魚眾不同酸菜魚 (啟德一號) (已結業)

星期日6:30 晚飯，預先打左電話訂左位，因為7:00 前會滿座 。啟德新區，餐廳選擇唔多，呢間價錢較實為，食物質素屬中上，用料新鮮，所以用餐時段都幾多人。四個人叫左:1. 青花椒酸菜魚 （跟飯／米線／薯粉2 碗)- 一條生魚，生魚片大大塊的，挺新鮮。辣度足夠，香料配菜唔吝嗇。叫左薯粉同米線，比較襯個酸菜汁。姐姐服務態度麻麻。食完飯，坐左陣同友人傾計，姐姐埋黎執枱，將碗內辣汁倒進大碗時把辣油彈到友人件tee shirt，姐姐睇到都冇道歉又冇停手，繼續倒同繼續彈，難道這是趕客交枱的方法？辣油彈到衫係比較難洗，他們應該要小心同多加注意吧。

[ #caloriefoodie九龍灣 ]• 魚 眾 不 同 酸 菜 魚 •🦦-平時食酸菜魚都係一大盤同朋友share 呢度有一人份量 唔洗大家互相遷就辣度！-🐟青花椒酸菜鱸魚薯粉 配薯仔、蘿蔔 💰$75餐牌上面寫得半隻辣椒🌶️但都幾辣下越食越辣 唔係太食得辣嘅話建議可以拎起啲辣椒先鱸魚好滑 冇魚骨 不過略嫌有啲細舊><薯仔同蘿蔔切得好薄面 容易索曬湯底味道👍🏿-🐤花膠濃湯雞煲 💰$78雞湯幾好飲 撈埋啲飯變湯飯幾好食😋雞係雞髀肉 好滑 雞煲入面仲有兩舊花膠🤤-🥤利賓納梳打特飲 💰$12 (加配)🧊紅豆冰 💰 $12 (加配)兩杯野飲都唔錯 適合配辣野食ʕ•ᴥ•ʔ-📍九龍灣沐寧街8號啟德一號(II)1樓A號舖-#caloriefoodie

呢排經過啟德探朋友，順便黎試下新餐廳。檸檬味酸菜生魚片呢個湯底我好like，佢係平日嘅酸菜魚湯底，加啲檸檬味，口感比較creamy唔辣，比較清新嘅味道。配料加左蒿荀、腐皮同薯粉，薯粉喺湯底索左啲汁，更加好味! 青花椒酸菜鱸魚呢個係傳統正宗酸菜魚嘅味道，怕辣嘅朋友就要試其他款式啦，我就鐘意佢夠辣夠過癮，咁先夠正宗。有得選擇配料，有蘿蔔、娃娃菜、薯粉，娃娃菜同薯粉一樣都咁索汁，特別係娃娃菜吸曬啲辣味，超過癮。青蘋果梳打特飲呢個梳打幾特別，有少少酸酸甜甜咁，用黎送野食解辣一流。

每一份生魚片都可以自選兩款配菜及一款麵類青花椒酸菜生魚片$69配腐皮 萵筍 薯粉檸檬味酸菜生魚片$69配腐皮 豆腐 薯粉每份份量好多，薯粉另上，兩碗酸菜魚魚片都好滑青花椒湯底愈食愈辣，麻香辣都齊。相對唔食得辣可以選擇檸檬味，因為有檸檬酸中和，冇咁辣。食酸菜魚一定酸腐皮（豆皮），萵筍又爽，薯粉軟硬適中。有幾款酸菜魚湯底及魚類可供選擇，除了酸菜魚 更有其他小菜選擇。以晚餐計，一碗酸菜魚$69，價錢合理，啟德街坊有福了。

