騷 (已結業)

以為諾士佛台黎黎去去得樓下幾間bar飲野吹水，但原來樓上有一間有live band表演既bar呢。呢間bar唔止有live band，仲係主打手工啤架添。經店員推介下，我地就叫左呢兩款手工啤cocktail。Earl Grey Sandy ($108)Base係用Gwei lo呢款手工啤黎整既，呢款手工啤口味清爽，令Earl Grey味更突出。Salty Lemon Sandy ($108)Base係Yong Master Salty Beer，加上鹹酸檸，味道好有鹹檸七feel，夠哂local，不過呢種味真係唔係個個接受到，因為真係有種擺左老年既味道咁哈哈。蟹餅伴芒果莎莎 ($68)蟹餅細細件方便食用，外面炸得脆口，裡面既蟹肉豐富，一絲絲咁好足料，配上芒果莎莎一d都唔膩。All day breakfast ($98)ADB都有得食呢，質素都不過不失，黑松露炒蛋幾香。呢度環境好岩幾個女仔靜靜地傾計，好舒服好自在。

返工辛苦，放工想去吹下水，飲下野朋友就提議不如上樓上BAR，可以飲酒之餘，又可以醫肚，仲有樂隊表演七點幾左右上到去，個場都好FULL，但等左陣就有位 媽媽雞翼 其實就去半煎炸既雞翼，外皮都炸得幾香脆，醃得入味重點係冇雪藏味海龍王 經店員推介後，叫咗海龍王 店舖入面嘅酒精飲品 ，都改左新奇古怪嘅名，有D完全摸不著頭腦好彩有店員既幫手我就揀左款比較容易入口既啤酒海龍王味道較甜，女生容易入口，但又未去到果汁酒咁甜，我自己都好喜愛 黑松露大啡菇意粉 黑松露好香，大啡菇好大塊 而這個配搭一向都係永恆之作意粉滑溜溜，份量都頗多雖然無肉食，但松露同菌類都好香，味道唔會好寡食到大約八點幾 ，LIVE SHOW就開始樂隊會同客人、店員交流，所以興奮唔錯 我地仲可以點歌添而估佢唔到既係，係BAR到有西樂同中樂合奏效果又唔錯BO

星期五夜晚四個女仔諗住去呢間餐廳好開心心食下飯傾吓計八點去到 上到去地方唔大 大約坐到40人 環境都唔錯有liveband 幾有情調 不過如果要傾計就比較嘈小小四個人一人一杯drink兩個沙律兩個意粉飲品好快就到左  陸陸續續兩個沙律都到左食完哂啲沙律 再過左20分鐘見意粉未到就催下個女侍應 意粉仲未到最後回覆：「因為今日比較多客 要等耐小小」同時我地再加單叫左 雞翼同埋粟米片如是這再等多20分鐘 再追單得到既答覆係：「你地order既野食已經到齊啦」姐係漏左單! ! ! 侍應冇幫我地諗補救既方法亦都冇問我地仲需唔需要d 食物  只係將我地既餐具收走我地四人都好嬲 個侍應又冇幫我地加單 又冇追意粉單事後又冇任何補救方法亦都冇道歉其實冇咩服務可言埋單四杯飲品 兩個沙律 多謝620蚊以。後。都。唔。會。再。幫。襯！

今日有朋友約我去食晚飯去咗尖沙咀諾士佛臺呢間上樓coffee shop，呢間coffee shop有live band食完飯live band開始，過咗一個好開心嘅晚上呀 ，但係我都一定要介紹一下呢間嘢嘅嘢色都非常好食 因為我哋兩個比較早食飯，所以上到去嘅時候未有咁多人，餐廳環境細細但係畀人一種好溫馨同好舒服嘅感覺 不過首先我要介紹番啲食物先，我哋一樣嘢想食媽媽雞翼先講下雞翼佢地炸到好脆好香，雖然等就等得耐啲我，但我就覺得值得等待啲小食，主菜我叫咗個香蒜帶子炒意粉，個意粉剛剛好唔太淋，帶子好新鮮，又大件加上佢又唔會太干身非常正未飲酒前都要叫杯飲品嘅我叫咗杯蘋果汁都好好飲

