魚一壽司 (教育路)

营业中

休息中

諗住去南生圍行下拍下拖仔，點知陣雨完又陣雨😭咁唯有係元朗周圍行下。一直行行行，到肚餓啦，雖然只係五點，依然搵間餐廳食個晚飯先見到呢間咁多哈哈笑，就你啦入到去就已經有陣好香嘅壽司味岩岩五點仲可以叫lunch set火炎壽司燒得好香，口感鬆軟，好味呢個set啲壽司都好新鮮，鮮甜

今日入開元朗做嘢，做完嘢就搵間日本餐廳食飯，呢間日本餐廳下層就係做外賣，上一層就係堂食，感覺好似之前去大阪嗰啲小店。餐廳嘅選擇都不小，咁我哋就每人都叫啲，可以share。點左12件壽司，個人就最鍾意火炙壽司同海膽蝦壽司，三文魚好肥美，燒完之後更正，完全融化左。海膽蝦夠鮮，都係燒過之後，味道更濃。牛肉他他壽司係外面嘅餐廳都好少見，牛肉味重，口感似燒牛肉，吞拿魚腩軍艦，有少許失望，乾身左少少，但整體不錯，絕對抵食。和風牛肉鍋$68，因為食凍野都想食少少熱野暖下個胃，份量不少，入邊有肥牛，金菇，雜菜，所有蔬菜吸咗個湯汁有少許甜味，好好食，肥牛熟程度剛好，不會過太硬。吞拿魚刺身$38，有4件呑拿魚比相象中甘香，而且每塊都切得適當的厚～這幾片吞拿魚刺身完全沒有令人失望！雜錦魚生沙律 $48，分量頗多沙律內有三文魚，吞拿魚，油金魚，配上新鮮蔬菜，加上調味過的黑醋橄欖油汁，非常美味！自選丼飯$108，餐廳話要六件刺身起所以揀咗簡左吞拿魚腩+馬糞海膽+大拖羅+鱆紅魚腩。吞拿魚魚腩香油十足，加上蔥配上飯美味一流，海膽味道一般，但沒有海水的腥味，大拖羅食落口比較有口感，魚味十足。鱆紅魚腩非常新鮮，份量也十

放左工去元朗買野，兩個人想隨便食啲嘢，諗起有foodie介紹過呢間，黎到睇睇無人排隊，即入啦！暖茶沖好放喺枱，幾時加茶都得，夠方便，又唔駛成日麻煩人！三文魚$28 三大片，色澤橙亮，脂肪分明，入口魚脂香十足，夠肥美。希靈魚壽司$10 呢隻魚我唔食，據朋友稱都好味，但粒粒未係太爽脆。帶子壽司$10 來自北海道嘅帶子，無雪味，柔潤而鮮甜，有一定厚度，值得食！腩魚腩壽司$12 據朋友說無好多油脂感，不太肥。鐵火卷$18 睇個樣吞拿魚用瘦嘅部分。味濃香，又出奇地夾埋飯黎食已唔錯，吞拿唔一定腩先好食。黃瓜小卷$12 呢個就較一般，黃瓜唔夠爽脆啊。芝麻鰻魚小卷$18 鰻魚盼落細件，卻出奇地魚味好出，加埋鰻魚汁夠滋味啦。芝士蟹籽軍艦$16 稍嫌芝士不夠多。螺肉軍艦$9 八爪魚軍艦$9 兩者都用甜甜地嘅醬，感覺差唔多。龍蝦沙律軍艦$10 入口有芥末味。軍艦同小卷有個共同問題，就是紫菜偏淋，較難咬開，適宜一口一件。燒牛舌$38 第一件，爽嫩，調味也剛好，燒得香，但第二件有筋，扣分。金菇肥牛卷$45 餐廳自家調配醬汁，香甜惹味，金菇爽口，肥牛薄薄的，幾啱我地口味！旁邊啲菜都新鮮，可同醬汁一齊食。麻醬冷