朋友住啟德，藉住啟德站開通咗之後去佢屋企玩，然後一齊去咗呢間酸菜魚店食。係啟德一號果邊，夜晚嘅時候都好多人食。我唔食得辣但朋友好想食辣，所以我哋分開嗌咗一人份系列。（唔辣）老壇酸菜墨魚配米線$85（配料加金針菇、蘿蔔）米線另上，可以自行加落酸菜湯入面，份量剛剛好，酸菜湯底酸酸地好開胃，墨魚爽口份量多👍紅豆冰$12朋友揀咗辣嘅老壇酸菜鱸魚配白飯$75（配料加金針菇、娃娃菜）凍檸樂$12整體好食但價錢偏貴，感覺上食招牌菜一大碗嘅酸菜魚性價比會更高！

#川菜eatcovery #啟德eatcovery💡一人一碗酸菜魚上次食左酸菜魚，成日心思思想再食！於是專登上網搵下有邊間有平靚正嘅酸菜魚，搵到依間新冒起環境超舒服、乾淨企理又惹味嘅地道川菜☺️🍽 青花椒酸菜配米線生魚片（加配豆腐皮、黑木耳） 小編平時喺譚仔食緊bb辣，見佢得半隻辣椒，心諗應該無事啦， 但飲完幾啖湯之後，feel到有小小出事啦😂 辣度偏辣，所以食個陣最好好似小編咁整走啲辣椒，咁就唔驚愈食愈辣。青花椒味道食落會有小小麻痺既感覺。生魚片內裏嫩滑，食到好新鮮嘅味道，而且無骨，可以大大啖擺落口。而配料豆腐皮同黑木耳索曬啲湯汁，好入味。🍽 老壇酸菜魚湯配手打薯粉爐魚片（加配金針菇、豆腐） 老壇酸菜魚湯比起青花椒酸湯底再酸啲，再辣啲。同時，仲飲到魚湯嘅鮮味😋 自家製嘅酸菜夠脆夠酸，好開胃！爐魚片保留返魚皮，夠曬新鮮，食落好嫩滑，完全無魚腥味！金針菇同豆腐吸曬啲精華湯底，勁正🧡手打薯粉比較腍身，易咬同消化，同埋勁大碗，性價比好高！🍽 菠蘿鹹梳打特飲飲落好fresh，菠蘿味重，啱曬食完辣個陣飲番啖，好解渴，推介！🍽 凍奶茶茶味偏重，但仍然幼滑。ps/整體黎講，非常抵食！而且湯底、餸、主食

好難得一間酸菜魚可以有一人份量，今日自己一個lunch就試吓呢個一人份量嘅酸菜魚。我叫咗一份唔辣嘅酸菜魚、配土豆同埋海帶，紅薯粉。魚就要左龍利柳！呢度碗酸菜魚份量好大，魚柳大概有6-7塊，海帶切絲、土豆薄片上。湯底重酸味，一啖湯一啖魚好過癮！

出面食酸菜魚通常都係一大兜要成2/300蚊先食到🤔有時想自己一個想食酸菜魚呢度就啱晒啦👍🏻有酸菜魚一人餐 最平$58就食到🤩有3種魚可以揀 仲有9款唔同湯底選擇 辣同唔辣都有😝款式極多總有一款啱你口味🤤 - 檸檬酸菜湯🍋生魚片🐟腐皮+娃娃菜+米線 $69 食酸菜魚湯底最重要👍🏻呢個湯底好特別 加咗幾塊檸檬落酸菜湯底 🤔酸味更濃🤣成件事清新左☺️簡單來講就係酸酸地但係感覺好fresh咁😚生魚片好滑冇碎骨 切到好薄好入味 仲要份量都唔少🤔腐皮娃娃菜同米線朔哂啲汁 完全冇得輸主要係個湯底好好食😝 - 番茄濃湯🍅 鱸魚片🐟金針菇 +萵筍+薯粉 $75 蕃茄湯底啱晒唔食得辣嘅肥仔肥妹☺️即係我哋😂估唔到湯底都幾濃番茄味🤤鱸魚片食落同生魚片分別唔大🤔一啲都唔腥好滑👍🏻金針菇同萵筍都係好試到湯底好唔好食嘅配菜😋再加埋煙煙韌韌嘅薯粉好滿足🥰 如果唔夠食仲可以追加其他配料🤔全部都係5-20蚊好抵食!!另外 想食翻大大盤個隻酸菜魚 呢度都有架 一兜夠2-4人食👨‍👨‍👧‍👦👫同屋企人或者朋友嚟就啱晒啦😋仲有 佢地啲麵係分開上 唔驚等耐左啲麵淋曬👍🏻 除左酸菜魚之外 估唔到仲有煲仔飯食😳去開個頭嘅不妨試試😍

