魂 (已結業)

久仰大名的魂拉麵上個月由銅鑼灣搬到太子, 新址地方闊落之餘, 保留一排一格一格的獨立座位, 一個人來亦不怕尷尬, 四款拉麵依舊, 各具特色晚餐時間前來, 當然選 - 青龍, 秘制菠菜汁配豚骨湯,叉燒,玉子,蟹肉及魚子醬, 因此這款只在六時後供應, 麵質可以選軟/中/硬,醬油 中或淡湯底是秘製菠菜豚骨湯, 一點一點的菠菜蓉, 所以較為杰身, 但清新基本上每一條拉麵跟菠菜豚骨湯融為一體, 拉麵的份量約400g, 麵條彎彎曲曲的是麵廠特別為此店生產青龍的配料有蟹肉及魚子醬點綴, 咸咸香香的, 旁邊的玉子, 絕對要大力讚, 蛋黃流心的程度, 超澎湃叉燒大大燒, 肥瘦適中每座位下均加上勾子, 可以將個人物品掛在旁邊

兩口子一向愛吃拉麵，不過由於近年拉麵店越開越多，想逐一試勻，恐怕也要花上好一段日子，所以近排選吃拉麵，都以口碑為主。早前從友人處得知銅鑼灣霎西街那家取名「魂」嘅拉麵小店，最近搬咗去太子，據說環境比之前舊舖舒適闊落，而且新店距離港鐵太子站只是 2 分鐘路程，非常方便，加上店子風評一向不俗，所以亦特意找個晚上來一嘗。門面裝修好搶眼，其實離遠已經可以清楚見到「魂」字招牌下，一塊塊紅色的小布簾在飄揚。踏進店，座位分成兩排，左邊是一列吧座，吧座有木板間隔，僅容一人，像自修室，而右邊就擺放咗多張四人木桌，配上木製小櫈，繞富日本風情。檯上放有點麵紙，另外亦有平板電腦，客人可以先細看拉麵的賣相，然後才落柯打。拉麵選擇不多，口味只得四款，分為為魂、火魂、太極及晚上六點後才供應嘅青龍。細心留意，其實全部拉麵都是以豬骨作湯底，而分別就在於配上蕃茄辣汁、墨魚汁或秘製菠菜汁而已。選了太極 ($99) 和青龍各一，太極率先上桌，豚骨湯和墨魚汁形成太極圖案，而配料除咗有叉燒、溏心蛋，鳴門卷、木耳、紫菜、蔥花和少量芝麻外，還有以金箔作點綴的蟹膏，賣相矜貴。先嘗湯底，豬骨湯好香濃，而墨魚汁就味道帶甜，混合起來頗清爽，就

放左工同朋友O係太子附近飲杯酒，飲完見肚餓就去附近搵野食。見到呢度門口有大大個紅燈籠寫住「拉面」，又好似新餐廳，一於試下啦！鋪頭唔大，細細間但裝潢都好日式架！不過都好潮用ipad落單呀、點菜呀等。拉面選擇精，只做四款（魂、火魂、青龍、太極）其實即係原味、辣味、波菜味、墨魚汁味，我地就梗係試下啦咁特別！個湯真係青色，師傅用新鮮波菜細心打出波菜汁再加落湯到！叉燒都係肥瘦適宜，完全溶化，糖心蛋又岩岩好，滿意！見到用料正，湯底用心！朋友食既就墨魚汁湯底，真係黑媽媽的！精粹在於個個蟹糕，提昇鮮味！叫左個梅子梳打，酸酸味味，有氣，岩曬夏天飲！

