高明瀨粉 (已結業)

前排搬左去呢附近住, 之前都食過幾次呢間餐廳, 不過都係試傳統湯底, 尋晚就試左清湯~~清湯配有九菜, 芽菜, 酸菜, 肉碎, 比較似街外面雲南米線果D湯底傳統就有薑絲同蛋絲, 感覺香口D特別D佢既瀨粉粗幼都真係幾大小不一, 不過係幾煙韌既, 值得一試! 👍🏻今次叫左豬手, 竹笙同蠔油冬菇~豬手有兩大舊, 分量足, 膠質豐富!竹笙無咩特別, 因為我覺得竹笙好難會整得出色, 主要睇個湯底冬菇好厚身, 入味, 非常不錯!👍🏻👍🏻D餸既分量算多, 但相對瀨粉唔算夠多, 另外可以轉米線既, 不過一場黎到我都推介要試佢既瀨粉~👍🏻會再光顧~~

黃氏力場今日第一次去呢一間店舖試吓，因為同事介紹話極之好味，於是便去試一試！我們一行二人叫咗了預設的套餐，我朋友叫了芝士腸雞球瀨粉，而我就叫了豬頸肉魚片頭瀬粉，另外我加了$1改了酸辣湯底，二飲品就只需加$7 ，我當然叫了他們新出的椰汁綠豆冰，魚片頭嘅味道普通，有兩舊，豬頸肉味道尚可，如果熱一點就會比較好，不得不讚嘅就係沙律炸雞球，雞球炸得外脆內軟，十分juicy，而他們的粉是自製的，食落口很軟滑，酸辣湯味道夠酸，每款嘅份量亦都好足夠，便宜得來又好好吃😋，飲品方便不是普通的椰汁紅豆冰而是用綠豆的，比較有特色，只係加$7就有這特色飲品，性比較高！👍👍👍👍

偶然坐小巴見到呢間新舖，今日得閒，所以同女友試一試。我食中麻辣瀨粉，配料揀咗鹵水豬大腸，魚片頭同腩肉； 女友食傳統瀨粉，要炸豬扒，豆卜同墨丸。每碗都好大碗，配料份量尚可，炸豬扒唔覺有鬆肉粉，入味，只係乾咗啲。好夠麻辣味，鹵水大腸尚可。主角瀨粉認真爽滑煙韌，粗幼不一，口感真係唔錯，不過唔好畀佢地浸咁耐，如果唔係到後面會淋晒。環境尚算乾淨，但舖頭唔算大，所以堂食座位唔多，要同人搭枱。不過呢種良心小店真係要支持下。

瀬粉跟外面的很不一樣，好彈牙。有唔同湯底選擇，有辣有唔辣，有個家鄕湯底，好特別。可揀齋瀬粉，也有瀨粉加自選餸。有preset 的set ...也有自選面餸很不錯。：）

又係土瓜灣區晚餐既時間...見到小店就想支持下...見到呢間以瀨粉作招徠咁特別...梗係要去試下舗頭就係馬頭圍道球場對面...入面都有十幾個位...晚飯時間可能都要等一陣位菜單自己劃...主打當然就係瀨粉...好笑既係食返米線仲可以平一蚊配菜選擇都唔少第一次食梗係要試下傳統瀨粉...加左牛腩同木耳絲...本身其實都有幾多配料...湯底都幾重薑味...唔鍾意薑味既朋友真係要三思主打瀨粉...可能係自家製既關係..條條粗幼不一...食落無咩特別...比較淋..配上佢既湯先叫有返D味份量都算多...配料都唔係得一兩舊...幾好係米線同紅薯粉以外既新選擇...湯底可以一試

剛經過這間餐廳，當時不是太肚餓，只想打發時間，被他的自製瀨粉吸引，所以就嘗試下。我只點了一碗清湯鮮製奶粉，沒有餸菜的，都十分大碗，有花生粒、肉碎、薑絲、頭菜絲做伴。大大碗的，瀨粉的質地很有口感，看得出的不是用機器製造的，每條的大小粗幼不一，只是簡單加上伴菜，已經可以把整碗食光，真滿足。

經過嚟間餐廳幾次，今日第一次幫襯。原來店內唔細，環境乾淨企理，和我想像的不同。下午茶時間，加$3 有凍飲，我叫左碗鷄肉墨丸酸辣瀬粉加凍檸茶 （$39），同行朋友叫左碗沙拉雞清湯瀨粉加凍奶茶（$37）。沙拉鷄是分開上的，味道唔錯，奶茶都ok。呢度既酸辣湯底只係帶點微酸，辣勁唔強，有別於其他餐廳既酸辣湯底。而清湯就帶點胡椒味，瀨粉有d 似米缐，同一般食開的不同，用筷子好易夾，唔係平時散修修咁。分量足，店員服務有禮，呢d小店值得支持！