今日來到元朗覓食，見到呢間日本野好多人食，一於就試下佢喇。坐底打開餐牌，勁多選擇，好唔容易選左幾款。自選丼飯-選了帶子,中拖羅，蝦。只能說食到呢個飯真係無撼了，帶子鮮甜肥美，中拖羅不得了，肥美到係口入面必油！！蝦唔洗講非常新鮮美味。食呢個飯個時真係好食到聲都無出過😂😂挪威三文魚腩刺身-叫左半磅都好多，塊塊都厚成咁癲左！入口個種滿足感真係非筆墨能形容！真係好新鮮好好食！火灸牛肉他他-好特別ge 口感，牛肉淋身，有入口即溶ge 感覺，推介！火灸左口魚邊-好小地方有，好好食wor!!好有口感，正呀花之戀-食壽司必叫之物，三文魚好厚，一啖過真係令人好滿足龍蝦沙律軍艦-好足料，d 龍蝦好full,口感一流芝士蟹子軍艦-好多料呀，芝士味好香，一定要試！蔥吞拿魚腩軍艦-呢個好特別，蔥配吞拿魚出奇地好夾，唔會有陣青味，反而變左清新感覺，真係要encore麵豉湯-好足料！有三文魚肉碎ga!!!邊度搵呀，個湯好香好暖胃，不得了。食咁多野埋單都係三百多d,日本野wor,咁平仲要好食，邊度搵！！絕對有下次！！

性價比高！食完一次之後，次次食曰本野都會來呢度，推介大家也來試試！但講明呢間野地方不大，所以坐位好少，但同區食過幾間都係覺得呢間最好！價錢親民，刺身質素也合我心意！

元朗出名大舊壽司，開左好多間賣拳頭大既加洲卷同其他壽司。不過試過一次派隊名店之後，我個人都係比較鐘意一啖可以食曬成舊既size。幫襯左魚一幾次，佢既性價比令我決定帶埋朋友一齊再去食鋪頭十分細間，7點後就要排隊，為左避開人流，6點半已經坐低係樓上。設計簡單舒服，屋細但枱少，都唔會覺得逼。兩個人點左蟹子沙律先，蟹子非常之多，沙律就係青瓜絲加沙律醬，性價比之選！另外仲食左以下壽司～點菜時發現餐牌靚仔左，已經唔係當初既黑字彩紙，心諗一定加左價。不過咁，咩都貴左，唔加價又好難做既，埋單兩位$17x，食到飽一飽，抵！

咁岩有次做野，經過元朗，見到依間唔起眼位於元朗市中心既小店，初時以為只係外賣專門店，入店內問問，原來還有樓上雅座堂食。打開Manu一睇，係採用劃格仔既格式，價錢相當貼地親民，款式亦都相當多，叫了一個蔥三文魚腩定食，仲有幾件左口魚邊，牛肉他他，劍魚腩，油甘魚腩壽司，食落相當新鮮好味本人極力推薦「左口魚邊」「牛肉他他」。Wasabi 更是自家制，不太攻鼻嗆喉。適合不太食得辣既朋友。食到差唔多，再望一望張單，都只係100$鬆d..性價比相當高。咁既價錢咁既質素，真係無得挑剔。會再叫朋友一齊再黎食💪🏻

第一次寫評論，也是第一次食到咁差的態度同環境，未賣單之前好少少，賣完單趕你走，我們都未食夠兩個鐘，我當時話下次不會再去，個服務員話：來唔來都無所謂，真系無話可說，點解有一粒🌟🌟㗎，我都無按到，呢間店超差，仲有只收現金食左過千，痴線㗎

假日去元朗，肚子特別開懷，好想放任盡情食刺身。奈何自己係烏蠅肚，俾2百幾食得果十幾塊刺身，最怕係為左抵食的食得太飽，帶住對食物果份恐懼咁出番黎，實在不划算。所以今日就想去試試一的散叫既刺身。店鋪位於教育路繁忙地段，店面不算大，好容易就走過了。入去前鋪以外賣壽司為主，款式以三文魚居多，不算吸引。但足夠俾人誤會佢無堂食。其實店內仲有上層，同埋詳盡既menu可供選擇。午市仲會有午餐推介，不過我就只想食刺身，所以以散叫為主。2個小腸胃，叫一碟刺身拼盤，希靈魚刺身，2碟壽司，1客牛油果軟殼蟹卷同一碟炸蠔。送到黎果時感覺好似唔係好夠，但原來食落係非常飽...刺身拼盤，其實只要新鮮，又切得厚，就已經係好好食架啦。碟仔細細，裝住26塊，款式都係大路款，有三文魚，甜蝦，吞拿魚，北寄貝同帶子，咬落去啖啖肉，帶子有天然既鹹鮮味，一流呀…希靈魚刺身，並非我所愛。叫佢，因為朋友好喜歡吃，原因是新鮮既希靈魚好甜，但係只要有少少唔新鮮，都會變腥。朋友話魚帶點腥先夠滋味，我不是太懂欣賞，我怕吃魚皮，更怕吃腥，一點都受不了。所以....1客5塊，都歸我朋友。而根據朋友食完之後幸福既臉部表情黎講，碟希靈魚應該攞滿分。牛油

