魔膳工房 (已易手) 新餐厅

一個人去觀塘搵食~去早前雜誌推薦的餐廳“魔膳工房”1:45去到~個場好大~繁忙時間過去~都有半場客~$68沙律吧另加主菜~Waiters推薦 +$68總廚精選 “8安士安格斯牛扒”飲品方面要左杯凍花蜜~叫左食物就去拎沙律~有多款蔬菜~正!手拍青瓜一流呀～仲有消暑冬瓜湯，好住家Feel~無落味精~牛扒真係好大份!肉味都算香濃~皮都脆的~食飽飽~食唔甜品~下次會約埋朋友黎High Tea~

LUCH TIME, 收到張傳單, 就試一下, 點知.....大熱天時, 要行樓梯, 而且唔乾淨入到去等位, 個經過粗聲粗氣, 著住件白T-SHIRT.....同間裝修完全好大對比等左十分鍾, 坐低後, 我地去沙律吧, 行下...點知, $68 係D 普通沙律, 無野食, 湯OK最激氣係西西里焗豬扒飯, 追左3 次, 個女侍應好無禮貌咁叫我地等, 一等就45分鐘先到 西西里焗豬扒飯, 無味而且 d 豬扒好乾 好老  咁貴既午餐, 惡劣既服務,唔會再試, 希望店家考慮一小時的午餐

女生喜歡每月聚會見面，但經常要想聚腳點的確有點傷腦筋；幸好，朋友都是吃貨，她們經常建議新食點，時時帶出新驚喜。最近與朋友的一次約會便選了新開業的西餐廳「MAGE Kitchen 魔膳工房」，菜單選擇豐富，而且食物水準又高，真係又滋味又驚喜～魔膳工房位處觀塘鱷魚恤中心隔離的業發工業大廈，地點方便就腳，鄰近地鐵站，由觀塘地鐵站步行三分鐘便到達了～餐廳的整體佈置簡約，環境寬敞，而且沙發位又大又舒服的～沙津吧在餐廳中央位置，惠顧晚餐Set可加$38無限次任添沙津/湯。(啤酒和白酒另計)我們是晚的目標係巴馬火腿配芝士和海鮮拼盤，所以點了一支白酒大家齊齊分享，讓整個晚餐更完美～先來滋味小食：第一行左：炭燒香辣豬頸肉 $48第一行中：白酒啫喱帶子 $85第一行右：燒越式香茅雞中翼 $48第二行左：西班牙火腿配巴馬臣芝士 $108第二行中：鮮磨茹焗釀法式田螺 $62第二行右：鵝肝醬多士 $88燒越式香茅雞中翼好香口又入味，又夠熱騰騰，好味道～只需平民的價錢，便可以食到鵝肝醬脆多士，絕對是高級的享受。配白酒之選：(一) 西班牙火腿配Parmesan Ham ，即叫即切，成班好似貴婦咁嘆世界～(二) 海鮮

一星期中最期待的是星期五因為又可以大伙兒去食team lunch今次又再來到魔膳自助沙律吧其實都幾吸引最愛是薯仔沙律和提子包是水準之作今次專誠試了中湯不錯的不是味精湯今次主菜點了牛扒每次點牛扒都是三成外熟內生的感覺真係大fit+$68就有一份大fit確實是抵食的這份牛扒的份量不少肉味很重入口即溶外層煎香鎖實肉汁在內是在觀塘區中 中上水平的牛扒

第2次黎食啦呢間西餐, 因為貪佢可以book位方便我地十幾個人一齊!而且房間裝修得幾別緻依舊都係$68任食沙律吧既沙律, 湯, 餐包同水果。今次既menu轉左, 啲main course同之前唔同了, 所以想食既意粉無左, 唯有揀第2樣啦! 今次menu上既main都好吸引, 我就揀左+$18食厚切豬扒意粉!話明厚切又真係幾厚既!而且都好大塊, 相反意粉就少啲, 岩岩細食既女仔啦~豬扒本身已經夠咸唔洗再點汁, 所以個洋蔥汁就愛黎點意粉啦。豬扒比我想像中好味, 因為唔韌, 好驚食勁韌勁"鞋"既豬扒! 佢呢個好juicy, 表面少少脆食落口感唔錯。意粉既話就偏硬少少既, 如果中意食淋啲既朋友下次order時可能要提一提佢啦! 希望下次黎又轉新menu有得試新野啦! 

