以就入去試下..環境較舊,跟很多路德圍的街坊食肆一樣,舊代表人情味,也代表立足多年而不倒,必有過人之處.睇睇餐牌,真係魚湯專門店最後叫左招牌炸魚餅湯飯跟和米線魚餅一絕,熱騰騰即炸,上碟不算多油,食得出新鮮鯪魚味,外皮香脆,厚厚的魚餅中間仍非常多肉汁.魚湯不算濃味,看看舖內指示,原來夜晚6點後才有燉湯供應.今次緣慳一面.有機會再來試試