駿景軒

营业中

休息中

其實我真係好中意食中菜#駿景軒 又連續7年榮獲米芝蓮一星⭐️襯5月有8折優惠，即去食下晚飯！呢度環境舒適，服務到位～ VIP房都坐滿人，隔音十分好～佢地共有18款主菜，我地揀咗4款～🐔《 脆皮黑松露炸雞（半隻） 💲318 》喺駿景軒嘅招牌菜式之一！表面喺皮脆肉嫩嘅炸子雞，其實脆皮下係用上黑松露醬同黑松露油拌勻過嘅手撕雞肉，肉質嫩滑，上桌前再刨上黑松露片，香氣四溢～🦴《 鹹骨大芥菜煲 💲298 》以豬骨湯加魚湯同普寧豆醬等烹調，湯底香濃帶咸香～豬骨肉好嫩腍，大芥菜嫩無渣，甜而不苦澀～🐟《 砂鍋生焗魚頭煲 💲248 》新鮮魚頭連同蒜子先喺砂鍋中以慢火焗製，魚頭鮮嫩多汁，蒜香中又帶麻辣香，味道惹味有層次！🥩《 醬油安格斯牛柳粒石窩炒飯 💲238 》慣咗要有飯氣落肚，呢個飯就正啦～ 用石窩盛裝，香噴噴～米飯粒粒，口感煙韌，配上醬油牛柳粒嘅肉香同油份，令米飯香氣四溢，爽身不油膩～放多一陣仲有飯焦添！ *有茶位及加一服務費*

之前嚟過呢間酒店嘅酒吧餐廳，今次第一次嚟佢嘅中菜廳，聽講係得獎名廚主理，一入到嚟感覺也不錯，傳統配搭簡約嘅裝修，感覺柔和舒服，設有獨立VIP房，方便黎聚會，除咗廣東粵菜之外仲加入咗四川同埋重慶嘅麻辣菜式，選擇唔會太單調野食方面川味口水雞$188Marinated Chicken Tossed with Peanuts and Chili Sauce口水雞少少帶甜味，醬汁唔係幾辣，係一隻辣椒仔嘅菜式，醬汁可以分開上，餸飯一流椒鹽九肚魚 $98 Deep-fried Bombay Duck Fish with Spicy Salt九肚魚炸得好出色，炸皮好薄，入邊熱辣辣，嫩滑九肚魚，肉質唔會散爛，啱晒做小食麻辣水煮滑牛肉（小）Simmered Sliced Beef with Sichuan Sun-dried ChiliSmall: $338呢個係大辣之選，湯底有齊平時水煮嘅薯粉，芽菜等，可能係有湯汁浸住嘅關係，感覺上比起三隻辣椒嘅霸王辣子雞仲辣，唔係好食得辣嘅朋友真係要小心霸皇辣子雞（小） $308Deep-fried Chickens with Spicy Dried Chili in

📍 駿景軒係灣仔英皇駿景酒店，不過近跑馬地多啲！駿景軒已經連續7年獲得米芝蓮一星殊榮⭐️嘅粵菜！裝修高貴雅致，仲有好多間包廂房間，好適合慶祝同聚會！💡仲可以免費泊車！—————————————————————❣️ 黃金脆魚皮 $98新鮮熱辣即叫即炸！外表金黃，炸到脆卜卜，成塊都鋪滿曬鹹蛋黃，好香口. ❣️ 蒜泥白肉（小） $128面頭有好香辣椒油，不過唔會好辣但係好惹味！肉肉包住青瓜，好fresh.❣️ 粟米鱈魚球（例） $468超好食！係🐷食過最好食嘅粟米魚‼️ 鱈魚件炸得又薄又脆，魚肉好厚身，超滑又有魚味，粟米汁另上，有好多粟米粒，不過蘸唔蘸汁都好好食！.❣️ 脆皮黑松露炸雞 (半隻） $318擺盤好精緻，用米粉炸成一個雞巢，好啱打卡！仲好有新意變成手撕雞，面頭鋪左高貴黑松露，面頭仲有炸雞皮，皮脆肉嫩，啖啖濃郁黑松露味！.❣️ 醬油安格斯牛柳粒石窩炒飯 $238用石窩上keep到飯嘅熱度，木魚絲鋪滿面，份量十足！牛肉粒粒鮮嫩，炒飯粒粉分明，食到尾仲會喺窩邊有啲飯焦添！✨超香！香到隔離枱都問係咩嚟！.💬 仲有飯後甜品，不過🐷真係好飽就冇食！—————————————————————不專業評分👅好味