魔膳工房 Mage Kitchen新張，派傳單也派得頗為積極。開源道一帶上樓新餐廳，派傳單為不錯的推廣之選，成本效益相信不錯，因今天我們一行6位都是被傳單所吸引。 午市以buffet bar為主打，可以齋食buffet bar的食物︰$68，不過buffet bar選擇不太多︰黑醋汁番茄、南瓜、沙律菜、薯仔沙律、餐包、啫喱糖(今天的不夠實淨)、青木瓜沙律、玉子豆腐小食前菜、西瓜片、橙、一款中湯、一款西湯, 就這麼多了。夠吃嗎？Bill tai tai 就不夠吃了，還是要點個前菜才成。+$8 就有雞腿，照點不誤吧！秘製香辣雞腿很有驚喜！雞腿不辣，但很香，很香的五香粉？調料的味道，熱騰騰，很滑，白飯就不夠熱，扣了少少分，以$8 有這樣的質素，無求了！推介！跟飲品不用加錢，叫了regular coffee，被"招牌"二字吸引了，味道可以，沒有驚喜，但是份量很足，太大杯，可能因為之前飲了湯，大家都只能飲半杯便算。總結$80 有semi buffet 食都幾抵食的，希望店子可以保持質素，個人認為semi buffet選擇貴精不貴多，今天吃的也可以了，如果可以做得fine少少更好，例如是橙是一個

上次食完返尋味，今日又嚟到魔膳工房！上次食唔到廚師精選，今次就醒喇打定電話留。又係先食個沙津同雜菜湯先，沙津都係幾好味，雜菜湯比起上次嚟好飲左，冇咁酸！主菜嚟喇，係煎牛扒啊～～～五成熟剛剛夠晒唸，雖然未去到入口即溶，但牛味都好突出！最尾就試左少少手造朱古力，好好味！呢啲就真係入口即溶喇

又到Team Lunch嘅時候，大家都愛上左呢間半自助餐廳，除左上次介紹過嘅咖哩飯外，今次又有新菜式推薦！沙律一如上次嘅美味，薯仔水準保持到，硬度適中，今次味道更豐富，小小開胃嘅酸甜，配埋菠蘿揀直一流嘅醒胃菜。今次個蔬菜湯更加濃味，酸左小小，但菜嘅份量一樣多。主菜嘅三色牛柳燴意，牛柳份量十足！而且味道濃郁係意外嘅地分，對酸味情有獨鍾嘅我，呢個意粉可以話係酸甜度平衡得好好，相信能夠滿足大眾嘅口味。下次再黎一定要留肚食個甜品，見到人食個心太軟好似好正禁！

夏日炎炎，地面蒸氣上升，街外人來人往作為一個打工仔，在午市戰場上，想搵個坐得舒服食得舒爽嘅地方，都可以話係奢侈，咁啱今日星期五，就讓小弟奢侈一番。魔膳工房有提供房間，方便一眾親朋戚友圍位喂，但需預訂，我地一行10人就到此一遊。難得享受，打算過百也正常，但竟然今次自助沙律吧($68)及主菜(自由選擇$18)連加一，都不需要突破百元大關，實在是你我福音。(當日餐牌)小弟平時不愛吃沙律，但當天竟吃了整碟，(小弟照片找不回，請見諒)當中從自助沙律吧選擇了番茄、粟米、薯仔，番茄清甜，並無酸味，讓我停不了口，粟米無特別，但我愛吃，薯仔原本已附上自製沙律醬，容易入口，但不宜吃多，因為，我一直在等我的厚切法式豬扒。(厚切法式豬扒)這厚切豬扒煎得剛好，內裡粉紅，口感十足，為一不足是意粉太咸，不知道是廚師重手還是原本如此。附帶一提，該沙律吧亦有餐湯供應，有羅宋湯及中湯，小弟只喝了紅湯，聽同事說中湯清甜似冇下師傅，對於愛飲湯水的我，看來又多一次再去的原因了 

剛剛係附近做完野，所以想找個地方食個TEA。見到呢間餐廳好似新開冇幾耐，所以決定試下！入到去地方很大，只有一枱客，可能是新開，而且又係閒日下午時段，所以有咩人都係正常！Tea Set有6款選擇，意粉/焗飯都有。仲有喇沙配甜品都只係$38，不過我怕太飽，所以冇叫。最後叫咗吉烈豬扒包配薯條。除外薯條外，還配了沙律菜，不過沙律菜沒有任何的醬汁，所以只有疏菜的清爽味道。吉烈豬扒很大塊，比個飽還要大。而已炸得色澤金黃、夠鬆脆，唔會太油膩。雖然豬扒唔算十分厚身，但肉質夠鬆軟，有少許肉汁，不會太乾身。不過醬汁方面就用了芝麻醬，我覺得有點格格不入，如果用蜜糖芥末汁會比較好！而且個包亦烤得比較乾身，有點硬！另外，還有甜品都好似幾吸引，可以下次試一試！