喺尖沙咀唔多有live music既 bar，如果想靜靜地同friend 一路傾計一路聽 live music 既地方更少之又少，今次喺朋友介紹下黎到呢間清吧試試~我地去到已經有live聽，正！呢度唱既歌大多係本地抒情歌，可以好舒服咁聽歌食飯，唔洗怕會嘈到傾唔到計。食物方面都有幾多選擇，我地幾個就叫唔同款再share食，試多啲唔同野！小食 炸大啡菇好香口，調味亦做得幾好，配埋黑松露醬，真係好正！小食 墨西哥餅味道酸酸辣辣，好脆好開胃，做頭盤小食一流！小食 芒果帶子芒果配帶子呢個配搭好清新，芒果既甜味配上帶子既鮮味，好夾好好味！主菜 蟹肉忌廉意粉呢個要推薦推薦！蟹肉好多好入味，意粉醬汁調較得岩岩好！正！主菜 香蒜辣椒帶子意粉呢個炒意粉好香口，蒜味調較得不會太濃又不太淡，讚！另外，亦唔會煮到好辣，岩曬唔太食得辣既我。黎到 live bar 又點可以唔飲啤酒呢，呢度既手工啤酒好特別！味道都係餐廳自己研製既，值得一試！

黑松露大啡菇意粉 $98——————————————整體得分：6.5分（10分滿分）——————————————👅食評：今次黎平咦間叫騷嘅餐廳 ，餐廳嘅氣氛幾好，定期會有Live show！幾岩幾個朋友放工黎吹下水，飲下手工啤☺️.叫左個黑松露大啡菇意粉，咁意粉嘅軟硬算係適中，唔會淋到一pat大啡菇嘅香菇都算幾香，雖然有少少👅好驚嘅青味，不過青得黎舒服嘅，唔會搞到👅反胃。雖然粉意同菇都油左少少，但可以接受嘅☺️加上主要原因應該係煮大啡菇需要比較多油，先可以帶出佢嘅香味同僻到菇嘅怪味黑松露味就稍為輕左啲，就連好怕松露味嘅👅都接受到，價錢都算合理嘅，始終黑松露同菇菇。

尖沙咀的諾士佛臺有大量酒吧，今次經過都不為所動，佳因同朋友已經鎖定目標，今次係樓上酒吧餐廳。一入門口就看到餐廳正中設有live band setting，背景還有店名「騷」，既有酒飲，又有美食，還有live band聽，真係一次滿足三個願望。呢度有多款手工啤酒選擇，有少爺麥啤的手工啤酒；麥子的手工啤，一點也不陌生，經常都見到，口味獨特。而飲品當中吸引我的是手工啤酒的雞尾酒，令味道更多變而又更易入口，非常岩女仔飲。另外，唔飲酒既朋友，可以選擇mocktail，較受歡迎的有藍蝶花調製成的特飲，又靚又吸引。蒲提老祖 $108，由ElderBerry Cider手工啤、檸檬、糖漿等調成，而且手工啤會另上，客人可以自己倒入杯中。我先飲一口手工啤酒，味道微酸帶甜，有點似紅酒的味道，很易入口。加入了啤酒的雞尾酒，除左份量夠多，而且酒精度不太高，所以女仔或淺嘗酒精的朋友都不怕醉。味道更似紅酒，且帶檸檬清爽及少少酸，就像有氣的紅酒特飲。墨西哥芝士粟米片（配自家制蒜香醬）$88，焗得好香，又大盤。有肉醬、蕃茄粒及芝士，可惜用的是芝士片，冇拉絲效果，而且芝士份量較少。幸好有自家制醬料，多份蒜香味令粟米片更惹

今日朋友帶左我去尖沙咀諾士佛臺呢邊輕鬆下,可以一邊聽live music,一邊飲下酒,食下野食...環境舒適,而且主唱揀既歌唔會太嘈,氣氛錯本地薑$108:由Ginger,Vanilla Syrup,Lemon,Mak's Ginger Beer(Bottle)以成的.上面有層應該係肉桂粉,而下層係香草糖漿同一舊薑,加入薑味啤酒後,入口薑味非常明顯,辛辣中帶點甜,反而無咩啤酒既苦澀味,味道很順口不刺激香煎帶子伴芒果沙沙(3pcs)$98:大大粒又鮮味既帶子,2邊都煎至金黃色,內裡嫩滑帶爽,伴上既芒果沙沙甜甜地,感覺清新開胃 All Day Breakfast$98:黑松露炒蛋-黑松露好重手,未食已經聞到松露香! 炒蛋口感軟滑.啡菇-菇味香濃,口感十足.沙律菜-清爽鮮嫩.薯餅-薯味重,香脆可口.紐倫堡腸-肉味濃郁,肉質鮮嫩有彈性.茄汁豆-微暖,味道微酸開胃.牛角包-濃郁既牛油香味,口感香脆.

