鬼混 (已搬遷) 新店位置

呢間以鬼混為主題又玩味十足既西餐廳🍽早於佢地試業時候就已經好有興趣，最近見到唔少相關食評實在係太吸引，忍唔住要去一「食」究竟🤪.餐廳地址顯示係糖街8號樂聲大廈，實際位置係大廈前方一個貌似商場入面，要坐扶手電梯上到1樓先會搵到🙆🏻‍♀️1樓除左餐廳之外仲有一間商店專賣各樣古靈精怪既雜貨✨，樓層不定時會有市集同電影觀賞🎥等活動舉行，裡裡外外都離不開👻主題撇開玩味同主題賣點，餐廳內既吊燈💡、屏風以至為人熟悉既《最後的晚餐》同《創世紀》等掛畫🖼各種細節無不展現出濃厚既歐洲文藝復興氣息，每一處都充滿住古典美，非常適合打卡📸.呢日同娘親大約兩點鐘到訪，未知係咪因為過左平日午膳繁忙時間，侍應除左主動向我地介紹餐牌上既菜式亦會不時留意住我地既需要，服務💁🏻‍♀️非常到位👍🏻******************************餐廳平日12點到兩點半會有lunch menu，主菜會跟一客餐湯/沙律(2選1)同美式咖啡/烏龍茶，轉其他飲品會扣減20蚊 -🍴松露蘑菇湯🥣呢日飲到既係松露蘑菇湯🍄，黑松露味道濃郁，蘑菇就因為打得比較細以至口感唔算太明顯，相信粗粒番d會令口感更加豐富🤨-🍴鮮果沙律🥗Menu上寫

前排帶左男朋友去鬼混呢間叫鬼魂嘅餐廳裝修好特別用咗好多關於恐怖及鬼怪嘅裝飾做主題成間舖都瀰漫著神秘又古典嘅氣氛打開餐牌嘢食飲品名都好得意水牛芝士氣球沙拉 $128見上網啲人分享過呢款沙拉上面有個脹卜卜的氣球岩哂影相但原來店員唔建議我哋食用呢個用水牛芝製成嘅氣球佢話始終唔好食同有化學味沙律嘅配料好豐富有柚子丶黑桑子丶水牛芝士加啲有果味嘅酸汁水果整體都好甜好多果汁燒汁日本A4和牛燉飯 $228熱辣辣的和牛飯鬼混馬丁尼 $112由杜松子酒、馬提尼、檸檬汁、奶油、奶泡 的苦艾酒。加左蛋清一起shake，令蛋清產生白色泡沫。 味道係酸酸甜甜且有奶味的乳酸酒。孟婆湯 $126呢杯有名叫做孟婆湯，想試下有幾反吾到轉頭，就要試下膽啦。酒底有杜松子酒、朗姆酒、伏特加、馬提尼、龍舌蘭酒、蘋果西拉格、煎茶餐牌話帶有甜味和煎茶的香氣，我反而覺得佢似溝左綠茶的威士忌。

最近做緊CAFE專題 搵到間幾有趣既新餐廳 叫鬼混呢鋪真係去鬼混啦~主打西餐輕食類 選擇都幾多 一個人食左個午餐SET 試下佢有幾特別先牛油果蟹肉伴墨汁脆片炸蝦餅 柚子梳打特飲底層墊了蟹肉加牛油果蓉 上層有一件脆墨汁片 上面係炸蝦餅 裝飾紅絲係辣椒絲食法係將牛油果蟹肉蓉抹上脆片食一起食 蟹肉牛油果蓉 入口即溶 口感細滑如忌廉一樣炸蝦餅夠彈牙香脆 幾有趣好食既組合今日咖啡選擇唔多,無飲咖啡改飲特飲 銅鑼灣糖街8號樂聲大廈1樓評分8/10消費$150

