高興 (已結業)

黑椒汁雞排雞中翼加意粉份量好足夠，兩塊雞排煎得好靚，而且好大塊。雞中翼是炸的，炸到外脆內軟。意大利粉煮得軟硬適中，淋咗汁之後極度好食。綠茶latte既拉花好特別，係一隻獅子，飲起上來不會太甜，奶味及綠茶味都恰到好處。

呢間成日約朋友泥食，貪佢地址方便，唔洗排隊，而且又平又抵食，環境都好靚，好岩同朋友一齊去傾計食飯！Black truffle chipsMust order item！每次泥都一定會order，佢啲sauce好似唔洗錢咁，每次都食唔晒😂對比起其他餐廳，點兩下就無晒醬，添又要加錢！好食一定要嗌！有牛油果醬嘅野我就會order😂不過呢個只係普通雞翼，可以唔洗order橙汁梳打係呀無睇錯，係綠色的orange soda😂佢話啲糖漿係藍色，啲橙汁係橙色，溝埋就會變綠色喎！正正常常啦，不過高興嘅野飲不嬲都細杯唔太抵飲😂係自己頸渴想任性地order姐！

剛好在附近工作，同事介紹高興餐廳。聽到個名以為係啲茶記，無諗過原來係間Cafe。高興係觀塘一個工廈既地下，唔洗搭𨋢都幾方便。臨近萬聖節放左🎃做裝飾。青醬欖油辣肉腸意大利粉 $62抹茶拿鐵 跟餐加$10感覺街上好少見青醬，不過就算有都好少整得好味，所以叫左，的確味道一般。唔能夠怪佢，因為好少遇到好食既。份量都好大碟，算抵食。餐飲加左$10，飲抹茶拿鐵。只係加$10已經加晒分，仲要有拉花，味道唔錯。話說呢度既餐飲都好多選擇，唔洗加錢既可以飲玻璃樽維他奶都好特別，就算加錢都只係加$10就就各種飲品。餐飲係值得讚既。另外同事叫左兩個意粉都勁大碟：野茵黑椒汁雞扒拼法蕑克福腸 配意粉 $70龍脷柳忌廉汁意大利粉 $62整體黎講份量同餐飲性都好抵，係味道一般，以下係餐牌同埋餐廳環境：

男朋友之前食過，所以帶我試下。cafe 位置比較隱蔽，係工廈地下，要特登搵下，但都算方便。裝修係港式懷舊風，非常特別。用餐過程後面播住音樂，主要係廣東歌，氣氛係chill。我大概下晝兩點三左右到，坐一陣等兩點半下午茶，侍應都好好人冇特別趕客。座位闊落，適合同朋友慢慢食飯傾計我叫咗T5 意式肉醬肉丸焗長通粉，食物質素普通，肉丸似ikea個隻味，份量比較細，加咗個熱伯爵茶，冇諗過佢係成個茶壺加茶杯咁上，如果其他cafe一早要加錢先有。後面有自助area可以斟水，我哋飲咗好多杯，Menu上仲有啲花茶、iced tea可以揀。男朋友叫咗個欖油蒜香雞肉炒意粉，貪佢有個笑哈哈話係推薦。點知一嚟到係個迷你pan上，又幾好食wo衰仔，不愧為「高興之選」。佢叫咗個蜜桃茶，不過不失。Overall 覺得幾好，路過可以試試。

觀塘工廈玩味抵食西餐🤩🤩之前又去到觀塘，唔知食咩決定再食返呢間食左幾次都覺得唔錯既高興🤣🤣餐廳係工廈地下，位置算方便。座位都算闊落，成個環境氣氛都幾chill，可以同朋友慢慢食住傾計🫠💙海鮮意大利飯 $76賣相幾靚，有一堆蜆肉三隻藍青口兩隻蝦加一粒帶子🫠雖然海鮮唔係新鮮，但都未至於雪到無曬鮮味，帶子同蝦都係無挑腸，見到有d唔開胃，呢個係一大扣分位🤧但除此之外，味道係唔錯既，食落幾creamy,意大利飯都尚算有咬口👍🏻💙紐西蘭肉眼扒(9oz)配意粉 $168可以揀黑椒汁或者蒜蓉汁，我地揀左黑椒汁，正常發揮，幾香👍🏻肉眼扒肉質鮮嫩，當日叫七成，感覺有少少overcooked,有部份直頭差唔多熟曬，食落有d乾身，但塊扒既味道係好食既，如果火候控制得好d食落應該會更加juicy🥹💙炸魚配粗薯條 $58炸魚炸粉太厚啦，食落覺得好硬🥲而入面d魚又散曬，唔係好知自己食緊咩😵‍💫😵‍💫薯條份量好多，夠熱夠脆，本身亦有調味，唔錯😋Overall黎講環境食物價錢都覺得算係中上，餐廳半自助形式，水同碟自己拎，平日夜晚去到都唔洗等位，路過可以試下😆😆味道：8/10性價比：8.5/10📍高興 Happiness

