鬼金棒

营业中

休息中

鬼金棒開左咁耐，終於有機會啦去🤪今日同同事去呢間，開心仔🥳呢度好有日本拉麵店特色，仲有圍裙比你著，唔怕彈到件衫污糟哂啊！超貼心，仲有水自己汁添啊。增量叉燒x2 辣麻味噌拉麵 $135揀咗小辣小麻，仲有得揀鬼辣+$15🌶湯底一啲都唔麻辣喎😂小麻辣方面睇黎真係好輕手！麻味同辣味都唔太重，十小辣仲辣喎😂下次試下中辣中麻先得！兩大舊肥美叉燒，超軟腍🤤油脂感有d重，咁先夠勁🤤拉麵質夠哂彈牙，唔錯唔錯

鬼金棒日式麻辣拉麵*外賣自取～可以自選辣度和麻級數#味玉辣麻辣味增拉麵 $100有塊五花腩樣子的叉燒，好淋好入味，還有溏心蛋一粒，不錯。選了小辣中麻～不會太辣，但是麻辣不是中式那款香香的麻，有點失望😂面質粗身彈牙不像拉麵，偏向似烏冬😂幾特別。應該選大麻 可能會好吃點另外，增量叉燒是大嚿一點的五花腩選了小麻唔辣他一點麻都冇😭齋味噌湯不好吃ᶘ ᵒᴥᵒᶅ個人口味評分：5/10#food #hkfood #hkfoodstagram #hkfoodpic #hkfoods #hkigfood #foodiehk #yummy #delicious #foodie #hkfoodie #hkfoodieblogger #hkfoodies #黑貓食好西 #japanfood #日本拉麵 #拉麵 #🍜 #ramen #noodles #鬼金棒 (尖沙咀)尖沙咀金馬倫道20號地舖

✨極厚切肥美叉燒配麻辣拉麵🤤.鬼金棒係來自東京嘅過江龍拉麵店裝修圍繞鬼神嘅主題 燈光比較暗🙈主打辣麻拉麵 辣度同麻度可以分開選擇為你度身訂造😏.🍜 辣麻辣味噌拉麵 $90麵條較粗 夠彈牙又掛湯怕辣嘅我只嗌左少麻少辣 唔算好辣加埋味噌 夠唒香喔用豬骨、雞骨、魚鮮同蔬菜八小時熬製而成嘅湯底 非常濃郁湯底油膩啲 不過都忍唔住一啖一啖咁飲🤭最後為大家介紹嘅係呢度嘅肥美厚切叉燒😍‼️一層肥肉一層瘦肉 層次分明叉燒口感鮮嫩 食落軟腍腍又肥美脂肪入口即溶 略帶八角香味 極邪惡🤤食完堅係要做下運動燃燒下卡路里🔥.🍜 芫荽辣麻味噌拉麵 $110男友嗌左呢碗芫荽拉麵 超誇張的 成碗都係芫荽呀味道加多一份芫荽味 特別喔.🐷 大肉飯 $55叉燒太岀色嘅關係 嗌多一碗大肉飯食配飯也好正喔 想繼續encore .🍽 鬼金棒🔎 尖沙咀金馬倫道20號地舖

見到門口裝飾得好有日本怪奇風格🇯🇵好有趣🤣 呢間日本黎既拉麵🍜可以自己選擇麻度同辣度🌶 有興趣既就可以挑戰魔鬼級👹⭐️ 增量叉燒辣麻味增拉麵 🥩首先試一試佢湯底 🍲 味增味唔係特別濃郁 因為第一次試 所以叫左小麻小辣 😅 原來麻味來自山椒🍀 輕輕既刺激感好吸引😈 仲稍嫌唔夠過癮🤣 叉燒非常值得一讚👍🏻有點似日式既東坡肉咁入曬味🥓肥瘦相間既叉燒口感非常邪惡🤤 麻辣湯底另一好處就係可以中和埋湯底既膩😋 ⭐️ 味玉辣麻味增拉麵 🥚呢一碗拉麵叫左中麻小辣 口感更加刺激同入味😋 味玉都幾出色🥰 有半流心既效果亦都非常入味💕