同重要人物食飯，一定要好好揀餐廳🔍依間🏨英皇駿景酒店內既中菜餐廳🥢榮獲過多次米芝蓮一星🎖️野食質素 • 環境方面唔洗擔心😌而且店員們服務都好好💕(有禮貌 • 會因應我地嗌既食提供唔同既餐具 • 不斷主動幫我地加茶…)~•~•~•~•~•~•~•~•~•~•~•~•~•~•~•~•~•~•~• ▪瓦罉焗胡椒蝦 必食❣️上枱打開鍋蓋時，陣胡椒香味攻晒出黎💨有6隻🦐蝦肉爽口 • 有胡椒辣香🤍.▪拔絲咕嚕肉 咕嚕肉薄薄脆漿層💥外層酸酸甜甜糖醋汁份量岩岩好，真係做到拔絲效果，唔會硬左黏牙🧡配料仲有三色椒🫑 • 菠蘿🍍. ▪清香藤椒魚 魚片滑滑 • 大片厚身🐟。湯底唔會好油 • 微微辣🌶️仲有薯粉 • 木耳 • 大豆芽 • 䈑筍…🍲.▪百花炸釀松葉蟹鉗 比常見既大件，炸得金金黃黃✨(表面)脆卜卜 • (百花)彈彈彈牙😝.▪️甜品▫️海底椰雪耳 雪耳膠質出晒黎，甜度適中，潤一潤🧏🏻‍♀️▫️豆腐花🤍.~•~•~•~•~•~•~•~•~•~•~•~•~•~•~•~•~•~•~• 🔺需加𝟏𝟎% 服務費 ~•~•~•~•~•~•~•~•~•~•~•~•~•~•~•~•~•~•~•

屋企人好鍾意食中菜今日特登黎到呢間中菜廳好有驚喜每一樣都展現出層次豐富、細膩入味的特色令人回味無窮.💎拔絲咕嚕肉外層糖漿炸得酥脆金黃散發出誘人的焦糖香氣一撥開糖衣，內裡的肉塊仍保持多汁與軟嫩糖漿的甜味濃郁，伴隨著微微的焦糖焦香與肉的鮮美融合得恰到好處😆.💎鹹骨大芥菜煲這道菜的湯底層次豐富帶有鹹骨的鹹香味道🥰散發出濃郁的肉香與微微的鹽味滋味豐厚卻不膩口芥菜清新爽口，吸收了湯汁的鹹香口感細膩咀嚼時還能感受到芥菜的微微苦味與脆嫩，令人回味.💎百花炸釀松葉蟹鉗蟹鉗炸得金黃酥脆蟹肉的鮮甜多汁搭配外層的酥脆口感咬下一口，鮮味濃郁並帶有一絲微鹹😎與蟹殼的香氣相輔相成，令人陶醉.💎醬油安格斯牛肉石窩炒飯這道炒飯香氣撲鼻醬油的咸鮮與微帶甜味使米飯散發出誘人的醬香牛肉片選用優質安格斯牛烹調得恰到好處，入口嫩滑多汁帶有濃郁的肉香米飯粒粒分明，吸收了醬油的豐富味道🥹每一口都充滿滋味，令人滿足

早幾日來到曾多年獲得米芝蓮一星殊榮的川粵菜餐廳駿景軒用餐🍴味道方面，印象較深刻的是「瓦罉焗胡椒蝦」 🦐 大蝦連同大量白胡椒置於熱窩中，蝦肉入味且彈牙，微辣惹味！另一道「拔絲咕嚕肉」🐽亦水準不俗，梅頭肉肥瘦均衡，肉質香嫩，外層炸得香脆，配上酸甜度調製得恰到好處的醬汁教人滿意。這次點了 𝗪𝗵𝗮𝘁 𝘄𝗲 𝗼𝗿𝗱𝗲𝗿𝗲𝗱⟡‧₊ 瓦罉焗胡椒蝦 Clay Pot Baked Pepper Prawns $468⟡‧₊ 拔絲咕嚕肉 Sweet and Sour Pork with Caramelized Sugar $268⟡‧₊ 百花炸釀松葉蟹鉗 Stuffed Crab Claw with Shrimp Paste $196⟡‧₊ 醬油安格斯牛肉石窩炒飯 Soy Sauce Angus Beef Stone Pot Fried Rice $238⟡‧₊ 是日糖水 Sweet Soup of the Day (free)