上星期帶了侄女去了太子道的公園玩, 玩了二個小時人都散了!!! 玩完後哥哥就帶了我們去吃我最喜歡的日本拉麵!!! 開心! 我們去了-"魂", 一間很富日本風味的日式拉麵店, 外表看來很高級, 平時我都是好奇的張望一下,怎知今次哥請客, 當然要大快朵頤了! 魂內裡的裝修有點似一蘭, 有一個個獨立座的, 但亦有一枱四位枱坐。 說實, 餐廳選擇不多, 拉麵只有四款,價位是偏貴,只有一款是HKD89,而另外三款是HKD99, 麵可選擇軟中硬度,而醬油湯亦可選中度和淡口~ 用上IPAD來下單, 感覺HIGH TECH 時尚又方便快手~ 我點了一碗"魂" - 內有濃豚骨湯底, 再加上叉燒, 流心疍, 紫菜和魚旦片, 湯底非常非常濃郁!! 渴得出是用上大量豬骨來熬才有此鮮味, 麵亦有疍香,再加上叉燒和美味的流心疍,好味! 不過真心說, 叉燒只有一片, 覺得以這價錢, 份量的確是少了點, 如果再加二三片叉燒就更完美了! 哥點了火魂, 湯底加了蕃茄辣汁, 渴起來濃郁帶點辣頭, 頗香口! 基本上與魂版一樣, 只是叉燒上面放了點絲絲三文魚 (?), 真的吃不到有三文魚肉,感覺有少少失望.

星期日同媽咪去花園街shopping,當然要開openrice搵野食啦！唔知食咩好情況下搵到'魂'拉麵店！ 遠遠已經見到紅色日式燈籠在店外, 同媽咪各叫一款, 醬油中濃度+麵質中度, 個人偏愛'火魂'的蕃茄湯同流心蛋, 好滑! '太極' 墨魚汁湯底都不錯, 叉燒肥瘦都適中, 好入味! 個人覺得加多一點點湯會好另外叫了梅子雪碧, 媽咪覺得好好飲! 之後我先見到街外少有的綠茶味波子汽水,但已經飽飲唔落！下次會試夜晚先有的'青龍'

銅鑼灣鵝頸橋的魂拉麵算係較早期拉麵熱潮興起的其中之一。個時我覺得魂真係好好食，個湯底係好濃郁同厚身，咁岩我又去完東京食無敵家，覺得魂個味做得好似。雖然舖頭細細，夜晚成日都大排長龍，所以以前我通常都係下晝去，好後期先有機會食到晚市限定的青龍。初時拉麵熱潮興起比較多人食豬骨湯拉麵，辣的或者墨魚汁的拉麵比較少見。佢地做拉麵好認真架，每一碗麵師傅都fing同個麵乾晒水（我成日覺得碗碗麵都咁fing會唔會工傷）。每次食完我都覺得大滿足（拉麵係要食完飽到濟濟地咁先最正）。之後銅鑼灣越來越多拉麵舖，越來越多選擇就少左返去食魂了，而且佢條人龍都無左。某日見好耐無食返去食個味道完全唔同晒！個濃厚的感覺無左而且好淡味。魂個「靈魂」無左！所以我就無再食了。最近經過鵝頸橋發現佢竟然執左！好surprise 又有點失落，話晒都有開左都4年幾都有感情，以為佢被依家的拉麵熱潮淘汰都覺得可惜。後來知道原來唔係執左只係搬左，所以決定再去一試。地點好方便，太子警署後面，A出口一出過對面街就係。舖頭比以前大好多，但lunch 1:30入到去一枱客都無（可能因為閒日近中秋關係？），我同朋友就好似包場食拉麵咁。Menu無變，我

位於太子的魂，是銅鑼灣拉麵主店的新分店。今天下班後，來到太子吃晩餐，然後去尖沙咀吃甜品，有時我也奇怪自已好像每晩都不用休息，到處吃晩餐，晩上又不訓，身體好健康呢，哈哈。太極$99拉麵一共四種，每種顏色也不同。而我選擇黑蚊蚊的拉麵，黑色的食物感覺上最吸引呢。拉麵湯是墨汁湯，湯底稀薄黏口，不會太膩太飽，豚骨味道適中，相信一般大眾都會接受。麵條是曲身黃面，粗幼適中，彈牙不錯，但欠缺面粉香呢。叉燒軟腍，味道也屬不錯呢。