以港式復古懷舊主既cafe, 地方大環境坐得舒服，重有別具特色的打卡位😍價錢方面非常平民抵食，下午茶四十幾蚊已經有嘢食有飲品☕️玫瑰朱古力（+$5）濃濃朱古力味同玫瑰嘅香味搭配啱啱好，唔會太甜，心形拉花超級靚，好好飲🍝南瓜汁帆立貝意大利粉（$60）帆立貝好大粒，爽口彈牙，南瓜汁好濃味配合埋雜菇份量啱啱好車打芝士牛肉漢堡（$44）個漢堡好足料，牛肉都好juicy同嫩口，好抵食評分🌟👅味道：3.5/5🏮環境：4/5💁🏻‍♀️服務：4/5💰價錢：5/5🍽𝐜𝐩值：4/5

觀塘真係一處令人又愛又恨嘅地方，恨嘅係好多人好擁擠，但又有好多特色餐廳，令人不得不愛。今日同朋友上完堂，嚟咗呢間名為「高興」嘅餐廳，諗住高高興興食餐好嘅。我地5個人嗌咗4人餐，menu可以睇返其他飯友嘅圖，竟然都夠食！牛油果鮮蝦墨西哥片推介程度墨西哥片酥脆，最正係牛油果鮮蝦醬真心特別，但又出奇地夾墨西哥片，食到我地好想添醬黑松露醬粗薯條推介程度不過不失，黑松露醬同想像中差唔多，墨西哥片唔夠醬點嘅時候，點黑松露醬都好夾架。紐西蘭肉眼扒推薦程度相比起其他食物，佢唔係特別突出，但係熟度啱啱好，食落去唔會柴。海鮮意大利粉推薦程度一開始嘅賣相有少少似忌廉湯，但下面啲飯都好有芝士味，海鮮如果多一兩粒帶子就好了蕃茄菠菜芝士意大利雲吞推薦程度蕃茄醬好濃味，意大利雲吞都幾好食，一人兩粒唔會「漏」檸檬忌廉楓糖pancake推薦程度一開始見到pancake上面有塊檸檬有少少嚇親，但係出奇地夾，唔會太酸。飲品沙律兩杯沙冰，一杯抹茶拿鐵，不過不失。柚子大蝦沙律都係正正常常。今晚佢冇限時，我地五個人真係食到好高興！

最近又因為工作關係經常係觀塘出沒今次黎到BOOKMARK左好耐既cafe都OK難搵, 估唔到係大廈入面.我大約3點左右, 唔多人, 雖然我一個人, 但我要拎電腦做野, 所以同waiter講想坐4人枱, 佢地都俾我後來想搵大家推介咩野食先發現前面幾則評語, 我都幾好彩.因為太熱啦~唔係好想食野, 最後我叫左ALL DAY BREAKFAST, 我幾鍾意D ham, 燒蕃茄同芝士腸, 加少少沙律菜青青地咁杯啡真係唔錯喎. Caramel Latte, 幾有啡味, 唔會太酸同苦, 幾易入口有機會都會再黎既, 幾好坐

📍觀塘🍳高興全日早餐 $76🍝 南瓜汁帆立貝意大利粉 $60☕️玫瑰拿鐵 (+$9)🥤凍朱古力(薄荷) (+$10)≡※≡※≡※≡※≡※≡※≡※≡※≡※≡※≡※≡※≡※≡※≡※呢間係位於工廈地面嘅cafe但位置比較隱蔽要搵先會見到 室內環境係以懷舊風格為主📼有好多六七十年代嘅裝飾 另外店內都會播一啲流行曲 感覺幾加分 但係可能因為成間店舖環境比較密封 客人講嘢嘅聲音散唔到出去 如果lunchtime 嚟嘅話會覺得有啲嘈好難傾偈😌不過座位方面每張枱都分得比較開吾會覺得好迫夾👍🏻食物方面🍳高興全日早餐: 入面包括芝士腸，雜菌，薯仔片奄列，茄汁豆，烤蕃茄，意大利生火腿，沙律，多士配果醬整體黎講味道尚算吾錯 份量都算多 個人覺得薯仔片奄列同多士果醬都幾出色 奄列配搭薯仔片幾特別 味道同口感都吾錯 啲蛋好滑 而多士配嘅果醬係橙果醬 酸酸甜甜個人幾鍾意呢隻果醬 所以覺得唔錯 多士份量細細塊唔會話太多啱啱好☺️🍝南瓜汁帆立貝意大利粉:兩粒帆立貝都幾爽口彈牙 唔會過熟 佢嘅南瓜汁有少少似意大利餐廳南瓜湯 配合埋雜菇都唔會覺得好膩 份量啱啱好 (有時出面啲意粉控制唔好份量好容易覺得腻 但呢度唔會🫢☕️玫瑰

因在公司樓下，幾乎每星期都會幫襯一次。因只想飲杯咖啡，附近沒有什麼選擇。每次都會問，點解音響咁大聲？每次都會問，點解冷氣開咁凍？沒有任何改進。伙記很多，大多時候都係圍爐吹水。咖啡是可以的，食物質素卻比一般茶餐廳差，份量亦少。這個收費只是賣裝修的？現在很多新開的Cafe裝修已非常好，食物及服務也好，完全不明白「高興」的定位。最後一次幫襯是下雨天下午茶時間，裏面幾乎冇人，店員一定要我坐指定的座位，我怕凍要坐其他位置，店員一念囂張說不能夠，我當然立即離開，這是最後一次幫襯。