同屋企人食飯最緊要揀間體面精緻嘅中菜館😎去酒店中菜廳就啱晒。灣仔英皇駿景酒店就有間評價不錯嘅中菜廳－駿景軒，有一系列經典中菜之餘，亦有不少四川菜，適合鍾意重口味嘅人去嚐嚐辣😛🥓蒜泥白肉 $128估唔到蒜泥白肉嘅擺盤都可以做到咁精緻🤩豬腩肉包住青瓜絲，面頭淋上惹味不辣嘅醬汁，係一道清新開胃嘅頭盤😚🐟黃金脆魚皮$98大大份好邪惡😈魚皮每塊都沾滿炒到起沙嘅鹹蛋黃，香脆香口😋🐟椒鹽九肚魚 $98通常去大排檔食椒鹽九肚魚都會比較熱氣摻口，但呢度嘅版本竟然可以用鬆化柔軟嚟形容，幾高質👍🏻薄薄嘅炸皮下係軟嫩嫩滑嘅魚肉，口感一流😋🍗川味口水雞 $188另一款精緻嘅開胃頭盤，將濃郁、香而不太辣嘅醬汁淋上雞肉，好惹味😚雞皮彈滑，雞肉爽嫩。🦀百花炸釀松葉蟹鉗 $196／兩隻起經典富心機嘅中菜，呢度嘅炸蟹鉗外層裹上超彈牙富蝦味嘅蝦膠，裡面有鮮嫩啖啖肉嘅蟹鉗，唔錯👏🏻🍜四川擔擔麵 $65／碗主食份量十足😽擔擔麵同出面有啲唔同，湯底加入酸菜，味道酸酸辣辣，花生味無咁突出，係另一番風味。推介指數（10分為滿分）：7.5分

灣仔英皇駿景酒店有一間連續7年榮獲米芝蓮一星🌟嘅中菜駿景軒🥢聽講容祖兒、謝霆鋒都好中意嚟食🤩 餐廳以傳統粵菜結合川菜🌶️，而且室內裝潢典雅，係一間值得同長輩食飯嘅好地方👍🏻.瓦罉焗胡椒蝦: 招牌菜之一，用上新鮮海中蝦🦐，將白胡椒粒炒香鮮蝦後蓋上蓋將蝦煮熟，令蝦肉喺瓦罉𥚃面吸盡白胡椒香氣，蝦殼脆口，蝦肉鮮甜爽彈～清香藤椒魚: 選用新鮮桂花魚🐟，魚肉質鮮嫩又唔會鬆散，以濃郁魚湯、四川野生椒、醋調味作湯底，味道麻辣帶微酸；而配料更有大豆芽､萵荀､黑木耳､紅薯粉，好有份量～霸皇辣子雞: 滿滿都係乾辣椒🌶️，用上葱、乾辣椒、青紅花椒、鹽、胡椒等多種材料炒香雞肉，雞肉🍗入口麻辣，仲有腰果粒，帶陣陣孜然粉香味，好惹味～醬油安格斯牛肉石窩炒飯: 炒飯用石窩盛載著熱辣辣，又有保温作用，米飯炒到粒粒分明🍚，每粒米吸收著醬油香，而安格斯牛肉🥩炒至軟嫩，份量亦頗大，適合2-3人享用～

朋友來香港入住這間酒店，晚飯我們就約在酒店食晚飯🥢裝修都好舒服，唔算好大，但就坐得好寬敞又唔會嘈，服務員招待簡直五星級🤩瓦罉焗胡椒蝦🦐原來係飯店招待菜打開瓦罉就已經聞到好香胡椒香味😋蝦有半手板大隻，好新鮮，蝦吸收胡椒粒味，但又唔會覺得辣而搶蝦本身鮮味，蝦肉爽口，真係做得好好食😋川味口水雞椒&椒鹽九肚魚缸口水雞肉質夠嫰滑，勁鐘意口水雞醬，原來係師傅自己調，辣辣地好香麻油味，真好想打包啲醬返去撈面🤭九肚魚細細一口，炸到金黃，外皮鬆脆，但肉又好滑，點點喼汁，又另一種口感，好戒肥膩👍泡椒蒸魚雲🐟又係好欣賞佢地泡椒，完全唔係出面酒樓用現成剁椒，辣得嚟係香，材料都好豐富，魚雲新鮮，一點都唔會腥，吸收泡椒香魚汁送飯一流😋醬油安格斯牛肉石窩炒飯熱辣辣一鍋飯，炒飯配上安格斯牛肉粒，飯有牛肉牛油好味，仲有啲啲飯焦，好正😊晚飯原來有糖水送😍雪耳南北杏糖水，好清甜，好滋潤腐竹白果薏米糖水，超級好味，腐竹味好濃，好長時間冇食過白果，覺得白果特別好食，白果煮都剛好，有咬口，配上薏米，而且唔會好甜，好完美一餐。服務真係做得很好，食物、服務都真係做到五星級享受😋