喺工廠區返工，搵新餐廳食 lunch 都係一種樂趣。今日嚟到新開冇耐嘅魔膳工房，$68有沙津 bar，其餘野食就豐儉由人，由 $8一個雞脾飯到 $68一個煎羊架都有，今日就試個加 $28嘅蟹子煙三文魚意粉。自助沙津bar唔算多選擇，不過個薯仔真係幾好味。每日仲有一中一西湯揀，雜菜湯略嫌淡味。食完沙津、餐包、湯都飽咗一大半，叫個light啲嘅意粉，點知係加配嘅都一樣大大碟！蟹子煙三文魚都唔同你慳，唔錯！我哋一行十幾人有房坐，裝修仲好靚添！

難得Happy Friday當然要食餐好，我地一行十三人就去左呢間係工廠大廈嘅餐廳，揀呢間餐廳係因為佢有沙律吧！！吾係必X客舊時個D～但六十八可以任食沙律係好吸引，對於偶然追求健康嘅我黎講，真係幾抵！選擇都多有基本沙律食到嘅嘢，但重點吾可以錯過嘅一定係個薯仔，因為佢加左D醬汁同小小煙肉碎之類嘅嘢，令成落去嘅口感爽脆，烹調出黎薯仔嘅硬度適中！不過沙律吧嘅西湯就可以再進步，蔬菜湯嘅菜雖然夠但味道吾算濃郁，可以再豐富一下味道就好好多。另外佢都有主菜可以加，款式好多，基於十幾人去，我地都已經每款都叫晒。但我呢個咖喱牛肋條飯真係算中上，咖喱吾叫好辣屬香滑類嘅咖喱，而個牛肋條牛味十足，牛肋條夠曬"淋"，配菜嘅薯仔連皮烹煮，更有薯味！呢餐總括黎講有八十分，見到同事個意粉都好好食禁，睇黎下星期可以黎再戰！

喺某個facebook page睇到介紹呢間餐廳，既然星期五，lunch梗係食耐啲，前一日就卜定檯！10人以上有房又幾唔錯，佢哋下晝嘅推介係＄68任食沙律吧，可另外加錢要佢餐牌其中一款野食，沙律吧都係普通野啦，不過薯仔沙律都幾唔錯，仲有就係羅宋湯，唔係太夠辣，個人唔係太好食菜，點都要食啲肉，就加多左＄68叫左餐牌嘅總廚推介，行過人地檯以為有牛，點知已經賣哂＞＜，係牛肩肉，得返羊架，唉都照要啦，5成熟，都幾好，總共有兩件，配埋少量嘅薯條，但略嫌唔夠飽，同區整羊架出色嘅工廈餐廳都唔少，中等啦！整體黎講個場都幾舒服，佢話下次去可以reserve定牛肩肉！下次再同大家分享！

每個星期五，都會同同事出去食餐好。咁岩係FACEBOOK見到有介紹呢間Mage Kitchen，當然要拉大隊去試試。佢地主打係沙律吧，每個人入到去都要幫襯嘅，有湯、麵包同各式沙律。個人就比較中意薯仔沙律，唔會太淰，口感爽爽地，味道唔錯。沙律菜選擇就比較少，而醬汁選擇亦唔多，我就揀左千島醬。湯有羅宋同中湯，我就試左羅宋，味道比較淡，但都足料嘅。如果唔夠飽的話，可以加唔同既主菜，價錢由$8到$68，豐儉由人。我試左豬扒飯，芝士夠多又足料，咁既價錢真係冇得輸。佢地仲有甜品提供，不過由於太飽關係就冇試啦，聽講唔錯，下次有機會一定要試下。

20150522 去左呢間餐廳食lunch,感覺d人服務都幾好~間野特色係$68沙律任食(so抵^^)然後加錢叫份主菜,btw d沙律都幾新鮮, 而且味道都ok, 值得一試嘅不過因為我自己唔太好沙律, 所以都唔係拎左好多-.-雜菜湯d料好足, 味道酸酸地, 幾好飲...然後我加左$8叫左呢個秘製香辣雞髀意粉,意粉口感都幾煙韌, 唔會話太熟~舊雞髀其實好大舊同好脆, 不過味道對我黎講就太鹹...