真係唔試過都唔知，原來瀨粉可以咁好食。我本身都鍾意食瀨粉，間中下午茶會去快餐店食個燒鴨瀨，所以對瀨粉只限於一個印象-很滑但很難用筷子夾起，口感係爽和帶少少硬。點知有一日搭巴士路過這間「高明瀨粉」，心諗賣瀨粉的專門店喎，可能會有意外收穫，所以今日中午專程搭車來試一試。餐廳面積唔算很大，大概四十個位左右，去到的時候已經坐左8成人。坐底睇餐牌期間，都不停有食客進出，證明佢食物質素應該幾好至有咁多人幫襯。天氣咁熱，當然係揀酸辣湯底啦，另揀左雞肉和竹笙做配料。碗瀨粉一上檯，就聞到酸辣湯很香。飲一啖，發覺佢唔係平時雲南米線那種酸辣湯，反而有點似是一個帶酸辣味道的蕃茄湯。雞肉很嫩滑，份量都多，唔會話食幾下就食晒。竹笙完全吸收晒酸辣湯，一放入口既可飲到湯，又食到竹笙的爽脆。輪到主角瀨粉，竟然係嫩滑、彈牙帶少少煙韌同我平時食的瀨粉完全不同，真係非常好食。店家標榜，佢地的瀨粉新鮮自家製的，咁就難怪比快餐店的好食咁多啦。今次專程來食瀨粉，真係值回票價值得一食再食。

這間高明瀬粉曾經有電視台訪問過，介紹它的瀬粉。其實早於採訪播出之前我便已經幫襯。我曾經麻辣湯底，覺得太麻，所以只吃清湯底。今天點了貴妃雞清湯瀬，貴妃雞肉嫩，經過鹵水汁浸過都幾入味，湯味清甜，瀨粉爽滑。仲有很多韮菜和芽菜在內裡。另外加了杯凍央，原來下午茶時間只加$3。可惜近骨地方唔夠熟，有少少紅色，不過唔係生，所以無問題，事後和老闆娘講，她會注意並跟進。可能由於浸雞時，要保持嫩滑，所以好難控制成熟度，以前我們吃雞見到骨有紅，一點都不擔心，現在始終都熟D好D，好欣賞老闆娘接受意見👍👍👍

於繁忙的午餐時間，等候了很快的時間，就已經有位子了，雖然是跟陌生人一起用餐 (俗稱搭枱)，但不要緊，因為對方已是差不多吃完的狀態，這間也是我平常搭車經過見到名字就覺得滿特別，滿想一試的店，只是不會特地去那兒。這次因為上午在工聯會學完蛋糕後，順便的午餐。看了很久，最後叫了高明清湯瀨粉，感覺上像是主打，，見到店內四周介紹自家制瀨粉，不禁期待上升了一點。先喝一小口湯底，感覺不錯，但此不錯感覺並沒有維持，越吃下去，感覺跟外面的其他沒什麼大分別及驚奇，滿好一點是配料，如韭菜、芽菜不會過軟，還保留清脆口感且不過於生。

平日係度返工 當一諗唔到食乜 大家就會提議過黎呢邊食其中一個原因係覺得佢地既野食都準備幾有心機呢度既賴粉係偏粗身 咬落幾有口感送菜有好多選擇 基本上都冇一樣係伏比較推介既有炸雞 豬腸等

第二次係土瓜灣幫襯呢間瀨粉店個人認為味道唔錯 值得一試不過先講伏位！伏位係個湯底黎到食酸辣湯 覺得真係好一般面頭好多油 而且食落唔香口似係倒左好多辣油咁味道好一般不過佢既送菜同瀨粉幾好食可以一試

係電視見到有介紹呢間自家制瀨粉既店，當然要試一試有幾特別當日叫左一碗兩餸，沙拉雞球同生菜，配瀨粉，選擇了麻辣湯底小辣湯底是麻辣，聞落唔夠香，應該唔係落好重香料，食落有麻有辣，不過未夠出色主角瀨粉是自制，同出面一般食到既瀨粉比軟身好多，容易消化亦唔似出面既瀨粉果d咁難夾起沙拉雞球就普普通通我個人都係鍾意食出面硬身d既瀨粉多d

見土瓜灣新開左間賴粉店，第一個星期新開張，竟然有成大條人龍，好多人排哂隊🤔決定lunch hour出黎試食下店員姐姐落單比較亂，成日寫貴左價錢，落單速度奇慢！而出食物既速度都係龜速，慢到你會好疑惑自己係咪漏左單😅食物方面都幾唔錯！酸辣湯好濃味！湯式幾好，值得一試！

高明瀨粉高明是佛山內的一個市，高明市！果度聽聞瀨粉出名！依家就是其中一間自家制造瀨粉，整出來又粗又幼，不一的形象。這就是老板說的手造瀬粉！跟機造的有很大很大的分別！這店有一碗特大的瀨粉，乜都有小小，足夠兩人份量！初品嚐，可以一試，不用想太多！湯底有三種：清湯：Ummm......未試過，答唔到！酸辣：好味，但冇辣度選擇。麻辣：好味，有不同辣度選擇。但不及酸辣好味。另叫餸：豬手：＄10蚊得兩舊，幾好食，骨多肉少。牛腩：＄10蚊，牛腩不太腍，硬硬的，幾特別。牛根：＄10蚊，太柔軟，口感一般。