影片
食家推介
蜜桃吉列虾卷餐估唔到咁平但份量都唔少，虾卷有成6件！入面嘅炸虾好香脆，加埋好甜又多汁嘅蜜桃，真系好好食！食完虾卷唔够饱，套餐仲有碗拉面～虽然拉面个样好似好普通，但面条都好弹牙！套餐仲包埋汽水，而佢d汽水系玻璃樽装，超够气～
继续阅读
系旺角，有一间超抵食嘅日本餐厅🍣🍥🥢价钱好抵，冇谂过味道还可以😬😬出面食一个吉列猪扒乌冬至少都要$60🤓但系呢一间餐厅个价钱都比较亲民，而且选择嘅类型都比较多😌吉列猪扒乌冬 $45加钱换赞岐乌冬🫶🏻香浓嘅猪骨汤，乌冬嘅配料有粟米、昆布同埋生菜😍其实食落去都有家嘅味道，佢哋嘅吉列炸猪扒配镜唔系美乃滋😂而系出面好少食到嘅梅子酱🍋🍋酸酸地甜甜地，都几开胃🫶🏻寿司咖喱饭套餐（杂锦寿司） $45啱晒食量比较大嘅人😂 先来一碗咖喱饭，然后再嚟多个八件唔同款嘅杂锦寿司🍣🍱份量超级足够🫶🏻
继续阅读
$50有找的日式午餐，想好食? 笑大人个口。午餐有一碗拉面，五件火炙三文鱼加州卷。这个价钱，吃得够饱坐得OK都好啦。加州卷，面头有小块火炙三文鱼，不太大，够盖过饭，微微暖的温度。少许鱼籽加少许脆粒，至少够大件够饱肚。$50套餐还包括罐装可乐，不划算也难称贵吧拉面像即食那种，没特别的，面条腍，没有咬口，汤底偏淡，要加些七味粉；也没有甚么配料，只有些粟米粉、紫菜等。你说要质素，一生悬面应当高一些，不过要抵食夹大件，呢度又唔会输。
继续阅读
呢间已经食过好几次～同Friends系旺角经常都谂唔到食咩好，又唔想食得太heavy（想饱而轻食)同唔想太贵…………又想慢慢坐低食下嘢倾下计……………真心系闹市真系唔多～如果你又想过下口瘾食日本嘢呢间个人认为非常符合条件～～～呢间令我好怀念另一间香港人开系大埔既平民日本餐厅，又有人情味食物价格又合理又平，可以话好有为街坊客既感觉今次叫左支清酒𩠌下下酒菜：鸡软骨-呢个直程前后叫左两碟，炸得唔会好干好juicy,食住𩠌酒同朋友吹水简直冇得输！木鱼丝豆腐-正常菜式，外脆内软而保留清淡感，觉得唔够浓既都可以点下佢啲酱汁点缀下～炒野菜-够镬气～唔会太太太油又唔会不味浓，食到蔬菜自身既甜味鱼-个人就唔太高要求，都系正常水准，秋刀鱼咀嚼都慢啲，其实系可以连骨食～简单嚟讲，好钟意咁家庭式既菜式，有时唔洗太取巧,简单啲亦可以～讲真，一分钱一分货，若果要食真•日本菜既话咁阁下可以稍移玉步，系香港地已经咩都贵…何苦要再对呢类平民价既餐厅诸多要求呢？大家都系揾食啫，唔啱食咪最多下次唔去，任何情况下先认请自己想要啲咩先～当然，卫生上每间餐厅都一定有所进步既空间，明白冇边餐厅系100%有卫生问题，始终系食落肚既呢方面不容忽视既～BTW,一定会再帮衬。
继续阅读
今日同朋友嚟到位于旺角食肆聚脚点 女人街嘅 鱼心日本料理。一行四个人想平平地食多啲，于是叫咗三个set同两份小食。要知道佢嘅一份set系包咗一碗咖喱饭/拉面/乌冬同埋6件寿司！咁嗌法，上菜嘅排场已经十足十放题一样，张台都差唔多摆唔落。😂在评价之先，鱼心嘅价钱已经同大家讲定，呢度系重量多于重质，要用番适合嘅一套标准品评。我地三个餐分别叫咗三款寿司：火灸三文鱼加州卷、鳗鱼玉子加州卷同埋水蜜桃炸虾卷。摆盘系靓的，食落正正常常就足够有余，唯独想说水蜜桃没有水蜜桃的味道，但是是有平衡炸虾的清爽的（对本人而言其实正好🤣），而鳗鱼就零期望零失望吧。小食方面，点了冻豆腐同埋盐烧鲭鱼，两个字总括：大份。而其实大份之余，味道也不差，至少鲭鱼系食唔出腥味。火灸三文鱼加州卷卖相：⭐️⭐️⭐️⭐️味道：⭐️⭐️⭐️价钱：⭐️⭐️⭐️⭐️⭐️鳗鱼玉子加州卷卖相：⭐️⭐️⭐️⭐️味道：⭐️⭐️价钱：⭐️⭐️⭐️⭐️⭐️水蜜桃炸虾卷卖相：⭐️⭐️⭐️⭐️味道：⭐️⭐️⭐️⭐️价钱：⭐️⭐️⭐️⭐️⭐️埋单每人$70食咁多款食到饱，啱晒我地呢啲平民🫶🏽
继续阅读