🥇多款辣辣酸菜魚🌶🌶🌶.有別於一般既水煮魚、酸菜魚煮法😍呢度啲湯底選擇非常多：四款酸菜味、兩款辣味、兩款唔辣湯底👍🏻今次我哋就簡左青花椒酸菜味（1隻半辣椒🌶️）金湯酸菜味（兩隻辣椒🌶️🌶），真係好惹味！但越食越辣😂結果辣到老人家我飛起🙈.一人份係有得簡主菜一個、配菜兩個😋主菜試左唔腥冇骨既鱸魚片🐟同彈牙有口感既墨魚片🦑配菜：有啲難咬豆腐皮、超大塊薯仔片、薄薄萵筍、爽滑木耳😝薯粉特登叫左煮淋啲👍🏻係我喜歡既淋😋😋

夜晚9點左右係屋企附近搵野食、由於啟德區選擇少、就去左屋企樓下間魚眾不同 諗住簡單食個米線。入去餐廳時店員講九點半截單、九點十清場。因為都係簡單食幾個字、無問題入座。叫左個肥牛米線加凍檸茶$76。好快就上菜、味道非常一般、價錢就唔平、性價比低！食到一半 大概9點5左右、店員行埋來話要9點半前埋單、由於我比八達通和就來食完、同左佢講轉頭出去埋單。唔夠3分鐘又多二個店員來 催、話公司規矩9點半前要埋曬單、如果覺得有問題下次可以唔來。我心諗咁既價錢咁既味道再加埋咁既服務、點可能再幫襯、最後9:31分未食完就嬲嬲地出去比錢走人。食緊野果陣有枱客叫左店員幾次都無人應、因為佢地掛住吹水。今時今日咁既服務態度、想受氣可以試下🤬。另外呢間鋪有好多高級會員寫食評讚食物好食、唔知其他野真係好食定有其他原因。總之永不光顧！

我在23/8叫晚餐啟德店，叫了二個魚薯粉，其中一個加了肥腸，送餐員有禮準時送到，但收到外賣看時，打開見加了錢的肥腸沒，打去同店職員説，最搞笑店員態度答我，吓….你的餐有冇送先，我說當然有送，只是加錢的肥腸沒來，但在戶戶送收了錢，問點處理，聽電話的職員說咁幫你唔到下次送番俾你，我就覺得好搞笑，間店職員出餐冇看清楚就俾外賣員，做留單，沒講對唔住仲要態度不知所謂，我同佢理論話我同佢吵架，店問題想客人自己承擔，這間店有這些店員，點會有客吃，我話投訴，佢叫我投訴，所以我就寫這評核…..叫佢叫經理或老闆講，也自己不停吵，最後處理完戶戶送退回錢，但其實吃完碗魚薯粉，完全好普通沒特別，同唔值97 lo….啲魚沒完整係碎，所以不會有下次…..整體完全唔ok,如食家要吃可以考慮其他店舖