星期日想好D，依家物價指數係甘升、想食好D，又想荷包唔縮水，尼間騷真係首選吖，雖然樓上鋪，但係好易搵到。前菜我選擇左香煎帶子配芒果他他、天氣好悶熱，胃口不佳，但係尼個前菜完全打開我嘅味蕾，芒果好甜配西紅柿碎香草，已經好清新，大大粒嘅帶子兩邊都煎得非常金黃，咬落去感覺好正，芒果味又唔會搶去帶子的鮮味，帶子好彈牙，好有口感，小小胡椒味，非常甘夾👍蟹肉忌廉意粉，係超級心心眼，好好味，蟹肉真係原隻蟹羅出黎嘅新鮮蟹肉，好味都不得了，意粉被滑滑嘅忌廉包圍住，好滑、加埋蟹肉一齊食，增加了成個層次，蟹肉好鮮甜，尼個意粉都不過$100z真係好抵食👍Pineapple汁好有🍍菠蘿味，酸甜適中、唔錯👍夜晚應該仲正、下次夜晚再去玩下食下開心下🤗😘

.平時返工一定好攰啦，放工又想同朋友揾個好地方聽吓音樂吹下水？呢度就啱晒你啦，鋪頭名叫做「騷」，騷唔代表姣啊，騷一字源自於黑人嘅騷靈音樂，亦有代表靈魂咁解。.而且餐廳亦會舉辦不同嘅音樂派對，例如早前有C AllStar嘅Jase曾經舉辦一個迷你音樂會，吸引過百人到場，加上店主亦非常歡迎對音樂有興趣的人來表演，絕對值得一讚。.Mini pork burger $98漢堡用上手打豬肉，保持肉汁鮮嫩外更入味。.All day breakfast $98份量適中，尤其是黑松露炒蛋夠滑，女士們絕對喜歡。.除此之外，餐廳仲提供各款本地手工啤酒，由果味較重的以至大麥濃味啤酒亦有供應，而且各款啤酒嘅組合亦十分趣緻，喜歡音樂的朋友不妨考慮一試。.騷 (尖沙咀)尖沙咀諾士佛臺9號冠福中心9樓904室

T 小姐今夜帶我來到諾士佛台的酒吧, 起初我還以為是地下的 酒吧, 原來這家SOUL 是在樓上的酒吧CAFE, 環境比下面的較靜, 岩哂啲我地呢啲斯文女仔靜靜傾計。入座之後, 研究了一輪MENU,有個靚仔見我咁疑惑便立即過來介紹佢地 最出名的飲品, 本地品牌手工啤!MENU 上還有多款名字特別的COCKTAIL! 由於T小姐愛飲BEER, 所以我地一於試試這個特別品牌的手工啤: 油麻地果欄( APPLE CIDER) 和海龍王(DRAGON KING FUJIAN RADLER)。油麻地果欄( APPLE CIDER), 靚仔店員話佢啲蘋果係油麻地果欄攞貨釀製, 酒精濃度3%, 入口濃濃蘋果和麥味, 比起SOMERSBY, 更為香濃, 更似啤酒!海龍王據T小姐的描述, 亦是重西柚果味及酒味!T小姐愛蟹, 故此點了個蟹餅和蟹肉意粉。蟹餅即叫即炸, 香脆內軟, 入面一梳梳蟹肉, 配以芒果肉, 小許酸甜又香口,很好送酒! 蟹肉意粉非常CREAMY, 蟹肉豐富! 熱哹哹的炸魷魚圈配以GARLIC SAUCE,非常開胃! MINI BURGER 又是一看MENU 便不能拒絕的菜式, 賣相精緻可愛