英皇駿景酒店中菜駿景軒真係好有驚喜呀！😋 今次同朋友去咗試下佢哋嘅招牌菜😳呢度嘅環境好舒適，多人嘅話仲可以book房添，值得推介！👍首先講下瓦罉焗胡椒蝦🦐，一上枱已經聞到陣陣胡椒香味😍蝦肉彈牙又入味，啖啖都食到胡椒嘅香辣，唔會太嗆，啱晒鍾意食辣嘅朋友！🔥之後就係大哥芥菜豬骨煲🐷，湯底好濃郁，芥菜同豬骨煲到好淋，入口即溶，飲落去暖笠笠，感覺好滋補🤤🤤每一啖都飲到豬骨嘅鮮甜同芥菜嘅清香，真係好正！🍲清香藤椒魚🐟都好出色，魚肉滑溜，藤椒味道唔會太重，啱啱好😛帶少少麻香，食完之後口腔都留住陣陣清香，唔會覺得膩。😌最後要讚下黑松露手撕雞🍗，雞皮香脆，而雞肉嫩滑，😍😍黑松露香味好突出，唔會搶咗雞嘅鮮味，兩者配合得好好😚😚每一口都食到層次感，真係令人回味無窮！🤤

駿景軒位係灣仔英皇駿景酒店一樓 環境優雅 枱椅擺得夠寬敞 服務員好細心 成餐飯上菜節奏啱啱好 兩個人食得好滿足🍽️ 拔絲咕嚕肉 🍍 肉質結實爽口 外脆內嫩 酸甜汁調得好開胃 仲有拉絲效果 絕對係我食過最好味嘅咕嚕肉 好有驚喜 😋 脆皮黑松露炸雞(半隻) 🍗 雞皮好薄 炸得超級香脆 黑松露香味好突出 雞肉keep到嫩滑 熱辣辣食最正👌 炸蟹鉗🦀 炸衣夠薄 金黃香脆 入面仲有原隻蟹鉗肉 鮮甜飽滿 點少少甜酸醬更加提鮮 👍 椒鹽九肚魚🐟 炸粉薄脆 魚肉入口即融 椒鹽調味啱啱好 點少少喼汁一流 食完想encore💕 口水雞(小) 🌶️ 麻辣醬汁好惹味 雞肉滑溜 辣度適中好開胃😍整體黎講食物質素好高 最鍾意個拔絲咕嚕肉 🍍同椒鹽九肚魚🐟 環境同服務都好貼心 下次一定會再黎試其他菜式🥢

這間位於灣仔酒店內的中餐廳，環境高雅大氣，融合傳統與現代設計，給人一種典雅而舒適的感覺。餐廳以柔和的燈光營造溫暖氛圍，座位寬敞，讓客人可以輕鬆享受美食。- *炸蟹鉗* ：外皮金黃酥脆，一口咬下，香脆的炸衣包裹著細嫩的蟹肉，鮮甜味立即在口中散開。蟹肉扎實，毫不鬆散，搭配特製醬汁更加提升鮮味- *胡椒蝦* ：蝦殼炸至香脆，帶有濃郁的黑胡椒香氣，入口時辛香刺激，惹味十足。蝦肉彈牙鮮甜，胡椒的微辣感令味蕾充滿層次- *拔絲咕嚕肉* ：外層裹著一層均勻的焦糖，色澤金亮，甜香四溢。炸至外脆內嫩的豬肉搭配酸甜醬汁，每一口都能感受到肉質的鮮嫩和焦糖的脆感- *醬油安格斯牛柳粒石窩炒飯* ：炒飯粒粒分明，帶有醬油的香濃與石窩煲出的焦香氣息。牛柳粒選用安格斯牛肉，口感細嫩，肉汁濃郁，與米飯完美融合。石窩的熱度令每一口飯都保持溫熱，讓風味更添醇厚。

