魚心日本料理 (已結業)

very bad 既係佢既服務!!!我既套餐有個salad!!咁我地食完佢都未拎黎我地叫左好多次.係,佢地好多人.但係!!佢開頭都停低聽我講完,話「我check check」好幾個人都有得食salad,我都未有,叫佢,佢直情唔理我就走左,之後有喇,就話.你既salad到左喇。就繼續去店入面入一點既第2張table 上菜,我以為係佢後面有人拎比我。原來.係佢放低左2張table 的菜.先再返轉頭比個salad我。very bad!!d 野食唔使講。我食既係curry 吉列雞扒飯。勁辣+.....唔係吉列黎既!!!只係燒雞,有無攪錯。有甜蝦sushi一蚊隻.我想話,好難食好唔新鮮。o god!!無下次啦come on!!

yeahyeahyeah~~和同學仔做完極其無謂既dissertation黎慶功！！yeahyeahyeah~~~~~~~~~~~~~五個人食左帶子sushi<-佢地話好唔新鮮！又細隻喎，賣相好唔得海膽sushi<-海膽少到抽筋，又唔新鮮喎，賣相又係唔得我地食到面容扭曲！螺子sushi<-佢地話甜魷魚sushi<-又係細細件，"un"左dd，唔新鮮唔抵食太卷<-唯一好味既sushi，有饅魚、蛋、蟹柳、青瓜等什錦野炸蠔<-裡面生既！！though i like生蠔，但感覺得怪囉！外面脆裡面生，又唔算好新鮮喎。20隻生蝦<-某同學無同我地商量食幾多，就同waitress講要20隻，O 晒咀！！but細細隻，so 20隻唔多。$1隻！牛肉鍋<-這個不錯，有牛肉、丸、菜、豆腐等等一至兩磅三文魚魚生<-reasonable taste軟殼蟹手卷<-好多軟殼蟹，抵食兼好飽，但唔夠脆蟹籽沙律<-麻麻地豬軟骨拉麵<-不錯咖喱豬扒飯<-豬扒麻麻地燒年糕<-麻麻地，似某隻零食overall我覺得

日本餐廳價錢大排檔服務，分分鐘鐘大排檔服務比佢好。事源，星期一晚一行五人入左去食飯，其中一位同學知道佢lunch好抵食，原來晚餐就另一回事，不過算數，都坐低左，就叫野食喇，個亞姐d態度呢--問佢野就叫我地自己睇，好，自己睇就自己睇喇，同佢講左唔要某樣野，講左兩次都聽唔到……野食到，上菜個亞姐又係好得ga wor，係個客面前將個蓋掀來掀去，你唔識睇左先比客ga咩？都算！d食具塴ga，燈又暗，成間黑店咁……比錢時仲搞笑，我地每人揸住張一百蚊紙，叫個老細分開比，佢話唔得wor，真係想同佢講句「有錢你唔收即係走得喇！」有咩老細就有咩員工呢個道理係十分正確。

悲傷的一天，吃甚麼也無心情和無味。暖暖同我都見呢度ok平，加$15又可以食三文魚刺身，所以都不再揀了。我叫的辛雞烏冬，好惹味，暖暖話好好味，緊係!他太鍾意食雞喇。他自己叫的，也是雞，不過是飯，味道都唔錯。惠顧滿$50(淨價計)，加$15有8片三文魚，都幾鮮味，又大片。連加一$100.10。

唔知係咪我篇食評太bitchy, 令我第一篇食評石沉大海。I'll try to type it in a less bitchy way.昨夜跟細佬妹看完電影, 細佬話想吃日本菜, 我又懶, 見到此食肆的宣傳易拉架, 便企圖一試。一入到去, 環境真麻麻, 很暗, 很窄, 感覺不舒服。我先去了洗手間, 旺角食肆洗手間多數在後巷, 環境有幾好可想而知。但我在其洗手盤上發現了米奇的排泄物, 令我對此店的衛生沒太大信心。叫了一碟牡丹蝦卷及一碟吉列炸蝦卷。前者有三文魚及牛油果作餡, 牡丹蝦就真係食左都唔覺有, 感覺好似被騙一樣。吉列炸蝦卷鋪上染了青色的蟹籽, 因為牡丹蝦吃不到蝦, 所以我特別留心此卷物, 結果是只吃到大大件炸粉, 蝦可能太小, 我留意不到。整體兩款卷物都不是我杯茶。那醬油的味精, 在我口內歷久不散。感覺很差。