餐廳喺正戲院樓上，上電梯比大堆鬼片海報包圍電影感十足，周圍仲用好多恐怖裝飾佈置連餐桌同碗碟都係精心揀過配合番主題大家覺唔覺得，主題餐廳總有陣伏味呢間真係少有地咁高質，而且好味得好有驚喜柚子炙燒左口魚呢個雖然得兩舊，但味道超班燒過嘅左口魚大家都知油香幾勁加埋上面嘅柚子爆珠，酸酸味味中和番連埋鬆脆蝦片，係一個超高分嘅前菜，必食！鵪鶉桂花卡邦尼烏冬如果滿分係10分，我會比11分！個醬汁好Creamy同Rich，芝士較多食落較酸反而無一般嘅唔滯，一啲負擔都無最特別係加咗桂花嘅關係所以仲有種獨特嘅花香烏冬麵質係我鐘意嘅偏軟偏淋鵪鶉肉嘅肉質結實，煎香後表面金黃混醬單骨雞翼我哋揀咗腐乳味加芝士醬，口味一啲都唔奇怪喎兩樣重口味嘅加埋一齊有種獨有嘅和諧首先腐乳味係醃入哂雞翼裏裏外外唔會得個外層有味，唔知醃幾耐先做到點埋個芝士醬，重口味得黎又好滿足我仲叫咗個棉花糖焦糖咖啡上面層泡沫都融合哂粒粒棉花糖真係未食過咁好味嘅主題餐廳，必定會回訪！

今日又係我銅鑼灣食神，微服出巡嘅時候。今日好感恩，又返到銅鑼灣，呢間餐廳位置就係喺CEO Neway樓上附近啦我唔知，喺糖街嗰邊入。睇得我食評多嘅人，就必須要講吓泊車先，我附近後邊U Turn有位可泊，街王可以睇吓。附近停車場皇室堡就係好似全世界「香港」最貴停車場。想平嘅就宜家傢俬隔離嗰個停車場，係魔鬼停車場大家小心！間餐廳同嗰個商場設計都好有心思，玩鬼😂😂😂😂我仲未去過呢個商場嘅鬼屋，有機會可以試吓嘢食好好食，菜色擺碟好有心思，睇得我食評多都知道我好食唔會講咁多，你哋自己試吓做好啲。唯一餐廳都有啲客，餐牌字有啲細，對我呢啲老花人來講，唔係睇唔到辛苦啲😂😂😂整體上去啦唔錯！差啲唔記得平常最主要睇嘅服務，雖然服務生，餐桌禮儀或流程不太熟練，但重點都有熱誠，又是像我年青的時候，加油啊！年青人！

估唔到除咗日本之外，香港都有一間用鬼嚟做題材嘅特色fusion餐廳，食過一次簡直係返尋味，完全係突破我對餐廳嘅想像，超級驚喜🤣💕依間餐廳位於銅鑼灣嘅樂聲大廈，就算一嚟到，已經係成個鬼屋嘅主題，餐廳門口有好多對於鬼嘅主題，全部都係關於香港，所以好有共鳴，一入到餐廳，環境超級闊落，而且有種西式古堡嘅感覺😛喺度食嘢非常之迷離同埋有氣氛，重點係嘢食都好掂！錢財方面我哋叫咗兩樣：鴨肉醬鵝肝慕絲脆片鵝肝醬非常之香滑，仲有背住水果食，所以感覺唔會好油膩，睇吓仲有一塊脆片，食落去口感好多元單骨雞翼（粟米片同埋芝士醬）味道條配得啱啱好！雞肉嘅肉質好鮮龍蝦湯脆米半海鮮🦞10分推介，未到超級特別，好鮮濃嘅龍蝦湯味道，而且材料好豐富，裏面有蝦、龍蝦🦞法式燉蛋同埋白朱古力夏洛逸蛋糕🍰法式燉蛋非常之滑，蛋糕都超級香滑，完美嘅一餐💕

這間位於銅鑼灣糖街的fusion 餐廳，乃香港少數以鬼怪作主題的餐廳，專登利用昏暗微弱的燈光，周圍以骷髏骨作佈置，營造氣氛，讓食客彷彿進入異度空間進餐，領略另類的用膳感覺。這裡除了滿足打卡人士，餐廳食物款式有創意，質素亦相當不俗。👻龍蝦湯配脆米伴海鮮 $228龍蝦湯用中式茶壺盛載，可以按個人喜好控制加入份量。一個個脆米波波，外層輕輕炸過，口感有點像飯焦，脆米吸收了龍蝦湯的精華，再伴著龍蝦肉和珊瑚蚌吃，鮮味無窮。👻混醬單骨雞翼 $76雞翼新鮮炸起，熱騰騰又夠脆，小編選了芝士醬，加添邪惡感，超級惹味。👻佛手柑伯爵茶奶凍 $68佛手柑跟伯爵茶配搭很清新，奶凍質感順滑，甜度剛好，不算太甜。

