高興 (已結業)

星期六的下午蒲一走進門，就覺得這間餐廳很特別，映入眼簾是一個理髮店的背景，仿效得很真實:牆身、鏡面、風筒、昏暗的燈光。感覺懷舊，生活節奏突然放慢，令人變得懶容容。我點了杯芒果熱情果特飲酸酸甜甜味道好極朋友點了個 水牛城雞中翼 配芝士醬雞翼比平常的 大一倍炸得香氣撲鼻 另外不想 忌廉芝士及牛油果醬其實雞翼味道非常香脆酥口，即使不點任何醬料亦已經很夠味。但點上忌廉，感覺沒有那麼熱氣點上芝士，味道會更豐富加上牛油果則令雞翼變得更清新 從沒有想過一個水牛城雞翼可以有那麼不同的口感最後感覺是:很抵吃我揀了 英式炸魚配菜薯條炸魚多肉，炸粉沒有很厚無論點茄汁還是魚柳汁，味道都不錯主食我們點了牛扒意粉 頗大一碟牛扒比想像之中大快及厚身，大概七成熟。 沒有鞋口感覺，加上黑椒汁，味道不錯。最後我們還點了肉桂蘋果pancakePancake是即叫即做，需時大概十至十五分鐘。賣相非常吸引，還有一球雲呢拿雪糕加在最頂伴肉桂蘋果果肉。肉桂與蘋果果然是perfect match 肉桂味道沒有蓋過蘋果的酸甜 Pancake煎得夠軟、鬆化、微暖又夠厚，非常有口感。

今日lunch 跟同事去附近工廈一間餐廳環境唔錯乾淨企理睇咗一陣餐牌，我叫咗杯青檸青蘋果檸檬特飲，今日太熱了，要消消暑。 特飲好香蘋果味， 有點似蘋果軟糖的香氣，個base係梳打水，夠凍又解渴。 牛油果鮮蝦墨西哥片小碟底部滿滿的鮮牛油果，上面一層是切粒的鮮蝦。 拿起一塊墨西哥片，再加上鮮蝦牛油果，又脆又滋味。不錯的小吃。我揀了海鮮意大利飯 非常creamy 意大利飯不算太硬，應該是迎合香港人口味。醬汁夠香濃，海鮮好大隻，無雪味，而且仲混了一些口感爽滑的菇類在飯當中，食起嚟唔會覺得太膩滯。同事最愛茄湯吉列豬扒烏冬 烏冬麵質煙韌彈性，吉列豬扒炸得酥脆嫩口茄湯烏冬味道較酸，湯底比較濃稠，非常開胃一個lunch也是吃得高高興興的。

前幾日，去觀塘等朋友放工～之後佢帶我黎工廈一間餐廳食 dinner，間餐廳叫 "高興"。入面既佈置好特別，裝潢都算幾靚～ 講真，完全唔覺得原來置身0係工廈入面！ 一坐低，叫左2杯野飲先~朋友點左蜜糖檸檬特飲，我就叫左杯荔枝冰茶～ 蜜糖檸檬甜甜酸酸，味道特別；而我杯荔枝冰茶我懷疑佢比錯，飲落係蜜桃味，不過費時煩既關係，我照要左～ 小食叫左：水牛城雞中翼配芝士醬～除左芝士醬之外，仲有牛油果醬、sour cream，真心覺得d 醬佢地自家製得幾好！雞翼雖然望落熱氣，不過食落又ok wor =] 主食要左一個蕃茄吉列豬扒烏冬，另外一個要左個摩洛哥雞肉沙律！highly recommend 摩洛哥雞肉沙律，入面材料非常豐富～好健康，有牛油果、紅菜頭、蘿蔔絲、蛋白、雞肉、杏仁、提子乾、菜！沙律醬又撈得幾好，$74 抵都爆啦有咁多材料！而蕃茄吉列豬扒烏冬都唔錯，烏冬彈牙煙韌～蕃茄湯底濃度適中，吉列豬扒香脆肉嫩，唔錯 =] 甜品點左個香蕉朱古力 PANCAKE~勁有誠意，佢地係用MOVENPICK 朱古力雪糕咖！不過 PANCAKE 好厚，唔算鬆軟，我就麻麻地。 埋單先發現呢度原來冇加一咖，每