如果食厭咗元氣呢d 連鎖式壽司店，可以嚟呢度一試。話說琴日想食壽司，正正唔想食元氣、一壽司，於是去咗元朗，醒起有朋友Facebook 推介過呢間，Openrice 好評為主，地點又方便，結果… 男友點刺生飯$68，有海膽、厚切三文魚、帶子刺生，佢仲點咗件軟殼蟹手卷。我主要想試火灸壽司… 普通壽司就8蚊兩件，比爭鮮好好好好多就連芝麻八爪魚，都好食過爭鮮。我相信係來貨唔同，無咁多味精，亦都有大大隻八爪魚，而唔係八爪魚碎。值得一提，紙菜係脆既。呢四件係炸蝦卷，應該係即製，炸蝦好食新鮮蝦，每件卷物都比元氣大件。燒鯖魚，頭幾啖好食，夠香，熱辣辣。不過食耐咗就偏咸，相信係鹽燒重手咗，外皮咸咸脆，不過魚尾同中間乾身咗d… 好似食緊魚乾咁，鞋囗又咸。總結，都叫抵食250有找。

已經幫襯過魚一好多次， 每次都係外賣買返屋企食。 不過近兩次外賣， 好似比以前跌咗watt。 可能係夏天嘅關係， 始終天氣炎熱， 三文魚刺身同三文魚壽司試過買返屋企即食都有點怪味。（利申，行五分鐘到達家門） 始終刺身壽司屬高風險嘅食品， 餐廳方面真係要留意一下， 始終刺身壽司方面衛生係最重要。今次買咗三文魚刺身返屋企， 雖然味道冇嘢， 不過唔知點解三文魚刺身中間呈現一啲黑色， 又唔似血管位， 怕怕所以冇食。 雖然45蚊有成8塊咁多, 油脂分佈平均， 但食咗肚仔痛就無謂啦。魚一 其他種類嘅食物包括手卷， 沙律，冷麵都唔錯。 希望三文魚方面可以改善一下。

第一次寫食評💙本人是海膽和鵝肝愛好者，極度喜歡周圍搵海膽食💛魚一壽司係之前一位元朗地膽介紹其實價錢同爭鮮差唔多（$4件），但至在即叫即正，紫菜仲脆溫馨提示 記得book位，不然晚飯時間等上一頭半個鐘。book位當日會有double confirm電話打比你

好多人都話魚一性價比超高所以都特登黎試下我地兩個人嗌左11樣野 都只係100零幾蚊!!價錢上係平既三文魚刺身一客刺身有4件,三文魚大大份,又厚肉,好抵食!!三文魚壽司雖然冇三文魚刺身咁大舊,不過都算厚肉,食落唔會打渣厚切三文魚腩壽司食得出個口感係比普通三文魚油一點同三文魚味重一點,不過個價錢係普通三文魚既double油甘魚壽司之前未食過 貪得意試食 個口感唔錯 d油份剛剛好 估唔到都唔錯劍魚腩壽司呢個都係之前未食過 口感同三文魚腩唔同,不過都幾好味,好重劍魚味火炙玻璃蝦d蝦大大隻,用火燒完之後別有一番味道,d醬燒完之後好仲正左,有d焦味辣味三文魚軍艦d角切三文魚大大舊,口感一流,d醬先係重要,令人好想食多幾舊鰻魚手卷雖然鰻魚份量唔算多,不過好野味,最鐘意係佢夠長,食到尾都唔知淨係食白飯,正

第一次光顧，比想像中好食!環境也不錯~~點了一碗吞拿魚腩飯和三文魚刺身，都是新鮮的!食物的價錢也較平(以日本菜來說)，以這個價位可以食到這個質素的日本茶!值得再去!

今晚同男人係區內搵食 最後決定日本野第一次食魚一 有驚喜 大件夾抵食！海膽迷嘅我 一坐底就話要食海膽超抵食 馬糞海膽$88/板 超鮮甜唔hea架😍三色刺身飯 帶子同三文魚厚切 已經羸晒入口重要鮮甜嘅 加埋海膽 完全心心眼重有鰻魚壽司 $10/件 唔差架食日本野又點可以少左蟹子沙律呢足料到呢 勁多蟹子 沙律醬岩岩好 唔會太膩食食下男人話要食雞翼 外層帶點香脆我地重有叫左帶子/吞拿魚刺身同生蠔不過掛住食唔記得影相 好食嘅有驚喜的埋單唔洗$400 勁抵食 完全會再幫襯