今日三號風球同朋友2人去，去到得幾枱客，一入去被安排坐二人枱，朋友話張櫈唔舒服又見隔離4人枱冇人就坐左過去，然後好快有個男侍應走過黎叫我地坐返2人枱，我朋友話張櫈太軟唔舒服想換個位，男侍應好大聲兼且勁冇禮貌話:「要坐返隔離二人枱，我地全部客人都係咁」，呢位侍應態度勁差，完全係趕客！以後唔會再幫襯！如果公司規矩冇得轉位可以理解，我都絕對唔會令你難做，但唔係一黎就大大聲鬧客，服務態度極差需要再培訓！食物質素方面一般，叫左一個咖喱牛肉蛋飯、卡邦尼意粉同黑松露薯條。牛肉太熟冇牛肉味，卡邦尼意粉無味，直頭係難食，黑松露薯條個醬汁好食。之前上網睇過呢間評價侍應態度差，今日見識到🙂

觀塘可以話係美食天堂， 餐廳既選擇非常之多， 好耐之前食過呢間餐廳， 今日突然想食黑松露醬薯條，於是再次到訪。記得之前lunch過嚟食嘅時候好full， 今次晚飯時段過嚟食， 人流相對較少。 我哋兩個人 叫咗兩個主食， 一個小食 同一杯嘢飲。第一個主食係 意大利烤芝士雞扒， 可以選擇配飯 意粉或薯菜， 我哋驚太飽所以就揀咗薯菜。 一上碟雞扒嘅份量令我地有少少震撼， 塊雞扒仲大過我嘅手掌， 賣相都好吸引。 每一啖嘅雞扒都沾上咗意式醬汁同芝士， 雖然芝士味唔濃， 但雞肉都算嫩滑， 雞皮相對比較肥，係有層油果種， 平時鍾意食皮嘅人會覺得好滿足。第二個主食食係芝士焗海鮮飯， 整體評價就係唔夠味， 海鮮青口冇咩味， 芝士白汁亦都唔夠味， 黃色嘅部分仲食到少少芝士味， 但其餘都係唔夠味嘅白汁。小食係黑松露醬粗薯條!!! 係令我回頭再返嚟幫襯呢間餐廳嘅原因， 松露醬薯條唔係間間餐廳都有， 就算有都未必係好食嘅黑松露醬， 但呢間嘅黑松露醬係好味的， 而且分量非常之多， 價錢又好平， 平時其他餐廳可能要六七十蚊細細碟，呢度係42蚊一大碟， 黑松露醬都好充足， 薯條好粗好大條，真係大件夾扺食。朱古力ore

首先我完全唔理佢食物質素係點但係佢地既服務態度就完全唔ok！！！琴日同朋友8點鬆啲去到餐廳有個朋友要加班 差唔多9點先到但我同另外個朋友一早已經叫左啲野食等咁我地其實即係由8點幾就開始食野個陣個男店員態度已經好差 上菜個陣係幾乎「pet」落枱到咁之後去到21:30 佢地問我地仲有冇野加 佢地last order 咁我地就因為另外一個遲黎既朋友岩岩先到無耐 就加多左個burger（後來佢地話賣哂冇上到）咁我地就一路食一路傾計去到21:50 有個男店員突然間行過黎「喝」我地話：「唔好意思呀小姐我地要山門喇！」我咁我地就知佢地係山22:00 但當時枱上仲有好多野未食哂 我地就同朋友諗住用呢10分鐘 拿拿聲快快脆脆咁食埋啲野諗住走 點知去到21:55個陣 個男店員又行埋黎大聲鬧：「唔好意思呀小姐！我地真係要山門喇！」我地就嚇親（唔知佢做咩冇啦啦咁大聲鬧人..）問佢：「唔係山10點咩 應該仲有幾分鐘 我地想食埋啲野先…」佢就又更加大聲 好似啲訓導主任鬧人 潑男罵街咁講；「你地唔係諗住收10點就食到10點下話？」另一個朋友就嬲嬲地問：「唔得架咩？」佢就好似啲地盤啊叔上身咁再大聲鬧：「緊係唔得啦！」

地理因素，每逢落雨都會幫襯，貪餐廳位置方便、地方大、坐得舒服、食物質素尚算OK，只係份量太細😅，侍應經常聚埋一齊傾偈，服務態度唔好，帶啲囂張。落雨嘅下午茶時間只得一枱客，侍應堅持要求我哋兩個人坐2人枱，想坐下4人梳化位睇嚟無可能。

餐廳懷舊風格幾特別，過程有音樂聽足整餐飯，不過略為大聲左啲好彩有book定枱，都比較多人揀食物質素都ok，味道略有些少重味（本人食得較清淡而已）推薦黑松露薯條，值得一試