影片
更多
2017-05-18
158 浏览
放左工去元朗買野，兩個人想隨便食啲嘢，諗起有foodie介紹過呢間，黎到睇睇無人排隊，即入啦！暖茶沖好放喺枱，幾時加茶都得，夠方便，又唔駛成日麻煩人！三文魚$28 三大片，色澤橙亮，脂肪分明，入口魚脂香十足，夠肥美。希靈魚壽司$10 呢隻魚我唔食，據朋友稱都好味，但粒粒未係太爽脆。帶子壽司$10 來自北海道嘅帶子，無雪味，柔潤而鮮甜，有一定厚度，值得食！腩魚腩壽司$12 據朋友說無好多油脂感，不太肥。鐵火卷$18 睇個樣吞拿魚用瘦嘅部分。味濃香，又出奇地夾埋飯黎食已唔錯，吞拿唔一定腩先好食。黃瓜小卷$12 呢個就較一般，黃瓜唔夠爽脆啊。芝麻鰻魚小卷$18 鰻魚盼落細件，卻出奇地魚味好出，加埋鰻魚汁夠滋味啦。芝士蟹籽軍艦$16 稍嫌芝士不夠多。螺肉軍艦$9 八爪魚軍艦$9 兩者都用甜甜地嘅醬，感覺差唔多。龍蝦沙律軍艦$10 入口有芥末味。軍艦同小卷有個共同問題，就是紫菜偏淋，較難咬開，適宜一口一件。燒牛舌$38 第一件，爽嫩，調味也剛好，燒得香，但第二件有筋，扣分。金菇肥牛卷$45 餐廳自家調配醬汁，香甜惹味，金菇爽口，肥牛薄薄的，幾啱我地口味！旁邊啲菜都新鮮，可同醬汁一齊食。麻醬冷
暖茶沖好放喺枱，幾時加茶都得，夠方便，又唔駛成日麻煩人！
三文魚$28 三大片，色澤橙亮，脂肪分明，入口魚脂香十足，夠肥美。
希靈魚壽司$10 呢隻魚我唔食，據朋友稱都好味，但粒粒未係太爽脆。
帶子壽司$10 來自北海道嘅帶子，無雪味，柔潤而鮮甜，有一定厚度，值得食！
腩魚腩壽司$12 據朋友說無好多油脂感，不太肥。
鐵火卷$18 睇個樣吞拿魚用瘦嘅部分。味濃香，又出奇地夾埋飯黎食已唔錯，吞拿唔一定腩先好食。
黃瓜小卷$12 呢個就較一般，黃瓜唔夠爽脆啊。
芝麻鰻魚小卷$18 鰻魚盼落細件，卻出奇地魚味好出，加埋鰻魚汁夠滋味啦。
芝士蟹籽軍艦$16 稍嫌芝士不夠多。
螺肉軍艦$9 八爪魚軍艦$9 兩者都用甜甜地嘅醬，感覺差唔多。
龍蝦沙律軍艦$10 入口有芥末味。
軍艦同小卷有個共同問題，就是紫菜偏淋，較難咬開，適宜一口一件。
燒牛舌$38 第一件，爽嫩，調味也剛好，燒得香，但第二件有筋，扣分。
金菇肥牛卷$45 餐廳自家調配醬汁，香甜惹味，金菇爽口，肥牛薄薄的，幾啱我地口味！旁邊啲菜都新鮮，可同醬汁一齊食。
麻醬冷麵$32 麵條真係好長...好長.....好難分開呀，麻醬落嘅份量剛好，分佈均勻，有少少蝦、蟹柳、青瓜絲，食落唔覺得寡。
魚一價錢幾平，質素唔可以同貴嘅壽司相比，但算比上不足比下有餘啦。
张贴