的確，工廈餐廳的爆紅，不是因為班長，只是每個星期都注意到有新cafe開，特別是荔枝角和觀塘這些地方，餐廳的數量，快過貓狗繁殖。 我很喜歡注意一些與別不同的cafe，無論同人談開有話題或放在口袋都有用。 高興，就係近來一間我非常喜歡新開的cafe。 一入門口，就被高樓底，文青feel的氣氛，那個舊式理髮店的角落，無人不討人歡喜。 坐下來，還發現這裡真係有場可以俾band作正式表演，從前認為呢類地方只有酒吧才可以，誰知cafe都有這種，不是工廈餐廳，又點會做到。 先來杯綠茶Latte，latte的奶味不會太重，綠茶味香，當然是合格，當然你和辻利和伊久衛兵門對比，我沒有說話好講。 白牡丹是泡過才給我們，濃得像在品茶一樣，唔係市面一些hea底的cafe般。 佢嘅下午茶其實幾吸引，不過因為係餐單裡看到一個更吸引的item，蒜香豆豉鯪魚意大利粉，我相信這個是crossover的極致，和午餐肉壽司有異曲同工之妙。 意粉是煮得不錯的，每條都有一定的彈性，豆豉鯪魚和蒜香剛剛好滲落每條意粉，我不會說那些豆豉鯪魚點好點好食，只不過係個味同食過創意，豆豉鯪魚應該是罐頭的貨

人大咗，學懂凡事不再睇重得失，自然可以冷眼看世界，輕鬆自在。所以，不只今天應該很高興，係天天都要令自己高興。一個好的餐廳名字總會吸引到第一吓的注意力，高興，人人都想用餐時與親友共聚共享美食能有高興的心情。餐廳乃近期熱點，老公與我都襯熱鬧去高興一下。星期六的黃昏真係好熱鬧，諗唔到工廈入面都有咁多人，如果再遲少少去更加要等位。餐廳裝修帶有懷舊風，一邊係妹妹理髪廳，另一邊有霓虹光管的小舞台。餐牌有小食沙律意粉飯烏冬all day breakfast扒類甜品，定價最貴的扒類百多蚊，其餘都係百元以下，價錢吸引，又唔收加一。大蝦柚子沙律比想像中大碟，大蝦已去腸，難得的心思，大蝦肉質十分爽脆。沙律菜份量很多，調味汁相對上份量有點不夠，柚子亦相對上份量較少。松露雜菌意大利飯中的飯粒已全熟，但亦唔會好腍身，芝士松露味道香濃，老公同我兩人好快已經清碟。昆布菜甫大蝦意大利粉配搭好fusion，大蝦同沙律用料相同，大隻爽脆。昆布菜甫帶有丁點鹹味，意粉用辣椒炒香，有點越食越辣的感覺，配搭新奇但煮法唔算複雜，又可以偷師。見到餐牌有有機梳打水，好奇之下叫咗薑同血橙味。薑味梳打味道直情同薑啤一樣，辛辣味被甜味完全中和

觀塘有間新開張的年輕人潮店cafe，店名叫happinesssss，希望大家都可以喺度享受高興嘅時光。最近差唔多每星期放工都會黎觀塘上堂，所以都幾熟路啦，而咁啱「高興」原來喺同楝嘅工業大廈地下，咁就一於book位上堂前黎食嘢啦。特別嘅喺餐廳用左一角位置做左個溫馨小stage，用作表演live music。店內裝修佈置有懷舊風味，相信九十後對呢啲懷舊嘢無回憶，但覺得好得意吧！素菜豆腐蕃茄烏冬鍋$56: 蕃茄湯味道幾濃，酸酸甜甜，烏冬好滑溜，豆腐亦是，仲有啲娃娃菜、磨菇同蕃茄，蔬菜吸收了湯汁特別滋味，原鍋上可以保持熱度。快快樂樂all day breakfast$62: 餐廳有兩款all day breakfast，選了款有egg benedict的，上到來原來只有好細隻，而且不是傳統的muffin包而是用了法包，幸而蛋黃半熟都有點流出效果，其他配料有蕃茄、火腿、腸仔、茄汁豆、沙律菜、磨菇，沙律菜不算太爽，其餘都不錯，特別喜歡腸仔、菇和蕃茄。水牛城雞中翼配芝士醬$40: 新鮮炸起，香脆熱辣，每隻大大隻，配上牛油果醬或兩款芝士醬食，唔會覺得單調，雞翼本身味道咸香，肉滑溜多汁。公司三文治$44

我一向好喜歡光顧cafe，今次又遇到一個特色cafe — 高興。內裡裝潢懷舊感十足炸魚薯條 $48炸魚香口肉嫩，炸粉不會厚但夠脆，而薯條味濃。帶子蕃茄意粉 $72雖然其貌不揚，但原來幾有內涵，有驚喜。有帶子、蘑菇都算足料，蕃茄味香濃，意粉軟硬度膏中。見到pancake有檸檬口味好特別，當然來cafe不少得杯咖啡。Rose Latte $32拉花還可以，上面灑上少少玫瑰花瓣，咖啡偏濃郁，味道會比較苦，這個喝了晚上我未能安睡...><檸檬忌廉楓糖pancake $48，倒了楓糖糖漿，pancake質感是偏厚實那種，將檸檬在pancake擦幾下，多種清新感覺。可是質感我不太喜愛，在日本食震震下的pancake才是我最愛。