今次的選擇, 是extraordinary stupid的。十分後悔。同細佬妹睇完戲, 細佬話要食日本菜, 本想搵板前, 點知唔識路, 見街上面棟左個牌話"15蚊半磅三文魚, blablabla..." 唔想再行, 於是上當。話說在前頭, 唔係我一入去就拜訪左個洗手間, 我是絕對會調頭走的; 不過唔係我一入去洗手間, 見到環境咁惡劣, 仲o係洗手盤見到曱x屎, 我又未必會抗拒成咁。求其叫d野就算數下, 3個人叫了一碟牡丹蝦卷及炸蝦卷。前者唔係見到個牡丹蝦頭的話, 都唔知道係牡丹蝦壽司。食就完全食唔出有蝦。後者更過分, 炸蝦只吃到炸粉, 極其量只可叫炸粉卷。拿拿臨吃完埋單, 老細可能見我地食咁少, 整個付鈔過程老細都無同我交流過, 仲好意思收我加一.....食完後, 味蕾殘留著醬油的味精味, 十分討厭。應是第一間5分食肆。這5分, 是俾多了此店。

我果日同我阿媽去過呢間食日本野。以下係我既想1.裝修好唔得好似幾十年前咁，尤其係2 樓，好似潛建咁。1樓都幾迫，我不喜歡比人叫我坐左近後門位，感到好dirty, 好在後尾有人走左我地可以坐番個正常d 既位2.食物ok 我叫左好多小食, 因為2 位女仕，實在食唔到好多。其中有炸香蕉好似$28 定$26 , 唔錯,可能我鐘意食香蕉啦，唔係太油，而且有一層好似係肉, 都幾好食另外有燒茄子$10，呢個我好記得，$10真係超抵, 而且份量都好夠，茄子上有d 醬, 好好味, 仲有少少木魚,上枱仲好靚tim不過佢d 熟食好耐先到, 唔知係咪要有幾枱一齊order 左先做啦....魚生同壽司就不過不失啦, 我見佢話$15 / $25 ?? 半磅三文魚我都冇乜期望。只係希望唔好肚痛就得啦。可能因為冇期望, 所以冇失望反而有少少驚喜。壽司好唔錯，細細舊，岩岩好一口可以食到，而d 飯都好好味，而且好似唔過$15 有兩件, 都真係好抵。三文魚…. 份量唔係好多, 不過都ok 新鮮, 都幾肥美啦。至於甜蝦..就真係差d 喇, 好細隻同埋冇乜味, 不過一蚊一隻就由佢啦3. 侍應唔ok 我叫野食, 佢地好成日都見唔

我自問對食物要求不算很高，好鐘意食日本野。食日本野好多時會留意食物新唔新鮮同埋有冇新款特色野食。講真新鮮我就唔話好識分，我會覺得百佳惠康果d 唔新鮮law。魚心壽司呢，我食左好多年喇，因為我同男朋友在n 年前食過一次，都覺得不錯，以好多時去旺角都會去食。請記住, 不錯，不代表好正，也不是必定推介, 一定要去果種。我個人認為要計一間食店好唔好, 好多時都唔能夠只計好唔好食,好多時都要睇下你去左乜野地方,食價錢如何先至公平。大家都知呢個世界一分錢一分貨，你比$25 去食半磅三文魚，你唔好期望會有一級的三文魚啦。好似有些店, 2 件三文魚壽司都要$15 啦,所以邊有得咁比?仲有佢地d 壽司( 一般好似三文魚呀, 魷魚果d ) 都係$8,$10 兩件,即係$ 4-5一件，我次次去都食，有時係會差d ，但$ 4-5一件, 同百佳價差唔多, 但至少不機制的......你想要求什麼?佢地d 甜蝦係好細隻，但是只賣一蚊一隻，唔通你又要求, 要好似平時幾廿蚊一客果d 咁你先話好抵食，好正咩，推介咩？至於其他食物，我又有一個見解。一間店，沒可能做什麼菜都好出色，可能只有一、兩樣出色的或好一些的，但香港人那

日期:11月26號下午一點幾人物:我同老公仔食物:魚生飯(我既)+金菇牛肉卷&雜錦天婦羅便當(老公既)魚生飯:魚生係一片片同我之前食果d唔同(食慣係一粒粒既)，三文魚太肥，唔靚！都有幾多款既魚生既，d蟹柳擺到明係超市買果d，好雪，其他不知明既魚都ok既。金菇牛肉卷&雜錦天婦羅便當:牛肉超熟，唔好食，天婦羅過油，味道都可以既！服務:唔得啦！個感覺同茶餐廳d侍應冇分別，客又唔多又嘈嘈貢！係個價錢抵同未黎過先試下！

