鬼金棒

营业中

休息中

平時同朋友都好鍾意周圍搵好食嘅拉麵，琴日就試咗呢間日本嘅過江龍鬼金棒，店入面都有好多好有日本特色嘅魔鬼，幾特別。🍴特製麻辣味噌拉麵 $120每一款拉麵都有唔同嘅辣度同埋麻度選擇，我同朋友本身都唔太食得辣，我哋揀咗小麻小辣，味道一樣係濃郁而且辣得好食，而且仲有得揀唔辣添。拉麵有兩舊厚叉燒，肥瘦好適中，滷水味道香濃，溏心蛋好有蛋香，係蛋黃紅卜卜嘅日本蛋。🍴炒豆芽菜辣麻味噌拉麵 $100坐喺bar枱可以見到師傅煮面，而且佢啲豆芽同埋玉米筍都係即刻炒，火候十足，好有觀賞性。芽菜嘅份量好似一座山咁，好足料。

已經食過幾次鬼金棒，但都成日掛住佢嘅炒芽菜同辣味增湯底，加上餐廳今期推出新口味，芫茜辣味增拉麵🍜無理由唔再黎呀芫茜辣味增拉麵🍜（加配玉米荀）：芫茜嘅量無想像中咁巨量，但都唔少，佢同湯底都幾夾，食食下有啲似麻辣米線湯底咁中麻中辣 辣味增拉麵🍜（加配叉燒）：超級大碗，個湯底真係無令我失望，好濃稠好掛麵而舊叉燒就更加無得輸，係我個人偏好嘅肥瘦各半，肥肉嗰部分入口溶化，唔洗咬，而瘦肉部分都炆到好淋身佢嘅芽菜又係一個亮點，炒到好香，絕不馬虎

呢間拉麵店係朋友大力推薦必試，今日黎開尖沙咀行街就黎左呢到食晚餐🤩餐廳要環境暗暗黑黑，天光燈更用上紅色，襯返晒呢間店名🤣🌟芫茜辣麻味噌拉麵 $110 🍜呢款拉麵係芫茜控既至愛❤️，增量版芫茜鋪滿成個碗，湯底都索晒芫茜既香味☺️，湯底可自選辣度同麻度，第一次試呢款湯底，覺得有d似小鍋米線既湯底，幾特別😌，拉麵軟硬適中，口感唔錯，配料仲有芽菜、日式叉燒、玉米筍！加左糖心蛋$15🥚🌟增量叉燒辣麻味噌拉麵 $115 🍜叉燒係增量版，又大又厚身，但食落軟腍，肥瘦適中，好入味😋，味噌湯底味道濃郁，加上簡中麻小辣，麻辣味突出，都幾過癮🤪📍鬼金棒 (尖沙咀)尖沙咀金馬倫道20號地舖

鬼金捧（尖沙咀）✨✨✨✨✨✨✨來自日本東京的鬼金棒專門炮製辣麻拉麵，其特製辣麻醬瘋魔很多重口味嗜辣朋友，網上評價亦很高！今次來到尖沙咀分店一試，其店內裝修切合店名，以鬼怪作主題，加上昏暗燈光，甚有鬼屋氣氛🥳🥳。✨✨✨✨✨✨✨1. 芫荽辣麻味噌拉麵 - 是其中一道人氣拉麵，芫荽控必食（非芫茜控都可試其他口味）一碗份量大，客人可按自己喜好點選辣味及麻味的程度，小編唔算好食得辣，只點了微辣麻，一般不嗜辣朋友都能接受的👍🏼湯底是日本秘方味噌配以香蒜炒製，入口相當香濃，微鹹加上辣麻很惹味，好味！拉麵質地較粗偏硬身有咬口，掛湯一流。配料有玉米筍、芽菜、大量芫荽及豚角煮叉燒，叉燒油香肉滑，好像東坡肉一樣，好味！🤤另外值得一讚是配料玉米筍很甜（平時街市買的都沒怎麼甜味），好味！配料的質素也很高呢👍🏼整體來說，這碗拉麵是很惹味再加上芫荽香😍廚師即炒湯頭及配料誠意十足，雖沒能點選正常辣麻湯底，但那微麻辣味令拉麵生色不少，嗜辣朋友更應挑戰試試🍜🌟小編食過一次後，大愛他家的玉米筍及自家角切肥叉燒😋 I will be back 😋🌟店內有即棄圍裙提供，以免沾污衣物，非常貼心👍🏼✨✨✨✨✨✨✨地址：鬼金棒 (尖