約左fd去觀塘廣場買嘢，曾經响IG見到🈶️人post呢間啲相好正，又係玩懷舊feel。超多呃like影相位、地方夠哂大，我估響得工廠區開唔多唔少都係預比人包場攪event, 呢度應該唔錯，如果我無睇錯好似連簡單PA system都有。不過呢食物就極度失望，同個fd一人一款all day breakfast (個名好似一個叫高高興興、一個叫開開心心😝），分別只係在於一個炒疍、一個benedict egg. 講真食材完全無質素，我隻benedit一啲都唔流心、沙律菜梅梅黑黑、香草腸、茄汁豆、Parma ham、菇全部都係無乜特別。本來我諗$68一個all day 係唔應該有乜要求嘅，但後未先發現佢唔包嘢飲，仲要叫嘢飲要正價，夾埋差不多$100 per head！車，計計埋埋咪同SimpXXlife 個all day差唔多錢？咁以呢個價錢可以搵到啲好有質素嘅all day la. 總括而言，黎影相呃like應該可以好滿足，嘢食就千祈咪叫all day breakfast la!

同事介紹話食咗一間餐廳幾好食，咁呢頭附近有冇食烏冬嘅鋪頭，今日有特別想食烏冬，所以就過咗嚟食。我另外一個同事都係第一次來，第一個反應就係話以後一定呢度食，點解會咁樣？因為呢度全部都係後生嘅服務員。。血氣方剛。。大家明喇。。哈哈。。呢度嘅烏冬全部都係用鐵鍋，你我就最鍾意。因為甘先至可以保持到烏冬湯嘅熱度，咁樣食先至最好食。而今日揀咗個番茄湯湯底，番茄湯湯底嘅番茄味道都幾濃，但係就冇番茄嘅渣，應該就用左蕃茄嘅調味料。配料就用咗娃娃菜，亦有好多唔同嘅菇菜，菜類嘅份量都幾充足，而烏冬係用左扁身嘅厚實型烏冬，幾滑。不過埋單呢就要差唔多＄60個，雖然有埋杯嘢飲，份量亦都唔細，但係只係一個打工仔嘅午餐來講就較為貴左少少。

最近見到有朋友去左依間cafe 裝潢夠晒懷舊 我又約左朋友一齊去食野兼hea下 順便解決埋lunch嘛 去到發現真係好正 極懷舊 有仿理髮廳area添 仲有啲擺設都十分有味道點左一個意粉 飲品同埋甜品松露白菌意粉 $78平時都好愛黑松露整既料理 好香 白菌都好多 而意粉兩人share都ok呢 當然要點其他食物 因為本身有忌廉所以會增加飽肚感抹茶Latte $32睇落好濃郁 飲落都吾會粉粉既感覺 奶味都重 整體都幾鐘意但就甜左少少!檸檬忌廉楓糖pancake $48最後仲上埋甜品 即叫即整所以等左一陣一開始以為會好乾 但佢既質感係濕潤煙韌架 意料之外的好食 本身食到飽飽地但仲同朋友清晒成個 同埋依個口味好正 檸檬忌廉更解膩 配上楓糖好搭 仲好平添我覺得pancake幾好食 同埋同朋友一齊食野傾下計係一個吾錯既地方

lunch time無意中發現左呢間餐廳餐廳格局好有懷舊feel 好得意係門口望過下餐牌覺得set lunch價錢合格於是決定去試試佢lunch time無得book位 去到要攞飛等位 我地三個人 大約等左10分鐘就可以入得了我地三個都係叫左蕃茄湯吉烈豬扒烏冬($59 包飲品)上食物速度都ok快個蕃茄湯都幾好味入面仲有小小高麗菜同茹烏冬似係手打烏冬 味道份量都ok係略嫲煮得林左小小 豬扒好大塊 炸得夠脆 不錯熱奶茶 一般 當然吾夠茶餐廳的好飲整體餐廳食物質素不錯員工友善 上菜都快 下次再來試試其他PS 已book枱下星期五晚上再來試晚餐希望吾會失望