9 0 後 的 味 蕾 .原本諗住去睇神奇小子，點知係電梯見到呢個餐廳.以驚憟鬼怪為主題既餐廳，由電梯開始悉心佈置，兩旁都係驚嚇Poster.一上電梯就見到一個以香港既鬼故事為主題嘅展覽.行到盡頭就會見到呢間餐廳，成個Area都係充滿鬼怪擺設，好有特色，餐廳入邊都係一樣，好多骷髏骨頭嘅雕像，所有枱櫈、碗碟都配合番主題，啱晒打卡.📸鬼混醬豬肋骨 （半份$198）豬肋骨絕對係一大驚喜，同必點呀！💥餐廳用上黑毛豬製作，表面燒得恰到好處，特製既混醬能夠均勻覆蓋整排豬肋骨，表面醮上蜜糖加上少少辣味，非常醒胃同入味。.值得一讚係選用既豬肋骨肥瘦均勻，肉汁全鎖住晒係入面，每一啖都充滿肉汁，好味到連啲軟骨都食埋，再講份量好大件，又好厚身，有成5枝骨，兩個人叫半份就夠，唔使200蚊食到咁高質既豬肋條，真係非常抵食！.📸烤焗牛骨髓配麵包片 $148牛骨髓唔係周圍都有得食，見呢度有所以特登點黎試下，一捧上枱已經有陣油香味撲鼻而來，食入口既味道似係煎香左嘅鵝肝，但口感比鵝肝軟身，有非常濃烈嘅牛骨味，配上香脆既麵包一齊食真係好夾，一條牛骨入邊嘅骨髓份量唔多，好快就清晒，非常矜貴，食完牛骨髓仲可以食返伴碟嘅沙律菜

Walking into vie won won feels like entering a mystical story, with skeletons hanging above you and a plethora of vintage mystical decorations. It definitely shows the humongous amount of thought and effort that went into the interior design! Apart from the beautiful decor and interior, their mouth-drooling food is definitely one of the highlights of my dinner! We got the classic vie vie won yam fries, a sweet potato risotto with seared scallops and a beetroot portobello risotto. I had never had

前兩日係孟蘭節，今日嚟咗呢間以鬼怪為主題嘅餐廳👻。餐廳設計好特別，有好多鬼怪裝飾，但一啲都唔恐怖，仲好有藝術感！🥩美利堅合眾國西冷牛扒（$178）牛扒叫咗五成熟但嚟咗七成，好彩仲係好腍，調味唔會太鹹，突出返原本好重嘅牛味！啲伴菜有驚喜😍！薯角係啱啱炸好嘅感覺，有薄薄一層脆皮，蘆筍同雜菌係用牛油炒過，好香！🍱Choose Your Own （5 items $146）Main course方面，可以自由配搭，今次就揀咗五個items，分別係脆炸魷魚圈、唐揚炸雞、醬油漬蛋黃、牛油果明太子蟹肉同埋芝士焗蔬菜，仲跟咗飯。特別欣賞脆炸魷魚圈！咬第一啖驚覺佢好薄粉，而且魷魚好厚身，唔似平時喺大部分餐廳沾咗好厚粉漿先拎去炸，仲要舊魷魚好細舊🥲沾埋底下辣辣地嘅醬汁食更加惹味！🥣是日餐湯（跟餐）今日係南瓜湯，碗湯比較稀，一開始冇咩南瓜味，飲多幾啖南瓜味先慢慢散出來！☕️ marshmallow caramel coffee （$58）第一眼望面頭以為係奶泡，一飲係有啲挺身又甜甜地嘅一層，介乎蛋白霜同棉花糖之間嘅texture，幾特別！一開始以為棉花糖加焦糖呢個組合會好甜，但因為咖啡味比較突出，正正可以中和