呢日毛毛細雨特別啱食辣野係尖沙咀街頭諗左陣 最後決定食拉麵3pm唔洗排隊 QR code落單有凍水&圍裙提供圍裙非常加分 唔怕紅色湯汁彈到件衫呢舊叉燒肥瘦相間 差唔多兩隻手指厚肥既部分入口即化瘦既部分軟冧入味 一齊食有東坡肉既感覺（只係東坡肉會再肥d & 甜d）鍾意食肥肉既真係要揀增量！但係女仔加左增量 就未必食得哂d麵粗麵+肥叉燒 完全中哂我既喜好揀左小辣走麻 （平時食三哥2小 呢度小辣算輕鬆）湯底主要係辣味 味道欠缺d層次蔬菜好有鑊氣 提升左整體既味道呢間可以encore

拉麵係我鍾意的食品之一，偶然也會去食，早前我係尖沙咀做完野後，順便去咗鬼金棒食拉麵。店內怖置充滿日本風格。我選了增量叉燒無辣無麻味噌拉麵，追加炒豆芽菜和蛋。客人可以因應自己的口味選擇辣度，好似我吾食竦也可以揀無辣無麻，夠晒彈性。這裡係用手機落單，方便快捷。拉麵賣相相當吸引。叉燒肥瘦分明，肉質夠稔身，完全不覺得乾身和硬。每次食拉麵，不能缺少蛋，蛋黃味道幾濃郁。麵質幾彈牙和煙韌，掛湯不錯。而芽菜夠脆口，ロ感十足，與麵一齊食，雙重口感。

周圍都係日式拉麵店 但係呢一間日本嘅過江龍拉麵店🍜我自己就好鍾意❤️佢哋嘅拉麵超級掛湯 口感又煙韌 招牌增量叉燒都係必食！係用左半肥瘦嘅五花腩 好入味肉質好嫩滑 仲好甘香 湯底都唔會好鹹好濃味🥰

聽聞佢嘅辣麻拉麵超級好食，而且會辣到頭皮發麻，滿身流汗，見到Menu有我好喜歡既超級多芫荽同埋玉米筍嘅拉麵，今日就嚟朝聖一下鬼金棒位於尖沙咀金馬倫道，由門口到裏面既裝修都超級有日本feel，播住日本嘅音樂，坐住吧枱一邊睇住師傅整拉麵，拉麵辣麻度可以自由選擇任何食材都可以自由配搭，非常方便🌽🍜▪️玉米筍辣麻味噌拉麵 $110 加味玉 $15有人唔食得辣，呢碗係纯味噌湯底，味道非常濃厚，好好飲，拉麵質地是比較粗，非常彈牙，味玉是自家製嘅糖心蛋，唔錯，最精彩係佢舊豬肉，正方形大大嚿，半肥瘦，超級軟淋好入味，好好食，另外就係大量嘅玉米筍，吸收左啲湯汁之後更好味，整體非常唔錯🍀🌶🍜▪️芫荽辣麻味噌拉麵 $110 加味玉 $15一嚟到見到咁多芫荽，成個人開心晒，啱晒我呢個芫荽控，麵嘅麻辣度我點左中麻中辣試下水溫先，辣味香濃，味道係我可以食到既，不過就越食越辣，個頭開始流汗，真係好過癮，豬肉同埋糖心蛋吸收左辣汁之後更加好味

位於尖沙咀金馬倫道< 𝓚𝓲𝓴𝓪𝓷𝓫𝓸 >, 店內裝修以日本神怪為主題, 主打重口味辣麻味噌拉麵, 更會分別用上白、紅以及黑色陶瓷碗, 奉上不同辣麻程度拉麵。芫茜辣麻味噌拉麵 $¹²⁵選了鬼增麻高辣湯底, 質感非當濃厚, 加入芫茜更能帶出鮮香味道。增量叉燒ˣ²辣麻味噌拉麵 $¹³⁵選了小麻小辣湯底, 質感濃稠。而叉燒有別於一般拉麵店, 層次明確, 半瘦半肥, 口感軟腍。可樂ᶻᵉʳᵒ $¹⁵可樂 $¹⁵鬼金棒 📍尖沙咀金馬倫道20號地舖

