高美食店

营业中

休息中

i remembered my mum would always take me here when i was little after school. and she would always order a huge bowl of cappuccino and i would always lurk before the patisserie case and try to make the best choice. it's the fruit tart (the ones with NO CUSTARD)that always won me over. love the almond tart. then i would finish the rest of mum's black forest (haha, at a time when no matter how much i eat, i wouldn't grow fat). i was around 10 then. coming back after 10 years, still spend a lot of

今天試過frou frou cake, 實在太好味啦! 厚厚一大層朱古力下面一層薄脆脆再一層薄糕, 整個組合配合得天衣無縫, 面頭一層朱古力味道濃郁口感軟滑濃厚, 下面一層薄脆脆質感細緻加添口感和層次感, 再加最下一層薄蛋糕軟軟的中和上面兩層的甜膩......真係好好味呀! (因為是客人賣來, 所以對環境服務抵食乾淨都不清楚, 只知道味道一定值滿分!)

個樣好cutie ga!勁似一條有針既海參,個包包都好好食呀!hehe我過左一夜食都好好食好軟熟, 又唔油唔錯

食完豐富o既brunch, 到4點先至肚餓, 心思思想食蛋糕, 身處金鐘, 有好多選擇, 醒起好耐無拜訪過o既island gourmet, 就扯左同行上黎歎下茶.一出, 嘩! 做乜咁人山人海? 一堆人由concord走過去shangri-la, 唔知係咪有function?(謎題至今仍未解開)唔鬼理, 直步入左island gourmet, pastries o既款式同以前無乜分別, 但係賣相就差左d, 切位歪歪斜斜, mozart上o既小提琴朱古力走晒樣, 係師傅無心機? 定係師傅走佬, 學徒未夠班? 既來之則安之, 要左一件chocolate praline同mille feuille.chocolate praline: 海綿蛋糕同praline cream層層相間, cream幾香咖啡味同朱古力味, 海綿蛋糕幾fluffy, 朋友鍾意呢個mille feuille: 係island gourmet裡我其中一個至愛(另外一個係mozart). 味道係香港食過最正宗o既其中之一, 吉士餡又好香甜, 好味!論賣相, 佢輸俾c'est mieux同好多後起之秀, 但係味道佢真係幾突出

＄１２一件其實都幾期望，但係食落都唔係想像中咁好食牛油味唔出食到喉嚨有ｄ”渴”，重食到碎哂落個身到．．．其實唔係唔好食ｇａ，只係冇想像中咁好ｊｅ

今年聖誕節好忙, 無時間去玩, 就買件log cake 叫做應下節, 感受下節日氣氛. 千挑萬選下, 我選擇左island gourmet o既chestnut mini log cake. 呢件log cake呈長方形, 上層係chestnut mousse同蛋糕夾層, 墊底有一塊杏仁餅. 整件蛋糕充滿栗子香味, 而底層o既杏仁餅又同栗子味相配合, 係一件好出色o既pastry!$30就氹到自己開心, 幾抵!

今日o係度買左件紅莓拿破崙($28). 好好味呀!個custard甜度適中,配埋酸酸地o既紅莓. 而且個酥皮好鬆脆. 而且size唔細, 我覺得好食又抵食過zoe o既1459!

同個客來諗住飲杯茶，但佢話有些少肚餓，想食D野，咁的當然樂意奉陪啦！平時行過以為呢度淨係有得賣餅，但原來裡面都坐得下的。星期六的下午人都不少，但我們四時多來到，都立即有檯。侍應的服務係相當之好，笑容滿面，不負星級酒店水準。呢度地方唔算差，但因餐廳面積不大，所以都覺幾嘈，食tea的氣氛亦稍遜。叫了兩人份量的tea set，platter有三層，底下是咸點如三文治及蘑菇酥，中間是鬆餅類，而頂層是甜點如生果撻等。各式糕餅賣相稍欠精緻，味道不算差，亦不是特別好，交到功課咁啦！Tea set包咖啡或茶兩杯，水準不過不失。埋單近三百，在香港的酒店tea set來說是頂級價錢，與半島、文華及麗嘉等一樣咁貴，但論地方，當然半島、麗嘉是無敵，連文華都比這裡好；論食物品質﹝如半島的鬆餅、文華的果醬等﹞當然俱不可同日而語，所以比較覺得唔係咁抵食。好在今日個客做老細，唔使俾錢。

今日又去買mozart食($28), 件pastry啦喎,當然係一貫水準,超好味! 我成日都讚呢件pastry有幾好食, 今日特登用我o既小小手機影低佢俾大家睇下. 白色矇查查o個粒係小提琴造型o既白朱古力. 有次我黎買時, 名模琦琦企o係我隔離,都係買緊佢!

試左佢個什果pound cake, 絕對傳統pound cake,1 pound butter,1 pound flour, 1 pound sugar,無偷工減料, 係水準之作, 不過未必適合on diet o既人

試左佢個什果pound cake, 絕對傳統pound cake,1 pound butter,1 pound flour, 1 pound sugar,無偷工減料, 係水準之作, 不過未必適合on diet o既人

佢地咖啡takeaway $18一杯. (如果dine in, 好似要30幾40蚊杯)我通常會叫cappuccino. 朝早買會送面包, 我會揀牛角包, 好香牛油味...咖啡無cova, starbucks...咁香, 不過就幾抵...

呢度既Mozart好好味!係朱古力榛子mousse加個脆餅底!$28 takeaway...好好味, 我上次係度揰到琦琦(任達華老婆)佢都係食呢件嫁!

用Valrhona 朱古力做的慕絲果然名不虛傳!