鬼混 Vie Won Won銅鑼灣 E出口 樂聲大廈和朋友傾開，銅鑼灣有一間題主題餐廳，Vie Won Won，主題特別，食物質素高，今天抽空一試。炸魷魚圈超級香脆，魷魚口感煙韌，新鮮、不太鹹、沒有雪味，處理得很好，不點醬汁也很好吃，一件又一件，很邪惡。 炸魷魚圈配辣醬，辣度不錯，喜歡辣的朋友一定要試。薑蔥炒龍蝦米仔粉面層放了番紅花、炸香蔥、香草，十分可口。龍蝦肉很鮮甜、彈牙、蝦味濃沃。米仔粉口感有趣，和配料蘑菇、薑絲、炸香蔥特別夾。鬼混醬豬肋骨即叫即烤的豬肋骨香氣撲鼻，脂肪和肉的比例十分好，一口咬下去，整個口腔都是肉汁，比較林的軟骨也可以吃，我喜歡用手拿著肋骨吃，別有一番風味。醬汁鹹度適中，吃完不需要灌水。西芹檸檬青蘋果梳打原汁原味的蔬菜生果汁，超級新鮮，飲完感覺好Fresh，健康之選。

星期日2:00去食，入座率竟然得一成。 Order完，嘢飲好快有，之後薯條都好快有，個場冇咩客，但2個主食等左成30-45分鐘先有，真係有啲耐。Order左蕃薯條，燒汁日本A4和牛燉飯，是拉差汁三文魚，雖然等得耐，但係食物外觀好靚好吸引，食落仲有驚喜👍🏻完全唔係因為太肚餓😂全部都好好食，好出色。 薯條份量多，我哋兩個女仔係食唔曬，三文魚比我想像中大份😂雖然價格個人認為偏貴，但都會再去多次同介紹比朋友🙈

今晚約左朋友去鬼混，位置係糖街戲院隔離有條扶手電梯上，因為第一次去，來回行左兩次先見到。 我覺得佢個招牌可以再整大d! 上到去就覺得好應節，而家仲係農曆七月，有好多鬼主題既佈置！ 當然我覺得halloween 黎會更加應節😂入到去環境都吾錯！ 我地拎住一袋二袋，佢有拎個籃比我地放好d袋！ 先黎左一個麻辣蝦芝士伴意粉麻辣味好重，蓋過左芝士味！個蝦好大隻，不過都係比麻辣蓋過左個鮮味！ 成個意粉好惹味，略嫌芝士味無乜！ 再黎一個龍蝦湯配脆米伴海鮮Waitress提醒我地要將個龍蝦湯倒落去d脆米到浸住一兩分鐘先夠林！ 試左之後覺得脆米無想像中甘脆，然後佢吸曬龍蝦湯既味，有d似燉飯！ 另外龍蝦湯個味好濃好鮮，食完個飯仲有湯淨可以飲埋個湯！ 呢個好味佢個份量對女仔黎講岩岩好！（如果大食d,就吾夠），對男仔黎講，份量偏細！ 同埋我覺得個選擇吾夠多！餐牌上有一半選擇標註適合素食者，對素食者黎講多個選擇！ 我見到隔離枱叫左個有水晶球既沙拉，個樣幾吸引，可惜我地埋單先見到😂無辦法，今次無試到整體黎講，我覺得吾錯！

一間充滿玩味嘅fusion菜餐廳, 入到去有vintage feel, 影相就啱晒👍🏻當日weekend walk-in去食都仲有位😃呑拿魚他他(4.5/5)他他係必叫嘅starter, 一共有5層, 視覺味覺💯味道非常豐富🤩職員建議五層一齊食, 結果係好fresh😍鵪鶉桂花卡邦尼烏冬(4/5)聽起上嚟怪怪地但成件事原來出奇地好食😋尤其是個桂花味幾特別幾出色, 清甜得嚟唔會假香味👍🏻卡邦尼烏有咬口😉唔錯野食以女仔份量嚟講啱啱好🐷如果想坐落地窗口位就建議先book枱先, 一位難求😆

鬼混位於Cinema City JP上層，係戲院門口嘅扶手電梯上。行到去餐廳之前仲有一個小型嘅展覽。鬼混嘅室內裝修好有古典外國風味，用嘅餐具都非常精緻。今日晏咗少少去人冇咁多，安排到窗邊嘅位置望到遠景非常舒適。呢度嘅午餐有兩種。一種係已經set好嘅餐，另一種係你揀一個主菜然後可以任意配搭幾款餸。如圖所見，我同朋友每人揀咗五個餸，最有驚喜嘅係個青年人鯖魚，即叫即燒，所以係熱辣辣咁上菜，雖然等耐左少少，但係絕對值得。