我同我bf在9/11夜晚去食,諗住未試過就食下la..點知..果日我地叫左:<鰻魚炒飯>同一般揚州炒飯差唔多,只係加左d鰻魚,一d都唔好食,之後我加左d鼓油先食得落<3文魚同甜蝦>無咩特別,甜蝦好似生前無咩點食野咁,好細條,3文魚有d厚但無咩味<炸蟹鉗同炸芒果卷>前者有d蟹味,但食落又好似食緊一舊粉咁,後者一d都唔好食,我食左半舊就無食<2串燒豬頸肉>呢個ok,我同我bf都覺得呢個係比較ok差唔多食到尾果陣,入面廚房d人洗野,彈左d水落我到,真係谷氣(因為我地果次坐o係汽水機前果個位)..今次真係鬼"暗"眼入左去,雖然唔貴,食左約$130,但寧願將130豪食m記仲開心-.-""請我都唔會再去!!!!!

二人晚餐, 見到門口有三文魚刺身做優惠, 所以一試. 壽司點左媽媽魚, 鯨龍魚, 白鳥貝, 黑鳥貝同鱆紅魚, 另外叫多個清酒浸雞翼. 滿$50 所以可以優惠價$15 食半磅三文魚. 媽媽魚食到M M 聲, 好似條魚死左十年咁, 橫屍係舊飯上面. 鯨龍魚d 味道麻麻. 白鳥貝又係一舊唔知乜野啦, 黑鳥貝完全貨不對辦, 唔係黑色的, 但佢又話冇俾錯. 鱆紅魚算最好, 口感同新鮮咁都係番度. 碟三文魚刺身就顏色方面已經知道舊刺身既新鮮程度, 算吧啦$15 唔可以望佢有咩回報. 清酒浸雞翼比較淡, 過清略嫌. 員工又冇乜野, 算係落單快, 加水快. 埋單仲要加一, 唔係咁好喎.

尋晚去呢間野食, 朋友叫左雜菜拉面, 我叫左鰻魚拉面, 再每人一件三文魚手卷!!首先入去, 俾人屈左係門口位坐, 迫到亞媽都唔認得, d野食唔好食, 三文魚個size都唔知有冇一節手指公咁大.. 之後有一班人入黎, 個侍應叫我地轉枱, 轉去收銀後面果個位, 兩個人背住門口坐, 跟本入都入唔到啦, 有大班客大晒咩... 我地唔係客呀, 我唔坐, 佢就轉左後一張桌, 但係都係入面位, 坐多兩秒我地就走喇, 俾錢果陣, 原來要加一, 哈哈.. 咁既服務仲有面收加一, 一定要Bad List!!!完全無誠意既食肆

回應berryhare(非會員):你一定係做媒!我上個星期去,明顯少左好多人,唔爆,到走果刻終於明白點解習慣講優點先,等大家印象唔好咁差唯一進步左係佢\d壽司既飯,挾唔散入口先散溫度,酸味適中,算係中上,但佢\個shape係亂黎,下等去過板前就知只有大師父先可以整壽司,師父仔唔準掂半板海膽刺身>應該係香港貨,好一般好細粒,其實算貴,芒果芝士卷>特別之選,算ok,但芝士少,皮太厚差:廿隻甜蝦(1蚊隻): 瘦及細得可憐,無味,我懷疑佢\係搵d街市蝦毛自己整三文魚刺身:瘦,少梅,無味嚴重缺點:應該易左手d waitress 全部唔係路,生手,無禮貌/image可言睇真d全部係10蚊粉面d樓面阿姐,一係D第一次出黎做野既後生女,全無笑容落單果個唔係乞人憎,只係無做任何禮貌既野姐,如多謝晒,落完就咁行左去,間中黎收碟時成個頭哄過黎裝,好唔舒服仲想走埋黎加茶,即刻拿起杯茶先!個炸提子好耐未黎,查下原來無落單,咁落番點知第二個阿姐落完去左同其他人吹水,唔記得落俾廚房問佢\就敷衍我話\"好快\",忍唔住要問佢\\"即係幾快呀?廿分鐘喇\"佢\仲昆我話\"D提子要炸耐D\".....漏單

食物創新之餘, 材料新鮮!價錢合理,唔會貴價唔飽.職員態度可以地方略嫌唔夠乾淨

聲稱25蚊半磅既三文魚只得四分一磅, 勁勁勁呃錢.淺橙色, 顏色唔靚又唔新鮮.手卷和壽司紫菜也唔新鮮, 啉謝謝.$61蚊位. 超唔值.精明的網友們:「** 100%不要上當**」