Happy Friday 梗係要同朋友出去輕鬆下啦! 尖沙咀諾士佛臺就出咗名多酒吧，平時就去開地鋪，今次就同朋友捐窿捐啦搵左間樓上bar!今次呢間樓上bar，雖然地方唔大，但都睇得出店主係裝修方面，落咗唔少心機，有不少外國風嘅鐵牌，再配合昏暗嘅燈光，都幾有風味嫁。加上，餐廳預留左一大部份位置安放音樂器材，安排樂手表演，等客人可以一路聽歌一路食飯。因為餐廳主打酒精飲品，所以食物種類都唔算特別多，但係勝在主菜、小食樣樣有啲，唔會食唔飽。今次叫咗香蒜辣椒帶子意粉，意粉份量充足，又有三大粒帶子，再配上三色椒做伴菜，顏色都幾靚，引起食慾！帶子大大粒，感覺都幾新鮮，尚算彈牙，而意粉硬度適中，帶有蒜香同黑椒味，香香辣辣，味道啱啱好。因為想送下酒，所以仲叫多咗一個小食魷魚圈，魷魚圈炸到卜卜脆，炸粉唔好過厚，魷魚亦無因為炸得太耐而變靭，再配合埋餐廳特製嘅蒜香醬，食落就好惹味，醬汁有好重蒜香味，仲有小小蒜粒，增加咗個口感。餐廳主打手工啤酒，種類實在太多，睇到我眼都花，都未決定好要揀啲邊枝。所以就叫咗店員介紹，店員冇嫌我麻煩，仲好仔細咁同我推薦返添！最後就揀咗呢枝香港系列嘅油麻地果欄，其實佢係一枝蘋果酒，比

聽個蒲開酒吧既朋友講最近林立嘅諾士佛臺開左間樓上酒吧，於是就約左成幾丁友上去試下。 一入到去就見到中間場地係一個夾ＢＡＮＧ既地方，聽店主講會邀請愛音樂既人上黎分享，店主唔會刻意限制樂隊類別，只想係酒吧度製造一個音樂小平台彼此欣賞。雖然場地唔大，但勝在夠ＦＥＥＬ！ 好喇，入黎酒吧坐底緊係要睇下有咩野食同野飲架啦！雖然小食同主食唔算話好多元化，但以主打野飲既酒吧黎講都算中規中矩。店主好熱情咁推薦我地試下本地啤酒。其中一款係蘋果啤：蘋果味唔太重，亦唔係好甜既一款啤酒，感覺係好清新。另一款係（唔記得咩啤）：較甜同酒味無咁重，適合鍾意口感較juicy既人飲。食物方面就叫左黑松露大啡菇意粉：大啡菇配埋黑松露好夾。

去諾士佛台用餐都想同friends happy hour 。飲番杯野同朋友盡數心底話。地下酒吧略嫌嘈吵及顧客太多未必係一個合適之選。我唔打唔撞搵到一間以樓上cafe ,手工啤酒做招來餐廰。裝修簡約令你感覺自在。佢drink menu 有幾頁，whisky、手工啤酒、Mocktail等應有盡有。我地最後選擇比較fruity 重手工啤酒。右手邊apple cider (油麻地果欄）88元。以新鲜蘋果釀製而成，好香蘋果香氣，飲落無甘甜，麥味會重d,不似出面蘋果酒過重果汁而變到好假。左手邊係fujian Radler (海龍王）88元。陣陣清新柚子醸掣beer 內。陣陣柚子味令啤酒甘易入喉。女孩子一定試試，唔太甜😸先來二個餐前小食，第一炸魷魚圈（配自家蒜香醬）48元，魷魚圈炸到剛好，外脆內軟，新鮮唔錯，汁醬美味。第二款是蟹餅伴芒果沙沙，68元，在炎炎夏日裡食酸甜生果做食材非常配合。蟹餅充滿蟹肉，又靚又好食。手打豬肉mini burger ,98元，多汁及厚厚免治豬肉配合少量蔬菜非常好，一啖一囗，女仕們可保持儀態地進食。蟹肉忌廉意粉（98元），一定趁熱食，啖啖蟹肉再加creamy 汁底無得輸.大

聽朋友介紹tst新開左間本土嘅酒吧。專賣本土啤酒、支持本土音樂，會有本地嘅樂隊上黎表演，就專誠約咗個朋友一齊上嚟睇吓啦😍😍喺聽表演之前，我哋就叫咗野食先。帶子伴芒果莎莎，芒果同帶子意想不到嘅夾😍👍🏼我叫左杯Apple cider ， 呢度嘅Apple cider 比出邊嘅好飲，冇咁甜，飲落去似係蘋果味嘅白酒，鍾意飲白酒嘅朋友又唔想咁dry 會鐘意☺️☺️☺️另外我哋又食咗個Mini Burger，呢個burger都係誠意推介，個漢堡嘅水準拍得上同出邊專食burger 嘅餐廳😍😍蟹肉忌廉意粉蟹肉份量好多，意粉亦好creamy😋😋👍🏼👍🏼