係工廈區搵到間唔錯既餐廳，以懷舊同理髮做主題既cafe，有好幾個打卡既影相位，間中仲會有live band表演，食物價錢亦好合理。 高興雞中翼配特色醬($40) 雞翼炸到香脆，醃得入味，不點醬已經好夠味，仲有3款特色醬可以點來吃，雞翼配煉奶都幾特別，之前都未試過咁食！另可點牛油果醬同酸忌廉(=^_^=)芝士雜菌雞肉意大利粉($72) 雞肉預先煎香，香口嫩滑，意粉則有咬口，味道很creamy同豐富。 食物份量足夠呀～～～香草令到味道更出<(‵▽′)>松露雜菌意大利飯($72) 松露味不是太突出，而飯粒味道濃郁，有口感 ，雜菌份量都挺多(´･ω･`)雙重巧克力pancake($52)2層Pancake中間有少量棉花糖夾心，比較厚實有如蛋糕般，pancake中間會有朱古力粒，縱然有一球朱古力雪糕，但食到尾覺得好dry呀〒.〒 我比較中意食鬆軟，輕盈既pancake多D><!Green tea latte($33) 奶味較出，綠荼味不重~~薄荷朱古力($33) 朋友點的，只喝了數口，味道順滑，薄荷朱古力味好清新！聽說偶有live show表演，唔知會係點呢？中

觀塘工廈美食多是人所共知的，單看食物質素的話，很多都有保證的；要是看裝潢的話，很多都能媲美高級餐廳，而他們走的也是高檔次路線。當然也要獨立的看，因為並不是每一間都做到樣樣俱全，真的是試過才知道。今次我跟好友來到這家位於成業街的工廈餐廳，走到入去餐廳也要轉幾個彎才能到達，地方並不算就腳。 門面也蠻懷舊的，看上去像是模仿八十年代那種裝潢。其實一直覺得摩登時尚也好、懷舊也好，做到想要的效果、讓人感到有相應的氛圍就好。這邊是成功的，一件又一件的懷舊物，放在一起時，竟然有種和諧，令人想要窺探每一件產品。 美式炸魚配粗薯條 ($48) 一頓晚餐，點了炸魚薯條作為小食，新鮮炸好的薯條永遠最吸引。相當香脆，但中間的薯仔不夠充實。不是說這個不好，而且能再充實一點的話，整體會更佳；炸魚呢….嗯，個人認為炸粉太厚了。有些厚一點的部分，我直頭覺得有點「硬身」。不知怎地，還沒有吃這個炸魚之前，視覺上它似是炸魷魚過多肉是魚。肉質方面，它並不算厚身，幸好尚算滑溜。 美國頂級肉眼扒 (9安士) ($158) 嗯，這個肉眼扒就有點失望。大塊就是大塊，單看厚度有點失望的，因為口感一定不如理想。再者，切開的時候

早前見介紹依間餐廳俾佢既裝修吸引約左一個好耐冇見既大學朋友黎試下餐廳名的確幾特別快樂很重要，但至於怎樣可以得到快樂，其實很簡單只是有時候我們將它複雜化希望朋友滿意我選擇既餐廳，食得開心呢坐無虛席餐廳有一角係懷舊理髮店裝潢都幾特別有得食，又有唔少影相位坐得都舒服，都算係吹水好地方懷舊電視機海鮮意大利飯煮得幾香口，濃濃白汁忌廉味海鮮都很新鮮厚切豬扒，唔會過硬，不過不失最愛薯條😂蜜糖檸檬特飲都幾正酸酸甜甜

Sssssss的迴盪@高興觀塘 成業街19-23號成業工業大廈地下2號舖五花八門的主題餐廳，今次以舊時理髮屋做主題，即是門口有個藍白或紅白相間色的長轉筒(年齡已暴露)話雖主題能吸引我光顧，食物始終是首要一環。先看價位主食如意份飯都只是70元左右，再另加數十元一杯飲品，兩人額外點份小食分享，人均消費$150元。澱粉質少女要了：牛油果鮮蝦墨西哥片 $44，牛油果健康嘛，仲有大大粒爽口蝦肉，粟米片幾好咬口架，香脆惹味又唔會似出面買到好重味精粉味。$72 芝士雞肉雜菌意大利粉，有芝士口感更rich,細膩的醬汁同雞肉好夾的，吸啜的每一條意粉都沾上醬汁。海鮮意大利飯$72，意大利飯並不會變成香軟的電飯鍋飯，呈現是帶點紮實及嚼勁的飯粒，忌廉汁也令整個口rich更香，海鮮又足料，蜆肉，蝦，青口，帶子等。檸檬酸忌廉楓糖pancake $48 個pancake，個糖漿中帶點檸檬的酸味同清香，即叫即做唔會太滯值得一試白牡丹茶$28，熱茶可以去油膩美顏。食物大份抵食 提一下店位置要由停車場行入去到盡頭才找到，有點難找的。