朋友知我愛辣愛茜，所以介紹，於是我慕名而去。叫咗個大辣、多莞茜拉麵。成碗都係茜！多茜到勁開心！！拉麵在下方，仲有一塊五花肉。肉都唔係重點了，茜加拉麵加埋啲湯，索了湯汁嘅麵卷住索滿湯汁的茜一齊放入口，勁好味勁香。莞茜新鮮，拉麵軟硬適中又大碗。雖然大辣唔係幾辣，不過幾香。（咁食日本野叫大辣根本預咗唔辣乜滯，所以唔會有失望感覺）叫咗支波子汽水調劑下，唔錯。一啖汽水一啖茜，味蕾享受。麵加汽水，135蚊，香港地，食碗拉麵差唔多價錢啦，好味就係抵俾。如果再加茜加餸加底就加錢，我夠食，所以無加任何野。

Ichiban Ramen🍜 Kikanbo❤️..耐唔時都想食東京拉麵🍜，呢間過江龍麻辣拉麵店一向都係我心水推介❤️，店內以日本神怪為主題夠晒特色。而且麻辣種類任意選擇、叉燒肥美甘香、拉麵煙韌彈牙又夠粗，去開尖沙咀想食拉麵就不要錯過喔！ll $110辣度(小辣) & 麻度(小麻) ll $100辣度(中辣) & 麻度(中麻)小食：ll $30飲品：ll $35 & ll $15..×××××ש尖沙咀金馬倫道20號地舖..

If you are a fan of spiciness and “ma-la”, Kikanbo is the ramen shop you have to visit. Their miso soup base is super thick and flavourful. Customers can choose their own levels of spiciness and sancho pepper so you can still go for the non-spicy option like me if you are not a fan of spiciness. The ramen is thick so it coated the soup and sauce really well. The ramen is topped with huge amount of sprouts and spring onions so it adds a sense of freshness to the heavy and thick broth. My favo

今次就試咗一款超人氣嘅芫荽湯麻辣味噌拉麵🍜一上枱真係嚇親 😨啲芫荽鋪滿晒成個面 每一啖都係芫荽味🤩芫荽必試💚嚟到一定必嗌佢哋嘅增量叉燒 一層肉一層肥膏夾住 食落唔會好肥 夠晒嫩滑 啖啖肉真係超滿足💓

今次小編帶大家去食位於📍銅鑼灣嘅鬼金棒 內裏裝修非常有日本特色🎌，有係日本食拉麵嘅感覺。適合唔同食量嘅朋友仔，如果大家自問好食得，可以挑戰一下啊～🤤今次小編揀咗增量叉燒拉麵，賣相可能唔算吸引💩，湯底真係好濃，麵條亦都彈牙😆，如果唔食得辣嘅朋友，佢都有一個係唔辣嘅，小編建議大家可以食辣嘅🤤，最後小編連湯飲晒，真心好食！建議大家可以早小小嚟，因為都成日要排隊等位㗎！而且可以食到飽飽，好有滿足感🤩。整體：🌟🌟🌟🌟性價比:🌟🌟🌟🌟食物：🌟🌟🌟🌟環境：🌟🌟🌟人均消費：100/ h

一入門口已經勁有feel，入面黑黑紅紅👹，好似去左另一個地方咁。背景音樂係一連串既鼓聲，全餐飯無停過，好澎湃。🥁🥁🥁呢到有圍裙提供，唔會彈到自己。呢到既麵可以自選麻辣LEVEL。增量叉燒x2 辣麻味噌拉麵一見到已經流哂口水，叉燒超大舊，望落好厚，食落勁軟腍！肥膏個部份直頭入口即溶！辣麻味噌沾麵濃味人士必點！加左味玉，叫左小辣中麻，個人認為有少少四川風味😂，湯底帶些少酸味，每一條麵都索哂個汁，勁惹味！糖心蛋唔錯！沾麵有舊細叉燒，分左舊比女朋友。總結係叫Double叉燒分比佢比起佢自己係沾麵追加叉燒抵D😎。