位於英皇駿景酒店內的駿景軒可說是中菜老字號，曾連續7年獲得米芝蓮一星殊榮，餐牌主打粵菜和川菜，款式繁多，裝潢一洗中菜館的俗套老氣，注入時尚氣息，散發摩登的東方韻味，還有多間VIP房，私隱度高。粟米鱈魚球 $468大件厚切的鱈魚球無骨啖啖肉，粉漿金黃鬆脆，裡面包著嫩滑雪白的魚柳，鱈魚味道清鮮，與粟米湯羹的甘甜味相輔相成，而又不會掩蓋食材本味。咖喱豬脾仔 $288一客份量超大，有齊四隻豬肶仔和一大個多士盒子，咖喱以薑黃粉和孜然粉等多種香料製作，最後落紅椒油加添層次，混合馬拉和印度風味，先蒸後炸的豬脾仔肉汁豐富，火候控制得剛剛好，麵包粒烘焗至外脆內軟，沾上濃稠的咖喱醬汁，微辛開胃。拔絲咕嚕肉 $268特意選用豬頸肉作食材，肉質鬆軟得來又爽滑，表層炸到輕薄酥脆，沒有被芡汁浸軟浸腍，咕嚕肉被絲絲縷縷的金黃糖絲緊密包覆著，夾起時更有拉絲效果，汁醬藕斷絲連，酸中帶甜的醬汁，令人胃口大開。醬油安格斯牛肉石窩炒飯 $238石鍋份量驚人，足夠2-3人分享，溫度夠熱，香氣撲鼻，從頭吃到底都可保持熱燙溫度，混合足料安格斯牛肉粒，牛味濃郁，炒飯粒粒分明，甚有鑊氣，將乾身軟糯的米飯拌勻後，充份吸收肉香和醬油精華。

灣仔的駿景軒，真係一個唔容錯過嘅高質中菜餐廳✨ 佢嘅菜式真係有驚喜！今次我試咗幾樣招牌菜，每一樣都好好食😝首先，炸蟹鉗真係好正！外脆內嫩，蟹肉鮮甜，配埋甜甜酸酸嘅醬汁，真係一口接一口，完全停唔落來🦀 胡椒蝦，蝦肉新鮮，胡椒味濃，唔會過鹹，啖啖都係肉，同埋啲蝦都好大隻😆滕椒魚就更加特別，魚肉滑嫩，滕椒醬香辣適中，唔會掩蓋到魚嘅鮮味，反而令整道菜更加提味，入邊仲有萵筍芽菜同埋薯粉，實在係一個好選擇👍最後，脆皮黑松露炸雞（半隻）就係重頭戲！雞皮炸得金黃酥脆，手撕雞肉鮮嫩多汁，黑松露嘅香氣更係令整個味道升華，每啖都係享受，令人回味無窮🍗總括來講，駿景軒無論係環境定係食物都好有水準，服務又友善，真係值得推薦俾大家👏

酒店果然是有保證！服務員有禮親切！瓦罉焗胡椒蝦🦐
一打開瓦罉，哇！濃濃嘅胡椒香撲鼻而來😍蝦大大隻而且新鮮到爆！蝦肉彈牙爽口，炸到殼都脆埋，胡椒味入晒蝦身，但又唔會辣到蓋過蝦嘅鮮甜，已經令我十分期待其他餸川味口水雞椒鹽九肚魚
口水雞嫩滑得像BB肌膚，醬汁係師傅自家調，又麻又香！椒鹽九肚魚細細一口size，炸到外脆內滑，點少少喼汁，肥膩感即刻bye bye，超啱我口味👍泡椒蒸魚雲🐟
泡椒都係自家製，魚雲新鮮零腥味，吸晒泡椒嘅精華，送飯簡直係神仙級享受😍 材料仲好足，食到停唔下來！醬油安格斯牛肉石窩炒飯
熱辣辣端上枱，牛肉粒香噴噴，飯粒分明仲有牛油香同微微飯焦，食到我同朋友爭住舀，實在太正😋甜品時間仲有驚喜！送咗兩款糖水😍
雪耳南北杏糖水 清甜滋潤，飲完喉嚨都舒服晒～
腐竹白果薏米糖水 腐竹香濃，白果煮得啱啱好，有咬口又唔會太甜，薏米加分，完美收尾！總括嚟講，食物美味，服務貼心，環境一流，真係五星級嘅享受！下次仲要再嚟，帶多啲朋友一齊開心share😜