濃豬骨湯底嘅拉麵就食得多，但又麻辣又多芫荽嘅拉麵真係第一次！平時食開譚仔清湯嘅我去到又驚太辣但又期待😍🍜芫荽辣麻味噌拉麵 (少辣走麻)職員表示怕辣可以揀「走辣中麻」，不過我好驚辣油嘅味道，所以最後揀左「小辣走麻」。食落去辣度岩岩好😍微辣嘅湯底中和左濃郁味噌湯底嘅油膩，香辣亦提昇左拉麵嘅味道！拉麵另一精粹— 芫荽！滿滿芫荽加埋香辣湯底 更帶岀另一種鮮味！配搭一齊成個拉麵都好夾🤩對於我呢個芫荽控嚟講真係額外加分！加上拉麵夠粗又煙韌，掛湯一流👍🏻拉麵配撘嘅叉燒都令我有驚喜！本身以為大大舊擔心會好硬好老 點知好似東玻肉咁又冧又香😍重點唔會太肥都做到呢個效果！加分！美中不足係舊叉燒有啲細舊🥺同增量叉燒拉麵比較真係細一半有多😭食嘅時候真係要慢慢食 好快就食哂😭另外值得讚嘅係裝修☺️平時食拉麵都係地方淺窄，小店形式食完快啲走。但呢度裝修有心思！座位較寬敞，坐得比較舒服👍🏻有時放工都想揾間餐廳坐得舒服同朋友傾下計，呢度係唔錯嘅選擇🥳

鬼金棒出名食日式麻辣拉麵，不過今次好保守，淨係叫咗小辣小麻😂-飲第一啖湯嘅時候係覺得幾特別同惹味嘅，不過食多幾啖就覺得冇乜特別，個味道好快就令我厭咗🙈，同埋食多幾啖之後就覺得好油膩🙈-玉米筍、芽菜、溫泉蛋同埋麵都係正常水準嘅~而成碗野最好食嘅呢，就係嗰嚿豬肉啦！😍成嚿肉煮又淋滑又入味，嚿肉雖然係有肥肉，但食落口唔會覺得好油膩！🤤👍🏻-講真，呢間嘅拉麵就唔係好啱我口味啦，但係下次我會再去食大肉飯！

日本過江龍鬼金棒👻店內提供圍身，帶住食就唔怕啲拉麵汁彈到自己啲衫啦🤪落單用QRcode一scan就搞掂🤳店內有招牌地獄鬼增級辣麻味🌶 每款拉麵均可選擇小中大辣味或者麻味，淨辣淨麻都得咖！🍖叉燒增量x2辣麻味噌拉麵🍜$135小麻&小辣🍜味道其實超輕微辣，配料嘅味道混合哂喺湯底度，湯底味道夠濃！油層厚，所以味道都突出！小麻味唔會太麻，其實冬天食都幾舒服🤪叉燒超級厚超級美肥🤤肉質超軟腍！肥膏都幾多，如果想食到味道嘅話可以食肉肉，咬走啲肥膏🙊超鐘意個叉燒啊😍因為唔喺薄個隻，超厚超厚🥰拉麵夠粗超彈牙💪🏻唔喺幼麵個隻😍🍜整體嚟講同價錢成正比嘅拉麵

經常食鬼金棒，因為真係會食上癮😂 增辣叉燒x2 辣麻味噌拉麵 $135，我朋友都係第二次食鬼金棒，但係佢通常都食唔辣，雖然呢度出名食辣味拉麵，但係估唔到唔辣都一樣咁好食，個叉燒肥瘦適中好淋，好入味，個湯底好香濃，配上粗身拉麵特別滋味😋味玉辣麻味噌拉麵 $100，今次嗌咗小辣，其實呢度個辣又唔算好辣，但係覺得食小辣都啱啱好，湯底夠麻，配料全部都有炒過，好惹味。就算食咗幾多次，下次都一樣咁想返黎食，因為呢度嘅麻辣拉麵真係可以算係香港頂尖嘅麻辣拉麵👍🏻👍🏻👍🏻

ଘ(੭*ˊᵕˋ)੭* ̀ 天冷時要吃拉麵保暖~//味玉辣麻味噌拉麵🍜//鐘意濃湯底、重口味既人士要試試! 辣麻味噌湯底, 辣、麻度可以自己選擇🌶 (無/ 小/ 中/ 高), 讓味蕾感受一下辣麻帶嚟既刺激感吧🔥! 其中一個主角當然係慢煮厚切叉燒啦🐷, 成嚿五花腩咁🤣, 好肥好邪惡😈! 拉麵屬粗身, 麵條有彈牙既口感, 充分吸收到味噌湯底既濃味。鐘意芫荽既一定要點《芫荽辣麻味噌拉麵》, 拉麵上鋪滿海量芫荽☘️☘️, 啱晒一眾芫荽迷🤩!