其實我都幾鍾意食酸菜魚，但可惜酸菜魚次次都好大碟，大部份時間都係得我同男朋友食，其實成日都食唔晒，覺得有啲浪費！始終咁大碟魚都係比較適合多啲朋友聚餐嘅時候share黎食，而今次終於俾我搵到可以一個人食酸菜魚都唔怕既餐廳啦🤩🤩呢間餐廳有啲似米線店咁，揀咗你想要嘅湯底之後再揀一款你想要嘅主題配搭 （魚或牛），之後再加上兩款嘅配料！🍡老壇酸菜驢魚 HK$75今次揀咗唔辣，所以個湯底都係帶酸味，好開胃！配菜方面今次揀咗鱸魚，海帶絲，同豆腐皮！而主食方面就揀咗白飯，因為真係好耐冇食過湯撈飯喇🤣🤣🍡山城毛血旺 HK$69毛血旺主要係以鴨血為主菜，而且配料好多，湯底又夠辣，啱晒我男朋友呢啲咁喜好辣嘅人士！作為無血旺有嘅材料佢都有！而且嚟緊喺我屋企附近都會開一間，睇黎我應該會成日去食添🤣🤣

同屋企人參觀吓啟德依個小區順便去食酸菜魚😋欣賞依度有一人一鍋選擇滿足到每個人唔同嘅口味因為大家都唔食得辣今次我哋試咗唔辣嘅老壇酸菜魚配生魚片 萵荀同海帶湯底口味正宗 略嫌有啲咸 食到尾都有啲跟渴生魚片超滑 份量都多 自己一碗都食唔曬屋企人就試咗蕃茄湯薯粉其實就係出面米線鋪食嘅感覺因為湯底係完全冇酸菜嘅🤣依方面有少少失望 覺得酸味可以重啲三個人每人一碗魚 叫左兩杯野飲埋單二百左右 價錢略貴下次會試吓一大盤嘅酸菜魚😙

屯馬線開通真係多咗好多機會探索更多美食！啟德站本身係舊機場，而家發展到好多商廈、餐飲是未來的核心區域！一於喺哩度留底腳印👣「魚眾不同」佢嘅因為裝修靚到 吸引曬經過嘅人！樓下已經大大個牌 知道有得落腳話說我都幾鍾意川菜嘅味道！一於試下佢！本menu大大隻字，睇得好舒服！可以一邊嘆一邊望出去 睇住發展中的啟德view！舒適！

依加嘅啟德除咗豪宅真係乜都冇，如果唔係知呢間食酸菜魚出名，另一間分店又係大西北真係唔會想黎😂不過都絕對冇後悔特登過黎，間酸菜魚真係好食，真係與眾不同🥳.🫑青花椒酸菜鱸魚(腐皮 萵筍 薯粉) $75飲一啖湯已經知個湯係好嘢黎😍好夠麻好夠辣，勁刺激食慾😆雖然係一人份量，但兜酸菜魚再加碗薯粉真係超級多，再加埋飲品，飽到個肚就爆🥲酸菜魚嘅配料有好多選擇，小編都係跟返最常見嘅配搭叫咗腐皮同萵筍😌.🫑老壇酸菜生魚片(腐皮 生菜 米線) $69湯嘅色水雖然兩款都差唔多，不過味道都幾大分別😗呢款就偏酸啲，上面嗰款就偏麻偏辣一啲，個人會覺得上面個款更加出色因為真係好刺激味蕾😍兩款魚其實都已經好好食，鱸魚較貴亦都食得出比較彈牙爽口😋生魚片就偏淋一啲鬆散一啲😎但兩款魚都完全無骨同好滑，好食好食🤪.🍹紅豆冰 $12唔係呃你地，杯紅豆冰真係好好飲🤣勁重奶味，絕對唔係落奶粉再溝到好淡嗰隻，陣味真係幾驚喜🥳.🍹利賓納梳打特飲 $12咸咸甜甜，有種刺激感，送辣嘢一流🤪最重要係冇藥水味😂.💰人均消費: ~$80.🍽味道: 4/5🏙環境: 4/5👨🏼‍🍳服務: 5/5💧衛生: 4/5💰價錢: 4/5