剛好經過太子的小巷看見紅色的燈籠..發覺原來好耐冇食過拉麵就入去試一試啦點半鐘去到店舖得兩台客人已經諗到有機會中伏...但一場黎到就即管試一試啦。點左最傳統的魂。麵同濃度都選左中度的湯底比較結身豬骨味唔係太濃..溏心蛋算係最出色。滑身而且剛好做到流心效果。整體黎講普普通通香港的拉麵店食好多呢間算比較遜色了。應該唔會再有下一次

經過這店幾次，中秋翌日決定試一次，20:30入坐，只有三枱客人。店員友善，氣氛整體上很港式，一點日式風味也沒有。點了青龍，火魂各一碗，麵不算等太久便送上，當然立刻試一啖湯先，青龍湯底好濃郁波菜味，火魂有些少辣，但味到不錯，拉麵就差勁，很重鹼水味，應該是本地交來的貨，配菜十分孤寒，只得一片薄如紙兼白雪雪的叉燒，流心蛋很硬，接近100蚊碗的麵，份量那麼小，真的不值，最多值70蚊左右。最後還是小插曲⋯⋯結賬是用八達通付款，有乜理由要客人把八達通交給店員拍卡。另外店員手忙腳亂，搬枱時還整跌張重重的木凳「宅」落我隻腳度，我展示傷勢，那店員還用手摸隻腳，之後沒有洗手就上菜給客人，較早前這位店員在堂面已經拉開T恤抝㾗，這店員工的衛生意識很低。

今日中秋節 ，我哋又唔使做節，所以今日我哋提早咗收工，就喺太子行街 。經過見到有間拉麵舖門面都好特別，有好大個燈籠喺門口，而門口見到佢有幾款嘅拉麵 ，都幾特別，最後我哋就入咗去試。入到去都幾有日本嘅特色，餐紙係一張紙入面有四款嘅面，面都有分軟硬度，醬汁淡同濃選擇，下面都有得追加其他嘅嘢食。 我哋最後嗌咗 火魂拉麵和 太極拉麵 。大約等咗幾分鐘就到 ，侍應都幾窩心因為見到我喺度影相嘅時候，佢都會攞住一部機嚟check下究竟我嘅湯會唔會凍左，要叫我快啲食 。我食嘅係火魂拉麵， 番茄味唔算好濃，但係辣汁十分之香配上豚肉湯意外十分好食 。叉燒好香口，但吾係好厚身，所以食落去都有少少即溶嘅感覺。三文魚肉都幾香，但係份量就唔算好多，面則我選擇咗硬面，所以十分有口感，配上比較杰身嘅湯底十分之好食。 玉子好流心感覺，好香蛋香，食落去好滑，係比較少又煮到可以咁好嘅玉子。而朋友就食個太極拉麵 ，食落去比較清新，豚肉湯底好濃郁， 配搭好好，而且蟹膏好香，叉燒都係同火魂嘅叉燒一樣， 食落去好香口 ，而且唔會覺得好硬班班嘅感覺。面就選擇中度，所以軟硬度就軟身少少， 口感又另一番感覺。我哋兩個食完之後都好滿意呢兩

Before I ate them at Causeway bay as the chef moved to the Prince Edward area They informed us old enough clients and humorously promised us that Guaranteed same taste and price the tai chi soup Meaning Half squid 🐙 black sauce And half pig bones soup noodles Making a Chinese Tai Chi pattern The best way to get the taste of seasoning I love ❤️ it for the soup is strong enough and tasty 😋 Usually I have to put spicy 🌶 into my soup noodles Not here only black pepper is added Besides They give choic

之前新開果陣食過一次，上一次「魂」，最原本嘅豬骨拉麵。首先，湯係好濃郁，味道唔錯，但我覺得個湯稠過頭（可能係個人口味問題），不過最致命嘅係碗拉麵唔夠熱。今日同朋友經過話要試，我都打定輸數。今日叫咗「太極」👆🏻👆🏻👆🏻太極今次出品有所改善啦，碗拉麵放到我面前係熱嘅，唔係好似上次咁暖暖地。湯依舊濃郁，可能加左墨魚汁所以個湯無上一次咁稠，而且又有另一種風味。Menu 到一共四個湯起碼我會再嚟試埋果兩個拉麵