鬼金捧❤️👺鬼金捧其實就係日本魔鬼武器狼牙棒，全店主題偏暗黑風格，🏴‍☠️又掛滿日本鬼神裝飾，因為佢地主打既係死神級別麻辣湯底拉麵，🌶中意食辣既你地又點可以錯過呢？而佢地既拉麵因為係同時用冷熱水交隔汆燙混合三種粗幼不一的拉麵，所以同其他拉麵店唔同的地方是無得比客人自選麵的硬軟同多少，但食落口感都幾特別嫁！💡不設加一服務費📲 手機Scan QR code點餐💁‍♀️特製辣麻味噌拉麵（$120)👍🌶高麻高辣"每碗拉麵都有用慢火煮成的叉燒 玉米 同芽菜 叉燒煮得超軟腍 同超厚肉""中意食辣既真心可以挑戰下高麻高辣 好過癮 刺激味蕾之餘又嚐到味噌的味道"💁‍♀️增量叉燒辣麻味噌拉麵（$115)👍🌶無麻無辣"唔好以為無麻無辣就冇咩味 佢地既湯頭除左有豬骨蔬菜 仲有雞殼同魚湯煮成 係熬足8小時的湯底 所以超濃郁同超鮮甜"💡辣味的程度以碗的顏色區分，高級辣麻味會以🔴紅色碗奉上，而無辣，小辣，及中辣則以⚪️白色碗奉上。如果你看到⚫️黑色碗，那是地獄鬼增級辣麻味，我這次就沒有挑戰，留給你們吃過後跟我分享吧哈！

終於同家姐黎食 東京過江龍辣麻拉麵店 鬼金棒 拉麵店以日本妖怪武器為名 店內佈滿日式妖怪面具 仲有激昂嘅打鼓聲職員會提供即棄圍裙 岩晒我呢啲食野唔太小心嘅人 大家落單嘅時候就要用QR code ⁣▪️莞荽辣麻味噌拉麵 $115 (加味玉 $15)家姐見人地話小辣小麻唔夠喉就決定挑戰中辣小麻 點知食到出晒汗 但都食得好過癮 鍾意食辣嘅朋友可以挑戰鬼增級麵上面鋪滿大量莞荽 岩晒莞荽控味玉超流心 蛋液好澎湃咁流出黎濃底濃稠 淡淡味噌味 拉麵相對平時既粗啲 帶嚼勁 掛湯能力還好 但家姐就表示幾鍾意▪️炒豆芽茶辣麻味噌拉麵 $100 (加玉米筍 $15)玉米筍份量十足 質地爽脆 燒得好香口 炒芽菜爽口 除左可以增添口感 仲可以解解膩叉燒肉質非常軟嫩入味 厚厚一層既肥膏入口即融呢款拉麵就揀左小辣小麻 湯底既味噌味相對中辣較突岀▪️大肉飯 $55大肉同樣非常軟腍 充滿油脂香 飯粒分明 醬汁甜甜地 又幾好食整體而言 拉麵份量十足 女仔未必食得晒 個人好喜歡食佢嘅叉燒 鍾意食辣嘅朋友不妨挑戰下

呢間過江龍嘅拉麵舖一直都好想試🤩佢地嘅辣同麻嘅味噌湯喺日本黎講都算係數一數二😎餐廳仲會提供圍巾比食客，所以唔怕比啲湯彈到件靚靚衫🥳嗜辣嘅朋友好值得黎呢到試下🌶可以自選辣度同麻度，湯底香醇濃稠，比到小編好大驚喜🤩 呢度嘅拉麵底比較粗身，食落煙韌彈牙又有口感，小編勁鍾意🥺增量叉燒辣麻味噌拉麵（$115)增量叉燒嘅份量足足比正常嘅大一倍‼️餐廳揀嘅五花肉肥瘦量中，而且係成舊咁上，所以每啖咬落去都好有滿足感😍 味玉麻辣味噌拉麵（$100)佢地嘅溏心蛋做得相當出色😋中間嘅流心蛋黃真係令人招架不住🤤配料粟米仔都炒得好香，配埋又麻又辣嘅湯，即刻feel到惹火嘅感覺🔥-鬼金棒 (尖沙咀)📍尖沙咀金馬倫道20號地舖抵食指數：😚😚😚😚😚😚😚😚/10舔舔脷指數：😚😚😚😚😚😚😚😚😚😚/10（滿分💯）

差唔多有一年冇去過日本，好掛住喺日本日日夜夜食拉麵嘅感覺，知道尖沙咀呢度有間日本過江龍嘅麻辣拉麵，就專誠過去試一試！店員安排咗我哋坐吧枱，可以目擊成個拉麵嘅製作過程，仲有得即刻品嚐新鮮整好嘅拉麵🍜雖然係電話落單，不過都有份餐牌俾我哋望吓個樣電話落單可以唔驚講漏，一眼就可以檢查就自己叫嘅嘢啱唔啱落完唔夠半分鐘，店員已經拎左飲品上嚟，係好有效率嘅上菜速度朋友叫咗芫荽拉麵，平時好少見到拉麵店會有呢個選擇，芫荽份量一啲都唔孤寒，絕對可以品嚐到佢濃郁嘅味道。湯底方面叫咗小麻小辣，惹味得來又唔會蓋過左芫荽嘅味道另外叫咗一碗味玉拉麵全走，由於隻蛋嘅味道本身唔重，而且我又叫咗全走，所以成個麵嘅味道都好靠個湯底，不過由於我第一次嚟食所以唔敢食得太辣，所以都係叫咗小麻小辣淺嘗一下，不過如果下次嚟到，一定會加大少少個強度～最後我哋仲額外加多左一隻蛋😝

成日經過尖沙咀都會見到呢間「鬼金棒」日本東京人氣辣麻拉麵店，門外充滿和風味道🇯🇵見今日天氣涼涼地，一於入去食返碗熱辣辣嘅拉麵啦！店內外都充滿鬼怪佈置，設有bar枱位置，可以近距離欣賞廚師製作拉麵的過程拉麵有八款，麻度及辣度都可以自己選擇不同程度，也有多款配料及小碟可追加味玉辣麻味噌拉麵(無辣無麻)味增湯底好濃厚，鹹淡適中，配上粗身且彈牙的拉麵，好掛湯，非常滋味！豆芽菜及玉米筍都係即叫即炒，好夠鑊氣，好香口！溏心玉子蛋呈半流心狀態，充滿蛋汁🥚芫荽辣麻味噌拉麵(無辣高麻)額外追加左配料：芫荽、豆芽菜及味玉(溏心蛋)。呢碗芫荽拉麵相當震撼，鋪滿大量密麻麻、翠綠綠的芫荽碎，多到見唔到碗麵😂芫荽好新鮮👍🏻配上無辣高麻的味噌湯底，衝擊味蕾。日式叉燒肉好肥美，入口鬆軟，豬味好香濃，正啊肉碎飯日本珍珠米飯粒粒分明，充滿米香。配上半肥瘦的日式叉燒肉碎，鹹香美味，佐飯一流

今日心思思想食拉面，上網搵下資料，見到日本東京超人氣過江龍麻辣拉麵店「鬼金棒」係TST再開左分店鐘意食麻辣口味既我終於有時間試!鬼金棒門面同內部都裝潢得好有特色!有五種麻辣程度可以任意配搭!由於男朋友唔係幾得食得辣，佢簡左莞荽辣麻味拉麵(無辣，中麻)!拉面面層鋪滿海量芫荽，配搭湯底食落無咁油膩~芫荽控必試！我就簡左增量叉燒辣麻味噌拉麵(小辣，中麻)，叉燒用慢煮方法整，雖然係厚切但食落軟腍肥美!食完會想再加多一份另外面質同湯底都唔錯，係會另我想再食既一間拉面店