三連假期的最後一天，決定帶著媽媽到處遊走，第一站就是到酒樓喝茶吃點心，下午就來到太子吃拉麵。 這間「魂」拉麵店，門面裝修及佈置非常特別，紅色的布簾配上木製間格，充滿日本風情。店內的佔地雖然不算很大，但就可以容納大量的食客，因為單邊位設有獨立個人座。 店內主要以拉麵為主，基本上沒有小食，只有追加麵食配料或飲品。 而餐枱上放了平板電腦，落單時就可以圖文並茂看到拉麵的賣相及資料。由於天氣太熱的關係，先點飲品吧！我們各自點了汽水來喝，不過，這裏的汽水價錢偏貴，大概HK$13@，不過，餐廳是有提供冰水給食客的。魂。濃豚骨湯、叉燒、玉子 濃豚骨湯的味道超級濃郁，感覺就像用上大量豚骨，長時間淆製而成，味道鮮甜，充滿豚骨香味，最重要是味道不鹹，味道感不重，讚。 而拉麵麵質分了三種，分別是硬、中、軟，我點了中來試試，拉麵入口煙韌有彈性，而且容易掛湯，非常好吃。另外，玉子是流心蛋，入口帶有濃濃的蛋香，而叉燒沒有厚厚的脂肪厚，肉香味重，挺好吃的，不過，份量就是偏少，若店員可以放多一點叉燒的話就好了。太極。 墨魚汁配豚骨湯、叉燒、玉子、蟹膏、金箔「太極」與「魂」的最大分別，是加了墨魚汁於豚骨湯內，所以湯底黑黑

今天中午和友人見新開，所以一試，我點了魂拉麵，友人點了太極拉麵，整體而言，伏、伏、伏(重要的東西要說三次)。 我點的魂拉麵$99個大洋，半隻不入味的蛋，又硬又曲的拉麵(似未煮腍的公仔麵，我巳✔了軟麵)，叉燒切法刀法如神，比A4紙只是厚一丁點，更只有一片叉燒，湯底是拉麵的精華，湯量很少，豬骨湯似用粉開的湯，還有拉麵的溫度是很重要的，我和友人的麵上桌的時候是暖的，不熱的，唯一可以讚的是裝修尚算有日本風味。

前幾日同女朋友行過太子旺角警署嗰邊，佢話好想食拉麵，所以試咗呢間新開嘅拉麵，原來係喺銅鑼灣鵝頸橋嗰邊搬過嚟，都係呢幾日先開返。成個環境好舒服，裝修好有日本風，每人嗌咗一碗，啲麵同醬油又有得揀軟硬度同濃淡度，有啲似一蘭。我要咗太極，女朋友要咗魂，等咗一陣就嚟，速度都幾快。兩碗麵個豬骨湯底都好濃，值得留意嘅係佢嘅特色就係個湯底比一般湯底傑，幾有豬骨味，湯汁適中，又唔算太少，不過可以多啲。啲麵比其他拉麵更加粗，而且唔係直嘅，攣攣地咁，大概就好似出前一丁咁，女朋友就嫌太粗，不過我就幾鐘意，因為可以掛起更多湯汁，更加好食。兩碗麵都有一大片紫菜,叉燒同玉子(溏心蛋)，叉燒冇雪味，而且size都幾大，蛋都唔錯，唔會話熟過頭咁樣，聽老細講係之前用過唔少其他蛋，效果麻麻地，最後先用咗日本蛋，唔怪之得咁有蛋味，老細話最好大啖咁食，咁就會有清涼嘅感覺。麵質方面，我地要左硬嘅麵質，嚟到又真係硬嘅，醬油味道都幾適中，我嗰碗太極有埋蟹膏，同啲墨魚汁都夾，不過墨魚汁浸味就唔太出喇。總括嚟講，呢間舖又唔算太貴，食物質素又ok，都值得下次再去嘅。